ဗိုလ်ချုပ်မှူးကြီးမင်းအောင်လှိုင်နှင့် တွေ့ဆုံသောအခါ (သာလွန်ဇောင်းထက်)

၁- တည်းတဲ့ဟုိုတယ်ကနေ ဘုရင့်နောင်ရိပ်သာကိုရောက်တော့ တပ်ချုပ်နဲ့ တွေ့မယ့် သတင်းမီဒီယာကောင်စီဝင်တွေကို  အစီလိုက် အတန်းလုိုက် စီခုိုင်းတယ်။ တပ်အရာရှိတွေက နာမည်နဲ့ ထုိုင်ရမယ့် ခုံ အစဉ်အလိုက်အတုိုင်း တန်းစီခိုင်းတယ်။ မြန်မာသတင်းမီဒီယာကောင်စီဝင်တွေ အားလုံး ရထားတွဲကြီးတစ်ခုလုိုဖြစ်သွားတယ်။ ဥက္ကဋ္ဌက ရှေ့ဆုံးခေါင်းတွဲပေါ့။ ကျနော်က နောက်ဆုံးရဲ့ ရှေ့က ရထားတွဲလို နေရာရပါတယ်။ ကုိုယ့်မှာ စစ်တပ်ထဲရောက်သွားသလို သတိပဲ ဆွဲနေရမလိုလိုပေါ့။ ကောင်စီဝင်တွေကို တန်းစီထားတာ အတော် အတန်းရှည်သားပဲလုို့ တွေးမိတယ်။ ဘယ်သူ့သြဇာမှ မခံခဲ့တာ အခုတော့ တပ်အရာရှိတွေ  တန်းစီခုိုင်းတာခံရပြီလုို့ တွေးမိရဲ့။ သမ္မတအိမ်တော်မှာလည်း ကတိသစ္စာပြုတုန်းက နံပါတ်စဉ်အတုိုင်း နေရာချထားပေမယ့် ဒီလိုကြီးတော့ တန်းမစီရဘူးဆိုတာလည်းတွေးမိတယ်။ သြော် တပ်ပဲလေဆုိုပြီး တွေးမိတယ်။

၂- ထုိုင်ခုံမဆန့်လို့ ရှေ့ဆုံးခုံတန်း ခုံတန်းရှည်မှာ ကျနော် မထုိုင်ရဘဲ ဒုတိယတန်းခုံမှာ ထုိုင်ခုိုင်းတယ်။ အင်း ဒါလည်း တစ်မျိုးကောင်းတယ်၊ ငုိုက်ချင်ရင် ငုိုက်လုို့ရတာပေါ့လို့ တွေးမိတယ်။ ဒါပေမယ့် စိတ်ထဲမှာတော့ တမင်လုပ်သလား၊ ဗိုလ်ချုပ်ကြီးတွေ ငါ့မျက်နှာ မမြင်ချင်လုို့များလားဆုိုပြီး တွေးမိတယ်။

၃- ၀င်ဝင်ချင်း ကာချုပ်နဲ့တွေ့တယ်။ ကျေနာ့် လက်ထဲမှာ အသင့်ကိုင်ထားတဲ့ စာ ၃ စောင်ကုို ချက်ချင်း ပေးလုိုက်တယ်။ တစ်စောင်က PCMJ က သတင်းသမားတွေကို ထောင်ချောက်ဆင်ဖမ်းတဲ့ ပြည်ထဲရေးတာဝန်ရှိသူတွေကို အရေးယူပေးဖုို့၊ နောက်တစ်စောင်က ရုိုက်တာသတင်းထောက် ၂ ဦးရဲ့ ဇနီးတွေဆီက စာ၊ နောက်တစ်စောင်က ဒုရဲမှူး မုိုးရန်နုိုင်ရဲ့စာ။ တပ်ချုပ်က သူ့  PSO ကို စာတွေ လှမ်းယူခိုင်းတယ်။

