အန်တီသိစေအပ်ပါသည်။

အန်တီခင်ဗျား။
စင်္ကာပူမှာနေတဲ့ကျွန်တော့်မိတ်ဆွေတစ်ဦးဟာ၊အခုလာမဲ့နှစ်မှာ၊ငါးနှစ်
ပြည့်တော့မယ့်၊သူ့ကလေး၊မြန်မာပြည်မှာကျာင်းပြန်ထားတော့မှာမို့၊
သူငယ်တန်းဖတ်စာအုပ်ကို၊လေ့လာကြည့်တဲ့အခါ အောက်ပါအလွဲတွေကို
တွေ့ရှိရတယ်လို့ဆိုပါတယ်။

ခ-ခရေကုံးမလေးပြုံး ( ခွဲထား မပါရှိ - စာမျက်နှာ ၁ )
ငါတီု့ စာသင်ကျောင်း ( စာမျက်နှာ - ၂၁ )
ညီညီညာညာ အနီးလား ( စာမျက်နှာ -၂၃ )
ထီး ယူလားသလား ( စာမျက်နှာ -၂၅ )
သားကလေး တီကာတာ( စာမျက်နှာ -၂၉)
မမောပန်းပါ ( စာမျက်နှာ - ၃၈ )
ခြွေး ( ရေးထုံးမရှိ စာမျက်နှာ -၅၄ )
တို့တစ်တွေ ( တို့တတွေ ဟုသာရေးထုံးရှိ၊စာမျက်နှာ ၆၄ )

အဲဒီအလွဲတွေကိုဖတ်ရှုရတဲ့စာဖတ်သူအချို့ဟာ၊အောက်ပါမှတ်ချက်
များကို၊ပြုကြပါတယ်။

 "ဆရာ ဆရာမ လစာက နှစ်ပဲခြောက်ပြားနဲ့မက်စရာမရှိ မက်လုံးလည်းမရှိ၊စာတော်တဲ့သူအများစုက ဆရာဝန်/အင်ဂျင်နီယာပဲ
လုပ်ကြတယ်။ဆရာ ဆရာမလုပ်တဲ့သူရှားတယ်။
ကိုယ်နဲ့ရွယ်တူတွေပြန်ကြည့်မိတော့ ဆရာ ဆရာမ လုပ်နေတဲ့သူတွေက
အတန်းထဲမှာ စာညံ့ခဲ့တဲ့ကောင်တွေချည်းပဲ 😜
အဲ့ဒီလူညံ့တွေက သင်နေမှတော့ မမျှော်တော့နဲ့"

"သူပြောတာလည်း မှန်တယ်။အစ်မတို့ ၁၀တန်းပြီးတော့ စာအညံ့ဆုံး
သူငယ်ချင်းတွေက Arts & Science မှာ ယူသူနည်းတဲ့ ဘာသာတွေယူ၊
ဘွဲ့ရပြီးဆရာမ ဝင်လုပ်ကြတာ များတယ်။ အခုအပြင်ကျူရှင်တွေနဲ့
လက်မလည်အောင် သင်နေရတယ်"

"​ပြောတာအမှန်ပဲမို့​ထောက်ခံပါတယ်။အတန်းထဲအညံ့တကာ့အညံ့ဆုံး
ဆိုတဲ့လူ​တွေဖြစ်ယုံတင်မဟုတ်ပဲအ​ဝေးသင်တက်ပြီးဘွဲ့ရမှ​ကျောင်း
ဆရာ​လျှောက်​သူအများစုပါ​သေးတယ်​ ပြင်​ပစာ​ပေဖတ်​ရှု​လေ့လာမှုနတ္ထိ"

"သိပ္ပံမတော် တဲ့ သူတွေ ဝိဇ္ဇာမှာ တော်တတ်ကြပါတယ်။ ဆရာလုပ်ချင်တဲ့သူမှာ
ဆရာလုပ်လို့ ရမည့် အရည်အချင်း ရှိရမယ် ဆိုတာလည်း သိကြပါတယ်။
ခက်တာက အလုပ်ကို အလုပ်လို တန်ဖိုးထား မလုပ်ကြတာပါ"

"၀က မျိုးသိန်းကြီးတော့ အဖြုတ်ခံရမယ့် စာရင်းမှာ ပါတယ် ပြောတာပဲ"

.................

