ခရစ္စတီးကျွန်း အပြစ်မဲ့အရပ်သူအရပ်သားများအား စုပြုံသတ်ခဲ့မှု့

စာရေးသူ ။ ဗိုလ်မှူးအောင်လင်းထွဋ်

၁၉၉၈ ခုနှစ် မေလ

ခရစ္စတီးကျွန်းတွင် ဗိုလ်ချုပ်မှူးကြီးသန်းရွှေ' အမိန့်ဖြင့် အပြစ်မဲ့အရပ်သူအရပ်သားများအား သတ်မိန့်ပေးခဲ့မှုကို ဘာအတွက်ကြောင့် အသတ်ခံခဲ့ရသည်ကိုမသိရှိပဲ သေသွားခဲ့ရသော မွေးကင်းစ ကလေးငယ်လေးအပါဝင် ကလေး(၃)ဦးနှင့် အမျိုးသမီးများအပါအ၀င် လူစုစုပေါင်း (၈၁) ဦး၏ကိုယ်စား ကိုယ်တိုင်တွေ့ကြုံခံစားခဲ့ရမှု အဖြစ်မှန်ကိုတင်ပြလိုပါသည်။

၁၉၉၈ ခုနှစ် ဧပြီလ ဒုတိယအပတ်တွင် အိန္ဒိယတပ်မတော်၏ သတင်းပေးချက်အရ မြန်မာရေပိုင်နက် ကော့သောင်းမြို့၏ အနောက်ဘက် ဇာဒတ်ကြီးရေတပ်စခန်း၏ တောင်ဘက် (အထက်ပါပုံ) ထိုင်း မြန်မာရေပြင်နယ်နမိတ်အနီး ခရစ္စတီးကျွန်း ဧရိယာတွင် တပ်မတော်ကာကွယ်ရေးဦးစီးချုပ်ရုံးမှ ကြည်း၊ ရေ၊ လေ ပူးပေါင်းစစ်ဆင်ရေး တစ်ခုကို မေလအကုန်ထိ ပြုလုပ်ခဲ့ပါသည်။

အိန္ဒိယ တပ်မတော်မှပေးသည့်သတင်းမှာ တိုင်းရင်းသား လက်နက်ကိုင် ရခိုင်တပ်မတော်၊ ကေအင်ယူ အဖွဲ့များသည် အိန္ဒိယအစိုးရအား ဆန့်ကျင်နေသော သူပုန်များကိုရောင်းချရန် လက်နက်မှောင်ခိုများထံမှ ၀ယ်ယူခဲ့သော လက်နက်ကြီးငယ် အများအပြားကို ခရစ္စတီးကျွန်း ဧရိယာတွင် ၀ှက်ထားကြောင်း သတင်းပေးခဲ့ပါသည်။

__________________

စစ်ဆင်ရေး စတင်ဝင်ရောက်ချိန်တွင် တပ်မတော်(ကြည်း) စစ်သည်များသည် ခရစ္စတီးကျွန်းနှင့် ပတ်ဝန်းကျင်ကျွန်းများကို ဖြန့်ခွဲရှင်းခဲ့ရာ လက်နက်ကိုင် (၄) ဦးနှင့် ထိတွေ့တိုက်ပွဲဖြစ်ခဲ့ပြီး ၀ှက်ထားသောလက်နက်(၄၀)ကျော်ကို အလောင်းများနှင့်အတူ သိမ်းဆီးရမိခဲ့ပါသည်။

တစ်ပြိုင်တည်းမှာပင် ကော့သောင်းအနီး ရွာများမှ ထင်းခုတ်ပြီး အသက်မွေးဝမ်းကြောင်းနှင့် ဝမ်းစာရှာစားနေသော မိသားစုများကို မသင်္ကာမှုဖြင့် ခရစ္စတီးကျွန်း ဗိုလ်မှူးကြီးဇော်မင်း(ကြည်း) ကွပ်ကဲမှုရုံးသို့ ဖမ်းဆီးခေါ်ဆောင်ခဲ့ပြီး စစ်ဆေးမေးမြန်းမှုများ ပြုလုပ်ခဲ့ပါသည်။

ဖမ်းဆီးခေါ်ဆောင်လာသူ မိသားစုများတွင် မွေးကင်းစ ကလေးငယ်နှင့်မိခင်၊ အသက် ၃/၄ နှစ် အရွယ် ကလေး(၂)ဦး နှင့် အမျိုးသမီးများအပါဝင် အရပ်သား(၅၉)ဦး ဖြစ်ပါသည် ။