၎- အတွင်းရေးမှူး ဦးကျော်စွာမင်းက ကျနော်ကုို့ တပ်ချုပ်နဲ့  မိတ်ဆက်ပေးဖို့ ဟန်ပြင်နေတုန်းမှာပဲ တပ်ချုပ်နှုတ်က ကျနော့် နာမည်စခေါ်တယ်။ "သာလွန်ဇောင်းထက်" တဲ့။  သိလိုက်တာက လူတွေနဲ့ မတွေ့ခင် ဘယ်သူ ဘာဆုိုတာ ကိုယ်ရေးအကျဉ်းနဲ့တကွ၊ ဘယ်လုို Background က လာတယ်ဆုိုတာ တပ်အရာရှိကြီးတွေ ကြိုဖတ်ထားတယ်လို့ ကောက်ချက်ချမိတယ်။ လူနဲ့ နာမည် တွဲသိတယ်။ တစ်နည်းအားဖြင့်ပြောရင် အိမ်စာလုပ်တယ်။ ဒီထက်ပုိုတွေးမိတာက ဘယ်သူ့ဆီက ဘယ်လိုစကားထွက်မယ်ဆုိုတာ ကြိုတင်ခန့်မှန်းထားတာမျိုးနဲ့ အဖြေအတွက် ကြိုပြင်ထားတာရှိနုိုင်မယ်လို့ တွေးမိတယ်။ Well Planned ရှိတယ်ဆုိုတာ ပေါ်လွင်တယ်လုို့ တွေးမိတယ်။ အဲဒီလို တွေးရင်းနဲ့ ထုိုင်ခုံဆီသွားလိုက်တာ တပ်ချုပ်ကို လက်စွဲ နှုတ်မဆက်ခဲ့ရမှန်း ခုံပေါ်မှာ ထုိုင်မိမှ သတိထားမိတယ်။

၅- တပ်ချုပ်က သူ့လူတွေကုို မိတ်ဆက်ပေးတယ်။ တပ်ချုပ်ရဲ့ မိတ်ဆက်ပေးမှုနဲ့ တပ်လုပ်ငန်းစဉ်တချို့ အကြောင်း တပ်ချုပ်က ရှင်းပြမှုကို နားထောင်ရင် သတိထားမိတာကတော့ တပ်ချုပ်ဟာ အလုပ်လုပ်တဲ့အခါမှာ Team နဲ့ အလုပ်လုပ်တယ်။ သူတစ်ဦးတည်း မဆုံးဖြတ်ဘူး။ အားလုံးနဲ့တိုင်ပင်ဆုံးဖြတ်တယ်ဆုိုတာကို သွားတွေ့တယ်။ ဆုံးဖြတ်ချက်တုိုင်းသည် ကောင်းသည်ဖြစ်စေ၊ ဆုိုးသည်ဖြစ်စေ Team က တာဝန်ယူတဲ့သဘောကိုလည်းတွေ့မိတယ်။ Well Trained ဖြစ်တယ်။ လုပ်စရာရှိ တစ်သင်းလုပ်၊ တစ်သင်းလုံး ဖြန့်ကစားမှုမြင်ရတယ်။

၆- ကုိုယ်ပြောချင်တဲ့ အကြောင်းအရာကို တစ်ဦးချင်းစီ မိတ်ဆက်ပြောခွင့်ရတယ်။ ကျနော်ကတော့ ရုိုက်တာသတင်းထောက် ၂ ဦးကိစ္စနဲ့စတယ်။ ဒုရဲမှူး မိုးရန်နုိုင်ကိစ္စပြောတယ်။ ထောင်ချောက်ဆင်ဖမ်းတာ မတရားဘူး။ မသင့်တော်ဘူး ။ အရေးယူပေးပါ စုံစမ်းပေးပါ ပြောတယ်။ သတင်းရယူခွင့် နည်းတဲ့ကိစ္စ၊ ရခိုင်မှာ ရဟတ်ယာဉ်တွေသုံးပြီး တုိုက်နေတာ၊ ငြိမ်းချမ်းရေးအပေါ် တပ်ရဲ့ သဘောထား၊ တပ်ချုပ်ကြီး ပင်စင်ယူပြီး တပ်ချုပ် သစ် ဘယ်သူဖြစ်လာမလဲ ( အဲဒီအကြောင်းအရာမှာ တပ်အရာရှိကြီးတွေ မသိမသာ လှုပ်လှုပ်ရှားရှား) ဆိုတာတွေကို သတင်းမီဒီယာတွေက စိတ်ဝင်စားတယ်ဆုိုတာပြောပြတယ်။ Access to Information ပေးဖုို့ပါ။ သတင်းမီဒီယာဥပဒေ ပြင်ဖုို့ လိုအပ်တယ်။ ဥပဒေပြင်ရင်တပ် လွှတ်တော်ကိုယ်စားလှယ်တွေက ပြင်ဆင်မှု ပူးပေါင်းဆောင်ရွက်ပေးဖုို့။ သတင်းမီဒီယာတွေ တကယ် အလုပ်လုပ်ဖို့က မီဒီယာဥပဒေမပြင်ဘဲ မဖြစ်နုိုင်ဘူး။ မီဒီယာဆုိုတာ ပြည်သူလူထုကို အမှန်ကုို အမှန်အတုိုင်း ချပြဖို့ တာဝန်ရှိတယ်ဆုိုတာ ပြောခဲ့တယ်။

