"တရုတ်ပြည်သူ့သမ္မတ မြန်မာနိုင်ငံတော်"

"Let there be light" ဆိုသည့် အလင်းရောင်စတင်ဖြာထွက်လာပြီး ထိုမှ အခိုးအငွေ့ အစိုင်အခဲကြီးအဖြစ်
နှစ်သန်းပေါင်းများစွာ ပြုပြင်ပြောင်းလဲခဲ့ကြသဖြင့် စကြာဝဠာအတွင်းအခြားဂြိုလ်ကမ္ဘာပေါင်းများစွာနှင့်အတူ
မိမိတို့ကမ္ဘာ အပါအဝင် နေမင်းကြီးနှင့်တကွ လူသားတို့ကမ္ဘာကြီး ပေါ်ပေါက်လာခဲ့ပေသည်။

သမုဒ္ဒရာ၊ တောတောင်၊ ရေ၊ မြေ၊ လေဩကာသ လောကဖြစ်ပေါ်ခဲ့ပြီး သက်ရှိသတ္တဝါ လူ၊ တိရစ္ဆာန် စသည်ဖြင့် ပေါ်
ထွန်းသည့် သတ္တလောကကြီးကို သင်္ခါရလောက၏ ပြုပြင်ပြောင်းလဲ စီမံဖန်တီးမှုမှာ နှစ်ပရိစ္ဆေဒ အသင်္ချေ၊ အသင်္ချာ ကြာမြင့် ခဲ့ပါသည်။

အသိညဏ်ရှိသော လူသတ္တဝါတို့ လောကသုံးပါးကို စိုးမိုးခဲ့ကြကာ လူသားတို့၏ ယဉ်ကျေးမှုကို တည်ဆောက်ခဲ့ကြပါသည်။

မာယာ၊ အီဂျစ်၊ ခေါမ၊ ရောမ ခေတ်များမှအနောက်တိုင်းယဉ်ကျေးမှုနှင့် အရှေ့တိုင်းယဉ်ကျေးမှုများ ဖြစ်ထွန်းရန် ကျောက်ခေတ်
သံခေတ်၊ ကြေးခေတ် စသည်ဖြင့် ခေတ်ပေါင်းများစွာကို ဖြတ်သန်းခဲ့ကြရပါသည်။

သို့ဖြတ်သန်းခဲ့ရာ၌ လွန်ခဲ့သော နှစ်ပေါင်းထောင်စု ကာလတွင်မှ လူတို့ ယဉ်ကျေးမှုသည် သိသာ ထင်ရှားစွာ တိုးတက်ခဲ့ပေသည်။

မောရှေ တရားပြခြင်း၊ ဗုဒ္ဓ ပွင့်တော်မူခြင်း၊ခရစ်တော် ဖွားမြင်ခြင်း၊ မိုဟာမက် တရားသိမြင်ခြင်း စသော ဘာသာ အယူဝါဒ အ
သီးသီးတို့သည် လွန်ခဲ့သော ထောင်စုနှစ်များတွင် ဖြစ်ပေါ်ခဲ့ပါသည်။

ထိုဘာသာ အယူဝါဒများသာမက လူမှုရေး၊နိုင်ငံရေး၊ စီးပွါးရေးဆိုင်ရာ စည်းမျဉ်း နည်းနာများသည်လည်း လွန်ခဲ့သော နှစ် (၁,၀၀၀)
ကာလတွင် အခြေတည်ခဲ့ပေသည်။

မဲဆန္ဒရှင်များက ရွေးကောက်တင်မြှောက်သော ပါလီမန်စနစ်သည် အင်္ဂလန်၌ 'အပျိုစင် ဘုရင်မ(The Virgin Queen)' သို့မဟုတ် 'အဲလစ်ဇဘက်ဘုရင်မ (၁) (Elizabeth I)' လက်ထက် (၁၅၉၇)ခုနှစ်က စတင်ကာ အခြေစိုက်ခဲ့ပါသည်။

ထိုစနစ်ကြောင့် အင်္ဂလန်သည် ကမ္ဘာစစ်ကြီးနှစ်ခုကို အောင်နိုင်ခဲ့သဖြင့် ကုလသမဂ္ဂ ကဲ့သို့သော ကမ္ဘာ့အဖွဲ့ကြီး ပေါ်ပေါက်ခဲ့ရပေ သည်။

ကုန်ထုတ် ကိရိယာများကို အရင်းရှင်တို့လက်မှ အလုပ်သမားတို့လက်သို့ သိမ်းယူ လုပ်ဆောင်လျှင် ကောင်းအံ့ဟု ယူဆ
သော ကွန်မြူနစ်စနစ်နှင့် မိမိတို့ အမျိုးသားသာ မြင့်မြတ်သည်ဟု ဆိုကာ သွေးခွဲ အုပ်ချုပ်သော အာာဏာရှင် စနစ်တို့သည်လည်း
အရှိန်ပြင်းစွာ ပေါ်ထွန်းလာရာမှ ပျက်ပြားခဲ့ရလေပြီ။

ထိုကမ္ဘာ့ သမိုင်းစဉ်တွင် မြန်မာနိုင်ငံသည်ကျောက်ခေတ်နှောင်းပိုင်း ကာလမှ စတင်၍ စိုက်ပျိုးခြင်း၊ချက်ပြုတ် စားသောက်ခြင်း
တို့ပြုလုပ်သည်အထိ ယဉ်ကျေးနေကြသည့်အထောက်အထားများတွေ့ရှိရပါသည်။

လွန်ခဲ့သော နှစ်တစ်ထောင်ကပင် မြန်မာနိုင်ငံသားတို့သည် မြို့ပြကျေးရွာများ ဖွဲ့စည်းကာမင်းများက အုပ်ချုပ်သော နိုင်ငံများ တည်
ထောင် နိုင်ခဲ့ပေသည်။

သို့သော်လည်း စိတ်မကောင်းဖွယ်ရာက ထိုစဉ်ကာလကတည်းကပင်  မြန်မာနိုင်ငံသည် တရုတ်တို့၏ ကျူးကျော် နှောက်
ယှက်မှုဒဏ်ကို အမြဲခံခဲ့ရပါတော့သည်။

