ဒုတိယဗိုလ်ချုပ်ကြီးတင်ဦးနှင့်တရားခံ​ပျောက်နေသော​ သမိုင်းမှန်​တစ်​ခု

ပဟေဠိပေါင်းများစွာနဲ့ သို့လော …… သို့လောဖြစ်ခဲ့ရတဲ့ တပ်မတော်ထဲက ပြဿနာတစ်ရပ်
။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။

၂၀၀၁ ခုနှစ် ဖေဖော်ဝါရီလ (၁၆) ရက်နေ့မှာ ဒုတိယဗိုလ်ချုပ်ကြီး ဦးဆောင်တဲ့အဖွဲ့ဟာ  တနင်္သာရီတိုင်းနဲ့ မွန်ပြည်နယ်အတွင်းမှာရှိတဲ့တပ်ရင်း တပ်ဖွဲ့တွေကို  လှည့်လည်စစ်ဆေးနေခဲ့တာ ဖြစ်ပါတယ်။ အဲဒီလို့
လိုက်လံစစ်ဆေးရတဲ့အချက်ကတော့ ၇.၁.၂၀၀၁ ရက်နေ့ တာချီလိတ်မြို့ အို 7 တောင်ကုန်းမှာ မြန်မာ - ထိုင်း ဖြစ်ပွားခဲ့တဲ့ နှစ်နိုင်ငံစစ်ပွဲကြောင့် ဖြစ်တယ်လို့ သိရပါတယ် ။

ဒုတိယဗိုလ်ချုပ်ကြီး ဦးဆောင်တဲ့အဖွဲ့ဟာ ဖေဖော်ဝါရီလ (၁၈) ရက်နေ့မှာ မော်လမြိုင် အရှေ့တောင်ပိုင်းစစ်ဌာနချုပ် (ရတခ)မှာ ညအိပ်ရပ်နားခဲ့ပြီး နောက်
တစ်နေ့ (ဖေဖော်ဝါရီလ (၁၉) ရက်နေ့) မနက်စော
စောမှာ ကရင်ပြည်နယ်၊ဘားအံမြို့ကို အသွားမှာ ရာသီဥတုဆိုးဝါးလွန်းတာကြောင့် တရုတ်လှကျေးရွာအနီးက သံလွင်မြစ်ထဲကိုထိုးကျပျက်စီးပြီး
တပ်မတော်ရဲ့ထိပ်တန်းခေါင်းဆောင်နှစ်ဦး သေဆုံးသွားခဲ့ပါတယ်။

သေဆုံးသူအားလုံး(၁၆)ဦးရှိခဲ့ပြီး ဗိုလ်မှူးကြီး(၂)ဦးရဲ့အလောင်းတွေကိုတော့ လုံးဝရှာမတွေ့ခဲ့ပါဘူး။
၁။ကြည်း /၈၁၈၂ ဒုတိယဗိုလ်ချုပ်ကြီးတင်ဦး
၂။ကြည်း/၁၁၇၁၆ ဗိုလ်ချုပ်စစ်မောင်
၃။ကြည်း/၁၀၃၃၃ဗိုလ်မှူးချုပ်လွန်းမောင်
၎။ကြည်း/၁၁၄၆၇ ဗိုလ်မှူးကြီးဝင်းလှိုင်
၅။ကြည်း/၁၄၇၇၀ဗိုလ်မှူးကြီးလှပိုင်
၆။ကြည်း/၁၈၁၇၁ ဗိုလ်မှူးအောင်ဖုန်းနိုင်
၇။ကြည်း/၂၉၄၇၀ဗိုလ်ခင်မောင်ကျော်
၈။လေ/၁၆၃၃ ဗိုလ်မှူးကြီး တင်ဝင်း
၉။ လေ /၁၈၆၂ ဗိုလ်မှူးစိုးနိုင်
၁၀။လေ/၂၁၇၄ ဗိုလ်ကြီးနေမင်းအောင်
၁၁။လေ/၁၈၄၀၀ တပ်ကြပ် သိန်းထွန်း
၁၂။လေ/၂၂၆၀၄တပ်ကြပ် ထိန်လင်းအောင်
တို့ဖြစ်ပြီး အသက်ရှင် ကျန်ရစ်ခဲ့သူများမှာ -
၁။ ဗိုလ်ချုပ် သန်းမောင် ၂။ဗိုလ်မှူးကြီး လှဌေးဝင်း ၃။ ဒုဗိုလ်မှူးကြီးခင်မောင်မြင့် ၄။ဒုဗိုလ်မှူးကြီး
အုန်းလွင် ၅။ ဗိုလ်မှူး ရဲမြင့်ထွန်း ၉။ဗိုလ်အုန်းမြင့် ၁၀။တပ်ကြပ်ကြီး ၀င်းမောင် ၁၁။ တပ်ကြပ် မြတ်
ကျော် ၁၂။တပ်ကြပ်မောင်မောင် ၁၃။အရပ်သား ဦးနေစိုးနိုင်တို့ ဖြစ်ပါတယ် )