၎င်းတို့အား စစ်ဆေးမေးမြန်းချက်အရ လက်နက်ကိုင်အဖွဲ့များနှင့် ပတ်သက်မှုမရှိပဲ နှစ်ပေါင်းကာလများစွာကတည်းက ထင်းခုတ်ခြင်းဖြင့် အသက်မွေးဝမ်းကြောင်းပြု နေထိုင်စားသောက်ရသော ဆင်းရဲသားများဖြစ်ကြောင်း သိရှိခဲ့ရပါသည်။

ထို့ကြောင့် စစ်ဆင်ရေးကွပ်ကဲမှုအဖွဲ့အနေဖြင့် ဖမ်းဆီးချုပ်နှောင်ခြင်း မပြုပဲ ခရစ္စတီးကျွန်းတွင် ဆက်လက်နေထိုင်ခွင့်ပြုပြီး ခွင့်ပြုချက်မရပဲ ကျွန်းမှ ထွက်မသွားရန်သာ ဗိုလ်မှူးကြီးဇော်မင်း(ကြည်း)(တာဝန်ခံ) စစ်ဗျူဟာမှူး၊ ကော့သောင်းအခြေချ စစ်ဗျူဟာအဖွဲ့အား ညွှန်ကြားခဲ့ပါသည်။

စာရေးသူသည် ဗဟိုကွပ်ကဲရေးအဖွဲ့ဝင်များနှင့်အတူ ရှေ့တန်းခရစ္စတီးကျွန်းကို (၂)ကြိမ် သွားရောက် စစ်ဆေးစဉ်အချိန်တွင်လည်း အဆိုပါခလေးငယ်များနှင့် အရပ်သားများကို တွေ့မြင်ခဲ့ဖူးပြီး ပါသွားသောမုန့်များကိုပင် ကလေးများသို့ ပေးခဲ့ကြပါသည်။

ဗဟိုကွပ်ကဲရေးအဖွဲ့အနေဖြင့် စစ်ဆင်ရေးအခြေအနေများ ဖမ်းဆီးခေါ်ဆောင်လာသူ မိသားစုများတွင် မွေးကင်းစ ကလေးငယ်နှင့်မိခင်၊ အသက် ၃/၄ နှစ်အရွယ် ကလေး(၂)ဦး နှင့် အမျိုးသမီးများအပါဝင် (၅၉)ဦး ကိစ္စကို……!!!

……… ထိုစဉ်က ကာကွယ်ရေးဦးစီးချုပ်(ကြည်း)ရုံးမှ စစ်ဦးစီး(ဗိုလ်မှူးချုပ်) ဗိုလ်မှူးချုပ်မြင့်ဆွေ (နောင် အရှေ့တောင်တိုင်း တိုင်းမှူး၊ ရန်ကုန်တိုင်း တိုင်းမှူး၊ ကာကွယ်ရေးစစ်ဆင်ရေး အထူးအဖွဲ့မှူး(ရန်ကုန်တိုင်း)၊ ယခင် ရန်ကုန်တိုင်းဝန်ကြီးချုပ်) မှ တစ်ဆင့် ဗိုလ်ချုပ်မှူးကြီးသန်းရွှေ'ထံ အစီရင်ခံ တင်ပြခဲ့ကြပါသည်။

ဗဟိုကွပ်ကဲရေးအဖွဲ့ ကြည်း၊ ရေ၊ လေ ခေါင်းဆောင်များ အနေဖြင့်လည်း အဆိုပါအပြစ်မဲ့အရပ်သူအရပ်သားများကို ၄င်းတို့၏နေရပ်အသီးသီးသို့ ပြန်လည်ပို့ဆောင်ပေးရလိမ့်မည်ဟု ထင်မြင်ခဲ့ကြပါသည်။

သို့သော်(၁)လ ကျော်ကြာ မှ မေလ၏ ညတစ်ည (၉)နာရီခန့်တွင် ကက(ကြည်း)မှ ညွှန်ကြားချက်အမိန့် ကြေးနန်းတစ်စောင် စစ်ဆင်ရေးဗဟိုကွပ်ကဲရေးအဖွဲ့သို့ ပေးပို့ခဲ့ပါသည်။