မြန်မာတို့က ၎င်းတို့ နေထိုင်ရာ ဒေသကို လွတ်လပ်သော အချုပ်အခြာ အာဏာပိုင်နိုင်ငံဟု ယူဆသော်လည်း တရုတ်တို့ကမူ
မြန်မာပြည်ကို ၎င်းတို့၏ လက်အောက်ခံအဖြစ် သတ်မှတ်ထားသည်မှာ မြန်မာနိုင်ငံဟူ၍ စတင်ပေါ်ပေါက်လာကတည်းကပင်
ဖြစ်ပါသည်။

ရှေးတရုတ် သမိုင်းများတွင် မြန်မာပြည် ကို"တင်" တိုင်းပြည်ဟုသတ်မှတ်ကြပြီး လွန်ခဲ့သော နှစ်ပေါင်း (၁၉၀၀) ကျော် အချိန်အခါ
ဖြစ်သည့် ခရစ်သက္ကရာဇ် (၉၄၊ ၉၇နှင့် ၁၂၀)ခုနှစ်များ၌ တရုတ်အရှေ့ပိုင်း "ဟန်" မင်းဆက်အား "တင်" ဒေသမှ လက်ဆောင်ပဏ္ဏာများ(အဖိုးတန်ကျောက်မျက်များနှင့် ဆင်များ အပါအဝင်) ဆက်သခဲ့ရသည်ဟု မှတ်တမ်းများက
ဆိုပါတယ်။

(၉) ရာစုတွင် 'ပူကန် (ပုဂံ)' ၌ တိုင်းနိုင်ငံပေါင်း(၁၈) ခုရှိ၍ "ပျူ" လူမျိုးတို့ကလွှမ်းမိုးနေကြောင်းနှင့် ဤနိုင်ငံများက အခါအခွင့်သင့်သလို "တန်"မင်းဆက် ( ၆၁၈ - ၉၀၇ ) အား လက်ဆောင်ပဏ္ဏာများ ဆက်သရကြောင်းလည်း တရုတ်
မှတ်တမ်းများတွင် ရေးသားထားပါသည်။

ပုဂံမင်းများ လက်ထက်တွင်လည်း တရုတ်ပြည်ရှိ "ဆွန်" မင်းဆက် (၉၆၀ - ၁၂၇၆) အား လက်ဆောင်ပဏ္ဏာများ ပေးပို့ခဲ့ရပါသည်။

ခရစ်နှစ် (၁၀၈၄) ခုနှစ်တွင် နန်းတက်သော'ကျန်စစ်သားမင်း (Kyansittha)' သို့မဟုတ်'ထီးလှိုင်ရှင် (Hti-Hlaing Shin)' မင်းကလည်း၎င်း၏လက်ထက် (၁၁၀၆) ခုနှစ်တွင် 'မြန်တင်(မြန်မာပြည်)' မှ ဆင်ဖြူ များပေးပို့သည်ကို
တရုတ်တို့က မှတ်တမ်းတင်ထားပါသည်။

ထိုနှစ်မှစ၍ မြန်မာပြည်ကို "ပူကန်" ဟု ရည်ညွန်းခြင်း မပြုတော့ဘဲ "မြန်တင်" ဟုသာတရုတ်မှတ်တမ်းများ၌ ရည်ညွန်းလာပါသည်။

(၁၃) ရာစုနှစ်တွင် တရုတ်ပြည် အနောက်မြောက်ပိုင်းကို ကြီးစိုးနေသော "ကူဗလိုင်ခန်" သည် "ဆွန်" မင်းဆက်ကိုအောင်မြင်
ပြီး ယူနန်နှင့် နန်ချောင် တစ်နယ်လုံးကိုသိမ်းပိုက်နိုင်ခဲ့ပါတယ်။

(၁၂၈၇) ခုနှစ်တွင် ပုဂံပြည်ကို သိမ်းပိုက်ပြီးပုဂံဘုရင် 'နရသီဟပတေ့' ထွက်ပြေးသွားသော အခါ တရုတ် လက်အောက်သို့ ကျ
ရောက်ခဲ့ရပြီး မြန်မာပြည် အလယ်ပိုင်း ဒေသကို "မြန်ချွန်" ပြည်နယ်ဟု တရုတ်တို့က သတ်မှတ်ခဲ့ပါသည်။

တရုတ်တို့သည် "မြန်ချွန်" ပြည်နယ်ကိုတိုက်ရိုက် အုပ်ချုပ်ခြင်းမပြုဘဲ ယနေ့ခေတ်သုံးမတ်သားနှင့် တမတ်သားကဲ့သို့သော
သစ္စာခံ အိမ်စောင့်ခွေး ဒေသခံ မင်းများကိုသာ အုပ်ချုပ်စေခဲ့ပါတယ်။

မွန်ဂိုအင်ပါယာကျဆုံးပြီး တရုတ်ပြည်တွင်"မင် မင်းဆက် (Ming dynasty)  လက်ထက်(၁၃၆၈ - ၁၆၄၄ ) ခုနှစ်၌ ယူနန်ပြည် ဘုရင်ခံကို အင်းဝဘုရင်က သံအဖွဲ့များ စေလွှတ်၍လက်ဆောင်ပဏ္ဏာများ ဆက်သရပါသည်။

ညောင်ရမ်းမင်းဆက် ပင်းတလဲမင်း (၁၆၄၈ -၁၆၆၁) လက်ထက်တွင် တရုတ်ပြည်မှ နိုင်ငံရေး ပဋိပက္ခများ မြန်မာပြည်ထဲသို့ကျွံဝင်
လာခဲ့ပါတယ်။

