ဒေါက်တာအေးမောင်၏ ရသေ့တောင် ဟောပြောချက်

ဒေါက်တာအေးမောင် ရသေ့တောင်မြို့ တောင်ရင်းတန်းရပ်ကွက် ဘုန်းတော်ကြီးကျောင်းမှာ (၁၅-၀၁-၂၀၁၈) ရက်နေ့က ဟောပြောခဲ့တဲ့ဟောပြောချက်ကို အသံဖိုင်နဲ့ (လုံးကောက်) မြန်မာဘာသာပြန် စာတန်းထိုးထားတာကို ဗီဒီယိုဖိုင်ပြုလုပ်ပြီး ပူးတွဲပေးထားပါတယ်။ အဲသည် ဟောပြောချက် မြန်မာဘာသာပြန်ကို ဒီပို့စ်အောက်မှာ အစအဆုံး ထည့်ပေးထားပါတယ်။
ဒေါက်တာအေးမောင်ကို စစ်တွေထောင်အချုပ် ပို့နိုင်အောင် ပြုလုပ်တဲ့ စွပ်စွဲချက် နှစ်ခုနဲ့ ပတ်သက်တဲ့ ပြောဆိုမှုတွေဟာ ဒေါက်တာအေးမောင်အနေနဲ့ သဘောတရားပိုင်းအရ ပြောခဲ့တာဖြစ်ကြောင်းတွေ့ရပါတယ်။ အဲဒီအချက်နှစ်ချက်ကို အကျဉ်းချုပ် ပြန်ပြောရရင်တော့ဒီလိုပါ။

(တစ်) ဗမာတစ်နိုင်ငံလုံး အင်္ဂလိပ်ကျွန်ဖြစ်ခဲ့ဖူးတယ်။ တိုင်းရင်းသားတွေအနေနဲ့ တန်းတူညီမျှနေခွင့်ရမယ် ထင်လို့ လွတ်လပ်ရေး အတူတူ ယူလာခဲ့ပြီးခါမှ အဲဒီအတိုင်းမဟုတ်ပဲ ငါတို့ဟာ ဗမာကျွန်တွေ ဖြစ်နေပါလားဆိုပြီးတော့ ခံစားနေရရင်၊ ဗမာတွေကိုယ်တိုင် ငါတို့ဘက်က ဘာတွေမှားနေသလဲ ဆိုပြီးတော့ စဉ်းစားဖို့ လိုအပ်တယ်။

(နှစ်) ရခိုင်တို့ရဲ့အချုပ်အချာအာဏာကို ရရှိရေးအတွက် ကြိုးပမ်းကြရာမှာ နည်းလမ်းနှစ်သွယ်ရှိတယ်။ ကျွန်တော် (ဒေါက်တာအေးမောင်)တို့ အနေနဲ့ လူထုနည်းအားဖြင့် နိုင်ငံရေးလုပ်တယ်။ ဒီနည်းကို မယုံကြည်တဲ့သူတွေ ဒီနည်းဟာအလုပ်မဖြစ်ဘူးလို့ ယူဆတဲ့သူတွေကတော့ လက်နက်ကိုင်တယ်။ ဒီနှစ်လမ်းကိုသွားကြသူတွေရဲ့ ရည်မှန်းချက်ပန်းတိုင်ကတော့ အတူတူပဲ ဖြစ်ပါတယ်။
ဒေါက်တာအေးမောင်ရဲ့ ဟောပြောချက် မြန်မာပြန်စာသား အပြည်အစုံကို အောက်မှာ ဖော်ပြထားပါတယ်။

=========================

အားလုံးကို ကျေးဇူးတင်ပါတယ်။ ဆိုတော့ . . . ကျွန်တော်က စာရေးဆရာ မဟုတ်ပါ။ စာရေးဆရာမဟုတ်တော့ ရတုရကန်တွေ ပျို့တွေ လင်္ကာတွေနဲ့ စီကာပတ်ကုံး ရယ်စရာငိုစရာတွေကို ပြောလို့ရတဲ့လူလည်း မဟုတ်တဲ့အခါမှာ ကျွန်တော် ဆွေးနွေးတဲ့ အကြောင်းအရာများဟာ မာမာကြောကြောများလည်း ဖြစ်လာနိုင်ပါတယ်။
ဒါကြောင့် . . . ကြိုပြီး မေတ္တာရပ်ခံပါတယ်။ စာရေးဆရာတို့လို အရမ်း တင်းမာတဲ့ အချိန်မှာ ပျော့ပျောင်းသွားအောင် သီချင်းဆိုလို့လည်း မရပါ။ ဒါကြောင့် ဒီအခမ်းအနားကို ကျွန်တော့်အား ဖိတ်ကြားတဲ့အခါမှာလည်း ကျွန်တော် တော်တော် စဉ်းစား ပါတယ်။ တစ်ချို့ ဖေ့စ်ဘုတ်တွေမှာလည်း စာရေးဆရာလည်းမဟုတ်၊ ဟိုသွားဒီသွား ပါတီတစ်ခုထောင်ဖို့ စည်းရုံးရေး ဆင်းနေသလားမသိ ဆိုပြီးတော့ သံသယမျက်လုံးနဲ့ ရေးတာကိုလည်း ခံရပါတယ်။
ဆိုတော့ . . . ကျွန်တော့်ကို အခမ်းအနားမှူးက ကိုယ်ရေးရာဇဝင်တွေကို တောင်းပါတယ်။ ကျွန်တော်ကလည်း မပေးဖြစ်ခဲ့တာကြောင့် ကိုယ်ရေးရာဇဝင်တွေကို ပြောပြီးတဲ့အခါမှ ကျွန်တော်ပြောချင်တာလေးကို နည်းနည်း ပြောပါမယ်။ ကျွန်တော့်နာမည် အေးမောင်ပါ။ မယူကမ်း အောင်ဆိပ်မှာ ၁၉၅၇ ခုနှစ်၊ နိုဝင်ဘာလ (၁)ရက်နေ့မှာ မွေးပါတယ်။ ဗမာလို ၁၃၁၉-ခုနှစ် တန်ဆောင်မုန်းလဆန်း (၁၀)ရက်ပါ။ ညီအစ်ကို မောင်နှမ သုံးဦးရှိပါတယ်။ ကျွန်တော် အကြီးဆုံးပါ။ ကျွန်တော့်မှာ သားနှစ်ယောက် ရှိပါတယ်။ မြေးနှစ်ယောက် ရှိပါတယ်။ (၆၁)နှစ်ထဲမှာ ရောက်ပါပြီ။ (၂၅)နှစ်လောက် အစိုးရ ဝန်ထမ်း လုပ်ပါတယ်။ အဲဒီကာလမှာလည်း ကမ္ဘာ့ကုလသမဂ္ဂ စားနပ်ရိက္ခာ နှင့် စိုက်ပျိုးရေးအဖွဲ့မှာ ငါးနှစ်လောက် အကြိမ်ကြိမ်လုပ်ပါတယ်။ နောက်ပင်စင်ယူပြီးခါ ရခိုင်တိုင်းရင်းသားများ တိုးတက်ရေးပါတီကိုတည်ထောင်ရာမှာ ကြားလူဖြစ်တဲ့ ကျွန်တော် ကို ဥက္ကဋ္ဌ တင်ကြပါတယ်။ ၂၀၁၀ ရွေးကောက်ပွဲ မှာ အပေါ်မှာ (၁၈)၊ အောက်မှာ (၁၈) နေရာ နိုင်ပါတယ်။ တိုင်းရင်းသားရေးရာဝန်ကြီး တစ်နေရာ ပါ,ပါတယ်။
ဒီလိုနဲ့ ၂၀၁၅ ကို ဖြတ်ရန်ကာလမှာ ALD နှင့် RNDP ကို ပေါင်းပြီးတော့ ANP ကို တည်ထောင်ပါတယ်။ ၂၀၁၇ ခုနှစ် နိုဝင်ဘာလ (၂၇)ရက်နေ့ ကျွန်တော် ရခိုင် အမျိုးသားပါတီကနေ ဥက္ကဋ္ဌတာဝန်ကရော ပါတီဝင်အဖြစ်ကပါ နှုတ်ထွက်ပါတယ်။ အခု နှုတ်ထွက်ပြီးစ နှစ်လ ဝန်းကျင်ထဲမှာပါ။ ဒါတွေဟာ ကျွန်တော့်ရဲ့ ကိုယ်ရေး အချက် အလက် အကျဉ်းပါ။ အခု လက်ရှိမှာ ကျွန်တော်ဟာ အမ်း မဲဆန္ဒနယ်မြေက ပြည်သူ့ လွှတ်တော် ကိုယ်စားလှယ် ဖြစ်ပါတယ်။
