စစ်ဖြစ်လာလျှင်-(ရဲမိုး)

၁။ စစ်ပွဲတွေဟာ ပုံစံ အများကြီး ရှိပါတယ် ။ နယ်စပ်မှာ ကန့် သတ်ပြီး ဖြစ်တဲ့ စစ် ၊ စစ်မကြေငြာပဲ အပြန်အလှန် တိုက်ကြတဲ့ စစ် ၊ လိုလားချက်တစ်ခုအတွက် ၀င်တိုက်ပြီး အဲဒီလိုလားချက်ရတာနဲ့  ရပ်သွားတဲ့  စစ် ၊ နှစ်နိူင်ငံ စစ်ကြေငြာပြီး တိုက်ကြတဲ့ စစ် စသဖြင့် စသဖြင့် အများကြီးပါ ။

ဒီနေ့မျက်မှောက်ခေတ် ကမ္ဘာ့ တစ်နေရာရာမှာ ဘယ်အချိန်မဆို တိုက်ပွဲ သို့ မဟုတ် စစ်ပွဲတစ်ခုခုကတော့ ရှိနေမြဲ ဖြစ်ပါတယ် ။

----------------------------------------

၂။ စစ်ပွဲတွေဟာ ပုံစံမျိုးစုံ ရှိသလို စစ်ပွဲတွေကိုတိုက်တဲ့ နည်းလမ်းတွေကလဲ အမျိုးအစားပေါင်းစုံ ရှိကြပါတယ် ။

လေကြောင်းကပဲ တိုက်သလား ၊ မြေပြင်တပ်ရော ပါသလား ၊ ရေတပ်ကရော ၀င်တိုက်သလား ကိုယ့်ပြည်တွင်းမှာ ရှိနေတဲ့  ရန်သူ့  သူလျှိုတွေ ပဉ္စမံတပ်သားတွေက အဖျက်အမှောက် ဖောက်ခွဲရေး လုပ်ကြံသတ်ဖြတ်ရေးတွေ လုပ်တာလား စသဖြင့် စသဖြင့် တိုက်ခိုက်ပုံ တိုက်ခိုက်နည်းပေါင်းများစွာလဲ ရှိနိူင်ပါတယ် ။

ဘယ်လိုပဲ ဖြစ်ဖြစ် ရန်သူတိုက်ခိုက်လာတဲ့  နည်းလမ်းတွေပေါ်မူတည်ပြီး စစ်ပွဲအတွက် လိုအပ်တဲ့  အခင်းအကျင်းတွေကို ပြင်ဆင်ရပါတယ် ။

----------------------------------

၃။ တပ်မတော်မှာ တာဝန်ထမ်းဆောင်ခဲ့စဉ်က ထောက်လှမ်းရေးသင်တန်းတစ်ချို့ တက်ခဲ့ရဖူးပါတယ် ။

အဲဒီတုန်းကတော့ အသက်ငယ်ရွယ်တာကတစ်ကြောင်း အတွေ့ အကြုံ နဲ့  အသိပညာဗဟုသုတ နည်းသေးတာကတစ်ကြောင်းတွေကြောင့် တစ်ချို့သင်ရိုးညွှန်းတမ်းတွေကို ထဲထဲဝင်ဝင် မစဉ်းစားခဲ့မိရိုး အမှန်ပါ ။

အခု လူလတ်ပိုင်းရောက်ချိန်ကြမှ ဖတ်ခဲ့မှတ်ခဲ့ရတဲ့  သင်ရိုးတွေနဲ့  တဖြည်းဖြည်းများလာတဲ့  အတွေ့ အကြုံ ဗဟုသုတတို့ ပေါင်းစပ်ပြီး ဒီသင်ခန်းစာဟာ ဒါတွေကြောင့် သင်တာပါလား ဒီသင်ရိုးက ဒီလိုအခြေအနေမှာ လုပ်ဆောင်ရမယ့် သီအိုရီပါလား စသဖြင့် စသဖြင့် သဘောပေါက်လာရပါတယ် ။

