ပြည်တွင်းသတင်းသုံးသပ်ချက်

ကောလာဟလနဲ့ အဖြစ်များလာတဲ့ အုပ်စုဖွဲ့ရိုက်နှက်မှု
--------------------------------------------------------------------
ယခုတစ်ပတ်အတွင်း ဖြစ်ပေါ်ခဲ့တဲ့ သတင်းများစွာထဲမှာ စိတ်ဝင်စားစရာ သတင်းများစွာ ဖြစ်ခဲ့ပါတယ်။ဒီထဲမှာ ရွှေတိဂုံစေတီတော်ကို ဗုဒ္ဓါဘိသေက အနေကဇာတင် ပူဇော်ပွဲ ကျင်းပတဲ့ သတင်း၊ လေဆိပ်မှာ လက်နက် မူးယစ်ဆေးဝါးတွေနဲ့ မိခဲ့တဲ့ ဖြိုးကိုကိုတင့်ဆန်း ကို စတင်ရုံးထုတ်တဲ့နေ့မှာ ပုဒ်မသုံးခုနဲ့ ထပ်မံစွဲချက်တင်ခံရတဲ့ သတင်း၊ ဧရာဝတီတိုင်းဒေသကြီး အစိုးရအဖွဲ့က ၀န်ကြီးတစ်ဦး ကျန်းမာရေးကြောင့် နှုတ်ထွက်စာတင်တဲ့ သတင်း၊ ရခိုင်က စည်ပင်ဝန်ကြီးကို ရခိုင်လွှတ်တော်က စွပ်စွဲပြစ်တင်ပြီး ဖြုတ်ချဖို့ အတည်ပြုတဲ့ သတင်း၊ မိသားစုတိုင်း ဟင်းတစ်မည်လျှော့စားလျှင် အလွယ်တကူပင် ကုန်ဈေးနှုန်းကျမယ်လို့ မွန် ၀န်ကြီးချုပ် ပြောတဲ့ သတင်း၊ မင်္ဂလာဒုံ ဇေကမ္ဘာ၀င်းထဲ အမျိုးသားတစ်ဦးကို ဒဏ်ရာတွေနဲ့ လာပစ်သွားတဲ့ သတင်း၊ ဖေ့စ်ဘုတ်ဆယ်လီ အောင်ရဲထွေး ကို ပါတီပွဲမှာ ၀ိုင်းဝန်းရိုက်နှက် ကန်ကျောက်လို့ သေဆုံးခဲ့တဲ့ သတင်း၊ အမေရိကန် သမ္မတ ဒေါ်နယ်ထရန့် က မြန်မာ့လွတ်လပ်ရေးနေ့အတွက် ပို့တဲ့ သ၀ဏ်လွှာမှာ မြန်မာနဲ့ မိတ်ဆွေ၊ လက်တွဲဖက် နိုင်ငံအနေဖြင့် ဆက်လက်ရပ်တည်မယ်ဆိုတဲ့ သတင်းတွေက ဒီတစ်ပတ်ထဲမှာ လူစိတ်ဝင်စားမှုများခဲ့တဲ့ သတင်းပါ။ဒီလို သတင်းဖတ်သူအများကို စိတ်ဝင်စားစေတဲ့ သတင်းတွေထဲမှာ သတင်းနောက်ဆက်တွဲကို စိတ်ဝင်တစား စောင့်ကြည့်ရတဲ့ သတင်းက သုံးပုဒ် ရှိခဲ့ပါတယ်။

ဒီသတင်းတွေက နိုင်ငံထိပ်တန်းခေါင်းဆောင်တွေရဲ့ ကျန်းမာရေး ကောလာဟလသတင်း၊ ကာကွယ်ရေးဦးစီးချုပ် (လေ) အပြောင်းအလဲ သတင်းနဲ့ ဖေ့စ်ဘုတ်ဆယ်လီ အောင်ရဲထွေး အသတ်ခံရတဲ့ သတင်းတွေပဲ ဖြစ်ပါတယ်။

နိုင်ငံထိပ်တန်းခေါင်းဆောင်တွေနဲ့ ပတ်သက်တဲ့ ကျန်းမာရေးသတင်းကတော့ ဒီအပတ်ထဲမှာ လူပြောများခဲ့ပါတယ်။
ဘယ်ကနေ ထွက်လာမှန်းမသိတဲ့ ကောလာဟလသတင်းတွေကြောင့် ပြည်သူလူထုကြား စိတ်ဝင်စားမှု မြင့်တက်ခဲ့တာပါ။ဒီသတင်းက ၂၀၁၈ ခုနှစ် နှစ်ဦးဖြစ်သည့် ဇန်န၀ါရီ ၁ ရက်က ကျင်းပတဲ့ ရွှေတိဂုံစေတီတော် ဗုဒ္ဓါဘိသေက အနေကဇာတင် မဟာမင်္ဂလာနှင့် ပင့်သံဃာ အပါး ၁၈၀၀၀ အား ဆွမ်းဆန်စိမ်းလောင်းလှူခြင်း အခမ်းအနားကို နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်ခြင်း မရှိတာနဲ့ အခြားဌာနဆိုင်ရာသတင်းတွေမှာ ဒေါ်အောင်ဆန်းစုကြည် သတင်းတွေကို မတွေ့တာကနေ ဒီကျန်းမာရေး ကောလာဟလသတင်းတွေ ထွက်ပေါ်လာခဲ့တာပါ။

ဒီဇင်ဘာ ၂၉ ရက်က ကယားပြည်နယ် လွိုင်ကော်မြို့မှာ ဒေသခံလူငယ်တွေနဲ့ ငြိမ်းချမ်းရေးစကားဝိုင်းလုပ်ခဲ့တဲ့ နိုင်ငံတော်အတိုင်ပင်ခံကို နိုင်ငံတော်သမ္မတ ဦးထင်ကျော် ကိုယ်တိုင် တက်ရောက်ခဲ့တဲ့ ရွှေတိဂုံစေတီတော် ဗုဒ္ဓါဘိသေက အနေကဇာတင်ပွဲမှာ  မတွေ့ရတဲ့အခါကို ဒီသတင်းက ပိုပြီးကျယ်ပြန့်လာခဲ့ပါတယ်။