ဒီတော့ အခု . . . ခေါင်းစဉ်နဲ့ ပတ်သက်လို့ ပြန်ကြည့်ပါမယ်။ နှစ်ပေါင်း (၂၃၃)နှစ် အချုပ်အခြာအာဏာ ကျဆုံးတဲ့နေ့နဲ့ ပတ်သက်လို့ ကျင်းပတဲ့ ရသေ့တောင် မြို့နယ်က မေယုရင်သွေး ပရဟိတအသင်းနဲ့ ယခုပါဆို ကျွန်တော် နှစ်ကြိမ်လာပြီး ယခုလို ဆွေးနွေးဖူးပါတယ်။ ဒီနေ့ . . . အချုပ်အခြာအာဏာကျဆုံးခြင်းနဲ့ ပတ်သက်လို့ ဟောပြော ဆွေးနွေးတာဖြစ်ပါတယ်။
ဦးဝေဟင်အောင် . . . ပြီးခဲ့တဲ့ ၂၀၁၆ ထင်ပါတယ်၊ ၂၀၁၅ မှာ ရွေးကောက်ပွဲ မနိုင်လို့ အားနေတဲ့ ကာလမှာ ဆရာတော် ဦးဥတ္တမ ပျံလွန်တော်မူတဲ့နေ့နဲ့ ပတ်သက်လို့ ထိုင်းကို ဖိတ်တဲ့အခါ အတူတူ . . . ကျွန်တော်ထင်တယ် . . . တစ်နေရာမှာ ဟောပြော ဖူးပါတယ်။ လူငယ်ပရဟိတသမား၊ နိုင်ငံရေးနဲ့နွယ်သော ဇာတိသွေး ဇာတိမာန်ကို တက်ကြွ အောင် ဟောပြောပို့ချနိုင်တဲ့ ခေါင်းဆောင်တစ်ဦးပါ။ အဲဒီကာလကတည်းက ကျွန်တော်တို့ သဘောပေါက် ပါတယ်။ အခု ကျွန်တော်ရှေ့မှာ တစ်နာရီ ကျော်ကျော်လောက် စီကာပတ်ကုံး သမိုင်းသင်ခန်းစာတွေ၊ ကျွန်တော်တို့ လူငယ်တွေအတုယူသင့်တဲ့ အကြောင်းအရာလေး တွေကို ဟောပြောပို့ချပေးတဲ့အခါမှာ ကျွန်တော် . . . တော်တော်လေး . . . အခုနက ဆရာဦးဝေဟင်အောင်ရဲ့ ဟောပြောပို့ချချက် တွေကို အလေးအနက်ထားပြီးတော့ ကျွန်တော် အသံဖမ်းထားပါတယ်။
ကျွန်တော့်ကဏ္ဍကျတော့ . . . ကျွန်တော် ဘာပြောရမလဲဆိုတာ . . . ကျွန်တော် ကတော့ ခေါင်းစဉ်ကို ဒီကိုရောက်မှပဲ ဘာပြောရမလဲဆိုတာကို စဉ်စားပါတယ်။ ဘယ်မြို့မှာ မဆို ကျွန်တော် ကြိုပြီးဘာမှ မလုပ်ထားတတ်ပါဘူး။ ရောက်တဲ့အခါမှ ဖြစ်လာတဲ့ ခံစားချက်နဲ့ ကျွန်တော် ပြောပါတယ်။ အခုလည်း ပြန်ကြည့်တဲ့အခါမှာ . . . (၂၃၃)နှစ်သည် တကယ်တော့ စိတ်ပျက်အားငယ်နေစရာမလို။ (၂၃၃)နှစ်ကို ဘယ်လို ကျဉ်းအောင် တစ်နည်း အားဖြင့် အချုပ်အခြာအာဏာကျဆုံးခဲ့ရရင် ပြန်ရအောင် ဘယ်လိုလုပ်မလဲ၊၊ အဲသလို မိမိတို့၏ စိတ်သန္တာန်ထဲမှာ စွဲမှတ်စေချင်လို့ လာပြောတာဖြစ်ပါတယ်။
ဝမ်းနည်းနေလို့ . . . ငိုကြွေးနေလို့ . . . အတိတ်မှာ ဖြစ်ပျက်ခဲ့တာတွေကို နောင်တရနေလို့တော့ခါ . . . နောင်တရနေဖို့တော့ခါ လိုပါတယ်။ သင်ခန်းစာယူနေဖို့ လိုပါတယ်။ သို့သော် တမ်းတနေရုံနဲ့ တာဝန်မကျေနိုင်ပါဘူး။ အဲဒါတွေကိုပြောချင်လို့ ဖိတ်မန္တကပြုတဲ့ပုဂ္ဂိုလ်တွေက . . . လာဖို့လည်း အားနေတယ် . . . မနက်ဖြန်ဆိုရင် “လလည်းကွယ် ပြည်လည်းဆုံး” ဆိုတဲ့ အခမ်းအနားကို ကျွန်တော့်ကို ဖိတ်ပါတယ်။ “တိမ်ညို” မှာ (၆)နာရီ၊ “နန်းရာကုန်း” မှာ (၁၀)နာရီလောက် ဖြစ်မယ် ထင်ပါတယ်။
ဒီနေ့ဆို လွှတ်တော်ပြန်စပါတယ်။ ကျွန်တော်လွှတ်တော်မသွားဘဲ တစ်ပတ် လောက် ခွင့်ယူထားပါတယ်။
ဆိုရင် . . . ပြန်စပါမယ်။
ကျွန်တော်တို့ . . . ဆရာဦးဝေဟင်အောင် ပြောခဲ့သလို ကျွန်တော်တို့ နိုင်ငံ ဆုံးသွားတာမဟုတ်။ မြေရှိတယ်၊ လူရှိတယ်၊ ယဉ်ကျေးမှုရှိတယ်၊ အမွေအနှစ်ရှိတယ်။ အချုပ်အခြာအာဏာဆုံးသွားတာ။ ဒါကို အားလုံး လက်ခံဖို့လိုပါတယ်။
ဒါကြောင့် အချုပ်အခြာအာဏာပြန်ရရန်အတွက် ကျွန်တော်တို့ ကြိုးစား လာတာ သမိုင်းနဲ့ ချီပါတယ်။
နှစ်ပေါင်း (၂၃၃)နှစ်မှာ . . . ယခု(၂၃၃)နှစ်တိုင်တိုင် လို့ ပြောလို့ရပါတယ်၊ တော်လှန်ရေး . . . ဆုံးရှုံးပြီးအချိန်ကစပြီး တော်လှန်ရေးကို လုပ်လာခဲ့တာ . . . ပြန်ကြည့်ရင် . . . ဦးဝေဟင်အောင်တို့ ပြောတဲ့ . . . တောင်မင်းကြီးကျော်ထွေး တို့ . . . ကျွန်တော်တို့ အမ်းမှာဆိုရင် ဒလက် ဘက်မှာ ငပေါလုံးတို့ . . . အဲဒီလိုနဲ့ အရှေ့ဘက်ကိုကျော်ပြီးတော့ ဒီယန္တရားထဲမှာ ဝင်ပါလာတဲ့ ငသံဒွေတို့ရဲ့ မျိုးရိုး . . . ချင်းပျံ . . . တော်လှန်ရေး မျိုးစေ့လေးကို ရတယ်။