အဲဒီထိပ်တန်းခေါင်းဆောင်နှစ်ဦးကတော့ ဒုတိယဗိုလ်ချုပ်ကြီးတင်ဦးနဲ့ရတခတိုင်းမှူး ဗိုလ်ချုပ် သီဟသူရ စစ်မောင်တို့ ဖြစ်ကြပါတယ်။ဒုတိယဗိုလ်ချုပ်ကြီးတင်ဦးဟာ မဆလခေတ်မှာကတည်းက စစ်ရုံးချုပ်စစ်ဦးစီးဗိုလ်မှူးကြီးအဖြစ်နဲ့ စစ်ဆင်ရေးတော်​တော်
များများကို ကွပ်ကဲလာခဲ့သူဖြစ်တာကြောင့် န၀တ ၊
နအဖခေတ်မှာလည်း တပ်ချုပ်ကြီးနဲ့ ဒုတပ်ချုပ်
ကြီးတို့ကိုယ်စား တစ်ပြည်လုံးမှာ ရှိတဲ့ တပ်တွေကို
စစ်ရုံးချုပ်ကနေ နေ့စဉ် ကွပ်ကဲ ညွှန်ကြားနေသူ ဖြစ်
တယ် ။ သူနဲ့အတူ သေဆုံးသွားခဲ့တဲ့ရတခတိုင်းမှူး
ဗိုလ်ချုပ်စစ်မောင်ကတော့ သူရ သီဟသူရဆိုတဲ့
မြန်မာ့တပ်မတော်ရဲ့ သူရသတ္တိဆိုင်ရာ အမြင့်ဆုံးဘွဲ့တံဆိပ်တွေကို ရရှိထားတဲ့အပြင် သူသေဆုံးချိန်မှာ အသက်က(၅၀)နှစ်သာ ရှိသေးတဲ့အတွက်အနာဂတ်
မြန်မာ့တပ်မတော်ရဲ့ကာကွယ်ရေးဦးစီးချုပ်
အလောင်းအလျာအဖြစ် သတ်မှတ် လျာထားခံရသူ
တစ်ဦးလည်း ဖြစ်ပါတယ် ။

အဲဒီရဟတ်ယာဉ် ပျက်ကျမှုဟာ ရာသီဥတုဆိုးဝါး
လွန်းတာာကြောင့်ပျက်ကျခဲ့ရတာ ဖြစ်တယ်လို့ နအဖက အဲဒီနေ့ညနေမှာပဲ ချက်ချင်း သတင်း ထုတ်ပြန်
ကြေငြာခဲ့ပေမယ့် တပ်တွင်း တပ်ပြင်မှာတော့
ရဟတ်ယာဉ်ပျက်ကျမှုအပေါ် ကြီးမားစေတဲ့ သံသယတွေ ဖြစ်ပေါ်လာခဲ့ပါတယ် ။