၇- ကျနော်စကားပြောနေစဉ်မှာ ကျနော့်ကို မနှစ်သက်တဲ့ အရိပ်လက္ခဏာတွေ တချို့သော ဗိုလ်ချုပ်ကြီးတွေဆီမှာ မြင်ရပေမယ့် တပ်ချုပ်ကတော့ ငြိမ်ပြီး နားထောင်နေတယ်။ နားထောင်တတ်ခြင်းဟာလည်း အရည်အချင်း တစ်ရပ်ပဲမို့ ကုိုယ်ပြောချင်ရာ ပြောလုိုက်ရတော့ စိတ်ထဲမှာတော့ ပေါ့သွားတယ်။ ပြောသမျှကို အရာရှိကြီးတွေ အကုန်လုံး လိုက်ပြီး မှတ်သားကြတာလည်း တွေ့မိတယ်။

၈- တပ်ချုပ်က ကျနော်တုို့ ပြောသမျှ စကားတွေ ပြန်ပြီး ရှင်းပေးတယ်။ ရှင်းပေးရင်းနဲ့ အခြေခံဥပဒေပါ အခွင့်အရေးတွေကို ရှင်းပြတယ်။ သူအနေနဲ့ ပြည်ထဲရေးဝန်ကြီးကို ခေါ်ပြီး လုပ်သင့်တာ၊ လုပ်ရမှာတွေ ခေါ် ပြောတာတွေ ရှိတယ်ဆုိုတာ ရှင်းပြတယ်။ ပြည်ထဲရေး ၀န်ကြီးက တပ်ချုပ်ကြီးရဲ့ အောက်မှာရှိပြီး ၀န်ကြီးကို  တပ်ချုပ်က ခေါ် ခုိုင်းလုို့ရတယ်ဆုိုတဲ့ ပြင်ပက အပြောတွေ တကယ်ပါလားဆုိုတာ ကောက်ချက်ချမိတယ်။

၉ - အချိန်တိကျမှု ရှိတယ်။ အစည်းအဝေး သတ်မှတ်ထားတဲ့အချိန်ကိုက် အဆုံးသတ်တယ်။

၁၀- နေ့လယ်စား စားဖုို့ ခေါ်သွားတယ်။ တပ်က ချက်တဲ့ ဒံပေါက်ထမင်း၊ ကြက်ကလည်း တပ်မွေးမြူရေးက ထွက်တာတဲ့။ တော်တော်များများ တပ်က ထုတ်လုပ်တာလုို့ ဗိုလ်ချုပ်တစ်ဦးဆီက ပြောသံကြားမိတယ်။

၁၁- ထမင်းစားကြတော့ ပုံစံခွက်နဲ့စားတာသတိထားမိတယ်။ ဗိုလ်ဆုိုရင် စတီး ပုံစံခွက်၊ ဗိုလ်ချုပ်တွေဆိုရင်တော့ ကြွေပုံစံခွက်နဲ့ပါတဲ့။ ကြွေခွက်တွေမှာလည်း တပ်တံဆိပ် ရုိုက်နှိပ်ထားတယ်။ တပ်က ထုတ်တဲ့ ပန်းကန်တွေတဲ့။

၁၂- ထမင်းစားပြီးတော့ ကျနော်တုို့ကို ခေါ်တယ်။ သတင်းစာရှင်းလင်းပွဲပုံစံ မိန့်ခွန်းပြောမယ့်နေရာလေး ပြင်ထားတယ်။ ဘာလဲပေါ့ စိတ်ထဲ စဉ်းစားမိတယ်။ ဗိုလ်ချုပ်မှူးကြီးမင်းအောင်လှိုင်က Speech ပေးတယ်။ ငြိမ်းချမ်းရေးအတွက် တပ်ရဲ့ ထုတ်ပြန်ချက်ပါတဲ့။ ဗိုလ်ချုပ်ထွန်းထွန်းညီက ဖတ်တယ်။