ဒါကြောင့်မို့လို့ ကျွန်တော်တို့သည် နှစ်ပေါင်း (၂၃၃)နှစ်တိုင်ပါပြီ၊ သို့သော် ယနေ့ထက်ထိ ရုန်းကန်ကြိုးစားနေဆဲ ဖြစ်တယ်ဆိုတာကို . . . ။ ယခုကြွရောက်လာတဲ့ ပရိသတ်တွေကို ကြည့်တဲ့အခါ လူငယ်တွေ များများပါတယ်။ လူငယ်ထဲမှာ အမျိုးသမီး ငယ်တွေ အများကြီးပါတယ်၊ နောင် မိခင်လောင်းတွေ ဖြစ်မယ့် . . . သားသမီးတွေကို မျိုးစေ့မှန်ကို ရောက်အောင်၊ ပဲ့ပြင်ပုံသွင်းနိုင်မယ့် အနာဂတ်ခေါင်းဆောင်တွေ . . . ။ အားရပါတယ်။
ဒါကြောင့် ဒီနေရာမှာ . . . ဦးဝေဟင်အောင်(တို့ ပြောသ)လို မင်းသားကြီး ရွှေဘန်း မှာခဲ့တဲ့ စကားလေးတစ်ခုကို ကျွန်တော်ပြောချင်ပါတယ်။ မနေ့ကလည်း ဖေ့စ်ဘုတ်မှာ တက်တယ်။ ဦးကျော်သာညွန့်တို့ . . . မဟာသမ္မတရာဇာ၏ဇနီး မြသန္တာ အုတ်ဂူကိုရှာတဲ့အခါမှာ အဲဒီနေရာရဲ့ နံရံပေါ်မှာရေးထားတဲ့စာသား . . . မင်းသားကြီး ရွှေဘန်း မှာကြားတဲ့ စာသားလေးကို ကျွန်တော်တွေ့လို့ . . . အဲဒါကို ပြန်ပြောချင်ပါတယ်။ ဦးဝေဟင်အောင် တို့လို့ ဌန်ကရိုင်း ကျချင်မှကျမယ်။ အဲဒီမှာ ဘာပြောလဲဆိုရင် စကားလုံး တိုင်းမှာ အဓိပ္ပါယ် ရှိပါတယ်။ “နောက်သားနောင်လူ၊ ရခိုင်သူတို့၊ အယူမပြောင်း၊ ငါ့လမ်းကြောင်းကို ကောင်းကောင်းလိုက်နာ၊ ပြည်ဓညာကို၊ တစ်ခါမုချ၊ ငါရို့ရအံ့” ဆိုတာကိုရင်ထဲမှာ ဆိုကြည့်ပါ။ ကြက်သီးဖြန်းဖြန်းထသွားတယ်။ ဘာကြောင့်လဲ။ လက်မလျော့နဲ့၊ ငါတို့လို ပြည်ဓညာကို တစ်ခါရအောင် ငါ့လမ်းကြောင်းအတိုင်းသွားကြ။ ရကိုရ,ရမယ်ဆိုတဲ့ သံဓိဋ္ဌာန် သူ့မှာ ရှိပါတယ်။ ဒါကြောင့်မို့လို့ ကျွန်တော်တို့ အခု အချုပ်အခြာအာဏာအတွက်လုပ်တဲ့ အခါမှာ နည်းလမ်း နှစ်သွယ်ရှိပါတယ်။ နေရာတိုင်း မှာလည်း ကျွန်တော်ပြောပါတယ်၊ တစ်ခုက နိုင်ငံရေးမှာ လက်နက်ကိုင်ပြီးတော်လှန်တာ . . . တော်လှန်ရေးလို့ပြောပါတယ်။
လူထုကို ဗဟိုပြုပြီးတော့ . . . လူထုကိုစည်းရုံးပြီး ပန်းတိုင်ကို ရောက်အောင် လုပ်တာ နိုင်ငံရေး လို့ခေါ်ပါတယ်။ လူထုနိုင်ငံရေး။ ကျွန်တော်တို့ အခု လုပ်နေတာ လူထုနိုင်ငံရေးပါ။ တစ်နည်းအားဖြင့် ပန်းတိုင်သည် တူပါတယ်။
ဒါကြောင့် ကျွန်တော် . . . ၂၀၁၄ . . . ရခိုင်ဒီမိုကရေစီအဖွဲ့ချုပ်နဲ့ ရခိုင် တိုင်ရင်းသားများ တိုးတက်ရေးပါတီ ပူးပေါင်းဖို့ရာ အဆင်ပြေတဲ့ကာလ . . . မလေးရှားကို ဖိတ်လို့ ကျွန်တော်တို့ကို ဒီလိုမျိုးဟောပြောပွဲ လုပ်ခိုင်းပါတယ်။ အဲဒီမှာ ပထမဆုံး ကျွန်တော် ပြောတဲ့ စကားအားလုံး၏ အနှစ်သာရသည် . . . အတွင်း-အပြင် ညီညွတ်ဖို့လိုတယ်၊ လူမျိုးတိုင်းမှာ အန္တိမရည်မှန်းချက်ရှိတယ်၊ ရည်မှန်းချက်ပေါက်မြောက်ဖို့အတွက် အတွင်း-အပြင် ညီညွတ်ဖို့လိုတယ်၊ အပြင်သည် အပြင်အလုပ်ကို လုပ်၊ အတွင်းသည် အတွင်း အလုပ်ကိုလုပ်၊ အတွင်း-အပြင် ညီညွတ်သော တစ်နေ့သည် အန္တိမရည်မှန်းချက်ကို ပေါက်မြောက်အောင်မြင်တဲ့နေ့ ဖြစ်တယ်လို့ ကျွန်တော်ပြောပါတယ်။ ဒါကြောင့်မို့လို့ မလေးရှားကို ရောက်တဲ့ပုဂ္ဂိုလ်တွေ . . . ထိုင်းကိုရောက်တဲ့ ပုဂ္ဂိုလ်တွေ . . . စင်္ကာပူကို ရောက်တဲ့ ပုဂ္ဂိုလ်တွေ . . . ကမ္ဘာတစ်ခုလုံးကို ပျံ့နှံ့နေတဲ့ ပုဂ္ဂိုလ်တွေ . . . မလေးရှားအဖွဲ့တို့ ထိုင်းအဖွဲ့တို့ ဆိုတာမျိုး မလုပ်ကြပါနဲ့။ ကမ္ဘာအရပ်ရပ်မှာ ရောက်နေတဲ့ ရခိုင်အမျိုးသား အဖွဲ့ချုပ် ကိုဖွဲ့ပါ။ ရခိုင်အမျိုးသား အဖွဲ့ချုပ် ကိုဖွဲ့ပါ။ ညီညွတ်ဖို့ လိုတယ်။ ပြည်တွင်းမှာ လည်း ကျွန်တော်တို့ ညီညွတ်ရန် လိုတယ်။ ပြည်တွင်းမှာလည်း ကျွန်တော်တို့ ညီညွတ်မှုကို ယူ မယ်။ သို့သော် အခုကျွန်တော် ရခိုင်အမျိုးသားပါတီမှ နှုတ်ထွက်တယ်။ ကျွန်တော် မျှော်မှန်းတဲ့ အတွင်းညီညွတ်မှု ရှိလို့ နုတ်ထွက်သလား၊ မရှိလို့ နုတ်ထွက်သလား၊ သုံးသပ်ကြပါ။
ကျွန်တော်တို့ ဦးကျော်ဇောဦးလည်း ရေးပါတယ်၊ ဗဟိုချက်ဆိုတာ . . . တပ်ဦး ဆိုတာ . . . ။ တပ်ဦးပြိုကွဲခြင်းသည် ကျွန်တော်တို့မျှော်မှန်းတဲ့ Dream ပန်းတိုင်ကို သွားလို့ မရောက်နိုင်တဲ့အနေအထားရှိလို့ . . . သွားလို့ရောက်နိုင်တဲ့ အနေအထားရှိအောင် ကျစ်လစ်သော တပ်ဦးတစ်ခုကို တည်ဆောက်ဖို့အတွက် လိုအပ်လို့ . . . အချိန်ရှိလို့ . . . ဆိုတဲ့ သုံးသပ်ချက်ကိုသာ သုံးသပ်လိုရှိရင် . . . ။ ကျောက်ဖြူမှာ အားပေးကြပါတယ်။