စစ်အစိုးရက ရာသီဥတုဆိုးဝါးမှုကြောင့် ရဟတ်ယာဉ်ပျက်ရပါတယ်ဆိုပြီး သတင်း ထုတ်ပြန်ခဲ့ပေမယ့်
ရုရှားနိုင်ငံကတော့ အဲဒီသတင်းထုတ်ပြန်ချက်ကို
လက်မခံဘဲ ပယ်ချခဲ့ကြောင်း သိရှိရပါတယ် ။သူတို့
ရဲ့ MI –17 ရဟတ်ယာဉ်အမျိုးအစားတွေဟာ ကြံ့ခိုင်တဲ့အပြင် ရှရှားနိုင်ငံရဲ့ဆိုးဝါးလွန်းလှတဲ့ ဆောင်းရာသီမှာတောင် အချိန်မရွေး ပျံသန်းနိုင်အောင် တည်
ဆောက်ထားတာမို့ သူတို့ရဟတ်ယာဉ်ရဲ့ ချို့ယွင်း
ချက်ကြောင့်ပျက်ကျတာ လုံးဝမဖြစ်နိုင်ဘူးလို့ တုံ့ပြန်
ပြောဆိုခဲ့ကြောင်း သိရှိရပါတယ် ။ စစ်အစိုးရရဲ့
ဒီလိုပွင့်လင်းမြင်သာမှုမရှိတဲ့ လုပ်ရပ်တွေကြောင့်
စစ်အစိုးရအပေါ် ပြည်တွင်းပြည်ပက  ပိုမိုပြီး မယုံ
သင်္ကာဖြစ်နေကြတာဖြစ်နိုင်ပါတယ် ။

ဘာကြောင့် သံသယတွေ ဖြစ်ပေါ်ခဲ့ရသလဲဆိုရင် ….

ဒုတိယဗိုလ်ချုပ်ကြီး တင်ဦးဟာ ဗိုလ်ခင်ညွန့်ရဲ့ အဓိက ပြိုင်ဘက်တစ်ဦးဖြစ်ခဲ့တဲ့အပြင် ဗိုလ်တင်ဦးကို ပစ်မှတ်ထားခဲ့တဲ့ ဗုံးခွဲလုပ်ကြံမှုတွေဆက်တိုက်ဆိုသလို ပေါ်ပေါက်ခဲ့တဲ့ သာဓကတွေကြောင့်လည်း အခုလို သံသယဖြစ်မှုတွေ ဖြစ်ခဲ့ရတာကိုး ။

ဗိုလ်တင်ဦးဟာ (OTS – 22) ကျောင်းဆင်းဖြစ်ပြီး ဗိုလ်ခင်ညွန့်ဟာ (OTS – 25)ကျောင်းဆင်းတွေ ဖြစ်ခဲ့တာကြောင့် ဗိုလ်ခင်ညွန့်ထက်စီနီယာကျသူ ဖြစ်ပါ
တယ် ။ ၁၉၈၈ ခုနှစ် ရှစ်လေးလုံးလူထုအရေးတော်
ပုံကာလအတွင်းမှာ ဗိုလ်ခင်ညွန့်က စစ်ထောက်လှမ်းရေးအဖွဲ့ကို ဦးစီးကွပ်ကဲပြီး တန်ပြန် အဖျက်အ
မှောင့်လုပ်ငန်းတွေနဲ့ လူထုအရေးတော်ပုံကြီးကို
အတွင်းကနေ ဖြိုခွဲဖို့ ကြိုးပမ်းနေချိန်မှာ စစ်ရုံးချုပ်ရဲ့ စစ်ဦးစီးဗိုလ်မှူးကြီး တာဝန်ကို ထမ်းဆာင်နေတဲ့
ဗိုလ်တင်ဦးကလည်း တိုက်ခိုက်ရေးတပ်တွေကို စီမံ ခန့်ခွဲ ညွှန်ကြားနေပြီး အရေးတော်ပုံကြီးကိုအင်အားသုံး အကြမ်းဖက် ဖြိုခွဲနိုင်ဖို့ ကြိုးပမ်းနေခဲ့သူ
ဖြစ်တယ် ။

