မျှော်လေတိုင်း ဝေးနေဦးမှာပါ ( ဆောင်းပါး…မောင်မိုးဦး )

ရခိုင်ကိစ္စနဲ့ပတ်သက်ပြီး နိုင်ငံတော်အတိုင်ပင်ခံပုဂ္ဂိုလ်ကအသံလွှင့်မိန့်ခွန်းတွေပေးပြီးရှင်းပြတယ်။ နိုင်ငံတကာက ပြောနေဆိုနေ၊စွပ်စွဲနေတာတွေကိုလက်တွေ့အလုပ်နဲ့တုံ့ပြန်ပြမယ်လို့လည်းပါတယ်။ ရခိုင်ကိစ္စကိုလည်းအတိုင်ပင်ခံပုဂ္ဂိုလ် ကိုယ်တိုင်ဥက္ကဌလုပ်ပြီး ကိုင်တွယ်မယ်လို့လည်းပြောပါတယ်။

 အင်န်၊စီ၊အေ (NCA) သဘောတူညီချက်ကို လက်မှတ်ထိုးတဲ့ ၂ နှစ်ပြည့်အထိမ်းအမှတ်အခမ်းအနားမျာလည်း နိုင်ငံတော်အတိုင်ပင်ခံပုဂ္ဂိုလ်၊ကာချုပ်၊ သက်ဆိုင်ရာအဖွဲ့အစည်းခေါင်းဆောင်တွေ၊ အလုပ်အဖွဲ့တွေရဲ့ခေါင်းဆောင်တွေကလည်း မိန့်ခွန်းပေးတာ၊ စာတမ်းဖတ်တာတွေလုပ်ကြပါတယ်။ အဲဒီမိန့်ခွန်းတွေ၊သဘောထားတွေကိုကြည့်ရင် ပြဿနာရဲ့အရင်းအမြစ် ကိုရှာဖွေဖေါ်ထုတ်ပြီး အခြေခံကျကျဘယ်လိုဖြေရှင်းသင့်တယ်ဆိုတာတွေကို ရှင်းရှင်းလင်းလင်းပြောကြ၊ဆိုကြတာမတွေ့ရပါ။ ထမင်းရည်ပူလာ လျှာလွှဲစကားမျိုး၊ ကြံကြံဖန်ဖန်အကောင်းမြင်တဲ့စကားမျိုး၊ မယောင်ရာဆီလူးတဲ့စကားမျိုးတွေပဲ ခပ်များများဖြစ် နေပါတယ်။ ကာချုပ်ကတော့ မောက်မောက်မာမာနဲ့ ခြိမ်းခြောက်ဟိန်းဟောက်တဲ့ စကားတွေတောင်ပါပါသေးတယ်။