အဲဒါကြောင့် ကျွန်တော်တို့အားလုံးသည် မျှော်မှန်းချက် မပျောက်ဆုံးဖို့ လိုပါတယ်။ မျှော်မှန်းချက်ပန်းတိုင်ကို တစ်လှမ်းချင်း တစ်လှမ်းချင်းသွားကြဖို့ လိုပါတယ်။ ဒါဟာ ကျွန်တော်တို့ လက်ရှိနိုင်ငံရေး၏ လိုလားချက် ဖြစ်ပါတယ်။
ဒါကြောင့် ပြန်ကြည့်ရင် . . . အခုနက မင်းသားကြီး ရွှေဘန်းမတိုင်ခင် ကျွန်တော် တင်ပြခဲ့တဲ့ ငပေါလုံးတို့ . . . ဒီဘက်က ငသံဒွေ . . သူ့သား သက်နှင်းဝေ(ကို) ဟိုးဘက်က ဘိုးတော်မောင်ဝိုင်းတို့က အမရပူရမှာ သတ်ပစ်တဲ့အခါမှာ စစ်အင်အား လက်နက်အင်အား မပို့နိုင်လို့ အရေအတွက်ပြည့်ဝအောင် မပို့နိုင်လို့ သတ်ပစ်တဲ့အခါမှ သာလျှင်၊ ဒီပုဂ္ဂိုလ်တွေကို ပြန်တော်လှန်ရမယ် ဆိုတဲ့အသိ၊ အဲဒီခါကျမှ အားလုံးသိပါတယ်။ သူ့သမီးလည်း မြောက်ဦးက မြို့ဝန်နဲ့ပေးစား၊ “အဒါထွီး” လို့ သိကြပါတယ်။ ဒီလိုနဲ့ တပ်ဦးကကျွံသွားပြီး၊ ခုနက သတိရလာလို့ တော်လှန်ရေးမျိုးစေ့တွေဖြစ်လာတဲ့အခါ . . . အခုထိ ငသံဒွေဆိုတဲ့ သစွာဖေါက်မျိုးရိုးကပဲ ပြန်ပြီး တော်လှန်ရေးကို စလာတဲ့အခါမှာ . . . အခု ကျွန်တော်တို့ အားလုံးသိပါတယ် . . . မြောက်ဦးမြို့ကို ဝိုင်းပြီးသိမ်းဖို့ အောင်ပွဲဆင်ဖို့ကာလမှာတစ်ခါ ညီညွတ်မှုက ပြိုကွဲ။ အဲဒီလိုနဲ့ သံသရာလည်တာ နှစ်ပေါင်း (၂၃၃)နှစ်ရှိလာပါပြီ။ ဆိုတော့ . . . လွတ်လပ်ရေး ခေတ်ဦး ဆရာတော် ဦးဥတ္တမတို့ ပြောခဲ့တဲ့အသုံးအနှုန်းတွေ ပြန်ကြည့်ပါ။ “လူဆိုတာ လုပ်သင့်လုပ် ထိုက်တဲ့အချိန်မှာ လုပ်နိုင်မှ လူနဲ့တူတယ်” ။ အချိန်အရ ပေးထားတဲ့ လုပ်သင့် လုပ်ထိုက်တဲ့ အချိန်ကာလမှာ လုပ်နိုင်မှ ဆိုတော့ ကျွန်တော်တို့ အခု ကမ္ဘာ့နိုင်ငံရေး မြန်မာ့နိုင်ငံရေး လက်ရှိ ကျွန်တော်တို့ သွားနေရတဲ့ ပန်းတိုင်အားလုံးကို သုံးသပ်လို့ရှိရင် လုပ်ကိုလုပ်ရမယ့် ကာလတစ်ခုဟာ လာမယ့် “၂၀၂၀” မှာ ဖြစ်ပါတယ်။
မြန်မာ့နိုင်ငံရေးရဲ့နှစ်ပေါင်း (၇၀)အကျပ်အတည်း . . . ရခိုင်တို့ရဲ့နှစ်ပေါင်း (၂၃၃)နှစ်ကြာ . . . ခုနက ဦးဝေဟင်အောင် လည်းပြောခဲ့တယ် . . . ကျွန်တော်တို့ မျိုးဆက် ငါးဆက်နီးပါးလောက် ဒုက္ခသုက္ခ ခံပြီးတော့ အဆင်းရဲတကာ့ အဆင်းရဲဆုံးဘဝမှာ မဆင်းရဲသင့်ပါလျက်နဲ့ အခုလိုရပ်တည်နေရတဲ့ သခင်ဖြစ်ခဲ့တဲ့ ကျွန်ဖြစ်ဆဲ လူမျိုး တစ်ယောက် လူမျိုးတစ်ဦး၊ လူမျိုးတစ်စု၊ လူမျိုးတစ်မျိုး . . . စဉ်စားရင် ရင်နာဖို့ ကောင်း ပါတယ်။
အဲဒါကြောင့် ကျွန်တော်တို့က . . . (၂၃၃)နှစ် . . . နောက်နှစ်ဆိုရင် (၂၃၄)နှစ် . . . ရောက်တိုင်း ရောက်တိုင်းမှာ ပြန်ပြီးတော့ ငါတို့ အချုပ်အခြာ အာဏာ ကို ဘယ်လိုရမှာလဲ . . . ။ ဒီလိုစိတ်မျိုးမွေးဖို့လိုတဲ့အခါမှာ . . . အခုနက ကျွန်တော်တို့ တင်ပြတဲ့အတိုင်း တော်လှန်ရေး၊ လက်နက်ကိုင်ရင် လက်နက်ကိုင်တော်လှန်ရေး၊ လူထုကို စည်းရုံးရင် လူထုနည်းနဲ့ ဗဟိုပြုတဲ့နိုင်ငံရေး၊ အားလုံးရဲ့ပန်းတိုင်ဟာ အခု အချုပ်အခြာ အာဏာကို ဘယ်လို ပြန်ရမှာလဲ၊ တစ်နည်းအားဖြင့် ကျွန်တော်တို့၏ အုပ်ချုပ်ရေးယန္တရား အာဏာကို ဘယ်လိုပြန်ရမှာလဲ၊ ဆိုတဲ့ နည်းမှာ သွားပြီး ဦးတိုက်ပါတယ်။ အဲဒါကြောင့် အာဏာကို ရမယ့်နည်းပေါင်းစုံနဲ့ ကျွန်တော်တို့ လူထုကို စည်းရုံးတယ် . . . လက်နက်ကိုင် တွန်းလှန်တယ် . . . အမျိုးသားလွတ်မြောက်ရေးတိုက်ပွဲကို ဆင်နွဲတယ် . . . ဆိုတာ အားလုံးသည် . . . ရည်မှန်းချက်ပန်းတိုင်တစ်ခုကို သွားနေတယ်ဆိုတဲ့ သဘောတရား တစ်ခုကိုတော့ နားလည်ပေးစေချင်ပါတယ်။
ဒါကြောင့် ကျွန်တော်တို့ အခု ပြန်ကြည့်ရင် . . . မြို့ပေါ်ထက် ကျေးရွာလူထု များတာကို သဘော ပေါက်ပါတယ်။