အထက်ကဖော်ပြခဲ့တဲ့ကောက်ချက်အများစုဟာ၊ဆရာဆရာမတွေ
အပေါ်အဓိကဦးတည်ပစ်မှတ်ထားတာမို့၊ကျွန်တော့်အနေနဲ့တော့
မှားယွင်းတဲ့ကောက်ချက်တွေလို့ယူဆပါတယ်။ကျောင်းဆရာ၊ဆရာမ
တချို့ဟာ၊စာညံ့ကောင်းညံ့ကောင်းညံ့ခဲ့ပါလိမ့်မယ်။အများစုဟာ၊
စေတနာမညံ့ကြဘူးဆိုတာ၊ကိုယ်တိုင်ကျောင်းဆရာလုပ်ခဲ့ဖူးသူတစ်
ယောက်အနေနဲ့၊ရဲရဲတင်းတင်းပြောရဲပါတယ်။စာတော်ပါလျက်၊ဘဝ
ပေးအခြေအနေအရပ်ရပ်အရရ၊တချို့ဝါသနာအရ၊ကျောင်းဆရာ၊
ဆရာမဘဝကိုခံယူခဲ့သူတွေအများကြီးပါ။

...................

အန်တီ့အနေနဲ့နိုင်ငံကိုစည်ပင်ဖွံ့ဖြိုးဖို့ဆိုရင်၊ပညာရေးကဏ္ဍကိုမြှင့်တင်
နိုင်မှ၊ဖြစ်မယ်ဆိုတဲ့ခံယူချက်အတိုင်း၊ပညာရေးအသုံးစားရိတ်တွေ၊
သိသိသာသာတိုးမြှင့်သတ်မှတ်ပေးခဲ့တာလည်း၊အလွန်ကျေနပ်အားရ
စရာကောင်းလှပါတယ်။နတ်လူသာဓုခေါ်ကြပါတယ်။

ဒီကြားထဲကနေ၊အခုလို ခွင့်လွှတ်နိုင်စရာမကောင်းတဲ့၊ကိစ္စတွေ၊ဘာ
ကြောင့်ပေါ်လာရပါသလဲဆိုတာ၊ဆန်းစစ်ကြည့်စေလိုပါတယ်။
အခုဖော်ပြထားတဲ့ကျောင်းသုံးစာအုပ်ရိုက်နှိပ်တဲ့ခုနှစ်နဲ့၊မည်သည့်
ပညာသင်နှစ်အတွက်ရိုက်သလဲဆိုတာ၊ပထမဆုံးဓာတ်ပုံမှာမြင်နိုင်
ပါတယ်။သုံးနှစ်စာကြိုရိုက်ထားတာကိုမြင်တွေ့နိုင်ပါတယ်။

ဘယ်သူတွေရိုက်သလဲ။ဘာကြောင့်အများကြီးကြိုရိုက်ထားသလဲ။
ဘာကြောင့်အမှားတွေပါသလဲ၊ဆက်တွေးကြည့်ပါရစေ။

ပညာရေးဝန်ကြီးဌာနကျောင်းသုံးစာအုပ်ကော်မီတီကိုရိုက်နှိပ်ပါ
တယ်။အနိမ့်ဆုံးညွန်ကြားရေးမှူးချုပ်ကတာဝန်ခံရပါတယ်။အဲဒီ
ညွန်ကြားရေးမှူးချုပ်ဟာ၊ဘယ်ကနေလာပါသလဲ။သူဟာ၊နောက်
အစိုးရတက်လာရင်လည်း၊သူမပြုတ်ဘူးဆိုတာကြိုသိနေသူဖြစ်
ပါတယ်။သို့မဟုတ် ကြိုသိနေသူတစ်ဦးဦးရဲ့လမ်းညွန်ချက်အရ
လုပ်ဆောင်ခဲ့တယ်ဆိုတာ၊ပေါ်လွင်လာပါတယ်။

အိမ်သာသုံးစက္ကူသာသာလောက်သာရှိတဲ့စာအုပ်အရည်အသွေးနဲ့
မှင်ကျမှင်နတွေကိုကြည့်ရင်၊ဒီစာအုပ်တွေဟာ၊ပြင်ပပုံနှိပ်လုပ်ငန်းတစ်
ခုခုကိုတင်ဒါခေါ်ပြီး၊ရိုက်နှိပ်တာသေချာပါတယ်။အဲဒီတင်ဒါဟာလည်း
လက်သိပ်ထိုးခေါ်တဲ့တင်ဒါဆိုတာ၊ပြေးကြည့်စရာမလိုအောင်၊ထင်ရှား
ပါတယ်။(တကယ်တမ်းခွင်ရိုက်သည်ထားဦးတော့။စေတနာပါမယ်ဆို
ရင်၊ပညာရေးဌာနက ပညာရှင်တစ်ယောက်ကိုတာဝန်ပေးလိုက်ရင်
တောင်ဒီအမှားမျိုးမကြုံတွေ့နိုင်ပါဘူး။စေတနာမပါဘူး။ငွေရပြီးရော
မျက်နှာလွှဲခဲပစ်လုပ်ခဲ့တာ၊သိသာနေပါတယ်။ပညာရေးနဲ့စတင်ထိတွေ့
မဲ့၊မူလတန်းကလေးငယ်တွေကို၊အခြေခံကျကျ၊ရည်ရွယ်ချက်ရှိရှိ၊စတင်
ဖျက်ဆီးတဲ့လုပ်ရပ်မို့၊ဘယ်နည်းနဲ့မှ ခွင့်မလွှတ်ထိုက်ပါဘူး။)