ပြည်သူတွေကြား စိုးရိမ်ပူပန်မှုတွေ မြင့်တက်လာချိန်မှာ မီဒီယာတချို့မှာ ဖော်ပြခဲ့တဲ့ ဟောကိန်းတွေ၊ ခန့်မှန်းချက်တွေကြောင့် ဒီသတင်းက အရှိန်ပိုမြင့်လာခဲ့ပါတယ်။ဒါပေမယ့် ဇန်န၀ါရီ ၃ ရက်မှာ အစိုးရသတင်း ၀က်ဘ်ဆိုက်တွေက နိုင်ငံတော်သမ္မတ အိမ်တော်မှာ ကျင်းပတဲ့ အစည်းအဝေးကို တက်ရောက်လာတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ရဲ့ ယခင်လို သွက်လက်ဖြတ်လတ်နေတဲ့ ပုံတွေကို ဖော်ပြပြီး နောက်ပိုင်းမှာ ဒီကောလာဟလတွေက ပျောက်ကွယ်သွားခဲ့ပါတယ်။

ယခုလိုဘဲ နိုင်ငံတော်သမ္မတ ဦးထင်ကျော် ကို ကျန်းမာရေးမကောင်းလို့  သမ္မတနေရာ လူစားထိုး ပြောင်းလဲမယ်ဆိုပြီး ကောလာဟလတွေ ပုပ်ရဟန်းမင်းကြီး ဖရန်စစ် မြန်မာနိုင်ငံသို့ ရောက်ရှိတဲ့ ၂၀၁၇ ခုနှစ် နိုဝင်ဘာလကုန်ပိုင်းက ထွက်ခဲ့သေးပါတယ်။အဲဒီတုန်းက  ပုပ်ရဟန်းမင်းကြီးကို ဂုဏ်ပြုတပ်ဖွဲ့နဲ့ ကြိုဆိုတဲ့ အခမ်းအနားဓာတ်ပုံတွေမှာ သမ္မတ ဦးထင်ကျော် ၏ ခန္ဓာကိုယ် အနည်းငယ်ပိန်သွားတာကနေ ဒီသတင်းတွေ စထွက်လာခဲ့တာပါ။

နိုင်ငံတော်အတိုင်ပင်ခံရုံး ညွှန်ကြားရေးမှူးချုပ် ဦးဇော်ဌေး ကတော့ ဒီလို နိုင်ငံတော်၏အတိုင်ပင်ခံပုဂ္ဂိုလ်ရဲ့ ကျန်းမာရေးနှင့် ပတ်သက်တဲ့ ကောလာဟလ ထုတ်လွှင့်နေခြင်းက တိုင်းပြည် မတည်မငြိမ်ဖြစ်စေရန် ရည်ရွယ်ချက်နဲ့ ထုတ်လွှင့်နေတာ ဖြစ်နိုင်တယ်လို့ သတင်းမီဒီယာတွေကို ပြောခဲ့ပါတယ်။

ယခင်က နိုင်ငံထိပ်တန်းခေါင်းဆောင်တွေရဲ့ ကျန်းမာရေးအပေါ် စိုးရိမ်ပူပန်မှု မရှိခဲ့တဲ့ ပြည်သူတွေက ယခုအရပ်သားအစိုးရလက်ထက်မှာ နိုင်ငံခေါင်းဆောင်တွေ ကျန်းမာရေးကို စိုးရွံ့နေတာက ထူးခြားလာမှုဘဲ ဖြစ်ပါတယ်။ယခင်ခေါင်းဆောင်ဟောင်းတွေ ကျန်းမာရေးနဲ့ ပတ်သက်ပြီး ပြည်သူတွေကြား ကွဲပြားတဲ့ စိတ်ခံစားချက်အသီးသီး ရှိနိုင်ပေမယ့် ဆိုးသည်ဖြစ်စေ ကောင်းသည်ဖြစ်စေ ယူရမယ့်အတွေ့အကြုံတွေ ရှိနေတဲ့အတွက် နိုင်ငံခေါင်းဆောင်တွေရဲ့ ကျန်းမာရေးအပေါ် ပြည်သူတွေက ပူပန်မှုရှိနေကြောင်း ဖော်ပြခဲ့တဲ့ ဒီသတင်းနဲ့ ဒီတစ်ပတ် သတင်းသုံးသပ်ချက်ကို စဖွင့်လိုက်ပါတယ်။

နောက်ဆက်ဖော်ပြချင်တဲ့ သတင်းက မြန်မာ့တပ်မတော် ထိပ်တန်းခေါင်းဆောင်တွေ အပြောင်းအလဲလုပ်တဲ့ သတင်းပါဘဲ။ဇန်န၀ါရီ ၂ ရက်မှာ တပ်မတော်ကာကွယ်ရေးဦးစီးချုပ်ရုံးက ကာကွယ်ရေးဦးစီးချုပ် (လေ) ဗိုလ်ချုပ်ကြီး ခင်အောင်မြင့် သက်ပြည့်အငြိမ်းစားယူခဲ့လို့ အဲ့ဒီနေရာမှာ ဗိုလ်ချုပ်ကြီး မောင်မောင်ကျော် ကို ခန့်အပ်ကြောင်း ထုတ်ပြန်ခဲ့ပါတယ်။အဲဒီနောက်မှာ နိုင်ငံတော်သမ္မတ ဦးထင်ကျော် ထံ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် နဲ့ ကာကွယ်ရေးဦးစီးချုပ် (လေ) ဗိုလ်ချုပ်ကြီး မောင်မောင်ကျော် တို့ သွားရောက်ဂါရဝပြု တွေ့ဆုံခဲ့ပါတယ်။