အဆိုပါ ကြေးနန်းရရခြင်း အဖွဲ့ခေါင်းဆောင် ဗိ်ုလ်မှုးချုပ်(ယာယီ) ကြည်မင်း (ရေ)သည် ဇာဒတ်ကြီးရေတပ်စခန်းရုံးခန်းမတွင် အဖွဲ့ဝင်များနှင့် ဦးစီးအရာရှိများကိုခေါ်၍ ကြေးနန်းအကြောင်းအရာကို ရှင်းပြခဲ့ပါသည်။ စာပါအကြောင်းအရာမှာ ထိန်းသိမ်းထားသော အရပ်သားအားလုံးကို ရထားပုလဲ(ရှင်းပစ်) (သတ်ပစ်) ရန်ဖြစ်ပါသည်။
ဗိ်ုလ်မှုးချုပ်(ယာယီ) မြင့်အောင် (ကြည်း) မှအပ ကျန် ရေနှင့်လေ ဗိုလ်ချုပ်များ အတော်တုန်လှုပ်သွားကြပါသည်။ အထူးသဖြင့် ဗိ်ုလ်မှုးချုပ်(ယာယီ) မြင့်ဆွေ (လေ) (အဖွဲ့ဝင်) စစ်ဦးစီးအရာရှိချုပ်(လေ) သည် စိတ်ပုတီးကိုင်လျက်သားမှာပင် အပြစ်မဲ့ကလေးငယ်များနှင့် အရပ်သားများကို ထပ်ဆင့် သတ်မိန့်ပေးရမည့် အခြေအနေမျိုး ဖြစ်၍နေပါသည်။

ထိုကြောင့် ကြေးနန်းပါအမိန့်နှင့်ပတ်သက်၍ ဗိ်ုလ်မှုးချုပ်(ယာယီ) မြင့်အောင်'မှ အမိန့်အတိုင်းလုပ်ရန်ပြောသောလည်း ကျန်ဗိုလ်ချုပ်များမှ ညအချိန် ဗိုလ်ချုပ်ကြီးမောင်အေး' အရက်မူးမူးနှင့် အမိန့်ပေးတာဖြစ်နိုင်သောကြောင့် နောက်တစ်နေ့နံနက်တွင် ကြေးနန်းပါအမိန့်နှင့်ပတ်သက်၍ အတည်ပြုနိုင်ရန် အဖွဲ့ခေါင်းဆောင် ဗိ်ုလ်မှုးချုပ်(ယာယီ) ကြည်မင်း (ရေ) သည် ကာကွယ်ရေးဦးစီးချုပ် (ကြည်း)ရုံးမှ စစ်ဦးစီး(ဗိုလ်မှူးချုပ်) ဗိုလ်မှူးချုပ်မြင့်ဆွေ'ကို စက်နှင့်စကားပြောပြီး မေးမြန်းရန် ဆုံးဖြတ်ခဲ့ကြပါသည်။

နောက်တစ်နေ့နံနက် (၉)နာရီ ခန့်တွင် အဖွဲ့ခေါင်းဆောင် ဗိ်ုလ်မှုးချုပ်(ယာယီ) ကြည်မင်း (ရေ) နှင့် ကာကွယ်ရေးဦးစီးချုပ် (ကြည်း)ရုံးမှ စစ်ဦးစီး(ဗိုလ်မှူးချုပ်) ဗိုလ်မှူးချုပ်မြင့်ဆွေ'ကို စက်နှင့်စကားပြောပြီးနောက် `အဘကြီးထံက လာသောအမိန့်´ ဖြစ်သည်…။ ဗိုလ်ချုပ်ကြီးမောင်အေး အရက်မူးမူးနှင့် အမိန့်ပေးတာမဟုတ် ဆက်လက်ဆောင်ရွက်ရန်သာ ညွှန်ကြားခဲ့သည်ဟု သိရပါသည်။

ထိုစဉ်က ဗိုလ်ချုပ်မှူးကြီးသန်းရွှေ'ကို အဘကြီး ဟုခေါ်ပါသည်။ နေ့တွင်းချင်းမှာပင် အဖွဲ့ခေါင်းဆောင် ဗိ်ုလ်မှုးချုပ်(ယာယီ) ကြည်မင်း' (ရေ) သည် ခရစ္စတီးကျွန်းရှိ ရှေ့တန်းစစ်ဆင်ရေးတာဝန်ခံ စစ်ဗျူဟာမှူး ဗိုလ်မှူးကြီးဇော်မင်း'(ကြည်း)ကို မွေးကင်းစ ကလေးငယ်နှင့်မိခင်၊ အသက် ၃/၄ နှစ်အရွယ်ကလေး(၂)ဦး နှင့် အမျိုးသမီးများအပါဝင် အရပ်သား (၅၉)ဦး ကို ရှင်းပစ်ရန် ထပ်ဆင့်အမိန့်ပေးခဲ့ပါသည်။