သူငယ်တန်းကနေ၊ဒဿမတန်းအထိ၊နှစ်စဉ်ဒီလိုစာအုပ်တွေ၊အရေ
အတွက်ဘယ်လောက်ရိုက်နှိပ်သလဲ။သူငယ်တန်းဖတ်စာအတွက်သုံးနှစ်စာ
(၅၆၀၀၀၀)ရိုက်တယ်ဆိုရင်၊တနှစ်ကိုအုပ်ရေနှစ်သိန်းနီးပါးရိုက်ပါတယ်။ဒါဟာ
တစ်ဘာသာတည်းရှိပါသေးတယ်။အတန်းစုံဘာသာစုံဆိုရင်၊အနည်း
ဆုံးအုပ်ရေဆယ်သန်းကျော်ရိုက်ရပါလိမ့်မယ်။

ဒါဆိုရင်၊လက်သိပ်ထိုးတင်ဒါထုံးစံအတိုင်း၊အဲဒီစာအုပ်တွေကိုရိုက်နှိပ်
ခွင့်ပုဂ္ဂိလ်နဲ့၊သူ့အုပ်စုဟာ၊တစ်အုပ်ကိုအာရကေ(ဖြတ်စားငွေ)ငါးရာ
ကျပ်နှုန်းနဲ့တွက်ကြည့်ရင်၊နှစ်စဉ်ကျပ်သိန်းငါးထောင်လောက်
အိပ်ကပ်ထဲကိုထည့်နိုင်နေပါတယ်။သုံးနှစ်စာရိုက်ခဲ့တဲ့ပုဂ္ဂိုလ်ဟာ
ကျပ်သိန်းပေါင်းတစ်သောင်းကျော်၊ထည့်သွားပါပြီ။

ဒါဟာပညာရေးဝန်ကြီးဌာနရဲ့ဦးစီးဌာနတစ်ခုတည်းသာရှိပါသေးတယ်။
ကျန်တဲ့ဦးစီး၊ကျန်တဲ့ဦးစီးဌာနတွေရဲ့ယိုငွေတွေကိုတွက်ကြည့်လိုက်ရင်
အန်တီနဲ့အန်တီ့အစိုးရအဖွဲ့အနေနဲ့တိုင်းပြည်အပေါ်ထားသမျှစေတနာ
တွေဟာ၊သဲထဲရေသွန်ပါပဲ။ခြင်းကြားထဲရေသယ်နေသလိုပါပဲ။

ကျွန်တော်အကြံပြုချင်တာကတော့၊ဒီစာအုပ်တွေကိုအမြန်ဆုံးပြန်လည်
သိမ်းဆည်းပါ။စနစ်တကျပြန်လည်ပြင်ဆင်ထားတဲ့၊စာရွက်အမျိုးအစား
မှင်ကျမှင်နကောင်းတဲ့၊စာအုပ်တွေနဲ့အစားထိုးစေလိုပါတယ်။အဲဒီစာအုပ်
တွေကို၊တာဝန်မဲ့စွာတာဝန်ယူရိုက်နှိပ်ခဲ့တဲ့၊ပုဂ္ဂိုလ်တွေကို၊ရာထူးကချက်
ချင်းထုတ်ပယ်သင့်တဲ့အပြင်၊ထိုက်သင့်တဲ့ပြစ်ဒဏ်တွေကျခံစေသင့်ပါတယ်။

.....................

ဒါတင်မကသေးပါဘူးအန်တီ။ပညာရေးဝန်ကြီးလိုပဲ၊အခြားခြားသော
ဝန်ကြီးဌာနတိုင်းမှာလဲ၊ပြည်သူ့အစိုးရတက်မလာခင်လက်မတင်အချိန်
လေးမှာပဲ၊ဖုတ်ပူမီးတိုက်ခန့်ထားခဲ့တဲ့မိုးကျရွှေကိုယ်၊ဒရိုဂျင်အမြဲတမ်း
အတွင်းဝန်မင်းတွေရှိနေကြပါတယ်။သူတို့ဟာဒီနေရာတွေကို၊အလို
အလျောက်မျက်စိလည်လမ်းမှားပြီးရောက်လာခဲ့ကြတာမဟုတ်ပါဘူး။
တချိန်မှာငါတို့၊မဲအကြီးအကျယ်ရှုံးလိမ့်မယ်။တက်လာတဲ့အစိုးရသစ်
ဟာ၊တိုင်းပြည်ကောင်းစားအောင်၊အားသွန်ခွန်စိုက်လုပ်ကြလိမ့်မယ်။

