တစ်နေ့တော့ အမတ်ကြီး ဗညားကြမ်းတောဟာ စစ်ကိုင်းဘက်ကို ဘုရားတည်ဖို့ သွားတယ်။ မြစ်ကူးတော့ မြစ်ကမ်းဘေးမှာ ကြီးမားတဲ့ မန်ကျည်းပင်ကြီး တစ်ပင်ကို တွေ့တယ်။ မန်ကျည်းပင်ပေါ်မှာ လူငယ်တွေ ဆော့ ကစားရင်းနဲ့ မန်ကျည်းရွက် ခူးနေကြတာကို တွေ့လိုက်တော့
"ဒီလူငယ်တွေ အများကြီးထဲမှာ သူရဲကောင်း နှစ်ယောက် ထွက်ရင်ကောင်းမယ်" လို့ပြောပြီး မန်ကျည်းပင် ပေါ်က လူငယ်တွေကို "ဟဲ့ သဘောက်မသားတွေ ၀န်ကြီး တစ်ယောက်လုံး လာတာကို မန်ကျည်းပင်ပေါ်က မဆင်း၊ ကမြင်းနေကြတယ်။ မိုက်လှတဲ့ ကောင်တွေ။ နင်တို့ကို ငါအခု လာရိုက်မယ်။ သေပေတော့" လို့ ကြုံးဝါးပြီး တုတ်ဆွဲ လာတော့ ကလေးတွေလည်း ကြောက်လန့်ပြီး မန်ကျည်းပင်ပေါ်က ဆင်းပြေးကြတယ်။
ဒါပေမဲ့ သစ်ပင်ပေါ်မှာ လူငယ် အချို့ကျန်နေသေးတယ်။ ဘာလဲကွ ဆိုပြီး ပေကပ်ကပ်ကြည့်နေတာ။ အဲဒီ အချိန်မှာ ဗညားကြမ်းတောက "ဟဲ့ ငယ်ကျွန်တွေ သစ်ပင်ပေါ်က ကောင်တွေကို ခဲနဲ့ပစ်၊ တုတ်နဲ့ လိုက်ရိုက်စမ်း" လို့အမိန့်ပေးတော့ မင်းချင်းတွေလည်း အော်ငေါက် ခြိမ်းခြောက်တယ်။ အားလုံးလိုလို ဆင်းပြေး ပေမယ့် လူငယ် တစ်ယောက်ပဲ ကျန်နေတယ်။ သူက သစ်ကိုင်းမှာ ထိုင်ရင်းက
"ငါတို့ ဆင်းရဲသားတွေ မရှိလို့ မန်ကျည်းရွက် ခူးစားရ ပါတယ်။ သင်က ဘာမို့လို့ ငါတို့ကို ခြိမ်းခြောက် မောင်းထုတ်ရသလဲ" လို့ ရဲဝံ့စွာ ပြန်မေးတယ်။ အမတ်ကြီးကလည်း
"ငါ ၀န်ကြီးဖြစ်တယ်" လို့ ပြန်ပြော လိုက်တယ်။ လူငယ်က
"၀န်ကြီးက ၀န်ကြီးအလုပ် မလုပ်ပါလား။ သင့်ကို ၀န်ကြီး ခန့်ထားတာ တိုင်းပြည် အတွင်း ဆူပူ သောင်းကျန်း နေတဲ့ သူခိုး သူပုန်တွေ ရန်က ကာကွယ်ပေးဖို့ ဖြစ်တယ်။ မန်ကျည်းရွက် ခူးနေတဲ့ သူတွေကို အော်ငေါက်ပြီး ခြိမ်းခြောက်ဖို့ ဆိုတာ သင့် အလုပ်မှ မဟုတ်တာ။ ကိုယ့်အလုပ် ကိုယ် မလုပ်တဲ့ ၀န်ကြီးမျိုး နင် .. လက်နက် အားကိုးပြီး ငါ့ကို သတ်လိုက သတ်။ ငါသင့်ကို လုံးဝ မကြောက်" လို့ ပြောလိုက်တယ်။
ဗညားကြမ်းတောလည်း လူငယ်ကို အလွန် သဘောကျ သွားပြီး "သင့်ကို အာဂယောက်ျား ဟုတ်မဟုတ် ငါ စမ်းသပ်ခြင်း ဖြစ်တယ်။ သင့်ကို ငါမွေးမယ် ဆင်းခဲ့လော့" ဆိုပြီး အ၀တ် ပုဆိုးတွေ ပေးပြီး ခေါ်သွားပါသတဲ့။
ဒီခေတ်မှာ အဲဒီလို လူငယ်မျိုးတွေ များများ ရှိစေချင်ပါတယ်။ သာလွန်လက်ထက်က ၀န်ကြီးရဲ့ သဘောထား ကြီးပုံမျိုး ဒီခေတ် ဘယ်ဝန်ကြီးမှ ရှိနိုင်မယ် မထင်ဘူး။ ဘာကြောင့်လဲ ဆိုတော့ လူငယ်ကို ပျိုးထောင်ချင်တဲ့ ၀န်ကြီးတွေမှ မဟုတ်တာ။ အချုပ်ထဲ ထည့်ပြီး ထုထောင်းချင်နေတဲ့ ၀န်ကြီးမျိုးတွေ ရှိနေတဲ့ တိုင်းပြည်မှာ တို့ လူငယ်တွေရဲ့ ဘ၀ ဘယ်တော့များမှ အညွန့် တက်ကြမယ်မသိ။
လက်ရှိ ပြည်ထဲရေးနဲ့ အဲလိုမလုပ်မိစေနဲ့
via:aung kyaw moe
ဒေါင်းတမာန်
Credit, Mar Lar
https://m.facebook.com/story.php?story_fbid=375464049565769&id=100013065300199
