"ဓနုဖြူခရီးစဉ်မှာဒေါ်အောင်ဆန်းစုကြည်လုပ်ကြံခံရမှုဖြစ်စဉ်အကျဉ်း"

ပြောရမယ်ဆိုရင် အင်အယ်ဒီအထွေထွေအတွင်းရေးမှူးဒေါ်အောင်ဆန်းစုကြည်ရဲ့ဧရာဝတီတိုင်း တတိယခရီးစဉ်မှာပါ။ အဲဒီခရီးစဉ်မှာ ကျွန်တော်က ခရီးစဉ်ရေးဆွဲရေးတာဝန်ခံအနေနဲ့တာဝန်ယူခဲ့ရပါတယ်။ ညောင်တုန်း၊ပန်းတနော်နဲ့ဓနုဖြူမြို့တွေကို စည်းရုံးရေးခရီးစဉ်ထွက်ဖို့အတွက် ဒေါ်အောင်ဆန်းစုကြည်ရဲ့ ဧည့်ခန်းစားပွဲမှာ ဒေါ်အောင်ဆန်းစုကြည်၊ဦးဝင်းခက်ဦးတင်ထွဋ်နဲ့ကျွန်တော် တို့ဆွေးနွေးခဲ့ပါတယ်။ ခရီးစဉ်ကိုရေးဆွဲဖို့ မြို့နယ်အင်အယ်ဒီခေါင်းဆောင်တွေနဲ့ အရင်ဆင်းညှိနှိုင်းဖို့ ကျွန်တော် တစ်ယောက်ထဲ ဆင်းခဲ့ရပါတယ်။ညောင်တုန်းမြို့နယ်က အင်အယ်ဒီခေါင်းဆောင်တွေဖြစ်တဲ့ ဦးသာစိုး၊ဒေါက်တာအုန်းကျော်၊ဓနုဖြူမြို့နယ်က အင်အယ်ဒီခေါင်ဆောင်တွေဖြစ်တဲ့ ဦးကျော်မင်း(သွေးဆေးတိုက်ပိုင်ရှင်)၊ဦးပါ၊ကိုကျော်ဝင်း၊ကိုသန့်ဇင်တို့နဲ့တွေ့ဆုံပြီးဆွေးနွေးညှိနှိုင်းခဲ့တာအဆင်ပြေခဲ့ပါတယ်။ဓနုဖြူမြို့နယ်ခေါင်းဆောင်တွေရဲ့တောင်းဆိုမှုအရအဖျောက်မြို့(တိုက်နယ်မြို့)ကိုပါသွားရောက်ဖို့သဘောတူခဲ့ပါတယ်။ပန်းတနော်မြို့နယ်ခေါင်းဆောင်တွေဖြစ်တဲ့ဦးမန်းညွန့်သိန်း(အခုပြည်သူ့လွှတ်တော်ကိုယ်စားလှယ်)၊ဒေါက်တာတင်မင်းထွဋ်(အခုအင်အယ်ဒီတိုင်းအတွင်းရေးမှူး)၊ကိုစန်းမောင်(အခုအင်အယ်ဒီတိုင်းဒေသကြီးလွှတ်တော်ကိုယ်စားလှယ်)တို့နဲ့တွေ့ဆုံဆွေးနွေးတဲ့အခါအဆင်မပြေဖြစ်ခဲ့ရပါတယ်။အဲဒီအချိန်ကလည်း ပန်းတနော်ချောင်းကရေတိမ်နေတဲ့အချိန်လည်းဖြစ်နေပါတယ်။ကားလမ်းနဲ့သွားဖို့အတွက်လည်းအခက်အခဲတွေအများကြီးပါ။အဲဒါနဲ့ဒေါ်အောင်ဆန်းစုကြည်ရဲ့ဧရာဝတီတိုင်းခရီးစဉ်မှပန်းတနော်မြို့နယ်ကိုဖယ်ထားခဲ့လိုက်ရပါတယ်။ဧရာဝတီတိုင်းစည်းရုံးရေးကာလမှာဧရာဝတီတိုင်း၂၅မြို့နယ်ကိုရောက်ခဲ့ပြီးပန်းတနော်တစ်မြို့ထဲသာမရောက်ဖြစ်ခဲ့တာပါ။