ယခု ကာကွယ်ရေးဦးစီးချုပ် (လေ) အဖြစ် ခန့်အပ်ခံရတဲ့ ဗိုလ်ချုပ်ကြီး မောင်မောင်ကျော် မှာ ယခင် မြန်မာ့ဆိုရှယ်လစ်လမ်းစဉ်ပါတီ အစိုးရလက်ထက်မှာ ကာကွယ်ရေးဦးစီးချု တာဝန်ယူခဲ့တဲ့ ဗိုလ်ချုပ်ကြီး သူရကျော်ထင် ရဲ့ သားဖြစ်တယ်လို့လည်း သိရပါတယ်။စစ်ဦးစီးအရာရှိချုပ် (လေ) အဖြစ် တာဝန်ထမ်းဆောင်နေတဲ့ စစ်တက္ကသိုလ် ဗိုလ်လောင်းသင်တန်း အမှတ်စဉ် (၂၆) ဆင်း ဗိုလ်ချုပ် မောင်မောင်ကျော် ကို ဗိုလ်ချုပ်ကြီးအဖြစ် Jump Promotion ပေးပြီး စစ်တက္ကသိုလ် ဗိုလ်လောင်းသင်တန်း အမှတ်စဉ် (၂၀) ဆင်း ဗိုလ်ချုပ်ကြီး ခင်အောင်မြင့် နေရာမှာ ခန့်အပ်ခဲ့တာလို့ သိရပါတယ်။

ဒီ မြန်မာ့တပ်မတော် ထိပ်တန်းခေါင်းဆောင်တွေ အပြောင်းအလဲသတင်းကို စိတ်ဝင်စားစရာ ပိုကောင်းစေခဲ့တာက သမ္မတ ဦးထင်ကျော် ကို သွားရောက်ဂါရ၀ပြုခဲ့တဲ့ သတင်းကြောင့်ပါဘဲ။နိုင်ငံတကာနှင့် ပြည်တွင်း နိုင်ငံရေးအင်အားစုအချို့က ဝေဖန်မှုတွေရှိနေချိန်မှာ တပ်မတော်က အရပ်သားအစိုးရအောက်မှာ ရှိနေတယ်ဆိုတာကို ဒီဂါရ၀ပြု တွေ့ဆုံတာကနေ ဖော်ပြခဲ့တဲ့အတွက် ဒီသတင်းက ဒီတစ်ပတ်မှာ သတင်းဖတ်သူတွေအတွက် စိတ်ဝင်စားစရာ သတင်းတစ်ပုဒ် ဖြစ်ခဲ့ပါတယ်။
   
ရွှေတိဂုံစေတီတော်ကို သံဃာတော် အပါး ၁၈၀၀၀ တို့ဖြင့် ဗုဒ္ဓါဘိသေက အနေကဇာတင် ပူဇော်ပွဲနှင့် ဆွမ်းဆန်တော်လောင်းလှူပွဲ အခမ်းအနား ကျင်းပတဲ့သတင်းက ၂၀၁၈ နှစ်ဦးမှာ ထူးခြားတဲ့ သတင်းတစ်ခု ဖြစ်ခဲ့ပါတယ်။ပင့်သံဃာ အပါး ၁၈၀၀၀ ကို ဆွမ်းဆပ်ကပ်လှူဒါန်းပြီး ဆွမ်းဆန်စိမ်းလောင်းလှူမှုက “နှစ်ပေါင်း ၂၅၀၆ နှစ် အကြာတုန်းက မြတ်စွာဘုရားက မာန်ငါးပါး၊ အထူးသဖြင့် ဒေ၀ဗုဒ္ဓမာန်ကို အောင်မြင်တော်မူတဲ့အခါ ဗောဓိပင်ခြေရင်းမှာ စုဝေးမှီကြတဲ့ နတ်နဲ့ ဗြဟ္မာဟာ စာမှာပြောတယ် ကျည်တောက်ထဲ ဆန်မှုန့်တွေ သိပ်ထားသလိုပဲတဲ့။ကြိတ်ကြိတ်တိုးလာတယ်။ဒီကနေ့ ၁၈၀၀၀ ထက် စည်ကားတဲ့ပွဲဟာ အဲဒီပွဲပဲ။သာသနာ့ခရီး တစ်လျှောက်လုံးမှာ ဗောဓိပင်ခြေပလ္လင်ပေါ်မှာ မြတ်စွာဘုရား အောင်မြင်တော်မူတဲ့ အောင်ပွဲပြီးတဲ့နောက်မှာ ဒီမျှကြီးကျယ်တဲ့ သံဃာအစည်းအဝေးပွဲကြီးတွေ၊ မဟာသံဃသန္တိပါတပွဲကြီးတွေဟာ မရှိခဲ့ဖူးဘူး။ဒီပွဲဟာ ဒုတိယအကြီးဆုံးပွဲပဲ” လို့ သီတဂူဆရာတော်ကြီး က မိန့်ခဲ့ပါတယ်။

ဒီလိုများပြားတဲ့ သံဃာတွေကို ဆွမ်းဆက်ကပ်ဖို့ ရန်ကုန်မြို့ပေါ်က လူငယ်တွေကို ကုသိုလ်ယူဖို့ ဖိတ်ခေါ်ခဲ့တာ၊ ဆွမ်းလောင်းအသင်းတွေကို ဆွမ်းဆက်ကပ်ဖို့ ဆွမ်းချက်ရန် ကုသိုလ်ဖြစ် ခေါ်ယူတာတွေကြောင့် ယခင်နှစ်ကထက် အများပြည်သူနဲ့ သက်ဆိုင်တဲ့နေရာတွေမှာ အရက်သေစာ သောက်စားပြီး နှစ်သစ်ကူးကြတဲ့သူတွေ ရပ်ကွက်ထဲ လမ်းထဲမှာ ပျော်ပါးကြသူ အရေအတွက်က မသိမသာနည်းပါးလာခဲ့တာကို တွေ့ရပါတယ်။