ကျေးလက်က မြို့ထက် ဆင်းရဲပါတယ်။ တစ်ခါက အမ်းမှာ ပြီးခဲ့တဲ့ ၂၀၁၇ ကြားဖြတ်ရွေး ကောက်ပွဲမှာ နိုင်လို့ ပုဏ္ဏားကျွန်းတို့ . . . ရွာတွေကိုဖြတ်ပြီး စစ်တွေလာတဲ့ အခါ . . . အများအားဖြင့် ကျေးလက်တွေက တိုးတိုးလေးလာပြောတဲ့ . . . အသက်ကြီးကြီး ပုဂ္ဂိုလ် အမျိုးသမီးကြီးတွေက ဘာပြောလဲဆိုရင် “လွတ်လပ်ရေး” ကို ဘယ်တော့ရမှာလဲ၊ “လွတ်လပ်ရေး” ကို ငါတို့ ဘယ်တော့ရမှာလဲ။ တိုးတိုးလေးပြောတာပါ။ “လွတ်လပ်ရေး” ကိုလိုချင်တယ်။ အသက်ကြီးကြီးတွေ ဆင်းရဲဒဏ်ကို မခံနိုင်တော့ဘူး။ အဖိနှိပ်ခံဘဝမှာ မနေချင်တော့ဘူး။ ဒီလိုလွတ်လပ်ရေးကို လိုချင်တယ်ဆိုတဲ့ ဒီအသက်အရွယ် (၈၀) (၇၀) ကျေးလက်လူထု ရဲ့ ရင်ထဲမှာ ဖြစ်တည်နေခြင်းပင်လျှင် မြန်မာ့နိုင်ငံရေးကို ပြန်သုံးသပ်ရမယ့် ကာလလို့ နားလည်ပေးဖို့ လိုပါတယ်။
တိုင်းရင်းသားတွေရင်ထဲမှာ ဘယ်လိုဖြစ်လို့ အမျိုးသား လွတ်မြောက်မှုကို လိုချင်သလဲ၊ လွပ်လပ်တဲ့ဘဝမှာ တန်းတူအခွင့်အရေးနဲ့နေချင်လို့ လွတ်လပ်တဲ့နိုင်ငံကို တည်ထောင်လာပြီးခါမှ နှစ်ပေါင်း (၇၀)လည်း ကြာလို့ ပေးသင့်ပေးထိုက်တဲ့ အတိုင်းအတာ တစ်ခုထိ ပေးဖို့လိုအပ်တဲ့ ကာလကျော်လွန်ပြီးခါမှ . . . ဘာဖြစ်လို့ ပိုပြီးပြင်ထန်တဲ့ လက်နက်ကိုင်ပဋိပက္ခဖြစ်လာရသလဲ။ ရခိုင်ပြည်မှာလဲ အသက်ကြီးတဲ့ ပုဂ္ဂိုလ်တွေ ခံစားသလို . . . တိုင်းရင်းသားတိုင်းရဲ့ ရင်ထဲမှာ ခံစားရလိမ့်မယ်။ ဘာဖြစ်လို့ လွတ်လပ်ရေးကို ပြန်တောင်း ရသလဲ။ အင်္ဂလိပ်ဆီမှာ ကျွန်ဖြစ်ခဲ့တယ် . . . ဗမာနိုင်ငံ တစ်ခုလုံး။ အခု တိုင်းရင်းသားတွေ ဗမာဆီမှာ ကျွန်ဖြစ်နေတယ်လို့ ခံစားနေရရင် . . . ဗမာတွေက ပြန်သုံးသပ်ရမယ် . . . ငါတို့ ဘာမှားနေလဲ။ ပြန်သုံးသပ်ရမယ့် ကာလ။ ဒါကြောင့် နိုင်ငံရေးသည် အမြဲတမ်း ထိတွေ့နေတဲ့ တိုက်ပွဲဖြစ်ပါတယ်။
ဒါကြောင့် ကျွန်တော်တို့ . . . လူထုနည်းနဲ့ . . . ကျွန်တော်တို့၏ အချုပ်အခြာ အာဏာ ရသင့်ရထိုက်တဲ့ အချုပ်အခြာအာဏာ၊ ကိုယ်ပိုင်အုပ်ချုပ် ကိုယ်ပိုင်ပြဋ္ဌာန်းပိုင်ခွင့်၊ အတိတ်ဘဝမှာ ဆုံးရှုံးခဲ့သော အချုပ်အခြာအာဏာကို ပြန်ရဖို့အတွက် ကျွန်တော်တို့က နိုင်ငံရေးပါတီကို တည်ထောင်သလို . . . ဒီနည်းကဖြင့်တော့ အလုပ်မဖြစ်၊ လက်နက်ကိုင် မှသာ ငါတို့၏ ဆုံးရှုံးနေသော အချုပ်အခြာအာဏာကိုရမယ်လို့ ယုံလို့ လက်နက်ကိုင် တယ်။ ပန်းတိုင်ကတော့ အတူတူပါပဲ။
ဒါကြောင့် လက်ရှိအုပ်ချုပ်နေတဲ့ ပုဂ္ဂိုလ်တွေ . . . ငါတို့ ဘယ်လောက်များ တိုင်းရင်းသားတွေကို ပေးရန်လိုသလဲ။
ပြည်ထောင်စုကိုလည်း မပြိုကွဲစေချင် . . . မြေပုံကို ဒီအတိုင်းလည်း ထားချင်တယ်၊ တိုင်းရင်းသားတွေရင်ထဲမှာလည်း အတူတူ လွတ်လပ်ခြင်းအရသာကို မခံစားရသေးလို့ ယူဆယုံကြည်နေတယ်၊ တန်းတူအခွင့်အရေးမရှိ၊ အုပ်ချုပ်ခံဘဝမှာ နေရ တယ်လို့ ယူဆနေရင် . . . ကျွန်တော်တို့ တစ်စုံတစ်ခုများ အပေးအယူ လုပ်သင့်သလား ဆိုတဲ့ . . . လက်ရှိနှစ်ပေါင်း (၇၀) နိုင်ငံရေးပဋိပက္ခ၏ ထွက်လာတဲ့ အသံတွေကို သုံးသပ်ရန် မလိုဘူးလား။
ဦးဝေဟင်အောင်ပြောခဲ့တဲ့ အတိုင်းပါ။ (၄၈)၊ (၅၈)၊ (၆၂) မှာ အာဏာသိမ်း တယ်။ ပထစ လက်ထက် မတိုင်ခင်မှာ ဦးနေဝင်းကို အိမ်စောင့်ခန့်ထားတယ်။ (၆၂)ကနေ (၈၈)ထိ၊ (၈၈)ကနေ (၂၀၁၀)ထိ၊ ၂၀၁၀ နောက်ပိုင်းမှာ ဒီမိုကရေစီအစိုးရ၊ ဖွဲ့စည်းပုံ အခြေခံဥပဒေတစ်ခု။ အများကြီး မမျှော်လင်ခဲ့ပါ။
၂၀၁၅ မှာ လူထုအစိုးရ၊ ပြည်သူ့အစိုးရ မတိုင်ခင် အများကြီး မျှော်လင့် ခဲ့တယ်။ အခု ကိုယ်တိုင်ကြုံရတဲ့အခါ ပိုပြီးတော့ ခံစားရတယ်။ အဲဒီသံသရာက မထွက် သေးပါ။ ၁၉၄၈ ကနေတက်လာတဲ့ ဗမာအမျိုးသားတွေပါတဲ့ အစိုးရ၊ ယင်းမူဝါဒ၊ ယင်း ကျင့်စဉ်၊ ယနေ့အထိရှိတယ်။ ဒါ့ကြောင့်လည်း လက်နက်ကိုင် ပဋိပက္ခသည် အမြင့်ဆုံး၊ နိုင်ငံရေးတိုက်ပွဲသည် အပြင်းထန်ဆုံး၊ ယင်းကာလမှာ ရခိုင်ပြည်မှာ နိုင်ငံရေးပါတီတွေ အများကြီးရှိပါတယ်။
ဘာကြောင့် နိုင်ငံရေးပါတီတည်ထောင်ပါသလဲ။ ဦးဝေဟင်အောင်လည်း ပြောခဲ့ပါတယ်။ အာဏာလိုချင်လို့၊ အချုပ်အခြာအာဏာကို ဒီနည်းနဲ့ ရမယ်လို့ မျှော်လင့်လို့ ဒီနည်းကိုသုံးတယ်။ ဒါ့ကြောင့် ၂၀၁၅ အထွေထွေရွေးကောက်ပွဲမှာ ကျွန်တော် ပြောခဲ့ ပါတယ်။