(၁၆၄၄) ခုနှစ်၌ မန်ချူး တို့သည် တရုတ်စစ်ဗိုလ်ချုပ်ကြီး "ဝူစန်ကွေ့ (Wu San Kuei)"နှင့် ပူးပေါင်းကာ "မင်" မင်းဆက်ကို ဖြုတ်ချ
လိုက်တာကြောင့် နောက်ဆုံး "မင်" မင်းဆက်ဖြစ်သည့် "ချူယူလန် (Chu Yu Lang)" နှင့်နောက်လိုက်များက 'တရုတ် - မြန်မာ' နယ်စပ်ထိ ဆုတ်ခွါလာပြီး ယူနန်မှ တဆင့် "မင်"တပ်ပျက်မှ တပ်သားများနှင့် သူခိုး ဓားပြများ
စုပေါင်း၍ မြန်မာပြည် နယ်စပ်တွင် သောင်းကျန်းကြသဖြင့် မြန်မာများ ကာလပျက်ကို
ကြုံတွေ့ ကြရပါတော့တယ်။

ချူယူလန်တို့အဖွဲ့ (၁၆၅၈) ခုနှစ်တွင် နောက်ဆုံးစစ်ပွဲ ရှုံးနိမ့်သဖြင့် မြန်မာပြည်တွင်းထဲသို့အလုံးအရင်းနှင့် ဝင်ရောက် ကျူးကျော် ခိုလှုံ
ရာ 'ပင်းတလဲမင်း' က စစ်ကိုင်းတွင် နေရာပေးလိုက်မိရာကနေ ယနေ့အထိ ဗမာပြည်သည် တရုတ်၏ ဖုံးလွှမ်းမှုကို ခံရပါတော့
တယ်။

(ထိုအဖြစ်အပျက်သည် ၁၉၅၀ ပြည့်လွန်နှစ်များတွင် တရုတ်ကွန်မြူနစ် မော်စီတုန်းကိုစစ်ရှုံး၍ ကူမင်တန်တရုတ်ဖြူများ မြန်မာပြည်
တွင်း ဝင်ရောက် ကျူးကျော်ပုံနှင့် ဆင်တူပါတယ်။)***

ခရစ်သက္ကရာဇ် (၁၆၆၂) ခုနှစ်တွင် ယူနန်ပြည်၌ ဘုရင်တဆူလို ဖြစ်လာသော ဝူစန်ကွေ့ဟာ"မင်" မင်းဆက်ကို အမြစ်ပါ မကျန်အောင်
ရှင်းပစ်လိုတာကြောင့် အင်အားကောင်းတဲ့ တရုတ်စစ်တပ်ကြီးကို ဦးဆောင်ကာ အင်းဝမြို့အထိချီတက်လာပြီး"ချူယူလန်" ကို
အပ်နှင်းရန်အင်းဝမင်းထံ ခြိမ်းခြောက် တောင်းဆိုပါတယ်။

အင်အားချင်း မမျှတာကြောင့် တရုတ်တို့၏တောင်းဆိုချက်အတိုင်း လိုက်လျောခဲ့ရပေမဲ့အင်းဝနေပြည်တော် တစ်ခုလုံး အတော့်ကို
တုန်လှုပ်ချောက်ချားသွားခဲ့ပါတယ်။

(ဗမာရာဇဝင်မှာ "ချူ ယူလန် (Chu Yu Lang)"လို့ ဖော်ပြခြင်းမရှိဘဲ "ရုံကျီ ဥတည်ဘွား" လို့မထင်မရှား ရေးထားတာ တွေ့ရပါတယ်)***

မည်သို့ပင်ဆိုစေကာမူ (၁၁) ဇန်နဝါရီ (၁၆၆၂)ခုနှစ်မှာ "ချူယူလန်" ကို တရုတ်တို့ထံ သား၊မြေးနှင့်တကွ ပေးအပ်ပြီး နောက်ပိုင်း
မန်ချူးတရုတ်တွေ ဗမာပြည်ကို နောက်နှစ်တစ်ရာနီးပါးခန့်အထိ မနှောက်ယှက်တော့ဘူးလို့သိရှိရပါတယ်။

တရုတ်မင်းများ အင်အားကောင်းချိန်မှာ မြန်မာမင်းတို့က လက်ဆောင်ပဏ္ဏာများ ဆက်သ၍သစ္စာတော် ခံယူရပြီး သူတို့
အင်အားကျဆင်းနေချိန်တွင် အဆက်အဆံ မလုပ်ပဲ ခပ်ရှောင်ရှောင်နေပြီး ကြောက်ဟန်ဆောင်နေရခြင်း
သဘောမျိုး ဖြစ်ပါတယ်။

သို့သော် (၁၇၅၀ - ၅၁) ခုနှစ်များတွင် မြန်မာမင်းတို့က လက်ဆောင်ပဏ္ဏာများ ပြန်လည်ဆက်သရကြောင်း တရုတ်တို့က မှတ်တမ်း
တင်ထားပြန်ပါတယ်။

အေဒီ (၁၇၆၃ - ၁၇၇၆) ခုနှစ် ဗမာပြည်မှာကုန်းဘောင်ခေတ် ဆင်ဖြူရှင်မင်း အုပ်စိုးနေချိန်ဖြစ်ပါတယ်။

အလောင်းဘုရားရဲ့ သားတော် မြေဒူးမင်းသား၊ ငယ်နံမည်က 'မောင်ရွ' ဖြစ်ပါတယ်။

(သူ့ခေတ်မှာ အနော်ရထာမင်း တည်ပြီးကျန်စစ်သားမင်း လက်စသတ်ခဲ့တဲ့ ရွှေစည်းခုံစေတီကို ထီးတော်တင်ခဲ့ပါတယ်။

ဒါပေမဲ့ အဲဒီစေတီကိုသူ့အရင် ဘုရင့်နောင်လက်ထက်မှာ ရွှေသက္ကန်းကပ်လှူတာ ပိသာချိန် (၂ ,၁၀၀)၊ တန်ချိန်နှင့်ဆို (၃.၁၈) တန်
ရှိတယ်လို့ သိရှိရပါတယ်။)