သူတို့နှစ်ဦးရဲ့အကူအညီတွေကြောင့် စစ်တပ်က အာဏာ မြန်မြန်သိမ်းနိုင်ခဲ့တာ ဖြစ်ပါတယ်။
ဒါကြောင့် အာဏာသိမ်းအဖွဲ့ န၀တထဲမှာ သူတို့
နှစ်ယောက်စလုံးကို အတွင်းရေးမှူး (၁)နဲ့ (၂)အဖြစ် အရေးပါတဲ့ရာထူးနေရာ အဆင့်အတန်းတွေကို ခန့်အပ် တာဝန်ပေးခဲ့တာ ဖြစ်တယ် ။ သူတို့နှစ်
ယောက်စလုံးဟာ အဲဒီအချိန်ကစပြီး အပြိုင်အဆိုင်
တွေ ဖြစ်ခဲ့ပုံရပါတယ် ။ ၁၉၉၂ ခုနှစ် နောက်ပိုင်း ဒုတိယကာကွယ်ရေးဦးစီးချုပ်ဖြစ်လာတဲ့ ဗိုလ်မောင်
အေးနဲ့ သူရဲ့တိုက်ရိုက်ကွပ်ကဲမှုအောက်မှာ စစ်ဦးစီး
အရာရှိချုပ်၊အထူးစစ်ဆင်ရေးအဖွဲ့မှူးဆိုတဲ့တာဝန်
တွေကိုထမ်းဆောင်နေရတဲ့ ဗိုလ်တင်ဦးဟာ ဗိုလ်ခင်
ညွန့်ထက်စာရင် တစ်ဦးနဲ့ တစ်ဦး ပိုပြီးရင်းနှီးနိုင်ပါတယ် ။ ဒါကြောင့် အာဏာသိမ်းခေါင်းဆောင် (ဗိုလ်
စောမောင်ကို ဖြုတ်ချခဲ့သူ) တပ်ချုပ်ကြီးဖြစ်တဲ့ ဗိုလ်
သန်းရွှေ မရှိတော့ရင်မြန်မာ့တပ်မတော်မှာ ဗိုလ်
မောင်အေးက တပ်ချုပ်ကြီး ၊ ဗိုလ်တင်ဦးက ဒုတပ်
ချုပ်ကြီး ဖြစ်လာဖို့ သေချာသလောက် ရှိပါတယ် ။

ဒုတိယဗိုလ်ချုပ်ကြီး တင်ဦးဟာ စစ်သားပီပီ လမ်းတစ်ခုခုကို ရွေးပြီးရင်တုံးတိုက်တိုက် ၊ ကျားကိုက်ကိုက် လုပ်ချင်စိတ်ရှိတဲ့အတွက် ဗိုလ်စောမောင်နဲ့ ဗိုလ်ခင်
ညွန့်တို့ရဲ့ ဝေ့လည်လည် မရှင်းမလင်းလုပ်ဆောင်မှု
မျိုးတွေကို သဘောမကျခဲ့ဘူးလို့လည်း သိခဲ့ရတယ် ။ ဗိုလ်ခင်ညွန့်ကလည်း ဗိုလ်မောင်အေးနဲ့ ဗိုလ်တင်ဦးတို့ဟာ နိုင်ငံရေး ၊ သံတမန်ရေး ၊ စီးပွားရေး
အကြောင်း နားမလည်သူတွေအဖြစ် အထင်သေးခဲ့
တယ်လို့ဆိုပါတယ် ။ဗိုလ်တင်ဦးရဲ့စိတ်ထဲမှာလည်း
ဗိုလ်ခင်ညွန့်နဲ့ သူ့ဆရာဗိုလ်သန်းရွှေတို့အပေါ်မှာ ခိုးလိုခုလုဖြစ်နေတဲ့အချက်တွေ အတော်များများ
ရှိခဲ့ကြောင့်လည်း သိရပါတယ် ။ အဓိကအချက်တစ်ခုကတော့ ၁၉၉၇ ခုနှစ် နိုဝင်ဘာလ (၁၅) ရက်နေ့မှာ န၀တအဖွဲ့ထဲကနေ တစ်အုပ်တစ်မကြီး ဖယ်ရှားပစ်ခံခဲ့ရတွေတဲ့ ဒုတ်ယဗိုလ်ချုပ်ကြီးတွေထဲမှာ သူလေး
စားကြည်ညိုရတဲ့ သူ့ဆရာတစ်ဦးဖြစ်သူ ဒုတိယဗိုလ်ချုပ်ကြီးမြင့်အောင် ပါသွားခဲ့တဲ့အပေါ် မကျေနပ်
တာလို့ ဆိုပါတယ် ။