အများပြည်သူနဲ့ ဆိုင်တဲ့နေရာမှာ သောက်စားမူးယစ်နေသူတွေကို စီမံချက်နဲ့ ဖမ်းဆီးနေတဲ့အတွက် ဒီလိုနည်းပါးလာတာလို့ ပြောလို့ရပေမယ့် သံဃာ ၁၈၀၀၀ ကို ဆွမ်းဆက်ကပ်မှုပွဲတော်အပေါ် လူငယ်တွေ စိတ်ဝင်စားမှု မြင့်တက်လာခဲ့တာ၊ အသင်းအဖွဲ့နဲ့ လုပ်ကိုင်တဲ့အပေါ် လူငယ်တွေ စိတ်ဝင်စားလာခဲ့ကြတာတွေ ဖြစ်လာတဲ့အတွက် ဒီသတင်းက ဒီတစ်ပတ်မှာ အကောင်းဘက်ကကြည့်ရင် စိတ်ချမ်းသာစရာ သတင်းတစ်ပုဒ် ဖြစ်ခဲ့ပါတယ်။
 
ဒီလိုသတင်းကောင်းတွေကြားထဲမှာ နိုင်ငံရေးစိတ်ဝင်စားသူတွေ သတိထားမိတဲ့ သတင်းနှစ်ပုဒ်က တိုင်းဒေသကြီးဝန်ကြီးတစ်ဦး နှုတ်ထွက်စာတင်တဲ့ သတင်းနဲ့ ပြည်နယ်ဝန်ကြီးတစ်ဦးကို ပြည်နယ်လွှတ်တော်က ရာထူးနေရာမှာ ထမ်းဆောင်ဖို့ မသင့်တော်ဘူးဆိုပြီး စွပ်စွဲအပြစ်တင်တဲ့ သတင်းပဲ ဖြစ်ပါတယ်။
ဧရာဝတီတိုင်းဒေသကြီး စိုက်ပျိုးရေး၊ မွေးမြူရေး၊ သယံဇာတနှင့် ပတ်ဝန်းကျင် ထိန်းသိမ်းရေးဝန်ကြီး ဦးဘဟိန်း က ကျန်းမာရေးမကောင်းလို့ဆိုတဲ့ အကြောင်းပြချက်နဲ့ ရာထူးက နှုတ်ထွက်ခွင့်ပြုဖို့ သမ္မတဆီ စာတင်ခဲ့တာပါ။

စိုက်ပျိုးရေးပညာရှင်တစ်ဦးဖြစ်တဲ့ ၀န်ကြီး ဦးဘဟိန်း ရာထူးမှ နှုတ်ထွက်မည့်အကြောင်းကို ဧရာဝတီတိုင်းဒေသကြီး အစိုးရအဖွဲ့နှင့် တိုင်းဒေသကြီးလွှတ်တော် ကိုယ်စားလှယ်များမှ ကြိုတင်သိရှိခြင်းမရှိဘူးလို့ ဆိုပါတယ်။လတ်တလောမှာ ၀န်ကြီး ဦးဘဟိန်း က တိုင်းဒေသကြီးအတွင်း မကြာခဏဖြစ်ပွားတဲ့ စပါး၊ ငါး ပြဿနာနှင့် အင်း ပြဿနာတွေကို ကိုင်တွယ်ဖြေရှင်းနေသူဖြစ်လို့  ယခုလိုနှုတ်ထွက်တာက တိုင်းဒေသကြီးအစိုးရအတွက် ထိခိုက်လာနိုင်တယ်လို့ ဆိုကြပါတယ်။

ပြီးခဲ့တဲ့ ၂၀၁၇ ခုနှစ်အတွင်း ရေလုပ်သားငယ်များ အစုအဖွဲ့တွေကို အင်း လေလံချထားပေးရေးအတွက် ဆောင်ရွက်ခဲ့တာကြောင့် ပုသိမ်မှာ  အင်းလုပ်ငန်းရှင်တွေက ၀န်ကြီး ဦးဘဟိန်း ကို ရာထူးမှ နှုတ်ထွက်ပေးရေးအတွက် ဆန္ဒထုတ်ဖော်ခံရပါတယ်။ဒါပေမယ့်  အများစုဖြစ်တဲ့ ရေလုပ်သားငယ်တွေက ဧရာဝတီတိုင်းအတွင်း မြို့နယ်အသီးသီးမှာ ၀န်ကြီး ဦးဘဟိန်း ကို ထောက်ခံကြောင်း ဆန္ဒထုတ်ဖော်ပွဲတွေ တန်ပြန်ပြုလုပ်ခဲ့တဲ့အထိ အောက်ခြေက နစ်နာသူတွေဘက်က ရပ်တည်ခဲ့တဲ့ ၀န်ကြီးတစ်ဦးလို့ ဆိုကြပါတယ်။

လက်ရှိမှာ ၀န်ကြီး ဦးဘဟိန်း က ရေချိုငါးဖမ်းဥပဒေကို ပြင်ဆင်ရေးဆွဲနိုင်ရန် ညှိနှိုင်းနေဆဲကာလမှာ နှုတ်ထွက်စာ တင်ခဲ့တာဖြစ်လို့ အမျိုးမျိုးခန့်မှန်းမှုတွေ ထွက်ပေါ်လာခဲ့ပေမယ့် ဘယ်သူ့ဖိအားပေးမှုမှ မဟုတ်ဘဲ ကျန်းမာရေးကြောင့်သာ နှုတ်ထွက်စာတင်ခဲ့တာလို့ ၎င်းက ငြင်းဆိုခဲ့ပါတယ်။