ကျွန်တော်တို့က သေနတ်ကိုင်တဲ့ လူမဟုတ်။ သေနတ်မကိုင်သော်လည်း ပါးစပ်က ထွက်လာတဲ့ စကားတလုံးသည် ကျည်ဆံထက်ပြင်းရမယ်။ ဒါကြောင့် အချုပ်အခြာအာဏာကို ကျည်ဆံ တစ်တောင့်လည်းမသုံးဘဲနဲ့ ရအောင်ယူမယ်။ ရင်ထဲမှာ အမျိုးသားညီညွတ်မှုစိတ်၊ ကိုယ့်ပြည်ကို ကိုယ်တို့ ကိုယ်တိုင် အုပ်ချုပ်ချင်တဲ့စိတ်၊ ရက္ခိတစိတ် တည်ရှိနေရင် ကျွန်တော်တို့ဟာ ကျွန်မဟုတ်။ ရုန်းကန်လိုသောစိတ် လူတိုင်းမှာ ရှိနေဖို့ လိုတယ်။ ကျားကုပ်ကျားခဲ ကြိုးစားနေဖို့လိုတယ်။ အခု ကျွန်တော့်တို့ အသက်ကြီးပြီ၊ (၆၁)။ (၆၀)။(၆၀)အရွယ်တို့ ရင်ထဲမှာ (၆၀)အရွယ်တို့ ရင်ထဲအလျောက် ရှိဖို့လိုပါတယ်။ (၁၀)စုနှစ်၊ အသက် (၂၀)အရွယ်တွေရင်ထဲမှာ စွဲနစ်သွားအောင် . . . ငါတို့၏ မပြီးဆုံး သေးတဲ့ တာဝန်ကို လက်ဆင့်ကမ်းပြီးလုပ်ကြ၊ လက်ဆင့်ကမ်းပြီးချီတက်၊ ပန်းတိုင်ကို ရောက်အောင်လုပ်ကြ . . . ဆိုတဲ့ ဒီရင်ထဲက ရှိသင့်တဲ့ မာန၊ ခံယူချက်၊ ဦးတည်ချက်၊ ရည်ရွယ်ချက် တွေကို မပျောက်အောင် ကျွန်တော်တို့ မိဘပြည်သူများ ညီအစ်ကိုမောင်နှမများ နုလုံးသား ထဲမှာ သွင်းနိုင်ရင် ကျွန်တော်တို့၏ တော်လှန်စိတ်မပျောက်။ ယင်းသည်ပင်လျှင် အချုပ်အခြာအာဏာသည် လက်တကမ်းမှာရှိ တယ်ဆိုတာကို . . . ကျွန်တော်တို့ ယုံကိုယုံ ရမှာ ဖြစ်ပါတယ်။
ဒါ့ကြောင့် ရခိုင်ကို လက်ရှိ တိုင်းရင်းသားများအားလုံးထဲမှာ အကြောက်ဆုံး။ ရခိုင်တို့မှာ လက်ညိုးထိုးပြစရာ သမိုင်းသက်သေရှိတယ်။ သီးသန့်နယ်မြေရှိတယ်။ လုံလောက်တဲ့ လူဦးရေနဲ့ စီးပွားရေးရှိတယ်။ ကမ္ဘာ၏ စစ်ရေးဆိုင်ရာ Military အခုနက Politics, နောက် Geo-politics, ပထဝီနိုင်ငံရေးဆိုင်ရာ ဗဟို၊ စီးပွားရေးဗဟို Social Economics နဲ့ပတ်သက်လို့ ဒီဗဟိုချက်မှာ ကျတယ်။ အဲဒါဟာ ပြီးခဲ့တဲ့ (၁၀)စုနှစ် တစ်စု လောက်က စကျလာတာ ဖြစ်ပါတယ်။
ဒါကြောင့် အခု အားလုံး ကမ္ဘာအရေး၊ မြန်မာ့အရေး၊ ရခိုင်အရေးကို သုံးသပ် တိုင်းမှာ . . . ကမ္ဘာမှာ ရခိုင်သည် အခုရှေ့တန်းကို ထွက်လာတယ်။ ကမ္ဘာမှာ ရခိုင်တို့၏ အနေအထားကို ပိုပြီး အာရုံစိုက်လာကြတယ်။ ဘာကြောင့်လဲ။ ကျွန်တော်တို့ရဲ့ နှစ်ပေါင်း (၂၃၃)နှစ်ဝန်းကျင်လောက် ရောက်လာတဲ့အခါ . . . ။ အခု ကျွန်တော်တို့က ဟိုတုန်း ကလည်း ယုံပါတယ် . . . ဗိုလ်ချုပ်ခင်ညွန့်တို့ လို အင်မတန် တန်ခိုးထွားတဲ့ ပုဂ္ဂိုလ်တွေ ရခိုင်ပြည်ကိုလာရင်၊ “မိုးရွာချတယ်” ၊ ရခိုင်ပြည်မှာ “နတ်ကောင်းနတ်မြတ်များ” ရှိတယ်၊ “စောင့်ရှောက်တယ်” မဟာမြတ်မုနိကုန်းမှာလည်း . . . အဲဒီလိုတွေ ရှိတယ်။
ကျွန်တော်တို့ (၉၉)လတ္တံ့ကို ပြန်ကြည့်လိုက်ရင် “အလယ်တရိုး ထီးဖြူမိုး” မယ် လို့ ဆိုတယ်။ ကျောက်ဖြူ . . . သူ့ဟာသူ ဗဟိုချက်ကို ရောက်သွားတယ်။ အဲဒီလတ္တံ့ မှာ ပြန်ကြည့်။ “မဟာမြတ်မုနိကို စိနပြည်က လာပင့်မယ်၊ ပင့်ပြီးရင်ရခိုင်ကို ပြန်အပ်မယ်” ။ ဆိုတော့ . . . ပြန်ပြီး ကျွန်တော်တို့၏ လမ်းကြောင်းသည် . . . ၂၀၁၀ နီးပါးလောက်က၊ မတိုင်ခင်လောက်က ပွတ်ရှမှုသည် ၁၀-စုနှစ်တစ်ခုအတွင်းမှာ ထိပ်ပိုင်းကို ရောက်သွား တယ်။ ဒါကြောင့် ကုလား-ရခိုင် ပဋိပက္ခသည် မြင့်လာတယ်။ ရခိုင်တို့၏ အလယ်တည့်တည့်မှာ ကမ္ဘာ စီးပွားရေးဗဟိုချက်ကို ရောက်မယ့်လမ်းကြောင်းသည် ခုနက ကမ္ဘာမဟာအင်အားကြီး နိုင်ငံများ၏ ပွတ်ရှမှု ဖြစ်လာတယ်။
မကြုံစမဖူး ကျွန်တော်တို့၏ ဘင်္ဂလား သမုဒ္ဒရာ ပင်လယ်ပြင်အောက်ထဲမှာ ဓါတ်ငွေသိုက်တွေများစွာ တွေ့လာတယ်။ ယခု ဗမာပြည်ကိုတွေးရင်၊ ရခိုင်ပြည်၊ ရခိုင်ပြည် ကို တွေးရင် . . . ဘူးသီးတောင်၊ မောင်တော၊ မယူကမ်းဒေသ . . . ရခိုင်နိုင်ငံရေးတစ်ခု၊ ဗမာ့နိုင်ငံရေးတစ်ခုလုံး၏ “ထိပ်မှာ” ရှိနေတယ်။ ဒါကြောင့် . . . ပြန်ကြည့်ပါ။ လက်နက်ကိုင် အမျိုးသားတော်လှန်ရေး အင်အားစုတွေကို ပြန်ကြည့်ရင်လည်း . . . အရင်က ထိုင်းနယ်စပ်က လူဦးရေ နည်းနည်းပါးပါးလောက်နဲ့ လက်နက်ကိုင်တော်လှန်ရေး နယ်မြေထဲကို ဝင်လာတဲ့ပါတီတွေ အထူးသဖြင့် ရသေ့တောင်နယ်က ပုဂ္ဂိုလ်တွေ ခေါင်းဆောင်ခဲ့ကြတယ်။ သို့သော်လည်း ပန်းတိုင်မရောက်ခဲ့ကြပါဘူး။