ဗိုလ်တင်ဦးဟာ ၂၀၀၁ ခုနှစ် ရောက်မှ သေဆုံးခဲ့ရတာဖြစ်ပေမဲ့ လုပ်ကြံသတ်ဖြတ်ရေးအဖွဲ့တစ်ဖွဲ့က ၁၉၉၆ ခုနှစ်လောက်ကတည်းက သူ့ကို ပစ်မှတ်ထား
ပြီး သုတ်သင်ရှင်းလင်းဖို့ သူ့နောက်ကို အရိပ်လိုလိုက်
နေခဲ့တာ ထင်ရှားပါတယ် ။ ၁၉၉၆ ခုနှစ် ဒီဇင်ဘာလ (၂၅) ရက်နေ့ညက ရန်ကုန် ၊ ကမ္ဘာအေး မဟာပါသနလိုဏ်ဂူတော်ကြီးမှာ တရုတ်ပြည်က ပင့်ဆောင်လာတဲ့ စွယ်တော်မြတ်ကို ဖူးမြော်ဖို့သွားရောက်မဲ့အတွင်းရေးမှူး (၂) ဒုတိယဗိုလ်ချုပ်ကြီး တင်ဦးကို လုပ်ကြံဖို့
အတွက် ဘုရားမှာ ဗုံးထောင်ခဲ့ပါတယ် ။

ပထမ ဗုံးက အပြင်ဘက်စောင်းတန်းမှာ အချိန်မတိုင်
မီ ပေါက်ကွဲသွားတဲ့အတွက် ဗိုလ်တင်ဦးက သူ့ခရီးစဉ်ကို ဖျက်လိုက်ပါတယ် ။ ဒုတိယဗုံးတစ်လုံးက
စွယ်တော်ရှေ့မှာရှိတဲ့ ဘုရားပန်းအိုးအတွင်းမှာ
ထောင်ထားတာဖြစ်ပြီး လုံခြုံရေးတပ်ဖွဲ့ဝင်တွေရှာ
ဖွေနေစဉ် ပေါက်ကွဲသွားခဲ့ပါတယ် ။ ဒီပေါက်ကွဲမှု
ကြောင့် လုံခြုံရေးဝန်ထမ်း (၄) ဦး သေဆုံးခဲ့ရပါ
တယ် ။ တရုတ်ပြည်က စွယ်တော်ကို န၀တကိုယ်စား ဘယ်သူ ဘယ်နေ့မှာ လာရောက်ဖူးမြော်လိမ့်မယ်ဆိုတာ အပြင်လူတွေ လုံးဝ မသိနိုင်သလို လုံခြုံရေးထူထပ်စွာ ချထားတဲ့ဒီလိုနေရာမျိုးကို အပြင်က အဖျက်
သမားဆိုသူတွေ ၀င်ရောက် ဗုံးထောင်နိုင်ဖို့ဆိုတာ
ဘယ်လိုမှ မဖြစ်နိုင်ပါဘူး။ န၀တစစ်ထောက်လှမ်း
ရေးက ဒီလုပ်ရပ်ကို ကေအင်ယူအကြမ်းဖက်သမား
တွေရဲ့ လုပ်ရပ်လို့ သက်သေအထောက်အထား
တစ်ခုမှမရှိဘဲ ချက်ချင်း ထုတ်ဖော် စွပ်စွဲခဲ့ပါတယ် ။

ဗိုလ်တင်ဦးကို ပစ်မှတ်ထားပြီး ဒုတိယအကြိမ် လုပ်
ကြံဖို့ ကြိုးစားခဲ့တာကတော့ ၁၉၉၇ ခုနှစ် ဧပြီလ (၆) ရက်နေ့ သူ့အိမ်မှာ ဖြစ်ပါတယ် ။ ဧပြီလ (၃) ရက်နေ့ကတည်းက သူ့နာမည်နဲ့ ရောက်ရှိနေတဲ့ ပါဆယ်
ထုပ်ကို ဧပြီလ(၆)ရက်နေ့ညမှာ သမီးကြီးဖြစ်သူ ရန်
ကုန်တက္ကသိုလ် သမိုင်းဌာန လက်ထောက်ကထိက
ဒေါ်ချိုလဲ့ဦးက ဖွင့်ဖောက်လိုက်ရာ ဗုံးပေါက်ကွဲပြီး သေဆုံးသွားခဲ့ပါတယ် ။ အဲဒီပါဆယ်ထုပ်ပေါ်က တံဆိပ်တုံးတွေဟာ ဂျပန်ပြည်က ဖြစ်ပေမယ့် ဒီပါဆယ်
ထုပ်ဟာ ရန်ကုန်စာတိုက်ကြီး မှတ်ပုံတင်ဌာန ၊ စာဝေဌာနတွေက တဆင့် ဗိုလ်တင်ဦးရဲ့အိမ်ကလုံခြုံ
ရေးတပ်ဖွဲ့ကို အဆင့်ဆင့် ဖြတ်သန်းခဲ့ပြီးမှ သူ့ဧည့်ခန်းထဲက စားပွဲပေါ်ကို ချောချောမောမော ရောက်ရှိလာပုံဟာ မထူးသော်လည်း ဆန်းလှတယ်လို့ ဆိုရမလိုဖြစ်နေပါတယ်။ဒီပါဆယ်ထုပ်ရောက်ရှိလာတဲ့နေ့
ကဗိုလ်တင်ဦး ပြန်ရောက်လာတဲ့နေ့မှာလည်း ပါဆယ်
ထုတ်ကို မေ့နေပြီး စာ (၂) စောင်ကိုပဲ ဇနီးဖြစ်သူက
ပေးခဲ့မိတယ်လို့ဆိုပါတယ် ။