          ကျွန်တော်ပြန်တင်ပြတဲ့ခရီးစဉ်အတိုင်းအင်အယ်ဒီအထွေထွေအတွင်းရေးမှူးရဲ့စည်းရုံးရေးခရီးကိုထွက်ခဲ့ပါတယ်။ခရီးစဉ်မှာဒေါ်အောင်ဆန်းစုကြည်နဲ့အတူဦးကြည်မောင်၊ဦးတင်ထွဋ်(ဧရာဝတီတိုင်းစည်းရုံးရေးတာဝန်ခံ)၊ဒေါ်အောင်ဆန်းစုကြည်ရဲ့လုံခြုံရေးသုံးရောင်ခြည်လူငယ်များ၊လုံခြုံရေးတာဝန်ခံဦးဝင်းထိန်၊ကိုမော်မင်းလွင်(ကိုမော်)၊ကိုအောင်မင်းလွင်(ကိုအောင်)၊(ကိုမော်နဲ့ကိုအောင်တို့ညီအကိုနှစ်ယောက်ဟာ ဗိုလ်ချုပ်အောင်ဆန်းရဲ့အနီးကပ်လုံခြုံရေးတာဝန်ယူခဲ့ရတဲ့ဗိုလ်မှူးမင်းလွင်ရဲ့သားနှစ်ယောက်ပါ)၊နောက်.ကိုယ်ရေးအတွင်းရေးမှူးကိုမြင့်ဆွေ(တင်ဆွေမိုး)နဲ့မသိင်္ဂီ၊ပြန်ကြားရေးအဖွဲ့နဲ့ကျွန်တော်တို့လိုက်ပါရပါတယ်။ကျွန်တော်တို့အုပ်စုညောင်တုန်းမြို့ကိုရောက်တဲ့အထိဘာပြဿနာမှမရှိပဲ၊နဂိုကသတ်မှတ်ထားတဲ့နေရာတွေမှာပြည်သူတွေကိုဒေါ်အောင်ဆန်းစုကြည်စည်းရုံးရေးတရားဟောပြောခဲ့ရပါတယ်။မအူပင်ခရိုင်ငြိမ်ဝပ်ပိပြားမှုတည်ဆောက်ရေးအဖွဲ့(ခ၀တ)ဥက္ကဌဗိုလ်မှူးမြင်စိုးကမြို့ကိုစစ်ကားနဲ့ပတ်နေတာကလွဲရင်ပေါ့။

ညနေပိုင်းနားချိန်၊ညောင်တုန်းသဲသောင်ပြင်မှာကျွန်တော်တို့အုပ်စုနဲ့ညောင်တုန်းမြို့နယ်စည်းရုံးရေးအဖွဲ့ကလူတွေဘောလုံးကန်ကြတယ်။ဒေါ်အောင်ဆန်းစုကြည်ကလာရောက်အားပေးကြည့်ရှုတော့ပရိသတ်များခဲ့တာပေါ့။အဲဒီညက ဦးသာစိုးရဲ့နေအိမ်မှာ တစ်ညအိပ်ရပါတယ်။နောက်တစ်နေ့မနက်မှာ ကျွန်တော်တို့အုပ်စု ဓနုဖြူကို ဆက်ထွက်ခဲ့ပါတယ်။

          ဓနုဖြူမြို့ကိုဝင်ဝင်ချင်း အခြေအနေကိုသိလိုက်ရပါတော့တယ်။တစ်မြိုလုံးတိတ်ဆိတ်နေပြီး လမ်းတွေမှာအနီရောင်လည်စည်းတွေစည်းထားတဲ့စစ်သားတွေသေနတ်တွေကိုင်ပြီးတန်းစီရပ်နေကြတာပါပဲ။လမ်းတလျှောက်နေအိမ်ထဲကလူတွေခိုးကြည့်နေကြတာတွေ့ရပါတယ်။အခြေအနေမဟန်မှန်းသိတော့သုံးရောင်ခြယ်ကျောင်းသားအဖွဲ့က“ကမ္ဘာမကြေဘူး”သီချင်းကိုကားတွေပေါ်ကအော်ဆိုပြီးမြို့ထဲဝင်လာခဲ့တယ်။တချို့အိမ်တွေကတော့မသိမသာလက်ပြပြီးနှုတ်ဆက်ကြတယ်။လက်ခုပ်တော့မတီးရဲကြပါဘူး။လမ်းဘေးမှာတန်းစီရပ်နေကြတဲ့စစ်သားတွေကလည်းဒေါ်အောင်ဆန်းစုကြည်ပါမယ်ထင်တဲ့ကားကိုမသိမသာကြည့်နေတာကိုတွေ့ရပါတယ်။သူတို့လည်းဗိုလ်ချုပ်အောင်ဆန်းရဲ့သမီးကိုမြင်ဖူးချင်ရှာပေမပေါ့။ဒီလိုနဲ့ဓနုဖြူမြို့နယ်ရုံးရှိရာဦးကျော်မင်းအိမ်ကိုရောက်လာကြပါတယ်။