ဝန်ကြီး ဦးဘဟိန်း အဖြစ်နဲ့မတူတဲ့ တစ်ခုကတော့ ရခိုင်ပြည်နယ် စည်ပင်သာယာရေးဝန်ကြီးကို  တာဝန်ကို ဆက်လက်ဆောင်ရွက်ရန် မသင့်ကြောင်း ရခိုင်ပြည်နယ် လွှတ်တော်က စွပ်စွဲပြစ်တင် မဲခွဲဆုံးဖြတ်ပြီး အတည်ပြုခဲ့တာပါ။

ရခိုင်ပြည်နယ် မြို့နယ်ငါးခုက စည်ပင်ပိုင်ဈေး တည်ဆောက်ရေးအတွက် တင်ဒါခေါ်ယူရာမှာ လွှတ်တော်ကို အသိမပေးတာ၊ ကျောက်ဖြူက ဌာနပိုင် ဈေးဆိုင်ခန်းများကို နီးစပ်ရာသို့ လက်လွှဲရောင်းချတာ၊ မင်းပြားနှင့် ရသေ့တောင် မြို့နယ်တို့တွင် ကူးတို့တင်ဒါများကို ပွင့်လင်းမြင်သာမှုမရှိဘဲ ခေါ်ယူခဲ့တာ စတဲ့ စွပ်စွဲချက် ကိုးခုဖြင့် ရခိုင်ပြည်နယ် စည်ပင်သာယာရေးဝန်ကြီး ဦးမင်းအောင် ကို လွှတ်တော်က စွပ်စွဲချက်တင်ခဲ့တာပါ။

ပြည်နယ်လွှတ်တော် ဥက္ကဋ္ဌကို လွှတ်တော်ကိုယ်စားလှယ် ၁၇ ဦးက တိုင်ကြားခဲ့ပြီးနောက် အဖွဲ့ဝင်ငါးဦးနဲ့ စုံစမ်းစစ်ဆေးခဲ့ပါတယ်။ထို့နောက် အရေးပေါ်အစည်းအဝေးခေါ်ယူပြီး လျှို့ဝှက်မဲပေးစနစ်နဲ့ ထောက်ခံမဲ ၃၇ မဲ၊ ကန့်ကွက်မဲ ရှစ်မဲဖြင့် ဇန်န၀ါရီ ၂ ရက်တွင် ကျင်းပသည့် အရေးပေါ်လွှတ်တော်က အတည်ပြုခဲ့တာပါ။

စွပ်စွဲအပြစ်တင်ခြင်းခံရတဲ့ စည်ပင်ဝန်ကြီးကတော့ မကြာခင် သတင်းစာရှင်းလင်းပွဲလုပ်မှာလို့ဆိုပြီး အဲဒီရှင်းလင်းပွဲမှာ ဈေး ၅ ဈေးနဲ့ ပတ်သက်ပြီး အပြည့်အစုံ ရှင်းလင်းမယ်လို့ ပြောခဲ့ပါတယ်။ဒါ့အပြင် ၀န်ကြီးတာဝန် မရှိတော့ရင် ပြည်နယ်လွှတ်တော် ကိုယ်စားလှယ်အဖြစ် ဆက်တာဝန်ထမ်းမယ်လို့ ပြောခဲ့ပါတယ်။ဒီအတွက် ၀န်ကြီး ဦးမင်းအောင် ရဲ့ သတင်းစာရှင်းလင်းပွဲနဲ့ ၀န်ကြီး ဦးဘဟိန်း ရဲ့ နှုတ်ထွက်စာအပေါ် သမ္မတက ဘယ်လိုအကြောင်းပြန်မလဲဆိုတာ ရှေ့အပတ်မှာ စောင့်ကြည့်ရဦးမှာ ဖြစ်ပါတယ်။

ဒီသတင်းတွေထဲမှာ ထူးတဲ့သတင်းကတော့ မိသားစုတိုင်း ဟင်းတစ်မည်လျှော့စားလျှင် အလွယ်တကူပင် ကုန်ဈေးနှုန်းကျမယ်လို့ ပြောခဲ့တဲ့ မွန်ပြည်နယ် ၀န်ကြီးချုပ် ဒေါက်တာအေးဇံ ရဲ့ ပြောစကားကို ပြန်ဖော်ပြခဲ့တဲ့ သတင်းတစ်ပုဒ်ပါ။ဒါဟာ သထုံမြို့ရှိ သုဝဏ္ဏဘူမိခန်းမမှာ ဇန်န၀ါရီ ၃ ရက်က ပြုလုပ်ခဲ့တဲ့ မွန် ၀န်ကြီးချုပ်၊ မွန်ပြည်နယ် လွှတ်တော် ဥက္ကဋ္ဌနဲ့ လူထုတွေ့ဆုံပွဲမှာ ဒေသခံပြည်သူတစ်ဦးက ကုန်ဈေးနှုန်း ကြီးမြင့်နေမှုနဲ့ ပတ်သက်ပြီး မေးမြန်းရာမှာ ပြောကြားခဲ့တာ ဖြစ်ပါတယ်။ ဒီပြောစကားက ယခင်အစိုးရလက်ထက်က ထမင်းတစ်နပ်လျော့စားဆိုတဲ့ အာဏာပိုင်တစ်ဦးရဲ့ နာမည်ကျော်ပြောစကားကို အမှတ်ရစရာ ဖြစ်စေတဲ့အပြင် ယခုလို လူနေမှုစရိတ်တွေ မြင့်တက်လာမှုလို့ အားလုံးကျပ်တည်းနေချိန်မှာ ဒီစကား ထွက်ပေါ်လာခဲ့တဲ့အတွက် ပြောစကားက တိုင်းပြည်အတွက် စေတနာမှန်ပေမယ့် အများပြည်သူအတွက် နာလိုခံခက်ဖြစ်စေလို့ ဒီတစ်ပတ်မှာ အဝေဖန်ခံရဆုံး သတင်းတစ်ပုဒ် ဖြစ်ခဲ့ပါတယ်။