၁၃-ငြိမ်းချမ်းရေးအတွက် စစ်ဆင်ရေးတွေ ရပ်တယ်ပေါ့။ စိတ်ထဲ ကြောင်သွားတယ်။  သတင်းမီဒီယာကောင်စီနဲ့ တွေ့ဆုံပွဲလား၊ သတင်းထုတ်ပြန်ပွဲလား၊ နှစ်ခုစလုံး တုိုက်ဆုိုင်တာလား၊ တမင် နှစ်ခုစလုံး တွဲလုပ်တာလား၊ အံ့အားသင့်သွားတယ်။ ကောင်စီခေါ်ပြီး သတင်းထုတ်ပြန်တာပေါ့လို့ နားလည်တွေးလုိုက်တယ်။ ကောင်စီက မီဒီယာတွေ အားလုံးပါတော့ ချက်ချင်း ပြန့်သွားတယ်။ မီဒီယာတွေလည်းရှိနေတော့ အဲဒီသတင်းက စက္ကန့်ပုိုင်းအတွင်း သတင်းဌာန အားလုံးက Breaking News အနေနဲ့ တက်လာတယ်။ မြန်မာနုိုင်ငံသတင်းမီဒီယာကောင်စီနဲ့ တွေ့ဆုံရင်း ငြိမ်းချမ်းရေး သတင်းထုတ်ပြန်လုို့ ခေါင်းစဉ် တပ်ရင်ကောင်းမလား စဉ်းစားမိတယ်။

၁၄- ဘုရင့်နောင်ရိပ်သာက ပြန်ထွက်လာတော့ စိတ်ထဲမှာ တွေးမိတယ်။ ဇေယျာသီရိဆိုတာ တပ်မြို့ လေး ဖြစ်တော့ နေပြည်တော်က ပဲခူးရုိုးမ တောင်ကြားတွေကြားထဲမှာ သီးခြားကမ္ဘာလေးလုိုဖြစ်နေတယ်။ ဘုရင့်နောင်ရိပ်သာလို နေရာမျိုးက ခမ်းနားမှုတွေကလည်း သမ္မတအိမ်တော်က ဧည့်ခန်းမဆောင်ရဲ့ ခမ်းနားမှုနဲ့ မခြားပါပဲ။ နေပြည်တော်မှာကိုပဲ အစုိုးရနဲ့ တပ်ဌာနချုပ်က သီးခြားစီရှိနေကြတယ်။ တစ်နေရာကနေ တစ်နေရာရောက်ဖို့ အတော်ကို သွားလာရတာလည်း သတိထားမိတယ်။ နုိုင်ငံရေးလေ့လာသုံးသပ်သူတွေပြောနေတဲ့ မြန်မာနုိုင်ငံမှာ အစုိုးရနှစ်ရပ်ရှိတယ်ဆုိုတဲ့စကား သွားသတိထားမိတယ်။ သေချာတာကတော့ နေပြည်တော်ဆိုတဲ့မြို့ကြီးမှာ သီးခြားကမ္ဘာလေးနှစ်ခု တည်ရှိနေတာကိုတော့ အမြင်အတွေ့အားနဲ့ လက်ခံလိုက်ရတယ်။

၁၅- မီဒီယာသြဇာကြီးပုံကို သဘောပေါက်ပေမယ့် မီဒီယာတွေနဲ့ ပူးပေါင်းလုပ်မယ်ဆိုတာမျိုး ပြောတယ်။ တကယ်တော့ ပူးပေါင်းစရာလည်း မလုိုပါဘူး။ မီဒီယာက တပ်နဲ့ ပူးပေါင်းလုို့လည်းမရပါဘူး။  တပ်က ဘာလုပ်နေလဲဆိုတာ Access to Information ခွင့်ပြုပေးဖုို့က အဓိကပါ ။ မီဒီယာတွေမှာ  လက်ဝဲ၊ လက်ယာ မီဒီယာတွေမှာရှိတယ်ဆုိုတာပြောပေမယ့် တကယ့်စစ်မှန်တဲ့ မီဒီယာသဘောတရားကုို တပ်ချုပ်လည်း နားလည်ပုံမရပါဘူး။ စစ်မှန်တဲ့ မီဒီယာဆုိုတာ စာဖတ်သူကုို ဘက်ပေါင်းစုံက မျှမျှတတ အမှန်ကို အမှန်တုိုင်း ရှင်းပြဖို့ တာဝန်ဆိုတာကုိုတော့ ရှင်းပြခဲ့တယ်။ မှန်ခြင်း မှားခြင်းက မီဒီယာက ဆုံးဖြတ်ရတာမဟုတ်ဘဲ သတင်းစားသုံးသူတွေက ဆုံးဖြတ်ရတာကိုတော့ တပ်ချုပ်လည်း သိပ်ပြီးတော့ ရှင်းလင်းပုံမရပါဘူး။

Photo Credit - မြ၀တီ

www.khitthitnews.com


https://www.facebook.com/385165108587508/posts/574938919610125/