ပါဆယ်ထုပ် အိမ်ရောက်သည်အထိ  စောင့်ကြည့်နေဟန်ရှိတဲ့ လုပ်ကြံသတ်ဖြတ်ရေးအဖွဲ့ဟာ (၃) ရက်
ကြာလို့မှ ဗုံးကွဲတာကို မကြားရတဲ့အတွက် ဧပြီလ (၆)ရက်နေ့ ည(၈)နာရီထိုးခါနီးမှာ ဗိုလ်တင်ဦးအိမ်ကို
ဖုံးဆက်ပြီး ပါဆယ်ထုပ် လက်ခံ ရ / မရ မေးမြန်းခဲ့ပါတယ် ။ တယ်လီဖုန်းကို နားထောင်နေတဲ့ ဒေါ်ချိုလဲ့ဦးက အဲဒီအချိန်ကျမှ သတိရပြီးပါဆယ်ထုပ်ကို ဖွင့်
ကြည့်မိရာက ဗုံးပေါက်ကွဲသွားခဲ့ရတာဖြစ်ကြောင်း
သိရှိရပါတယ် ။ “အမှန်က ကျွန်တော့်ကို လုပ်ကြံတာပါ ။ သမီးကြီးကကျွန်တော့်ကိုယ်စား အသက်စွန့်သွားရတာပါ။ သူ့အမေကိုလည်း ကိုယ်ခန္ဓာနဲ့ ကာကွယ်
ပေးထားသလို ဖြစ်ခဲ့လို့ ချိုလဲ့ဦးဟာ ကျွန်တော်တို့ မိ
သားစုကိုတင် မကဘူး ။ တစ်နိုင်ငံလုံးကို အကြမ်း
ဖက်သမားတွေရဲ့အန္တရာယ်ရှိနေကြောင်း သတိပေးသွားတာပါ”လို့ ဗိုလ်တင်ဦးက ပြောဆိုခဲ့ကြောင်း
န၀ဒေးစာတည်းအဖွဲ့က  ပြုစုထားတဲ့ “သူနှင့်​သူ၏
ဘဝပုံရိပ်”ဆိုတဲ့ ဗိုလ်တင်ဦးရဲ့ အတ္ထုပ္ပတ္တိစာအုပ်မှာ အသေးစိတ် ရေးသားဖော်ပြထားတာ တွေ့ရပါတယ်။

ဗုံးကွဲပြီး (၂)လအကြာ ဇွန်လ (၂၇)ရက်နေ့မှာ ပြုလုပ်ခဲ့တဲ့ စစ်ထောက်လှမ်းရေးအဖွဲ့ရဲ့သတင်းစာရှင်းလင်းပွဲမှာ ဗိုလ်ခင်ညွန့်က ဒီပါဆယ်ဗုံးကို ဂျပန်ပြည်မှာ နေထိုင် အလုပ်လုပ်ကိုင်နေတဲ့ ဦးသိန်းငွေနဲ့ ဦးသော
မတ်စ်ဂုဏ်အောင်တို့က ပို့လိုက်တာလို့ အတိအကျ
စွပ်စွဲ ပြောဆိုခဲ့ပါတယ် ။ ဒါပေမယ့် ဂျပန်တော်ဝင်ရဲတပ်ဖွဲ့က သူတို့နိုင်ငံက ပေးပို့တဲ့ပစ္စည်းမှန်သမျှတို့ကို သေသေချာချာ စစ်ဆေးပြီးမှသာ ပေးပို့တာမို့
ဒီပါဆယ်ဗုံးဟာ သူတို့နိုင်ငံက လာတာ မဟုတ်ဘူးလို့ ငြင်းဆိုခဲ့ပြီး ဦးသိန်းငွေနဲ့ ဦးသောမတ်စ်ဂုဏ်အောင်
တိုိ့ကို ခေါ်ယူ မေးမြန်းမှုမျိုးတွေတောင် မလုပ်ခဲ့ဘူး
လို့ ဆိုပါတယ် ။