ယခု ၂၀၁၈ ခုနှစ် လွတ်လပ်ရေးနေ့မှာတော့ ထူးထူးဆန်းဆန်း အမေရိကန်နိုင်ငံက လွတ်လပ်ရေးနေ့ ၀မ်းမြောက်ကြောင်း သ၀ဏ်လွှာကို အစောဆုံး ပေးပို့ခဲ့ပါတယ်။သ၀ဏ်လွှာထဲမှာ မြန်မာနိုင်ငံနှင့် မိတ်ဆွေ၊ လက်တွဲဖက် နိုင်ငံအနေဖြင့် အမေရိကန်ပြည်ထောင်စုက ဆက်လက်ရပ်တည်လျက် ရှိနေမည်ဖြစ်တယ်ဆိုတာ ပါလာတဲ့အတွက်  အမေရိကန်အနေနဲ့ မြန်မာနိုင်ငံအပေါ် ဘယ်လိုကစားကွက်တွေ ထပ်ကစားလာဦးမလဲဆိုတာ ပြည်တွင်းမှာ အသံတွေ ထွက်ပေါ်လာခဲ့ပါတယ်။

ဒေါ်နယ်လ်ထရန့် တက်လာချိန်မှာ သမ္မတ အိုဘားမား လက်ထက်ကရှိခဲ့တဲ့ ကောင်းမွန်တဲ့ မြန်မာ-အမေရိကန် ဆက်ဆံရေးဟာ အားလုံးပျက်စီးကာ သူစိမ်းပြင်ပြင် ဖြစ်ခဲ့ပါတယ်။ဒါပေမယ့်  နိုင်ငံရေးဆိုတာ တိမ်တောင်သဖွယ် ခန့်မှန်းရခက်တယ် ဆိုတဲ့အတိုင်း ပြီးခဲ့တဲ့ ဒီဇင်ဘာလအတွင်း အမေရိကန်ကို ဂျေရုဆလင် ပြဿနာနဲ့ ပတ်သက်ပြီး ကုလသမဂ္ဂ အထွေထွေညီလာခံမှာ မဲခွဲဆုံးဖြတ်တဲ့အခါ မြန်မာနိုင်ငံက အဲဒီအစည်းအဝေးကို မတက်ခဲ့တဲ့အတွက် အမေရိကန်က ဒီလို မတက်ရောက်တဲ့ နိုင်ငံတွေ၊ ကြားနေတဲ့ နိုင်ငံတွေ၊ သူ့ဘက်က ထောက်ခံတဲ့ နိုင်ငံတွေ စာရင်းကို သူ့ဆီတင်ပြဖို့ ကုလဆိုင်ရာ အမေရိကန်သံတမန် နစ်ကီ ဟာလေ ကို ပြောထားခဲ့ဖူးပါတယ်။

ယခုလို့ မြန်မာနိုင်ငံနှင့် မိတ်ဆွေ၊ လက်တွဲဖက် နိုင်ငံအနေဖြင့် အမေရိကန်ပြည်ထောင်စုက ဆက်လက်ရပ်တည်လျက် ရှိနေမည်လို့ ထရန့် အနေနဲ့ သ၀ဏ်လွှာထဲ ဖော်ပြခဲ့တာဟာ ဒီအကျိုးဆက်ကြောင့် ဖြစ်ဖို့များတယ်လို့ သုံးသပ်သူတွေက ဆိုပါတယ်။ဒါပေမယ့် မြန်မာနိုင်ငံအနေနဲ့ လူ့အခွင့်အရေး အမည်တပ်ထားပြီး ပြည်တွင်းရေးကို ၀င်စွက်ဖက်တဲ့ လူ့အခွင့်အရေးကောင်စီနဲ့ OIC လို အင်အားကောင်းတဲ့ နိုင်ငံတကာ အစ္စလာမ်အဖွဲ့အစည်းတွေနဲ့ ရင်ဆိုင်နေရချိန်မှာ အမေရိကန်ရဲ့ ဒီလို အမှာစကားက အားမပါခဲ့ရင်တောင် အနည်းငယ်တော့ အထောက်အပံ့ဖြစ်တဲ့အတွက် ဒီသတင်းက နိုင်ငံတကာမျက်နှာစာမှာ ချိနဲ့တဲ့ မြန်မာနိုင်ငံ ပုံရိပ်အတွက် အထောက်အကူဖြစ်စေတဲ့ သတင်းကောင်းတစ်ခု ဖြစ်ခဲ့ပါတယ်။

ဒီတစ်ပတ်မှာတော့ တရားဥပဒေစိုးမိုးမှု အားနည်းမှုကြောင့် သေဆုံးခဲ့ရတဲ့ ဟာသသရုပ်ဆောင်တစ်ဦးရဲ့ သတင်းနဲ့ အဆုံးသတ်လိုက်ချင်ပါတယ်။ Facebook ပေါ်မှာ ဟာသဗီဒီယိုတွေ ရိုက်ကူးတင်ရာမှ လူသိများလာတဲ့ ဟာသသရုပ်ဆောင် အောင်ရဲထွေး ဟာ  ယခုဇန်န၀ါရီ ၁ ရက် (နှစ်သစ်ကူးနေ့) နံနက် ၄ နာရီခန့်က ရည်းစားဖြစ်သူနှင့်အတူ သင်္ဃန်းကျွန်းမြို့နယ်၊ ပေါ်ဆန်းမွှေးလမ်းမှာရှိတဲ့ The One Entertainment ၀င်းအတွင်း ပြုလုပ်တဲ့ ပါတီပွဲမှာ လူတစ်စုက ၀ိုင်းဝန်းထိုးကြိတ် ကန်ကျောက်ခဲ့မှုကြောင့် ဒဏ်ရာများရရှိခဲ့ပြီး ရန်ကုန်ဆေးရုံကြီးမှာ ဆေးကုသမှုခံယူနေစဉ် ဇန်န၀ါရီ ၂ ရက် မွန်းလွဲ ၂ နာရီခန့် က သေဆုံးသွားခဲ့ပါတယ်။