မြို့နယ်အင်အယ်ဒီရုံးထဲမှာလည်းမြို့နယ်စည်းရုံးရေးအဖွဲ့ဝင်တွေလောက်သာရှိနေပါတယ်။ကျွန်တော်တို့အုပ်စုလည်းမနက်စာစားပြီးအဖျောက်ကိုပဲ့ထောင်တွေနဲ့ဆက်ပြီးထွက်ခွာခဲ့တယ်။အဖျောက်မြို့လေးမှာမဏ္ဍပ်ကြီးထိုးပြီးဒေါ်အောင်ဆန်းစုကြည်ကိုကြိုဆိုခဲ့ပါတယ်။ဒေါ်အောင်ဆန်းစုကြည်ကစည်းရုံးရေးတရားဟောခဲ့သလို၊အဖျောက်မြို့လေးက ကဗျာဆရာတွေကလည်း ကဗျာတွေရွတ်ကြပါတယ်။ဒေါ်အောင်ဆန်းစုကြည်ကလည်း လေးလေးနက်နက်နားထောင်နေခဲ့သလိုပရိတ်သတ်ကလည်းလက်ခုပ်တီးပြီးအားပေးခဲ့ကြပါတယ်။အဲဒီအချိန်ကာလမှာပရိတ်သတ်အများဆုံးကဗျာရွတ်ဆိုပွဲဖြစ်ခဲ့ပါတယ်။

          ညနေမရောက်တရောက်အချိန်မှာအဖျောက်ကနေဓနုဖြူမြှိုကိုပြန်လာခဲ့ပါတယ်။နေ့လည်ကလိုပဲပဲ့ထောင်ဆိပ်ကမ်းကနေကျွန်တော်တို့အုပ်စုလမ်းလျှောက်တက်လာခဲ့ကြပါတယ်။ရှေ့ဆုံးကအင်အယ်ဒီဗဟိုလူငယ်တာဝန်ခံကိုဝင်းသိန်းကအလံကိုင်ပြီးလျှောက်လာခဲ့တယ်။သူ့ရဲ့နောက်မှာဒေါ်အောင်ဆန်းစုကြည်လျှောက်ပါတယ်။ဒေါ်အောင်ဆန်းစုကြည်ရဲ့ဘယ်ညာဘေးနှစ်ဖက်မှာထုံးစံအတိုင်းကိုမော်နဲ့ကိုအောင်တို့ပေါ့၊အနောက်မှာသုံးရောင်ခြယ်တွေ၊ကျွန်တော်ကနောက်ဆုံးကဦးကြည်မောင်နားမှာ၊အဘဦးကြည်မောင်ကဓနုဖြူခြေလျင်တပ်ရင်းကနောက်တန်းမှူးဗိုလ်မှူးမောင်ထွန်းနဲ့စကားပြောရင်းလျှောက်ခဲ့ပါတယ်။