-----------------------------

၎။  စစ်ဖြစ်တော့မယ် နိူင်ငံတစ်ခုအတွက် စစ်အင်အားစုစည်းခြင်း ကိစ္စဟာ အင်မတန် အရေးကြီးပါတယ် ။ စစ် ဖြစ်လာမှ စုဆောင်းရတဲ့  ပစ္စည်းတွေ ရှိသလို မဖြစ်ခင်သာမန်အခြေအနေမှာလဲ ကြိုတင်စုပုံထားရှိတဲ့  ပစ္စည်းတွေ ရှိပါတယ် ။

ဥပမာအားဖြင့် မြန်မာပြည်မြေပုံရဲ့ ခြေထောက်အရင်းပိုင်း ခါးသိမ်နေတဲ့ နေရာရှိပါတယ် ။ အကျဉ်းဆုံးနေရာဟာ တစ်ဖက်နဲ့ တစ်ဖက် မိုင်လေးဆယ်သာသာလောက်ပဲ ရှိတယ်ထင်ပါတယ် ။

တကယ်လို့ များ ယိုးဒယားတင့်ကားတပ်တွေက ၀င်တိုက်ပြီး ဖြတ်ချလိုက်လျှင် ၂၄နာရီအတွင်း မြန်မာပြည်ဟာ ကိုယ်ပိုင်းနဲ့  ခြေထောက်ပိုင်း အဆက်ပြတ်သွားနိူင်ပါတယ် ။ အဲဒီလို အခြေအနေမှ ခြေထောက်ပိုင်းထဲက တပ်တွေကို ရိက္ခာ ခဲယမ်း စက်သုံးဆီပို့ လို့ မရတော့ပါဘူး ။

ဒါကြောင့် ယိုးဒယား နဲ့  ဆက်ဆံရေးကောင်းသည်ဖြစ်စေ မကောင်းသည်ဖြစ်စေ အဲဒီခြေထောက်ပိုင်းထဲမှာ မဟာဗျူဟာ အရန်စက်သုံးဆီ ၊ အရန်ရိက္ခာ ၊ အရန် စစ်လက်နက်ပစ္စည်း ဒါတွေကို ကြိုတင်စုပုံထားရပါတယ် ။ ဒါဟာ စစ်ဖြစ်ဖြစ် မဖြစ်ဖြစ်ကြိုတင်စီမံထားတဲ့ ကိစ္စတွေ ဖြစ်ပါတယ် ။

------------------------------------

၅။ စစ်ဖြစ်လာမှ လုပ်ဆောင်တဲ့ စစ်အင်အားစုစည်းခြင်းတွေလဲ ရှိပါတယ် ။ စစ်မှုမထမ်းမနေရ ဥပဒေတို့  ၊ အရန်တပ်ဖွဲ့ဝင်များ ဆင့်ခေါ်ခြင်းတို့  ၊ စစ်မှုထမ်းဟောင်းများ ပြန်လည်သတင်းပို့ စေခြင်းတို့  စတဲ့ လုပ်ဆောင်မှုမျိုးတွေ ဖြစ်ပါတယ် ။

စစ်ပွဲရဲ့ အနေအထားပေါ်မူတည်ပြီး စစ်အင်အားစုစည်းပုံတွေ ကွာပါတယ် ။ မီးကုန်ယမ်းကုန်တိုက်မယ့် စစ်မျိုးဆိုလျှင် ကုန်ထုတ်လုပ်ငန်းတွေက အစ ပြောင်းပြစ်ပါတယ် ။

ကားစက်ရုံတွေက စစ်သုံးထရပ်ကားတွေပဲ ထုတ်တော့တာမျိုး ၊ အရပ်ဘက်စက်ရုံတွေက စစ်သုံးပစ္စည်းတွေဖြစ်တဲ့ အီကွေမန့် တွေ ရေဗူးတွေ ဟန်းကောတွေပဲ ထုတ်တော့တာမျိုး ၊ အထည်စက်ရုံတွေက ယူနီဖောင်းတွေပဲ ထုတ်တော့တာမျိုး စတဲ့  ပြောင်းလဲမှုမျိုးတွေ ဖြစ်ပါတယ် ။