 ရခိုင်ပြည်နယ်ကိစ္စအပါအဝင် ဗမာပြည်တပြည်လုံးမှာဖြစ်ပေါ်နေတဲ့ပြဿနာအရပ်ရပ်ကို တာဝန်ယူဖြေရှင်းရမယ့် လူပုဂ္ဂိုလ်၊အဖွဲ့အစည်းတွေရဲ့ ကနေ့လုပ်ဆောင်ချက်တွေဟာ နာနာရှည်ရောဂါသည်ကို ဆေးမြီးတိုနဲ့ကုဖို့ကြိုးစားနေသလိုဖြစ် နေပါတယ်။ တချို့ကိစ္စဆိုရင် အနာတစ်ခြားဆေးတစ်ခြားတောင်ဖြစ်နေပါတယ်။
ကနေ့ဗမာပြည်မှာ ဖြစ်ပေါ်နေတဲ့ပြဿနာတွေရဲ့ အရင်းအမြစ်ဟာ လွတ်လပ်ရေးရကတည်းကဖြစ်ပေါ်ခဲ့တဲ့ပြဿနာ တွေပါပဲ။ လွတ်လပ်ရေးကြေညာခဲ့တဲ့ ဖဆပလ အစိုးရဟာ အာဏာရလာကတည်းက အင်္ဂလိပ်နယ်ချဲ့သမားအစိုးရရဲ့ သွေးခွဲ အုပ်ချုပ်တဲ့ စနစ်ကိုဆက်ဆံကျင့်သုံးပါတယ်။ ဒါကြောင့် ဖက်ဆစ်ဂျပန်တော်လှန်ရေးနဲ့ လွတ်လပ်ရေးတိုက်ဝင်စဉ်ကာလက ရရှိခဲ့ တဲ့ အမျိုးသားစည်းလုံးညီညွတ်မှုဟာ ဖဆပလ အစိုးရအာဏာရလာပြီးတဲ့နောက်မှာ ဖဆပလ အစိုးဟာ ဗမာလူမျိုးကြီးဝါဒကို တစတစ အကောင်အထည်ဖေါ်လာပါတယ်။ အမျိုးသားပြိုကွဲမှုဟာအရှိန်ပိုမြင့်လာတဲ့အခါမှာတော့ ပြည်တွင်းစစ်ပေါက်ကွဲ တော့တာပါပဲ။ ဖဆပလ အစိုးရဟာ ဗမာပြည်ကွန်မြူနစ်ပါတီကို တချီတည်းအပြီးချေမှုန်းနိုင်မယ်လို့တွက်ဆပြီး အလစ် အငိုက်ယူ ကာ ပြည်တွင်းစစ်ကိုစခင်းခဲ့တာပါပဲ။ ဒါပေမယ့် ဖဆပလအစိုးရတွက်ကိန်းမှားသွားပါတယ်။ ဗမာပြည်ကွန်မြူနစ် ပါတီကို မချေမှုန်းနိုင်တဲ့အပြင် ဖဆပလအစိုးရရဲ့လူမျိုးကြီးဝါဒကြောင့် အမျိုးသားလူနည်းစုတွေလည်း လက်နက်ကိုင် တော်လှန်ရေးကို တဖွဲ့ပြီးတဖွဲ့ဆင်နွှဲလာတဲ့အခါမှာ ပြည်တွင်းစစ်မီးဟာ အရှိန်ပိုမြင့်လာခဲ့တယ်။
ဖဆပလ အစိုးရဟာ ဆရာကြီး သခင်ကိုယ်တော်မှိုင်းရဲ့ သူမနာ၊ကိုယ်မနာငြိမ်းချမ်းရေးလမ်းစဉ်ကိုငြင်းပယ်ပြီး အပြုတ်တိုက်ရေးလမ်းစဉ်ကိုပဲကျင့်သုံးခဲ့တယ်။ ၁၉၆၂ မတ်လ ၂ ရက်နေ့မှာ ဗိုလ်နေဝင်းစစ်အုပ်စုက အာဏာသိမ်းတယ်။ ဖဆပလ အစိုးရရဲ့ပြည်တွင်းစစ်ခင်းရေးအပြုတ်တိုက်ရေးလမ်းစဉ်ကို ဆက်လက်ကျင့်သုံးတယ်။ ဗိုလ်နေဝင်းစစ်အုပ်စုရဲ့ တော်လှန်ရေးကောင်စီအစိုးရဟာ စီးပွားရေး၊ပညာရေး၊တွေမှာ ကမောက်ကမပေါ်လစီတွေသုံးစွဲပါတယ်။ ဒါကြောင့် ၆၂ ဇူလိုင် ၇ ကျောင်းသားအရေးအခင်း၊ ၆၇ ရခိုင်ဆန်လုပွဲအရေးအခင်း၊ တရုတ်ပြည်သူ့သမ္မတနိုင်ငံသံရုံးကိုဝင်စီးတဲ့အရေးအခင်းတွေ ဖြစ် ပေါ်တယ်။ ဗိုလ်နေဝင်းစစ်အုပ်စုဟာ အဲ့ဒီအချိန်ကစပြီး တပ်မတော်ကို စစ်အုပ်စုရဲ့လက်ကိုင်တုတ် အဖြစ်အသုံးချတော့တယ်။ စစ်အုပ်စုကို မလိုလားတဲ့တပ်မှူးတွေကိုလည်းတပ်ကထုတ်ပစ်ပြီးဖြစ်လေတော့ ဗိုလ်နေဝင်းဟာ စစ်အာဏာရှင်ကြီးဖြစ်လာပြီး သူကျင့်သုံးတာကလည်း စစ်အာဏာရှင်စနစ်ဖြစ်လာပါတယ်။ အဲဒါကြောင့် ကျောင်းသားအရေးအခင်းတွေ၊လူထုဆန်လုတဲ့ အရေးအခင်းတွေ၊အလုပ်သမားအရေးအခင်းတွေ၊လယ်သမားအရေးအခင်းတွေအားလုံးကို စစ်တပ်ကို ပစ်ခတ်နှိမ်နင်းစေခဲ့တာ ချည်းပဲဖြစ်တယ်။ တရားဥပဒေစိုးမိုးရေးဆိုတာ စစ်မိန့်အောက်ရောက်သွားတော့တယ်။ ပြည်တွင်းစစ်ကိုလည်း ဖြတ်လေးဖြတ် စနစ်နဲ့ရက်ရက်စက်စက်တိုက်ခိုက်တော့တယ်။ ဖြတ်လေးဖြတ်စနစ်ဆိုတာ စစ်တပ်အတွက် စစ်ဆင်ရေးမျာ စစ်မိန့်ကလွဲပြီး ဘာဥပဒေမှလိုက်နာစရာမလိုတဲ့ စနစ်ဖြစ်တယ်၊ စစ်ဆင်ရေးဂွင်အတွင်းမှာ လူသူလေးပါးကင်းရှင်းသွားအောင်လုပ်တဲ့ စနစ် လည်းဖြစ်တယ်။ ရှစ်လေးလုံးဒီမိုကရေစီအရေးတော်ပုံကြီး မတိုင်ခင်မှာဆိုရင် ပြည်တွင်းမှာရွာပုန်း၊ရွာရှောင်တွေအများကြီးပေါ် ပေါက်လာတယ်။ နယ်စပ်ဒေသတွေမှာဆိုရင် တဖက်နိုင်ငံထဲ နယ်နမိတ်မျဉ်းနဲ့မနီးမဝေးတွေမှာ ရွာပုံး၊ရွာရှောင်တေါအဖြစ်နဲ့ နေကြတာရှိပါတယ်။ ထိုင်း၊တရုတ်၊အိန္ဒိယနဲ့ဘင်္ဂလားဒေ့ရှ် နယ်စပ်မျဉ်းအားလုံးမှာ ဒီလိုချည်းပဲဖြစ်ပါတယ်။ ဘင်္ဂလားဒေ့ရ်ှနယ် စပ်တလျှောက် ဘူးသီးတောင်၊မောင်တော၊ရသေ့တောင်ဘက်က မူဆလင်ဘာသာဝင်တွေ ဘင်္ဂလားဒေ့ရ်ှနယ်ထဲကို အစုလိုက်အပြုံလိုက်ပြေးဝင်တာတွေ အဲဒီတုန်းကလည်းရှိခဲ့ဖူးတာပါပဲ။