ဒီသေဆုံးတဲ့ သတင်းက ဖေ့စ်ဘုတ်မှာ ပျံ့နှံ့ခဲ့သလို သေစေတဲ့အထိ ထိုးကြိတ်ကန်ကျောက်ခဲ့တဲ့သူတွေရဲ့ ပုံတွေကလည်း အကောင့်တစ်ခုကနေ တင်ခဲ့လို့ ပိုပျံ့နှံ့လာခဲ့ကာ ဒီလူသေဆုံးမှုက ပိုစိတ်ဝင်စားစရာ ကောင်းလာခဲ့ပါတယ်။အောင်ရဲထွေး သေဆုံးမှုမှာ ပါတဲ့သူတွေနဲ့ ပတ်သက်တယ်လို့ အမည်တပ်ခဲ့လို့ ယခင်အစိုးရလက်ထက်မှာ အဓိကအာဏာပိုင်ရဲ့ မြေးဖြစ်သူက ပြန်ငြင်းချက်ထုတ်ခဲ့ရသလို တရားခံလို့ ယူဆရတဲ့သူတွေရဲ့ ပုံတွေကြောင့် ရုပ်ချောရင် သဘောကျတဲ့ အမျိုးသမီးနာမည်နဲ့ အကောင့်ပိုင်ရှင်တချို့ရဲ့ လူသတ်သမားလဲ ကြွေမှာပဲ ဆိုတဲ့ စတေးတပ်တွေ ကွန့်မန့်တွေကြောင့် facebook မှာ ဗြောင်းဆန်အောင် အပြန်အလှန်ဖြစ်ကာ ပွဲဆူခဲ့ပါတယ်။

ဒီသတင်းတွေရဲ့ အောက်က မှတ်ချက်တွေက မြန်မာနိုင်ငံမှာ ကြောက်မက်ဖွယ်ရာ ကောင်းလောက်အောင် ပြည်သူတွေဘ၀ မလုံခြုံမှုတွေ၊ ခြိမ်းခြောက်ခံနေရတာတွေ၊ အသိပညာမဲ့မှုတွေ၊ အတ္တကြီးမှုတွေ၊ ဘာသာရေး၊ လူမျိုးရေး အစွဲကြီးကြီးမားမား ရှိနေတာကို ဖော်ပြခဲ့သလို ဖြစ်ခဲ့ပါတယ်။

ဇန်န၀ါရီ ၁ ရက် နံနက်ပိုင်းမှာ ဖြစ်တဲ့ အောင်ရဲထွေး အမှုက တရားခံတစ်ဦးဖြစ်တဲ့ သားကြီး(ခ)သန်းထွဋ်အောင် ကို သူ့ရဲ့ ဖခင်ဖြစ်သူက ရဲစခန်းကို ကိုယ်တိုင်လာအပ်ခဲ့ပြီး ပြည်ဖြိုးအောင် (၂၆) နှစ် ဆိုသူကို မိခင်ဖြစ်သူက ဇန်န၀ါရီ ၃ ရက် ညပိုင်း၊ ကျော်ဇောဟန်(ခ)ကျော်ဇော ကို ၎င်း၏ မိဘများက ဇန်န၀ါရီ ၄ ရက် နံနက် ၁၀ နာရီခွဲခန့်တွင် ရဲစခန်းသို့ ၎င်း အသီသီးလာရောက်ပို့ခဲ့လို့ ဒီအမှုက ရုပ်လုံးပေါ်လာခဲ့ပါတယ်။မူလထွက်ပေါ်လာတဲ့ အွန်လိုင်းသတင်းတွေမှာ လူအုပ်စုက ၀ိုင်းဝန်းထိုးကြိတ် ကန်ကျောက်ခဲ့တယ်ဆိုပေမယ့် နောက်ပိုင်း သက်ဆိုင်ရာထုတ်ပြန်ချက်တွေမှာ မိဘတွေလာပို့ခဲ့တဲ့ ဒီ ၃ ယောက်ကပဲ ကျူးလွန်ခဲ့တာလို့ ဆိုပါတယ်။

ဒီဖြစ်ရပ်က အရပ်သားအစိုးရကို  တရားဥပဒေစိုးမိုးမှုမှာ ယခုထက်ပိုပြီး အဆပေါင်းများစွာ လုပ်ရဦးမယ်ဆိုတာကို အထင်အရှားပြသခဲ့သလို ဖြစ်ခဲ့ပါတယ်။ဒါ့အပြင် အရပ်သားအစိုးရ တက်လာကာစက နိုက်ကလပ်တွေ၊ ဒေးကလပ်တွေနဲ့ ပတ်သက်ပြီး တင်းတင်းကျပ်ကျပ် ပြင်းပြင်းထန်ထန် ကိုင်တွယ်မှုတွေ ရှိခဲ့၊ ကြားခဲ့ရပေမယ့် ယခုအခါ ဒီလိုတင်းကျပ်တဲ့အသံတွေ မကြားရတော့တဲ့အချိန်မှာ ယခုလိုဖြစ်ရပ်တွေ ပြန်လည်ပေါ်ပေါက်လာတဲ့အတွက် ပြန်ပြီးတင်းကျပ်မှုတွေ ဖြစ်လာမလားဆိုတာ စောင့်ကြည့်စရာ ဖြစ်လာခဲ့ပါတယ်။ဒီဖြစ်ရပ်က ကမ္ဘာလှည့်ခရီးသည်တွေ ၀င်ထွက်မှုရှိတဲ့ နိုက်ကလပ်တွေမှာ ဒီလိုမျိုးဖြစ်လာခဲ့ရင်၊ သေဆုံးသူက နိုင်ငံခြားသား ဖြစ်နေခဲ့ရင် ဖြစ်ပေါ်လာမယ့် အကျိုးဆက်က ရခိုင် မြောက်ပိုင်းပြဿနာကြောင့်  ကျဆင်းနေတဲ့ ကမ္ဘာလှည့်ခရီးသွားလုပ်ငန်းအတွက် “မြွေပူရာ ကင်းမှောင့်” ဆိုသလို ဖြစ်လာနိုင်ပါတယ်။