အခု လွန်ခဲ့သည့် ကိုးနှစ်-ခုနစ်နှစ်လောက်က ထွန်းပေါ်လာတဲ့ “ရက္ခိုင့် တပ်မတော်” ၊ . . . အားလုံးသည် အိပ်မက်တစ်ခုဆီကို သွားနေတယ်။ အဲသည် အိပ်မက် သည် ခုနက မြန်မာ့နိုင်ငံရေးအားအနည်းဆုံးအချိန်မှာ ကျွန်တော်တို့၏ အခွင့်အရေး ကို အမိအရ ဆုပ်ကိုင်နိုင်ဖို့ . . . ဆရာတော် ဦးဥတ္တမ ပြောခဲ့သလို - “ရသင့်ရထိုက်တဲ့ အခွင့်အရေးကို ရအောင်ယူနိုင်မှ လူနဲ့တူတယ်” ၊ ရသင့်ရထိုက်သည့် အခွင့်အရေးကို ရအောင်ယူဖို့ အချိန်သည် လက်တကမ်းမှာရှိနေသည့်အခါမှာ- ကျွန်တော် တို့ နိုင်ငံရေး နယ်ပယ်ထဲက ရခိုင်တို့၏ နိုင်ငံရေး ဗဟိုချက်ကို ပြန်ကြည့်တဲ့အခါမှာ- ဗဟိုမှာ ကန်အားများနေတယ်။ အချင်းချင်းပဋိပက္ခများနေတယ်။ ဗိုလ်ချင်းပျံ မြောက်ဦးကို သိမ်းခါနီးမှာ ဖြစ်နေတဲ့ အဖြစ်အပျက်မျိုး . . . ကျွန်တော်တို့ ကြုံနေကြရပြီ။ ဒါကြောင့် ဗဟိုချက် . . . ခိုင်မာသော၊ ညီညွတ်သော၊ စည်းကမ်းပြည့်ဝသော၊ တပ်ဦးတစ်ခု လိုအပ်တယ် ဆိုတဲ့ ခံယူချက်နဲ့ ကျွန်တော်နောက်ကို ဆုတ်ပါတယ်။ နောက်ကို ဆုတ်ရင်းနဲ့ တည်ဆောက် ပါတယ်။
ရှေ့ကိုသွားဖို့အချိန် လုံလောက်တဲ့ အတိုင်းအတာ ကျွန်တော်တို့ ရှိတယ်လို့ ထင်ပါတယ်။ အဲဒါဟာ ဒီနေ့ နှစ်ပေါင်း (၂၃၃)နှစ်ကြာက စပြီးတော့ . . . ဦးဝေဟင်အောင် တို့လည်း ပြောပါတယ် . . . နှစ်ပေါင်း (၄၀)၊ ၁၇၈၄ မှ အင်္ဂလိပ် သိမ်းတဲ့ ၁၈၂၃-၂၄ ထိ နှစ်ပေါင်း (၄၀)၊ အင်္ဂလိပ်အုပ်ချုပ်တဲ့ နှစ်ပေါင်း (၁၀၀)ခေတ်ကောင်းကာလ၊ အဲဒီကာလ တိုင်းမှာ ဖြစ်တည်လာတဲ့ တော်လှန်စိတ်၊ မပြီးဆုံးသေးတဲ့ ဒီ ကျွန်တော်တို့ရဲ့ တော်လှန်စိတ်၊ အားလုံးရင်ထဲမှာ စွဲငြိသွားမယ်ဆိုရင် . . . ကျွန်တော်တို့ ဘာလုပ်သင့်သလဲ ဆိုတဲ့ အဖြေတစ်ခုကို ရလာမယ် ထင်ပါတယ်။
ဒီလိုရသွားအောင် ဦးဝေဟင်အောင်တို့ ကျွန်တော်တို့ ဆွေးနွေးနိုင်ခြင်း သည်ပင်လျှင် ကျွန်တော်တို့၏ ပန်းတိုင်၊ ရည်မှန်းချက်သည် ကျွန်တော်တို့၏ မျိုးဆက်သစ်တို့၏ ရင်ထဲမှ စွဲငြိသွားပြီ လို့ ကျွန်တော်တို့ ယုံပါတယ်။
ဒီလိုစွဲငြိသွားမှ လက်ဆင့်ကမ်းသွားမှ ကျွန်တော်တို့ မျှော်မှန်းတဲ့ “တခါမုချ . . . ပြည်ဓညာကို၊ တခါမုချ၊ ငါတို့ရအံ့” ဆိုတဲ့ မဆုတ်နစ်တဲ့ သံဓိဋ္ဌာန်ဖြစ်ပါတယ်။ ဒီလို သံဓိဋ္ဌာန်သည် ကြွရောက်လာကြတဲ့ ကျွန်တော်တင်ပြလို့ နားထောင်နေကြတဲ့ ပုဂ္ဂိုလ်များ၏ ရင်ထဲမှာ၊ နှလုံးထဲမှာ စွဲစွဲမြဲမြဲ ရှိခဲ့လို့ ရှိခဲ့ကြမယ်ဆိုရင် . . . ဘာကြောင့် ကိုယ့်ပြည် ကိုယ်မင်း၊ ကိုယ့်နိုင်ငံနဲ့ ကိုယ်ပိုင်နိုင်ငံနဲ့ နေထိုင်လာခဲ့တဲ့လူမျိုး၊ ဘာကြောင့် ပြိုကွဲချိန်တန်တဲ့အခါ ပြိုကွဲသွားရတယ် ဆိုတဲ့ နှစ်ပေါင်း (၂၃၃)နှစ်ကြာသမိုင်းကို ပြန်ပြီး ဆင်ခြင်နိုင်ဖို့အတွက် ဖြစ်ပါတယ်။ တစ်ဦးချင်း ဆင်ခြင်နိုင်ဖို့ ဖြစ်ပါတယ်။ တစ်ဦးချင်း ဆင်ခြင်နိုင်မှသာလျှင် ကိုယ့်မျိုးဆက်တွေကို တစ်ဦးချင်းက တာဝန်ယူပြီးတော့ . . . ဒီလိုဖြင့် သမိုင်းတွင် ငါတို့ကြုံခဲ့ရတယ်၊ ငါတို့မျှော်မှန်းတဲ့ပန်းတိုင် ရည်မှန်းချက်ကို မင်းတို့ လက်ဆင့်ကမ်းပြီးတော့ မရ-ရအောင် ယူကြ ဆိုတဲ့ တာဝန်ပေးချက်များ ရှိလာရမှာ ဖြစ်ပါတယ်။ ဒါကြောင့် ကျွန်တော်တို့ ရခိုင်မှာ- ဒီလိုစာပေ ဟောပြောမှုတွေရှိပါတယ်။ တခြားလူမျိုးတွေမှာ မရှိလို့လည်း . . . ကျွန်တော်တို့လို ကျယ်ကျယ်ပြန့်ပြန့်မရှိ လို့လည်း ပြောစမှတ်ပြုကြပါတယ်။ ဗမာတွေမှာတော့ ရှိပါတယ်။ ဒါကြောင့် ကျွန်တော်တို့ နိုင်ငံရေး ပါတီက ပုဂ္ဂိုလ်တွေ . . . ကျွန်တော် ထင်ပါတယ် . . . လက်နက်ကိုင်တော်လှန်ရေး က ပုဂ္ဂိုလ်တွေလည်း ဦးဝေဟင်အောင်တို့လို စာရေးဆရာတွေ စစ်တွေညိုသန့်တို့လို့ စာရေးဆရာတွေ၊ ပြည်သူတို့ထံသွားပြီး သမိုင်း၏ဒဏ်ရာဒဏ်ချက် . . . ရှေ့ကိုသွား ဖို့ရာ မျှော်မှန်းချက်တွေကို နားထဲမှာ စွဲဝင်သွားစေအောင် . . . တစ်ရွာဝင်၊ တစ်ရွာထွက်၊ ယခုလို စာပေဟောပြောပွဲတွေကို ဖန်တီးပြီးတော့ ဇာတိသွေး၊ ဇာတိမာန်မပျောက်အောင်၊ အမျိုးသားရည်မှန်းချက်တွေကို ကိန်းဝပ်အောင်၊ ဆွေးနွေးပေးစေခဲ့ခြင်းသည်ပင်လျှင် . . ကျွန်တော်ထင်တယ် . . . တာဝန်တစ်ခုဖြစ်ပါတယ်။ အလွန့်အလွန်တာဝန်ကျေကြပါတယ်။ ဒါကြောင့် နိုင်ငံရေး ပါတီများက ပုဂ္ဂိုလ်တွေကလည်း စာရေးဆရာကြီးတွေ ခုလိုစီစဉ်တဲ့ စာပေဟောပြောပွဲတွေကို စီစဉ်တဲ့ပုဂ္ဂိုလ်တွေကို အမြဲတမ်းအားပေးပါတယ်။ လေးစားပါ တယ်။ ဒီလိုပဲ လက်နက်ကိုင်တိုက်ပွဲဝင်နေတဲ့ ပုဂ္ဂိုလ်တွေကလည်းပဲ စာရေးဆရာတွေကို၊ အခုလိုစီစဉ်တဲ့ ပုဂ္ဂိုလ်တွေကို ကျေးဇူးတင်မယ်လို့ ထင်ပါတယ်။ ဒါသည် အမျိုးသား ပန်းတိုင်တစ်ခုကို ရောက်အောင် နိုင်ငံရေးအရ ဆောင်ရွက်နေခြင်းဖြစ်တယ် လို့ ကျွန်တော်တို့ နားလည် ပါတယ်။