(သို့သော် ဗိုလ်ခင်ညွန့်လက်ထက်အရောက်မှာတော့ ပုဂံ ဘုရားတွေ ပြုပြင်တယ် ဆိုပြီးအကုန်နီးပါး ခွါယူတာ ခပ်ပါးပါးပဲကျန်ပါတော့တယ်)

တချိန်တည်းမှာပဲ တရုတ်ပြည်မှာတော့ တရုတ်ဧကရာဇ်မင်း 'ချင်လုံ (Emperor Qianlong /၁၇၃၅ - ၁၇၉၆)' က
အုပ်ချုပ်လျှက်ရှိပါတယ်။

သူ့လက်ထက်မှာ အင်းဝကို (၁၇၆၅) မှ (၁၇၆၉)ခုနှစ် အထိ လေးကြိမ်တိုင်တိုင် ဝင်ရောက်တိုက်ခိုက်ပေမဲ့ မအောင်မြင်ခဲ့ပါ။

(တရုတ်တွေမအောင်မြင်ရတာ အပူပိုင်းဇုံမှာကျရောက်တဲ့ ကူးစက် ကပ်ရောဂါ ရကြလို့တရုတ်တပ် ပျက်တယ်လို့ အင်္ဂလိပ်လိုရေး
သမိုင်းတွေမှာ ဖော်ပြထားပေမဲ့ ဗမာရာဇဝင်မှာတော့ ဘုရင့် ဘုန်းတန်ခိုးကြောင့်လို့ ရေးသား ထားပါတယ်။)

ဒီလိုနဲ့ ၁၃၊ ဒီဇင်ဘာ (၁၇၆၉) ခုနှစ်မှာတော့တရုတ် - မြန်မာ စစ်ပြေငြိမ်းရေး စာချုပ် ချုပ်ဆိုနိုင်ခဲ့တယ်။

စာချုပ်ပါ အချက်တွေထဲမှာ ဗမာ့အထင် နဲ့တရုတ်အမြင်တို့ကိုနောင်အခါ ရှုပ်ထွေးစေမယ့် အချက်တချက် ပါလာပါတယ်။

အဲဒါကတော့ ရှေးယခင်ကအတိုင်း ပြန်လည်ဆက်ဆံမယ် ဟူသော အချက် ဖြစ်ပါတယ်။

တရုတ်မင်း အဆက်ဆက်က ဗမာပြည်ကိုဩဇာခံနယ်မြေအဖြစ်သာ သတ်မှတ်ခဲ့တာကြောင့် ရှေးကအတိုင်း ဆက်ဆံရန်
ဗမာတို့က သဘောတူခြင်းသည် တရုတ်ဩဇာခံ အဖြစ် ဆက်လက်နေထိုင်ရန်သဘောတူခြင်းဖြစ်တယ်လို့တရုတ်ဘက်
က မြင်ပေမဲ့ ဗမာတွေ ဘက်က နောင်ရင်းညီဘွား  (ဆွေမျိုး ပေါက်ဖော်) သကဲ့သို့ဆက်ဆံရန် သဘောတူခြင်းဟု ထင်မှတ်
ထားကြပါတယ်။

မင်းတုန်းမင်း လက်ထက် (၁၈၇၅) ခုနှစ်မှာ တရုတ်ပြည်ကိုနောက်ဆုံး သံတမန်စေလွှတ်သည်ဟု သိရှိရပြီး မြန်မာပြည်ကို အင်္ဂလိပ်တို့
သိမ်းပိုက်ပြီးသောအခါတွင်မှ တရုတ်ပြည်ကိုလက်ဆောင်ပဏ္ဏာ ဆက်သသည့် အလေ့အထကို အင်္ဂလိပ်တို့က ရပ်ဆိုင်းလိုက်ပါ
တော့တယ်။

ဗမာပြည် လွတ်လပ်ရေးရရှိပြီးနောက်ဝန်ကြီးချုပ် ဦးနု လက်ထက် ဒီမိုကရေစီခေတ် (၁၉၄၈ မှ ၁၉၆၂) အထိ (၁၄)
နှစ်တာ ကာလအတွင်း အမိ ဗမာပြည်ဟာ ကြွေးမြီ ကင်းရှင်းပြီး တကမ္ဘာလုံးနှင့်သံတမန် ဆက်သွယ်ရေးကောင်းမွန် တိုး
တက်ခဲ့တာကြောင့် မြန်မာကို ကမ္ဘာကလေးစားရတဲ့ အခြေအနေကိုရောက်ရှိခဲ့ပါတယ်။

ဒါပေမယ့် ကံဆိုးချင်တော့ ဗိုလ်ချုပ်ကြီးနေဝင်းဦးဆောင်တဲ့ တော်လှန်ရေးကောင်စီ အမည်ခံစစ်တပ် အာဏာသိမ်းချိန် (၁၉၆၂) ခုနှစ်
ကနေယခု အချိန်ထိ နှစ်ပေါင်း (၅၅) နှစ်ကြာ ပေါက်ဖော် တရုတ်ကြီးကို လုံးဝမှီခို အားထားနေရသည့် တရုတ်ကျွန်သဘောက်
ဘဝရောက်သွားတာကိုတော့ မည်သူမှ ငြင်းနိုင်မည်မဟုတ်ပါ။

တရုတ်လူမျိုးတွေက သူတို့တိုင်းပြည်ကို "ဂျွန်းကွာ (Zhonghua minzu)" အဓိပ္ပယ်က "ChineseNation" (သို့)
"Chinese Race" လို့ ခေါ်ပါတယ်။

ကမ္ဘာ့ အလယ်ဗဟို ချက်ချာမှာရှိတဲ့ တိုင်းပြည်လို့လည်း အဓိပ္ပယ် သက်ရောက်ပါတယ်။

ချိုင်းနား (China) ဆိုတာ အင်္ဂလိပ် စကားပါ။

"ချင် (Chin or Qin dynasty)" မင်းဆက် (၂၂၁-၂၀၆ ဘီစီ ) ကို အစွဲပြုပြီး ပေးထားတဲ့ အင်္ဂလိပ်အမည် ဖြစ်တယ်။ ဒါပေမယ့်
အင်္ဂလိပ်စကား"ဘားမား" (Burma) ကို "မြန်မာ (Myanmar)"လို့ ပြောင်းသလို "ချိုင်းနား" ကို "ဂျွန်းကွာ" လို့
ပြောင်းဖို့ တရုတ်ကွန်မြူနစ် အစိုးရက စိတ်မကူးပါ။