သိပ်လိုအပ်လာလျှင် ရိက္ခာကအစ ရာရှင်နဲ့ ပဲ ထုတ်ပေးတာမျိုးတွေ လုပ်ပါတယ် ။

----------------------------------------

၆။ သင်ခဲ့ရတဲ့  တိုက်ပွဲထောက်လှမ်းရေးသင်ရိုးတွေထဲမှာ စစ်ကာလအတွင်း ရန်သူ့ သူလျိုများ ၊ ရန်သူ့ အမာခံများကို ဘယ်လိုဖော်ထုတ်မယ် ဘယ်လိုထိန်းသိမ်းမယ် ဆိုတာမျိုးတွေလဲ ပါဝင်ပါတယ် ။

ဥပမာအားဖြင့် ဒုတိယကမ္ဘာစစ်ဖြစ်ချိန် အမေရိကန်က အမေရိကန်နိူင်ငံသား ဂျပန်တွေ အီတလီတွေ ဂျာမန်တွေကို ကိုင်တွယ်ထိန်းချုပ်ခဲ့တဲ့  နည်းလမ်းတွေ ရှိပါတယ် ။ အဲဒီတုန်းက အမေရိကန်နိူင်ငံသား ဂျပန်လူမျိုးတင်ကို လူတစ်သိန်းခွဲလောက် အမေရိကန်မှာ ရှိနေပါတယ် ။

ဒီလိုလူတွေကို ဘယ်လိုကိုင်တွယ်လဲဆိုတော့ ကိုယ့်နိူင်ငံသားဖြစ်သော်လည်း ရန်သူကို ထောက်ခံနေသူ ဟုတ်မဟုတ် ရန်သူ့ ဘက်သား ဟုတ်မဟုတ် သေချာစွာ စိစစ်ပါတယ် ။ ဘယ်သူက စိစစ်လဲဆို ထောက်လှမ်းရေးလို တပ်ထိန်းလို တပ်ဖွဲ့တွေက စိစစ်တာပါ ။ ထောက်လှမ်းရေးစကားနဲ့ ပြောလျှင်တော့ ကာလာခွဲတယ်လို့ ခေါ်ပါတယ် ။

ကာလာအဖြေအရ ဖမ်းဆီးရမယ့်သူ ၊ Camp ထဲ ထည့်ထားရမယ့်သူ ၊ နေရာရွေ့ပြစ်ရမယ့်သူ ၊ စစ်ရေးအရ အရေးကြီးတဲ့ နေရာတွေ အချက်အခြာနေရာတွေက ပြောင်းရွေ့ခိုင်းရမယ့်သူ ၊ ဒါမျိုးတွေကို တင်းတင်းကျပ်ကျပ် ကိုင်တွယ်ပြီး သမတာဖြစ်ပါတယ် ။

အမေရိကားမှာတော့ စစ်အတွင်း နေရာပြောင်းရွေ့ ခိုင်းမှုတွေကို War Relocation Authority (WRA)    လို ဘုတ်အဖွဲ့မျိုးတွေ ဖွဲ့ပြီး Camp တွေလုပ်  နေရာတွေ ရွေ့ ပြစ်တာမျိုး လုပ်တာဖြစ်ပါတယ် ။

------------------------------------

၇။ စစ်ဖြစ်လာလျှင် လုပ်ဆောင်တဲ့  သတင်းစိစစ်မှုတွေလဲ ရှိပါတယ် ။ သတင်းစာတွေ ရေဒီယိုတွေအားလုံးကို ဆင်ဆာလုပ်ပါတယ် ။ တစ်ပြည်လုံးက စာပေးစာယူတွေ အားလုံးဖွင့်ဖတ်ပါတယ် ။ သတင်းစာတိုက်တွေရော သတင်းသမားတွေရော ခွင့်ပြုချက်မရဘဲ ဘာသတင်းမှ ထုတ်လွှင့်ခြင်း သတင်းရယူခြင်း လုပ်လို့ မရပါဘူး ။