 ရှစ်လေးလုံး လူထုအုံကြွမှုကြီးပေါက်ကွဲပြီးတဲ့နောက်မှာတော့ နယ်စပ်ကလူတွေရော ပြည်တွင်းအတွင်းပိုင်းက လူတွေပါ အစုလိုက်အပြုံလိုက် အိမ်နီးချင်းနိုင်ငံတွေထဲကိုရောက်သွားပါတယ်ယးထိုင်းဘက်မှာတော့ ဒုက္ခသည်စခန်းတွေဖွင့်ခွင့် ပေးလိုက်တဲ့အခါမှာတော့ ဒုက္ခသည်တွေသိန်းနဲ့ချီပြီး ရောက်ရှိကုန်ပါတယ်။ တတိယနိုင်ငံကိုရောက်သွားသူတွေလည်း သိန်းဂဏန်းနီးပါးဖြစ်နေတာပဲ။ ဒီလိုအဝေးရောက်သွားတာတွေ၊ဒုက္ခသည်တွေဆိုတာ လူမျိုးပေါင်းစုံပါပဲ။

 လတ်တလော ရခိုင်ပြည်နယ်ဘက်မှာဖြစ်နေတဲ့ကိစ္စဟာ ဖဆပလ အစိုးရကအစ၊ စစ်အစိုးရအဆက်ဆက်လုပ်ခဲ့တဲ့ သွေးခွဲအုပ်ချုပ်ရေးစနစ်ရဲ့ရလဒ်ဖြစ်ပါတယ်။ လူမျိုးရေးအရ၊ဘာသာရေးအရ သွေးကွဲအောင် အုပ်ချုပ်သူအဆက်ဆက် ဖန်တီးခဲ့တယ်။ အဲ့ဒါကြောင့်ရခိုင်ပြည်နယ်မှာ မူလဌာနေတိုင်းရင်းသားလူမျိုးတွေနဲ့ နောက်မှဝင်ရောက်လာသူတွေ အကြား လူမျိုးမတူညီတာ၊ ဘာသာရေးအရ ကွဲပြားတာတွေကို အကြောင်းပြုပြီးအမုန်းပွားခဲ့ကြပြီး အစေးမကပ်တော့တာတွေဖြစ်ကုန် တယ်။ ဒီအပြင် စစ်အစိုးရက တိုင်းရင်းသား၊နိုင်ငံသားနဲ့ တိုင်းရင်းသားမဟုတ်တဲ့နိုင်ငံသားဆိုပြီး နိုင်ငံသားချင်းတူပေမယ့် အဆင့်အတန်းခွဲထားတာဟာ ပြဿနာကိုပိုမိုကြီးထွားစေခဲ့တယ်။ တချိန်တည်းမှာတရားမဝင်ခိုးဝင်သူတွေလည်း ရှိသင့်သ လောက်ရှိပါတယ်။ ဒီနောက်ပိုင်းမှာ နိုင်ငံသားတွေရော နောက်မှခိုးဝင်လာသူတွေကိုပါ နိုင်ငံမဲ့တွေဖြစ်အောင်လုပ်လိုက်တော့ ပြဿနာဟာ ရှုပ်သည်ထက်ရှုပ်။အမုန်းပွားမှုတွေကကြီးထွားသည်ထက်ကြီးထွားကုန်တယ်။ ဒီလိုအခြေအနေမှာ အကြမ်းဖက် သမားတွေက အခွင့်ကောင်းယူပြီးစည်းရုံးသိမ်းသွင်းသွားတာပဲ၊ ဒီလိုအခြေအနေမှာ ဖြတ်လေးဖြတ်စနစ်နဲ့ လက်ယဉ်နေတဲ့စစ် တပ်လွှတ်လိုက်တော့ ဒီတပ်ကို ဘယ်သူမှအတွေ့မခံရဲတာ (တပ်ရဲ့ဘေးရန်က ရှောင်တာ) ဆန်းတဲ့ကိစ္စတော့မဟုတ်ပါ။

 အခုထွက်ပြေးသူတွေပြန်လည်လက်ခံဖို့ဆိုတာမှာ အခက်အခဲအများကြီးရှိတယ်။ သူတို့စွန့်ခွာခဲ့တဲ့ရွာတွေမှာ သူတို့ပြန်နေဖို့ စာဝတ်နေရေး၊လုံခြုံရေးတွေကိုတာဝန်ယူရမယ်။ ဒီအပြင်အကြမ်းဖက်သမားတွေထိုးဖေါက်မစည်းရုံးနိုင်အောင် ကိုယ့်ဘက်ကစည်းရုံးရေးလုပ်ငန်းတွေလုပ်ရမယ်။ ဒေသတွင်းလူမျိုးတမျိုးနဲ့တမျိုး မိတ်မပျက်ရင်းရင်းနှီးနှီးပြန်လည်ဆက်ဆံနိုင် အောင်လည်းလုပ်ရမှာဖြစ်တယ်။ ဒီချုပ်အစိုးရရဲ့လက်ကျန်သက်တမ်းနဲ့တော့မလုံလောက်နိုင်ဘူး။

 ထိုင်းဗမာနယ်စပ်မှာရှိတဲ့ဒုက္ခသည်တွေမိမိနေရပ်ကိုပြန်လာနိုင်အောင်လည်းမနည်းကြိုးစားလုပ်ဆောင်ရမှာဖြစ်တယ်။ အဲဒီဒုက္ခသည်တွေဟာ နှစ်ပေါင်းနှစ်ဆယ်ကျော်ပြီ။ သူတို့က မွေးဖွားတဲ့ကလေးတွေဟာ နိုင်ငံမဲ့ကလေးတွေတောင်ဖြစ်နေကုန် ပြီ။ ဘယ်လိုဖြေရှင်းမလဲ။လက်ရှိပြည်တွင်းမှာ စစ်ရှောင်ဒုက္ခသည်ကိစ္စတွေကလည်း အများအပြားပဲ။