အင်္ဂလိပ်စကားကို တရုတ်စကား နဲ့ အစားထိုးတာသာ ဖြစ်လို့ အကျိုး မရှိတာကို နားလည်တယ်။

အလယ်ဗဟိုမှာရှိတဲ့ တရုတ်ပြည်လုံခြုံ ရေးဟာနယ်နိမိတ် စည်းနှစ်ခုပေါ်မှာ မူတည်တယ်လို့ရှေးကတည်းက ယူဆခဲ့လို့ အတွင်းစည်း နှင့် အပြင်စည်းဆိုပြီး လုံခြုံရေး နယ်မြေသတ်မှတ်တဲ့ မဟာဗျူဟာ အစဉ်အလာ တရုတ်မှာ ရှိခဲ့
ပါတယ်။

နယ်စပ်က ပြည်နယ်တွေကို အတွင်းစည်းအဖြစ်သဘောထားတယ်။

ဥပမာ။ ။ တိဗက် ၊ ဇင်ကျန်း (Xinjiang ) နှင့် Uyghurs၊ Kazakhs (အစ္စလာမ် ဘာသာဝင်၂၁ - သန်းကျော် ရှိသောပြည်နယ်)
တွေဟာ အတွင်းစည်း ဒေသ ဖြစ်တယ်။

ဒီပြည်နယ်တွေဟာ တရုတ်၏ 'ဟန် (Han)'ယဉ်ကျေးမှုနှင့် ကွာခြားတာမို့ ပြသာနာအနည်းအများ ရှိနေတတ်သော်လည်း

လူနည်းစုဖြစ်လို့လုံခြုံ ရေးကို အန္တရယ်မပေးနိုင်ပါ။

မြန်မာ၊ လော၊ ထိုင်း၊ ဗီယက်နမ်၊ ကိုရီးယား၊မွန်ဂိုလီးယား၊ ဂျပန် စတဲ့ အိမ်နီးချင်း တိုင်းပြည်တွကိုတော့ တရုတ်လုံခြုံရေး အပြင်
စည်းဝိုင်းဆိုပြီး သတ်မှတ်ပါတယ်။

အိမ်နီးချင်း နိုင်ငံတွေကို ဩဇာညောင်းနိုင်အောင်လုပ်ရမယ်လို့ ရှေးယခင်ကတည်းက တရုတ်တွေက ယုံကြည်ခဲ့တယ်။

လူဦးရေ သန်းတထောင်ကျော်ရှိတဲ့ တရုတ်ပြည်ကြီး အရှိန်အဟုန်နဲ့တိုးတက်နေတာကို ရပ်တန့်သွားအောင် လုပ်ဖို့ခက်ပါတယ်။

အာရှနိုင်ငံတွေဟာ အမေရိကန်နဲ့ကုန်သွယ်တာကို ဦးစားပေးပေမဲ့ ကမ္ဘာ့ကုန်သွယ်ရေး အဖွဲ့ဝင်(WTO) ဖြစ်လာတဲ့ တရုတ်ပြည်ဟာ သူတို့အဖို့ပိုပြီး အရေးကြီးလာတယ်။

အသပြာနဲ့ ပတ်သက်လာရင် သူခိုးပိုင်၊ မတရားဘိန်းချငွေကအစ ထိန်းသိမ်းစောင့်ရှောက်ပေးတဲ့စင်္ကာပူဟာ တရုတ် ကွန်မြူနစ်ကို
တပည့်ခံတာကြာပါပြီ။

သူအကြံပေးလို့ ဗမာစစ်အုပ်စုလည်း တရုတ်တပည့် ဖြစ်သွားခဲ့ရပါတယ်။

တနေ့ကျရင် အမေရိကန်နေရာကို တရုတ်ကယူလိမ့်မယ်လို့ စင်္ကာပူ လီကွမ်ယူက (၁၉၉၄)ခုနှစ်မှာ ပြောဖူးတယ်။

(ဒီစကားဟာ ယနေ့ ၂၀၁၇ ခုနှစ်မှာ မှန်နေတဲ့အတွက် အမေရိကန် သမ္မတသစ် 'ဒေါ်နယ်ထရမ့်' က ရန်သူတော် ရုရှနဲ့ မဟာမိတ်လုပ်ပြီး တရုတ်ရဲ့ရန် ကမ္ဘာကြီးကို မကျရောက်အောင်ကယ်တင်ဖို့ စတင် ကြိုးစားလာတာ တွေ့ရ
ပါတယ်။ ဒါကြောင့် သူ့နိုင်ငံ နယ်နိမိတ်စည်းတွေကို တင်းကြပ်မယ်ဆိုတဲ့ ပေါ်လစီတွေကိုမဲ မနိုင်ခင်ကတည်းက တွင်တွင် အော်ခဲ့သလို အခု အကောင်အထည် ဖော်နေပါပြီ။)*******

တရုတ်ပြည်ပါဝင်မဲ့ အတိုင်းအတာ ပမာဏဟာကြီးလွန်းတာမို့လူ့သမိုင်းမှာ ဒီလောက်ကြီးမားတဲ့ အခန်းကဏ္ဏမျိုး တခါမှ
တွေ့ဖူးကြမှာမဟုတ်ဘူးလို့ လီကွမ်ယူက မြှောက်ပင့် ဆိုခဲ့တဲ့ အတိုင်းတရုတ် နဂါးကြီးက ပေါက်ဖို့ အဆင်သင့် ဖြစ်
နေပါပြီ။

ဖိလစ်ပိုင် လူဦးရေ (၁) ရာခိုင်နှုန်းဖြစ်တဲ့ တရုတ်ဟာ ပြည်တွင်း ကုမ္ပဏီ (၃၅) ရာခိုင်နှုန်းကို ပိုင်ပါတယ်။