ယခုဖြစ်ရပ်က ယခင်အစိုးရအဆက်ဆက်က ရှိခဲ့တဲ့ လူအများရဲ့အလယ်မှာ လူတစ်ယောက်ကို အုပ်စုဖွဲ့ဝိုင်းရိုက်တာကို မဟန့်တားရဲတာ၊ ကိုယ်နဲ့ မဆိုင်ရင် မပိုင်ရင် ၀င်မပါတာ အန္တရာယ်အကင်းဆုံးပဲဆိုတဲ့ ယဉ်ကျေးမှုက ယခုထိကြီးစိုးနေဆဲ ဖြစ်နေတာကို ဖွင့်ဟပြလိုက်သလို ဖြစ်ခဲ့ပါတယ်။
လူသတ်မှု ကျူးလွန်သူ တရားခံတွေကို မိနေပေမယ့် သတင်းတစ်ခုမှာ “ဖမ်းမိထားသူ ၃ ဦးဟာ တကယ့်တရားခံအစစ်တွေ ဟုတ်၊ မဟုတ် အဖြေရှာဦးမှာ ဖစ်တယ်လို့ အောင်ရဲထွေး ရဲ့ အစ်ကိုဖြစ်သူဆို” ဆိုတဲ့ သတင်းကြောင့် ပြီးဆုံးပြီထင်တဲ့ အောင်ရဲထွေး အသတ်ခံရမှုက စ်ိတ်ဝင်စားစရာ ပိုကောင်းလာခဲ့ပါတယ်။ဒါပေမယ့် အခင်းဖြစ်ပွားချိန် အနီးမှာရှိတဲ့ မျက်မြင်သက်သေတွေရဲ့အတည်ပြုချက်၊ ထွက်ဆိုအစစ်ခံချက်တွေအရ ပြစ်မှုကျူးလွန်သူတွေဆိုတာ မှန်ကန်တယ်လို့ ရန်ကုန်တိုင်းဒေသကြီး ရဲတပ်ဖွဲ့မှူးရုံး ရဲမှူး လှဝေ က ဇန်န၀ါရီ ၅ ရက် ပြောကြားခဲ့ပါတယ်။ရဲမှူး လှဝေ မှ အခုလို သေဒဏ်၊ တစ်ကျွန်းဒဏ် ထိုက်သင့်တဲ့ ပြစ်မှုမျိုးနဲ့ ပတ်သက်ပြီး ဘယ်မိဘမှ ကိုယ့်သားသမီးကို ပြစ်မှုကျူးလွန်တာမရှိဘဲ ကျူးလွန်တယ်ဆိုပြီး ထိုးကျွေးမယ့် မိဘမျိုး မရှိဘူးလို့လည်း ပြောကြားခဲ့သလို ဓာတ်ပုံမှတ်တမ်းတွေအရ တိုက်ဆိုင်စစ်ဆေးတဲ့အခါမှာလည်း သန်းထွဋ်အောင်(ခ)သားကြီး ရဲ့ ကိုယ်ပေါ်က တက်တူးပုံတွေဟာ မှန်ကန်မှုရှိကြောင်း၊ အခင်းဖြစ်ပြီးနောက်ပိုင်း မုတ်ဆိတ်မွှေးတွေ ရိတ်လိုက်တာကြောင့် ပြည်သူတွေအနေနဲ့ အမြင်ကွဲလွဲပြီး သံသယရှိနိုင်ပေမယ့် ပြစ်မှုကျူးလွန်သူ အစစ်အမှန်ဖြစ်တယ်လို့  ပြောကြားခဲ့ပါတယ်။

ဘာသာတွေ၊ လူမျိုးတွေ၊ တခြားသော အကြောင်းအရာတွေကို မကြည့်ဘဲ သတင်းကို သတင်းလိုဘဲ ကြည့်မယ်ဆိုရင် မင်္ဂလာဒုံမြို့နယ် ဇေကမ္ဘာ၀င်းထဲ ယာဉ်တစ်စီးက  ဒဏ်ရာများစွာရထားတဲ့ အမျိုးသားတစ်ဦးကို လာပစ်သွားတဲ့ သတင်းနဲ့ လူတွေကိုပျော်စေဖို့ ဟာသလုပ်ပြီး သရုပ်ဆောင်တင်ဆက်သူ အောင်ရဲထွေး အသတ်ခံရတဲ့ ၀မ်းနည်းစရာ သတင်းဆိုးတွေက လက်ရှိခေတ်ကာလရဲ့ တရားဥပဒေစိုးမိုးမှု ပကတိအခြေအနေကို ဖျပ်ကနဲ လှစ်ဟပြခဲ့တဲ့အတွက် ဒီတစ်ပတ်မှာ စိတ်ဝင်စားမှုအမြင့်ဆုံး သတင်းက ဒီသတင်းတွေ ဖြစ်ခဲ့တယ်ဆိုတာ တင်ပြရင်း ဒီတစ်ပတ်အတွက် သတင်းသုံးသပ်ချက်ကို  ဒီမှာပဲရပ်နားလိုက်ပါတယ်။
                                                                                               
မာလင်း
From-O L M

https://m.facebook.com/story.php?story_fbid=1976526295936652&id=100007379025151