ဒါကြောင့် ချုံ့လိုက်ရရင် . . . ကျွန်တော်တို့အားလုံး ရင်ထဲတွင် နှစ်ပေါင်း (၂၃၃)နှစ် . . . နောက်နှစ် ဆိုရင် (၂၃၄)နှစ် . . . ဒီလိုမျိူး အခမ်းအနားတွေကို ရောက်တိုင်း ရောက်တိုင်းမှာ ကျွန်တော်တို့၏ တာဝန်၊ ကျွန်တော်တို့၏ပန်းတိုင်၊ ရည်မှန်းချက်ကို ရင်ထဲမှာ . . . အားလုံးသူတို့၏ ရင်ထဲမှာ . . . စွဲငြိသွားစေအောင် မှတ်မိသွားအောင် ဒီလိုဟောပြောပွဲတွေက သင်ခန်းစာကို ရယူသွားနိုင်ခဲ့တယ်ဆိုရင် . . . စီစဉ်တဲ့ပုဂ္ဂိုလ်များ၏ ရည်ရွယ်ချက် အောင်မြင်တယ် လို့ ကျွန်တော်ယုံပါတယ်။
ဒါကြောင့် နောင်နှစ်များတွင်လည်း အတတ်နိုင်ဆုံး ကြိုးစားပြီး ကျင်းပ ပေးကြပါ။ ရသေ့တောင်မြို့မှာ မဟုတ်ဘဲနဲ့ . . . ဗဟိုပြုနိုင်လောက်တဲ့ ကျေးလက် တိုက်နယ်တွေမှာ သွားပြီး ကျင်းပပေးစေလိုပါတယ်။ ဒီလို ကျွန်တော်တို့ မြို့တိုင်း မြို့တိုင်းမှာ ယနေ့လို အခမ်းအနားများကို ကျင်းပပေးခြင်းဖြင့် ကျွန်တော်တို့ တစ်မျိုးသားလုံး ထားအပ်သည့် ပန်းတိုင် ရည်မှန်းချက်က ဘာလဲ၊ ဘယ်လောက်ထိ ကျားကုပ်ကျားခဲ အမျိုးသားရေးတာဝန် တစ်ရပ်အနေနဲ့ ဆောင်ရွက်ဖို့လိုတယ်ဆိုတဲ့ အသိတွေကို ဖလှယ်နိုင် မယ် လို့ ယုံပါတယ်။
အားလုံးကို ချုံ့ကြည့်ရရင် . . . ကျွန်တော်တို့ကလည်း . . . ရှင်ဘုရင်ခေတ်က ဖြစ်ပျက်လာတဲ့ အကြောင်း အရာတွေကို စီကာပတ်ကုံးတော့ မပြောတော့ပါ။ ဖြစ်ပျက်မှု များကတော့ သမိုင်းမှာ ရှိခဲ့ပါတယ်။ ဒါကြောင့် ကျွန်တော်တို့ ရှေ့ဆက်သွား တဲ့အခါမှာ- ကျွန်တော်တို့ချီတက်တဲ့ ခရီးလမ်းကြောင်းမှာ အတတ်နိုင်ဆုံး တတပ်တအား အုပ်တစ်ချပ် သဲတစ်ပွင့်အဖြစ် ပါပေးကြရန် မေတ္တာရပ်ခံပါတယ်။ အထူးသဖြင့် ကျေးလက်ပြည်သူ တွေကို ပိုပြီး မေတ္တာရပ် ခံလိုပါတယ်။ တကူးတက အချိန်ကုန် ငွေပန်း လူပန်းပြီး ဒီမှာ လာပြီး နားထောင်၊ ကိုယ့်ရပ်ရွာ ရောက်တဲ့အခါ ပြန်ပြီး သက်ဆိုင်တဲ့နေရာတွေမှာ ကိုယ့်လူ တွေကို ပြန်ပြောပြ စေချင်ပါတယ်။
ကျွန်တော်တို့ တစ်ပြည်လုံး လှည်းနေလှေအောင်း အားလုံးမကျန် အမျိုးသားရေးစိတ်ဓါတ်ရှိ နေမှ ကျွန်တော်တို့ရဲ့ လက်ရှိ အကျဉ်းကျပ်အတွင်းကနေ ရုန်းထွက်နိုင်မှာ ဖြစ်ပါတယ်။ ပြန်တွေးကြည့်ရင် . . . ဦးဝေဟင်အောင် ပြောခဲ့တဲ့အတိုင်းပါပဲ၊ အရှေ့ဖက်က ဖြစ်လာတဲ့ဖိအား၊ အနောက်ဖက်က ဖိလာတဲ့ ဖိအားကြားမှာ . . . ကျွန်တော်တို့ အကျဉ်းအကျပ်ကြားထဲမှာ ရောက်နေပါတယ်။
ဒါကြောင့် ဒီအချိန်ဒီကာလမှာ ကျွန်တော်တို့ ကျောချင်းကပ်ပြီး နိုင်ငံရေး အသိရှိရှိနဲ့ ကျွန်တော်တို့ သမိုင်းထဲမှာ ၀ဲလည်လည်မဖြစ်ဘဲ နဲ့ နည်းပေါင်းစုံနဲ့ ပြန်ပြီးတော့ ကိုယ့်ပြည် ကိုယ့်ဒေသကို ပြန်လည်ဆောက်ရမယ့်ကာလဖြစ်တယ်ဆိုတဲ့ သတိပေးချက် တစ်ခုကိုတော့ခါ ကျွန်တော် ပြန်ပြီးတော့ တင်ပြလိုပါတယ်။
ဒါကြောင့် အားလုံးကို ကျေးဇူးတင်ပါတယ်။ ကျွန်တော်တင်ပြတဲ့အပိုင်းက ဒီလောက်ဆိုရင် ကျဉ်းကျဉ်းကလေးနဲ့ လိုရင်းကို ကျွန်တော်တင်ပြခြင်းဖြစ်တဲ့အတွက် . . . ဒီလောက်ပဲ တင်ပြခဲ့တာကိုခွင့်လွှတ်ဖို့ မေတ္တာရပ်ခံလိုပါတယ်။ အားလုံး တော်လှန်ရေး သတိနဲ့ ကျွန်တော်တို့ မျှော်မှန်းတဲ့ ပန်းတိုင် ရည်မှန်းချက်ကို ပေါက်မြောက်အောင် တာဝန်တစ်ခုအဖြစ် ဆက်လက်ပြီးတော့ မျိုးဆက်သစ်များကို လက်ဆင့်ကမ်းပေးကြပါလို့ တင်ပြရင်း နိဂုံးချုပ်ပါတယ်။ ကျေးဇူးတင်ပါတယ်။
==============================
Source: Tin Mg Win ​ဖေ့စ်​ဘုတ်​

https://m.facebook.com/story.php?story_fbid=1608374875907044&id=100002036403855