 စစ်အစိုးရအဆက်ဆက်က အပစ်အခတ်ရပ်စဲရေးကို အားလုံးတပေါင်းတစည်းတည်းလုပ်ခဲ့တာမဟုတ်ပါ။ အဖွဲ့ အစည်းတခုချင်းမှာကွဲပြဲသွားခဲ့တဲ့အခါ ကွဲသွားတဲ့အစိပ်အပိုင်းကို အဖွဲ့အစည်းတခုအဖြစ်အသိအမှတ်ပြုပြီး အပစ်အခတ်ရပ်စဲ ရေးလုပ်ခဲ့တာဖြစ်တယ်။ ဒါကြောင့် နအဖ ခေတ်မှာအပစ်အခတ်ရပ်ပြီး ငြိမ်းချမ်းရေးယူတဲ့အဖွဲ့အစည်းဟာ ၂၀ နီးပါးတောင် ရှိသွားပါတယ်။ အခု NCA ဆိုတာ အဲဒီပေါ်လစီရဲ့အဆက်ပဲဖြစ်တယ်။ တပြည်လုံးအပစ်အခတ်ရပ်စဲရေးကို စစ်အုပ်စု အဆက်ဆက်က လက်ခံလေ့မရှိပါ။ ဒါကြောင့်အပစ်အခတ်ရပ်စဲရေး ငြိမ်းချမ်းရေးကိစ္စမှာ ကာချုပ်က သူ့မူ ၆ ချက်ကို အသေကိုင်ထားတာပဲ။ အပစ်အခတ်ရပ်စဲရေးလုပ်ထားပေမယ့် ကာချုပ်က ထိုးစစ်လုပ်ချင်လုပ်နေတာပဲ။ ဒီကနေ့ ကာချုပ် စိတ်ဝင်စားနေတာက အပစ် အခတ်ရပ်စဲရေး၊ငြိမ်းချမ်းရေးနဲ့ သာယာဝပြောတဲ့ ဒီမိုကရေစီဖက်ဒရယ်ပြည်ထောင်စု ထူထောင်ဖို့ မဟုတ်ပါ။ ကာချုပ်စိတ်စော နေတာက လက်နက်ကိုင်အဖွဲ့အစည်းတွေရဲ့လက်နက်တွေကို ဘယ်နည်းနဲ့ဖြုတ်သိမ်းမလဲဆိုတာနဲ့ စစ်အာဏာရှင်စနစ် ဆက်လက် ရှင်သန်အောင် ဘာတွေလုပ်မလဲဆိုတာပဲဖြစ်တယ်။

ပြည်ထောင်စုတပ်မတော်တရပ်တည်ဆောက်ဖို့ပြောဆိုဆွေးနွေးတဲ့အခါမှာ ကာချုပ်က သူတို့တပ်ဟာ ပြည်ထောင်စု တပ်ပါ၊ လူမျိုးပေါင်းစုံပါပါတယ်၊သူကိုယ်တိုင်လည်း ထားဝယ်သားပါ၊တိုင်းရင်းသားပါလို့ပြောတယ်။ ဒီလိုစဉ်းစားနည်းနဲ့ကတော့ ဖက်ဒရယ်ပြည်ထောင်စုတပ်မတော်တခုတည်ဆောက်ရေးဆိုတာကတော့ အဝေးကြီးပဲ။ အမျိုးသားစည်းလုံးညီညွတ်ရေး၊ လူမျိုး စုံချစ်ကြည်ရင်းနှီးရေးလို့ပြောရင်လည်း သူကိုယ်တိုင်ထားဝယ်သားဖြစ်တယ်၊ သူ့အမျိုးသမီးက ရခိုင်ဖြစ်တယ်လို့ပြောချင်ပြောနေမှာပါ။