အင်ဒိုနီးရှား လူဦးရေ (၃) ရာခိုင်နှုန်းသာ တရုတ်ဖြစ်ပေမဲ့ ပုဂ္ဂလိက အရင်းအနှီး (၇၀) ရာခိုင်နှုန်းကို ပိုင်ဆိုင်ပါတယ်။

ထိုင်းနိုင်ငံ လူဦးရေ (၁၀) ရာခိုင်နှုန်းဟာ တရုတ်ဖြစ်ပေမဲ့ တိုင်းပြည်ရဲ့စုစုပေါင်း ထုတ်လုပ်မှု(GNP)  တန်ဘိုး (၅၀) ရာခိုင်နှုန်းကို
ယိုးဒယားရှိ တရုတ်လူမျိုးက ထုတ်လုပ်နေပါတယ်။

ထိုင်းစီးပွါးရေး အုပ်စုကြီး (၁၀) ခုမှာ (၉) ခုဟာ
တရုတ်ပိုင်ဖြစ်တယ်။

ထိုင်းခေါင်းဆောင် အချို့နဲ့ထိုင်း - တရုတ်တွေဟာ အိမ်မှာ တရုတ်လိုပြောတယ်။

ဗမာပြည်က "ဦးပိုင်" နဲ့ အချမ်းသာဆုံး ပုဂ္ဂိုလ်တွေ ဆိုတာဟာလည်း တရုတ် နဲ့ စစ်ဗိုလ်တွေသာ ဖြစ်ပါတယ်။

ကွန်မြူနစ် တရုတ်ကြီးက အိမ်နီးချင်း နိုင်ငံတွေကို ကျူးကျော်တိုက်ခိုက်ဖို့မပြောနဲ့ ပြိုင်ဆိုင်ဖို့တောင် မပြောတော့ပါဘူး။
ပူးပေါင်းဆောင်ရွက်ရေး တရားကိုသာ ဟောပါတော့တယ်။

တရုတ်ပြည် လုံခြုံရေး အတွက် အိမ်နီးချင်းတိုင်းပြည်တွေကို စစ်ရေးအရလည်းကောင်း၊အခြားနည်းလမ်းတွေအရလည်းကောင်း
လွှမ်းမိုးထားရမယ်လို့ တရုတ် အစိုးရအဆက်ဆက်က ယုံကြည်ခဲ့သော်လည်းအခုတော့ ပူးပေါင်းဆောင်ရွက်ရေးနည်း
ကို သုံးပြီး လွှမ်းမိုးဖို့ကြိုးစားရာမှာ ဈေးဦးပေါက် အဖြစ် ဗမာပြည်ကို လုံးဝ ချုပ်ကိုင်လွှမ်းမိုးနေခဲ့တာ ဆယ်စုနှစ် (၂) ခု ကျော်ခဲ့ပါပြီ။

ဗမာစစ်ဗိုလ်ချုပ်တွေ အပြောင်းအလွဲ ဖြစ်တိုင်းတရုတ်ကြီးကို သံတော်ဦး အရင် တင်ရတာဟာဗမာတွေရဲ့ထုံးတမ်းစဉ်လာ
ယဉ်ကျေးမှုလို ဖြစ်နေခဲ့တာလည်း ကြာပါပြီ။

ပူးပေါင်းဆောင်ရွက်ရေးဆိုတဲ့ စကားလုံးလှလှအောက်မှာ တမာလိုခါးတဲ့ ဦးတည်ချက်ကတော့ ရှေးကအတိုင်း အတွင်းစည်းနဲ့
အပြင်စည်းကို ချုပ်ကိုင်နိုင်ဖို့ပါပဲ။

တနည်း ဆိုရရင်တော့ တရုတ်အစိုးရရဲ့ ပထမဦးစားပေးဟာ ဘယ်သူသေသေငတေမာရင်ပြီးရော ဆိုတဲ့ သူ့တိုင်းပြည်
ကြီးပွါးချမ်းသာရေးသာ ဖြစ်ပြီး တရားသည် မတရားသည်၊ လူဆန်သည် မဆန်သည်က ပဓာနမကျဘဲ ဩဇာခံ နယ်မြေ တည်
ထောင်ရေးဟာ ဒုတိယ ဦးစားပေး ဖြစ်ပါတယ်။

အရင်တုန်းကတော့ ဗမာပြည်လို အပြင်စည်း(Periphery State) နိုင်ငံတွေကို ချုပ်ကိုင်နိုင်အောင် ကြိုးစားရာမှာ ပြည်တွင်း
ကွန်မြူနစ်လှုပ်ရှားမှု (ဗကပ) အာဏာရအောင် တရုတ်က ကူညီခဲ့ပါတယ်။

(၁၉၆၉) ခုနှစ်မှာ တရုတ်တပ်သား (၅,၀၀၀)ကျော် မြန်မာပြည် မြောက်ပိုင်းမှာ တပ်စွဲပြီး'ဗကပ'ကို ဗြောင်ကူညီတယ်။

အဲဒီနှစ်က ဗမာဖက်မှာ အကျအဆုံးများခဲ့တယ်။

ယခု နောက်ပိုင်း ကိုးကန့်၊ ဝ တရုတ်နွယ်ဖွား အချို့ကို ကျားကန်ပေးထားပေမဲ့ အရင်လို မိုက်မိုက်ကန်းကန်း မလုပ်
တော့ပါ။

စစ်မတိုက်ပဲ အောင်ပွဲခံတဲ့ ရှေးဟောင်းမဟာဗျူ ဟာကို တရုတ်က အသုံးပြုနေပြီ  ဖြစ်ပါတယ်။