ဗိုလ်တင်ဦးတို့ သေဆုံးမှုအပေါ် သင်္ကာမကင်းဖြစ်ခံရသူတွေထဲမှာ သူနဲ့ ပြိုင်ဖက်အဖြစ် နာမည်ကြီးခဲ့တဲ့
ဗိုလ်ခင်ညွန့်နဲ့ သူရဲ့စစ်ထောက်လှမ်းရေးအဖွဲ့က ရှေ့ဆုံးက ပါဝင်ပတ်သက်နေသလိုလို ရှိနေတယ်လို့ ထင်မြင်မိရပါတယ် ။ ဒါ့အပြင် ဗိုလ်တင်ဦးဟာ နအဖဥက္ကဌ ဗိုလ်သန်းရွှေရဲ့လူယုံတစ်ဦးဖြစ်ခဲ့ပေမယ့်လည်း ဗိုလ်ချုပ်မှူးကြီးရဲ့သမီး ဒေါ်ခင်ပြုံးရွှေနဲ့ သူရဲ့သား ကိုဇော်ထွန်းဦးတို့ရဲ့ ဖောက်ပြန်မှုကိစ္စတွေမှာ ဗိုလ်
တင်ဦးကလည်း အဖေတူသားဘက်က ရပ်တည်ခဲ့တဲ့ ကိစ္စနဲ့ ပတ်သက်ပြီး လူကြီးချင်းပါ မကျေမလည်
မသင့်မမြတ် ဖြစ်ခဲ့ကြတာကြောင့် ဒီကိစ္စကို အတွင်းကျကျ သိနေကြသူတချို့ကလည်း ဗိုလ်သန်းရွှေ
အပေါ်မှာလည်း သံသယရှိခဲ့ကြတယ်လို့ ဆိုပါတယ် ။

ဗိုလ်တင်ဦးကို ပစ်မှတ်ထားပြီး အကြိမ်ကြိမ် လုပ်ကြံဖို့ ကြိုးစားခဲ့သူတွေဟာ ဘယ်သူတွေလဲ ၊ ဗိုလ်တင်ဦး
ထက် အရေးပါတဲ့ ဗိုလ်သန်းရွှေနဲ့ ဗိုလ်မောင်အေးတို့ကို ပစ်မှတ်မထားဘဲ ဘာရည်ရွယ်ချက်တွေနဲ့ ဗိုလ်
တင်ဦးကို ပစ်မှတ်ထားပြီး လုပ်ကြံဖို့ ကြိုးစားခဲ့ရသလဲဆိုတဲ့အကြောင်းအရာတွေဟာ အခုအချိန်အထိ အဖြေမရှိသေးတဲ့ ပဟေဠိတွေအဖြစ်နဲ့ကျန်ရှိနေ​
သေးတာ တွေ့ရတယ်။ ဘယ်လိုပဲဖြစ်ဖြစ် အချင်း
ချင်း အပြိုင်အဆိုင်ဖြစ်နေကြတဲ့လူငယ်ဗိုလ်ချုပ်တွေအကြား ထိန်းပေးသလိုနဲ့ မသိမသာ ရန်တိုက်ပေးပြီး အသက် (၇၅) နှစ်ကျော်သည့်အထိ သူ့သြဇာ
အာဏာကို ဆက်လက် ထိန်းသိမ်းထားသူကတော့
ဗိုလ်သန်းရွှေသာဖြစ်ကြောင်း သုံးသပ် တင်ပြလိုက်ရပါတယ် ။

ကိုကား - ကြပ်ပြေးနန်းတွင်း အရှုပ်တော်ပုံ

သိစေချင်လွန်းလို့ မျှဝေ ပေးလိုက်ပါတယ်ဗျာ ။။။။။။။။။။။။။။
#ငွေစိုး
#Photos_Crd

Van - ၈ ဇန်​နဝါရီ ၂၀၁၉

https://m.facebook.com/story.php?story_fbid=599826447136269&id=100013267563027