          စာတိုက်ရှေ့မှာတော့လမ်းကိုပိတ်ပြီးအနီရောင်လည်စည်းစစ်သားတွေဆယ်ယောက်လောက်တန်းစီရပ်နေတာကိုခပ်လှမ်းလှမ်းကနေတွေ့နေရပါတယ်။လမ်းပေါ်မှာလမ်းလျှောက်လာတဲ့ဒေါ်အောင်ဆန်းစုကြည်ကိုအဓိကထားပြီးသေနတ်တွေချိန်ထားကြတယ်။စစ်သားတွေရဲ့နောက်မှာဟမ်းစပီကာကိုကိုင်ထားတဲ့ဓနုဖြူမြို့နယ်မ၀တအတွင်းရေးမှူးဗိုလ်ကြီးမြင့်ဦးကရပ်ပြီးလမ်းပေါ်မှာလူငါးယောက်ထက်ပိုပြီးစုဝေးလမ်းလျှောက်သူတွေကိုပစ်မိန့်ပေးရလိမ့်မယ်ဆိုပြီး အသံခပ်မာမာနဲ့ပြောနေပါတယ်။ဒေါ်အောင်ဆန်းစုကြည်နဲ့ အုပ်စုက လမ်းမပေါ်မှာ အုပ်စုဖွဲ့လျှောက်လာသလိုဖြစ်နေတဲ့အခြေအနေပါ။အဲဒါကိုဗိုလ်ကြီးမြင့်ဦးက စပြီး ပစ်မိန့်ပေးဖို့ တစ်နှစ်သုံးစပြီးရေတွက်နေပါပြီ။ဒေါ်အောင်ဆန်းစုကြည်ကသူ့နောက်ကလူတွေကိုလမ်းဘေးဆင်းလျှောက်ဖို့နောက်လှည့်ပြီးပြောလိုက်ပါတယ်။ဒေါ်အောင်ဆန်းစုကြည်စကားကြောင့်လူတွေလမ်းဘေးဆင်းလိုက်ကြတဲ့အချိန်မှာလမ်းလယ်ခေါင်ပေါ်မှာဒေါ်အောင်ဆန်းစုကြည်နဲ့ကိုမော်တို့ညီအကိုပဲကျန်နေခဲ့ပါတယ်။ဒါပေမယ့်ဗိုလ်ကြီးမြင့်ဦးကတစ်နှစ်သုံးရေပြီးသွားလို့ပစ်ဆိုပြီးအော်ဟစ်အမိန့်ပေးသံဟာအတော်ကျယ်လောင်သွားပါတယ်။ဒီပစ်မိန့်ပေးသံနဲ့တပြိုင်နက်ထည်းမှာ၊နောက်ကလူအုပ်စုကလည်းလမ်းဘေးကိုဆင်းလိုက်ရတဲ့အချိန်၊ဦးကြည်မောင်နဲ့အတူလမ်းလျှောက်လာတဲ့ဗိုလ်မှူးမောင်ထွန်းကကြားပြီးမပစ်နဲ့မပစ်နဲ့လို့အော်ပြီးရှေ့ကိုလက်တားပြပြီးပြေးသွားပါတယ်။ဒီအချိန်မှာပဲသေနတ်နဲ့ချိန်ထားတဲ့စစ်သားတွေရဲ့သေနတ်ကိုလက်နဲ့အသာဖယ်ပြီး စစ်သားတွေကြားကနေဒေါ်အောင်ဆန်းစုကြည်ဖြတ်လျှောက်သွားပါတယ်။စစ်သားတွေကပစ်မိန့်နဲ့တားဆီးမိန့်ကိုတပြိုင်ထဲရလိုက်တော့ချိန်ထားတဲ့သေနတ်ကိုင်လက်တွေဟာတုန်ရီနေပြီးအသားတွေနီရဲနေပါတယ်။ပြောမယ်ဆိုရင်တပ်စိတ်တစ်စိတ်ရဲ့ပစ်အားဟာဒေါ်အောင်ဆန်းစုကြည်သာမကပဲနောက်ကပါလာတဲ့လူတွေပါအတုံးအရုံးသေနိုင်လောက်တဲ့အနေအထားပါ။ဗိုလ်ကြီးမြင့်ဦးဟာသူ့ရဲ့ပစ်မိန့်ကိုတားဆီးခံလိုက်တာမကျေမနပ်နဲ့ပေါက်ကွဲပြီးပခုံးပေါ်ကကြယ်ပွင့်တွေကိုလက်နဲ့အတင်းဆွဲဖြုတ်ပစ်ပေါက်လိုက်တယ်။ဗိုလ်မှူးမောင်ထွန်းနဲ့စစ်သားတွေကပေါက်ကွဲနေတဲ့ဗိုလ်ကြီးမြင့်ဦးကိုဖမ်းချုပ်ပြီးခေါ်သွားပါတယ်။အမှန်တော့ဗိုလ်ကြီးမြင့်ဦးဟာမြေလတ်ပိုင်းမြို့တစ်မြို့မှာမဆလကောင်စီအတွင်းရေးမှူးဖြစ်ခဲ့ပါတယ်။၈၈အရေးအခင်းမှာမြို့လူထုကသူ့အိမ်ကိုဝိုင်းပြီးခဲနဲ့ထုလိုက်လို့ထွက်ပြေးခဲ့ရပါတယ်။စစ်တပ်ကအာဏာသိမ်းပြီးချိန်မှာဓနုဖြူမ၀တအတွင်းရေးမှူးအဖြစ်နဲ့ရောက်လာခဲ့ပြီးဒီမိုကရေစီလှုပ်ရှားတက်ကြွသူတွေကိုအဓမ္မဖိနှိပ်ခဲ့ပါတော့တယ်။သူကရှေ့တန်းမှာဒဏ်ရာရခဲ့ပြီးဂန်းရှော့နဲ့တပ်ကအငြိမ်းစားယူပြီးအုပ်ချုပ်ရေးဖက်ကိုပြောင်းလာတဲ့သူပါ။အဲဒီညမှာပဲဧရာဝတီတိုင်းမှူးဗိုလ်မှူးချုပ်မြင့်အောင်ကပြန်ခေါ်ယူလိုက်လို့ပုသိမ်ကိုရောက်သွားတယ်လို့သိလိုက်ရပါတယ်။အဲဒီအချိန်တုန်းကသတင်းမှောင်ချထားတဲ့ခေတ်ဆိုတော့အဲဒီဗိုလ်ကြီးမြင့်ဦးဘာဆက်ဖြစ်တယ်ဆိုတာအခုအချိန်ထိဘယ်သူမှမသိရတော့ပါဘူး။

မြတ်လှိုင်း

မြတ်လှိုင်း

Soe Myat.
#   Ak moe

https://www.facebook.com/100010098195181/posts/819099648436634/