လွန်ခဲ့တဲ့ နှစ်ပေါင်း ၂၅၀၀ ကျော် (ဘီစီ- ၅၀၀)က ရေးသားခဲ့တဲ့ "စွန်ဇီ" (Sun Zi) ခေါ် "စွန်ဇု"(Sun Tzu) ရဲ့ စစ်အတတ်ပညာ (Art of War)ဟာ ကမ္ဘာပေါ်မှာ ရှေးအကျဆုံး စစ်ပညာစာပေဖြစ်သလို စွန်ဇီ ရဲ့စစ်ပညာ အတတ် (၁၃) ရပ်
ဟာလည်း ရှေးအကျဆုံး စစ်ပညာ သဘောတရားဖြစ်ပြီး ယနေ့အထိ ကိုးကားကျင့်သုံးနေကြရဆဲ ဖြစ်ပါတယ်။

အကောင်းဆုံး စစ်ဆင်ရေးဟာ စစ်မတိုက်ဘဲရန်သူကိုအောင်နိုင်တဲ့ နည်းလို့စွန်ဇီက ဆိုပါတယ်။

မိမိအင်အားကိုသိရှိပြီး ရန်သူ့အင်အားကိုလည်း ကောင်းစွာသိရှိထားမယ်ဆိုရင် စစ်ပွဲ တစ်ရာ တိုက်လည်း မရှုံးနိုင်ဘူးတဲ့။

ကိုယ့်အင်အားလည်း ကိုယ်မသိ ရန်သူ့အင်အားလည်း မသိဘူး ဆိုရင်တော့စစ်ပွဲတိုင်းမှာ အရှုံးနဲ့ရင်ဆိုင်ရမယ်လို့
ဆိုပါတယ်။

စွန်ဇီ ရေးတဲ့ အကောင်းဆုံး အချက်က မည်သို့ပင်ရှိစေကာမူ "ပြည်သူ့ထောက်ခံမှု အပြည့်အဝရှိပြီး တရားမျှတစွာ အုပ်ချုပ်
တဲ့ မင်းကသာ စစ်နိုင်မယ်" လို့ ရှင်းရှင်းရေးပါတယ်။

(၁၈) ရာစုနှောင်းပိုင်းမှာ စွန်ဇီ ရဲ့ စစ်ပညာအတတ် (၁၃) ရပ်ကို ဘာသာပြန်ပြီး ပါရီမြို့မှာ ထုတ်ဝေတဲ့ အချိန်ကစပြီး စွန်ဇီရဲ့
အယူအဆကို အနောက်တိုင်း ပညာတတ် အသိုင်းအဝိုင်းက သိလာကြပါတယ်။

တနေ့တခြား အင်အားကြီးလာတဲ့ တရုတ်ကိုဘယ်လိုဆက်ဆံမလဲဆိုတာ အာရှနိုင်ငံတွေလောလောဆယ် ရင်ဆိုင်နေရတဲ့ ပြသနာပါ။

ဗမာ အစိုးရကတော့ တပည့်သားမြေး အဆင့်ကနေ တရုတ်ကျွန်အဖြစ် လက်ရှိ ဆက်ဆံ နေပါတယ်။

တရုတ်နဲ့လက်တွဲလုပ်ကိုင်နေတဲ့ အရှေ့တောင်အာရှဟာ တရုတ်ပြည်အတွက် ရိက္ခာနဲ့ကုန်ကြမ်းတင်ပို့ရာ ဒေသ အဆင့်ကို ရောက်ရှိနေရသလို တစ်ချိန်တည်းမှာပဲ တရုတ်ပြည်ထွက် အပေါစား
ကုန်ပစ္စည်းတွေနဲ့ အရည်အသွေး မမီသော အစားအသောက်တွေ စမ်းသပ် ဖြန့်ဖြူး ရောင်းချရာ ဒေသတွေလည်း ဖြစ်လို့နေပါပြီ။

ဒုတိယ ကမ္ဘာစစ်အတွင်းက ဖက်ဆစ်ဂျပန်စိတ်ကူးယဉ်ခဲ့တဲ့ မဟာ အရှေ့အာရှ စီးပွါးရေး အင်ပါယာကြီးကို တရုတ် ကွန်မြူနစ်
ပါတီက အောင်မြင်စွာ အကောင်အထည်ဖော်နိုင်ခဲ့ပါတယ်။

ဘာသာရေးဘက်ကို ပြန်ကြည့်တဲ့အခါမြန်မာနိုင်ငံ အဖို့လွန်ခဲ့သော နှစ်ပေါင်းကိုးရာကျော်၊ ခရစ်နှစ် (၁၁) ရာစု ကာလ
ကပင် သထုံမြို့မှ ကြွလာသော ရှင်အရဟံမထေရ်အား ပုဂံဘုရင် အနော်ရထာကပင့်ဖိတ်ကာ ဆွမ်းလုပ်ကျွေးသော ဆွမ်း
ကျွေးပွဲသည် အရေးအကြီးဆုံးသောပွဲကြီး ဖြစ်ခဲ့ပါတယ်။

မွန်ဒေသများတွင် အခြေခိုင်နေပြီဖြစ်သောထေရဝါဒ ဗုဒ္ဓ အဘိဓမ္မာကို ရှင်အရဟံကဟောကြားပါတယ်။ တရားတော်ကို ဘုရင်
အနော်ရထာက နာယူမိရာမှ ယနေ့အထိ ခိုင်လုံသော မြန်မာနိုင်ငံ၏ ဘာသာရေးယဉ်ကျေးမှုကို ရရှိခဲ့ပါတယ်။

ဗုဒ္ဓဘာသာနှင့်အတူ စာပေယဉ်ကျေးမှုမှ ဗိသုကာ အတတ်ပညာအထိ တိုးတက်ဖွံ့ဖြိုးခဲ့သည်။

အနော်ရထာခေတ်မှ စတင်ကာ မြန်မာ့ခေတ်သစ် တဟုန်ထိုးတိုးတက်မည့် နိမိတ်ပေါ်ခဲ့သော်လည်း အခြားနိုင်ငံများ
တွင်ဖြစ်ပေါ်သော ဖြစ်ရပ်များသည် မြန်မာ့သမိုင်းကို ပြောင်းလဲခဲ့ရပါတယ်။