အဲသလိုလုပ်ဆောင်ချက်တွေကြောင့်၊တိုင်းပြည်မြန်မြန်တိုးတက်လာ
တာနဲ့အမျှ၊နောက်ကြောင်းမအေးတဲ့သူတို့ဘဝတွေမလုံမခြုံဖြစ်လာ
မှာကို၊အတိအကျသိနေတာကြောင့်၊စနစ်တကျကြိုတင်တွက်ချက်ပြီး
အဲဒီအဖျက်အမှောင့်ပုဂ္ဂိုလ်တွေကို၊ဒရိုဂျင်နောက်ခံတပ်အဖြစ်ထားခဲ့
ကြတာပါ။သိကြားမင်းဆင်းလာပြီးဝန်ကြီးလုပ်ရင်တောင်၊အောင်မယ်
လေး၊အဘလေး၊တပြီးပြေးရအောင်ကြိုတင်ကြံစည်ထားတာပါ။

လျှပ်စစ်ဝန်ကြီးဌာန၊စီမံကိန်းနှင့်ဘဏ္ဍာရေး၊ဆောက်လုပ်ရေး၊ပြန်
ကြားရေးစတဲ့ဝန်ကြီးပေါင်းစုံမှာသာမက၊သမ္မတရုံးနဲ့အန်တီ့ရုံးမှာ
ပါ၊ဒီလိုပုဂ္ဂိုလ်တွေရှိနေတယ်ဆိုတာ အန်တီကျွန်တော့်ထက်အများ
ကြီးပိုသိတယ်လို့ ယုံကြည်ပါတယ်။

အဲဒီလူတွေဟာ၊ဝန်ကြီးဌာနအားလုံးရဲ့မောင်းနှင်အားကို၊တုံ့နှေးစေ
ပြီး၊အရင်ခေတ်ဟောင်းကလိုပဲ၊နေမြဲ၊ခိုးမြဲ၊ကောက်ကျစ်စဉ်းလဲမြဲ
ဆိုတာ၊အသိပေးလိုပါတယ်။တိုင်းပြည်အုပ်ချုပ်မင်းလုပ်ရာမှာ
မေတ္တာတရားအရေးကြီးသလို၊အိပ်ပေါက်နဲ့ဖားကောက်သလိုမဖြစ်
ရလေအောင်၊လူမသမာတွေကို၊ပြင်းပြင်းထန်ထန်နှိပ်ကွပ်ဖို့လည်း
လိုပါတယ်။ဒါဟာမင်းကောင်းမင်းမြတ်တွေရဲ့ကျင့်ဝတ်ပါပဲ။
တာဝန်ပါပဲ။

နိဂုံးချုပ်အနေနဲ့၊အန်တီခန့်အပ်ထားခဲ့တဲ့၊ဝန်ကြီး၊ဝန်ကြီးချုပ်တွေထဲ
က၊အရည်အချင်းမပြည့်မီသူတွေ၊ကိုယ်ကျိုးရှာသူတွေ၊စုန်းပြူးတွေ
ကိုစိစစ်ထုတ်ပယ်နေသလို၊အခုရည်ညွန်းဖော်ပြထားတဲ့၊မိုးကျေရွှေ
ကိုယ်၊ရွှေကိုယ်တော်များကိုလည်း၊အမြန်ဆုံးစိစစ်ဖယ်ထုတ်သင့်
ပါကြောင်း၊တင်ပြသိစေအပ်ပါသည်ခင်ဗျာ။

တိုင်းပြည်ကောင်းကျိုးအတွက်၊အမှန်တရားအတွက်၊အန်တီလုပ်
ဆောင်ချက်တွေကို၊ပြည်သူအများစုက၊ဆက်လက်ထောက်ခံဝန်း
ရံသွားမယ်လို့ကျွန်တော်ယုံကြည်လျက်ရှိပါတယ်။

အန်တီကိုယ်စိတ်နှစ်ဖြာရွှင်လန်းချမ်းမြေ့ပါစေ။

လေးစားစွာဖြင့်၊

မောင်ဒင်
ဇန်နဝါရီလ(၁၁)ရက်၊ညဥ့်(၂း၀၆)နာရီ
ဖူးခက်ကျွန်း။ထိုင်းတောင်ပိုင်း။ ။

https://m.facebook.com/story.php?story_fbid=378114472634060&id=100013065300199