ဒီနေ့ ခေတ်လိုမျိုးဆိုလျှင်တော့ အင်တာနက်လိုင်းတွေကို ဖြတ်ချပြစ်တာမျိုး ၊ အစိုးရ နဲ့  စစ်တပ်အတွက် သီးသန့် ဖိုင်ဘာလိုင်းကပဲ သုံးတာမျိုးတွေ လုပ်ဆောင်ရမယ့် ပုံစံဖြစ်ပါတယ် ။ ဂြိုလ်တုဖုန်းလို ဖုန်းတစ်ခုတွေ့ လျှင် သူလျိုဆိုပြီး ချက်ချင်းဖမ်းခံရနိူင်တဲ့  ဥပဒေမျိုးတွေလဲ ထုတ်လာနိူင်ပါတယ် ။

တရားစီရင်မှုတွေကလဲ စစ်အတွင်းဖြစ်လို့  စစ်တရားရုံးတွေကပဲ စစ်ဆေးတာများပါတယ် ။ အမှုတွေကို တိုတိုတုတ်တုတ်ပဲ စစ်ပါတယ် ။ သေဒဏ်ဆိုလဲ သိပ်အချိန်မဆိုင်းပါဘူး ။ ရက်ပိုင်းအတွင်း စီရင်ပါတယ် ။

---------------------------------

၈။ စစ်ပွဲတွေဟာ ဟိုး ကျောက်ခေတ်ကတည်းက စခဲ့တာပါ ။ စစ်ပွဲတွေမှာ ကျင့်သုံးတဲ့  နည်းပရိယာယ်တွေဟာ အမျိုးစုံလင်များပြားသလို ကာကွယ်တဲ့  နည်းလမ်းတွေကလဲ ရှိပြီးသားပါ ။

စစ်ဖြစ်တဲ့ အချိန် ကိုယ့်နိူင်ငံသားဖြစ်နေတဲ့ ရန်သူ့ ဘက်သားတွေ ၊ ရန်သူ့ ဘက်သားမဟုတ်သော်လည်း ရန်သူ နဲ့  နီးစပ်သူတွေကို စိစစ်ကိုင်တွယ်တဲ့  နည်းလမ်းတွေဟာ စစ်ထောက်လှမ်းရေးတပ်ဖွဲ့တွေ အတွက် အထူးအဆန်းမဟုတ်ပါဘူး ။ ဒီ သင်ရိုးတွေကို ဘယ်နိူင်ငံက တိုက်ပွဲထောက်လှမ်းရေးသင်တန်းတိုင်းမဆို မှာ သင်ကြားပေးပါတယ် ။

သေချာတာကတော့ စစ်ဖြစ်နေချိန် ရန်သူအားပေးလုပ်တဲ့ ကိစ္စဟာ ဘယ်နိူင်ငံမှာဖြစ်ဖြစ် တကယ့် ပြသနာအကြီးကြီးလို့ သဘောထားကိုင်တွယ်ပါတယ် ။ တကယ့်ကို တစ်မျိုးလုံးတစ်ဆွေလုံး သောက်ကျိုးနည်းနိူင်တဲ့ ကိစ္စ ဖြစ်ပါတယ် ။

----------------------------------------------

၉။ စစ်ဟာ ခါးသီးပါတယ် ။ စစ်အတွင်းမှာ လုပ်ဆောင်လေ့ရှိတဲ့  နည်းလမ်းတွေက ပိုခါးသီးတတ်ပါတယ် ။

စစ်ဖြစ်တယ်ဆိုတာ ဘယ်လိုမျိုးလဲ  ၊ စစ်အတွင်းမှာ ဘာတွေလုပ်လေ့ရှိလဲ  မသိသေးသူများ ၊ ပေါ့ပေါ့တန်တန်ပဲ သိထားသူများ သိရှိနိူင်ဖို့  ဗဟုသုတအလို့ ငှာ အမြည်းသဘောမျိုး ရေးသားတင်ပြခြင်း ဖြစ်ပါတယ် ။

အခုရေးပြတာတွေဟာ အမြည်းသဘောလောက်ပဲ ဖြစ်ပါတယ် ။ တကယ့်လက်တွေ့ လုပ်ဆေင်တတ်တာတွေက အခုထက်ပိုဆိုးပါတယ်  ။

-----------------------------

ရဲမိုး

https://m.facebook.com/story.php?story_fbid=1534769319969291&id=100003087144846