(၁၆၀၀) ပြည့်နှစ်၊ ဒီဇင်ဘာလ (၃၁) ရက်နေ့တွင် အင်္ဂလန်ပြည် လန်ဒန်မြို့၌ အရှေ့အိန္ဒိယ ကူးသန်း ရောင်းဝယ်ရေး ကုမ္မဏီ
ကို ဖွဲ့စည်းခဲ့ပါတယ်။

အလားတူပင် ဒတ်ခ်ျတို့၏ အရှေ့အိန္ဒိယကုမ္မဏီကို (၁၆၀၂) ခုနှစ်၊ မတ်လ (၂၀)ရက်နေ့ ဟော်လန်ပြည်တွင် ဖွဲ့ခဲ့ပါတယ်။

ထိုကုမ္မဏီကြီးများက စီးပွါးရေး နယ်ချဲ့ကြသဖြင့် မြန်မာနှင့် အာရှနိုင်ငံများ ကျွန်ဖြစ်ခဲ့ရပါတယ်။ သူခိုးလက်မှ သူဝှက်လုသည်
ကိုလည်း ခံကြရပါtတယ်။ အနောက်နယ်ချဲ့တို့၏လက်မှ လုယူသည့် အရှေ့နယ်ချဲ့ဂျပန်ဖက်ဆစ်များ၏ လက်အောက်တွင်
လည်း မြန်မာပြည်သည် ပြားပြားဝပ် ခံခဲ့ကြရပါတယ်။

နိုင်ငံခြားသားတို့၏ ကျွန်ဘဝမှ လွတ်မြောက်ရေးကို နှစ်ပေါင်းများစွာ တိုက်ခိုက်ရယူပြီးသောအခါတွင် မိမိတို့အမျိုးသားခြင်း
လက်နှက်နှင့် နှိပ်စက် အုပ်ချုပ်သည့် စစ်အစိုးရများ၏ လက်အောက်သို့ ကျရောက်ခဲ့ရပြန်ပါတယ်။

ယခုအခါသမယကျတော့ သုံးမတ်သားနှင့်အသွင်ပြောင်း တမတ်သားတို့ ပူးပေါင်းစမ်းသပ် နှိပ်စက်ခြင်းကို ခံနေရပြန်ပါသည်။

ဤကဲ့သို့ လွန်ခဲ့သော နှစ်ပေါင်း အသင်္ချေမှစတင်၍ လွန်ခဲ့သည့် နှစ်ပေါင်း (၁,၀၀၀)အထိ ဖြစ်ရပ်များကို ပြန်လည်လေ့လာရင်း
လက်ရှိ (၂၀၁၇) ခုနှစ် ကာလ၌ မြန်မာနိုင်ငံမည်သို့ရှိလေမည်နည်းဟု လှမ်းမျှော် ကြည့်ရှုသောအခါ အားယုတ်ဖွယ်ရာ အခြေအနေ
မဟုတ်သော်လည်း အားတက်ဖွယ်ရာအခြေအနေကိုတော့ မမြင်မိသေးပါ။

လန်ဒန်၌ ကုမ္မဏီတခု တည်ထောင်ရာမှမိုင် (၆,၀၀၀) နီးပါး ကွာဝေးသော မြန်မာနိုင်ငံ ကျွန်ဖြစ်ရသည့် အတိတ်သမိုင်းအရ
အိမ်နီးချင်း တရုတ်ပြည်ကြီး၏ ဖွံ့ဖြိုး တိုးတက်မှုသည် မြန်မာနိုင်ငံအား စီးပွါးရေးလက်အောက်ခံ နိုင်ငံအဖြစ်နှင့်သည်သာ
မက တရုတ်ပြည်သူ့သမ္မတ မြန်မာနိုင်ငံတော် အဆင့်သို့ပင် တိုင်းပြည်မှာကျရောက် နေပေသည်။

တရုတ်၏ အုပ်ချုပ်မှု ဩဇာအောက်တွင် တိုက်ရိုက် ရောက်ရှိနေသော စစ်အစိုးရ၏'တမတ်သား' နှင့် လူထုက ရွေးကောက်
တင်မြှောက်ထားခြင်းခံရသော 'သုံးမတ်သား' တို့သည် လွှတ်တော်ထဲ အားပြိုင်ရန်ဖြစ် နေကြသည်ဟု ထင်မြင်ဖွယ် ရှိ
သော်လည်း  'တမတ်သား' များ သဘောမတူလျှင် ဘာမျှ လုပ်မရသော (၂၀၀၈)ခြေဥကို ထွက်ပေါက်မရှိ၍ လက်ခံမိသော'သုံးမတ်သား' များ၏ ဘဝမှာ လှုပ်လေမြှုပ်လေ ဘဝက တက်မလာနိုင်သလို ၎င်းတို့အခြေ မပျက်စေရန် ဘဝတွေနှင့် ပေးဆပ်၍ ကျောထောက်နောက်ခံ ပြုပေးထားသောပြည်သူလူထုမှာလည်း အရည်ခွံနှင့် အရိုး
ပြိုင်းပြိုင်း လူရုပ်မပေါက် လူမမာ ဘဝသို့ကျရောက် နေပေပြီ။

ထိုပြည်သူလူထုကြီး၏ မျက်နှာကို စာနာထောက်ထား၍ အစစအရာရာ စစ်တပ်ကိုလိုက်လျောသော အပြုအမှုများကို 'သုံးမတ်
သား' များ ကြပ်ကြပ် ဆင်ခြင်နိုင်မှသာလျှင် အနာဂတ် မြန်မာနိုင်ငံတော်၏ ဘဝရှေ့ရေးကောင်းမွန်လိမ့်မည် ဖြစ်ကြောင်း ရှည်ရှည်
လျားလျား ပြောဆို ရေးသား မိပါလေတော့သတည်း။

(Andrew Soe)
၂၈ ဇန္နဝါရီ ၂၀၁၇။

#ပုံများကိုခရက်ဒစ်ပေးပါတယ်။

https://m.facebook.com/story.php?story_fbid=1842842982625127&id=100006983286078