ဒီကနေ့ဗမာပြည်မှာ အပြောင်းအလဲလုပ်ဖို့တကယ်လိုအပ်နေပါတယ်။ အဲဒီလိုအပြောင်းအလဲဖြစ်ဖို့ဆိုရင် အရင်း အမြစ်ကစပြီးပြောင်းလဲပစ်ရမှာဖြစ်တယ်။ စစ်အစိုးရအဆက်ဆက်ချမှတ်ကျင့်သုံးနေတဲ့ ပေါ်လစီအရပ်ရပ်ကို ရပ်တန်းကရပ်ပြီး အတွေးသစ်၊အမြင်သစ်နဲ့လုပ်မှအပြောင်းအလဲဖြစ်နိုင်မယ်။ ဒီမိုကရေစီအပြောင်းအလဲလုပ်ဖို့ စစ်အာဏာရှင်စနစ်က ခန့်ခွဲခဲ့တဲ့ ပေါ်လစီအရပ်ရပ်ကိုဖျက်သိမ်းပစ်ရမှာဖြစ်တယ်။ ဒါကြောင့်လှုပ်ရှားမှုအားလုံးဟာ ၂၀၀၈ အခြေခံဥပဒေဖျက်သိမ်းရေးကိုသက် ရောက်စေရမှာဖြစ်တယ်။ ဒါကြောင့် တပြည်လုံးအပစ်အခတ်ရပ်စဲရေးကို အစိုးရကကြေညာရမယ်။ ကာချုပ်က အဲ့ဒါကိုအာ မခံရမယ်။ ၂၁ ရာစုပင်လုံမှာ အားလုံးတန်းတူရည်တူပါဝင်ဆွေးနွေးရမှာဖြစ်တယ်။ ငြိမ်းချမ်းရေးအတွက် နိုင်ငံရေးဆွေးနွေးပွဲ တွေမှာ ငြိမ်းချမ်းရေးကိုဘယ်လိုတည်ဆောက်မယ်၊ ဖက်ဒရယ်ပြည်ထောင်စု၊ ပြည်ထောင်စုတပ်ဖွဲတည် ထောင်ရေးကို ဘယ်လိုတည်ထောင်ရေးကိစ္စကိုဆွေးနွေးရင် အဲဒါတွေထူထောင်နိုင်ဖို့ ၂၀၀၈ အခြေခံဥပဒေကို ပယ်ပြီး အခြေခံ ဥပဒေသစ်နဲ့ သွားရေးကိစ္စတွေပါ မုချဆွေးနွေးရမယ်။ ဒီအချိန်မှာ ကာချုပ်က ၂၀၀၈ အခြေခံဥပဒေကို အထိပါးမခံဘူးဆိုရင် ပွဲပျက်မှာပဲ။

ဒါကြောင့်ဗမာပြည်မှာ ဒီမိုကရေစီအပြောင်းအလဲကို အညင်သာဆုံးနဲ့ အထိရောက်ဆုံးဖြစ်ဖို့ဟာ ကာချုပ်အပေါ်မှာ လုံးဝမှီတည်နေပါတယ်။ ၂၀၀၈ အခြေခံဥပဒေဖျက်သိမ်းဖို့။ စစ်အာဏာရှင်စနစ်ဖျက်သိမ်းဖို့၊ ဒီမိုကရေစီဖေါ်ဆောင်ဖို့၊ အမျိုးသားစည်းလုံးညီညွတ်ရေးတည်ဆောက်ဖို့ ငြိမ်းချမ်းရေးတည်ဆောက်ဖို့ဆိုတာ စစ်အုပ်စုကိုယ်စားလှယ်ချုပ်က ပိတ်ပင်တားဆီးနေသရွေ့ ဘယ်တော့မှ အောင်မြင်နိုင်မှာ မဟုတ်ဘူး။

ဆင်ကြီးကိုထူးခတ်ပြီးလွှတ်ထားသလို ဒီချုပ်အစိုးရကို စစ်အုပ်စုကလုပ်ထားနေသရွေ့ကတော့ ဗမာပြည်မှာ စစ်အာ ဏာရှင်စနစ်က ပန်းပန်နေဦးမှာပဲ။ ပြည်သူလူထုကြီးလည်း မွဲသည်ထက်မွဲမှာပဲ။ နိုင်ငံရေး၊စီးပွားရေး၊လူမှုရေး၊ယဉ်ကျေးမှု အစစ အရာရာမှာပဲ ကမောက်ကမဖြစ်မြဲဖြစ်နေမှာပဲ။ ပြည်တွင်းစစ်ရပ်စဲရေး၊ပြည်တွင်းငြိမ်းချမ်းရေးဟာလည်း ဇာတ်မျောကြီးဖြစ်နေ မှာပါပဲ။ ဒီမိုကရေစီဖက်ဒရယ်ပြည်ထောင်စုကြီးဆိုတာလည်း မျှော်တိုင်းဝေးနေဦးမှာပဲ။

 အရေးတော်ပုံဂျာနယ်မှ

ဟိန်း တေဇ

https://m.facebook.com/story.php?story_fbid=376361129476061&id=100013065300199