ဗိုလ်မှူးကြီးဇော်မင်း'သည် အမိန့်ရရချင်း ရှေ့တန်းကွပ်ကဲရေး အဖွဲ့ဝင်များကိုခေါ်၍ အားလုံးကိုသတ်ပစ်ရန် ခြေလျင်တပ်ရင်းမှူး (၂)ဦးအား ဆက်လက်အမိန့်ပေးခဲ့ပါသည်။

နောက်တစ်နေ့တွင် တပ်ရင်းမှူး(၂)ဦးမှ တာဝန်ပေးထားသော အရာရှိစစ်သည်များသည် ကလေး၊ မိန်းမပါမကျန် အပြစ်မဲ့အရပ်သား (၅၉)ဦးစလုံးကို ပင်လယ်သောင်ပြင်စပ်သို့ လှည့်ဖျားခေါ်လာပြီး တန်းစီထိုင်ခိုင်းကာ ရုတ်တရက် သေနတ်များဖြင့် အတွဲလိုက် မသေမချင်းပစ်သတ်ခဲ့ပြီးနောက် သောင်ပြင်တွင် အလောင်းများကို မြုပ်နှံခဲ့ကြပါသည်။

(စာရေးသူသတင်းရသည်ကတော့ အဆိုပါအလောင်းအရိုးစုများကို ၂၀၀၈ ခုနှစ် စာရေးသူ VOA နှင့် Interview ပြုလုပ်ပြီးနောက် ချက်ချင်းဆိုသလို ဖျောက်ဖျက်ပစ်ရန် ဗိုလ်ချုပ်မှူးကြီးသန်းရွှေ'မှ အမိန့်ပေးခဲ့သည်ဟု သိရပါသည်။ စစ်သည်များကို အရပ်ဝတ်ဖြင့် ခရစ္စတီးကျွန်းသို့ စေလွှတ်ပြီး အလောင်းများကို ဖျောက်ဖျက်ပစ်ခဲ့ကြောင်း ခိုင်လုံသော သတင်းရရှိခဲ့ပါသည်။)

ကျွန်းပေါ်ရှိ အရပ်သားများကိုသတ်ပြီး မကြာခင် ၄/၅ ရက်ခန့်တွင် ဗိုလ်မှူးကြီးဇော်မင်း'၏ ကွပ်ကဲမှုအောက်ရှိ ရှေ့တန်းစစ်ရေယာဉ် ၄၄၃-၄၄၅ (တရုတ်နိုင်ငံလုပ် ကမ်းခြေစောင့်သင်္ဘော) မှ ရခိုင်ဘက်မှလာသော တရားဝင် မှတ်ပုံတင်ထားသည့် ငါးဖမ်းစက်လှေတစ်စီးကို စစ်ဆင်ရေးနယ်မြေအတွင်း ၀င်ရောက်လာ၍ ထိုင်း၊ မြန်မာလှေသား (၂၂) ဦးနှင့်အတူ ဖမ်းဆီးခဲ့ပါသည်။

စစ်ဆေးမေးမြန်းချက်အရ တရားဝင်မှတ်ပုံတင်ထားသော ထိုင်းငါးဖမ်းစက်လှေသည် ဖမ်းမိလာသောငါးများကို ထိုင်းနိုင်ငံ ရနောင်းမြို့သို့ပို့ရန် ယခင်သွားနေကြလမ်းကြောင်းအတိုင်း သွားခြင်းဖြစ်ကြောင်း စစ်ဆင်ရေးလုပ်နေမှန်းလည်း ၄င်းတို့မသိကြောင်း သိရပါသည်။

စစ်ဆေးမေးမြန်းချက်အစီရင်ခံစာကို ကကကြည်း သို့ ဆက်လက်တင်ပြရာတွင် ယခင် အရပ်သားများအတိုင်း ရှင်းပစ်ရန် အမိန့်ပေးခဲ့ပါသည်။

စစ်ဆင်ရေးဗဟိုကွပ်ကဲမှုး မှ ဗိုလ်မှူးကြီးဇော်မင်း'ကို ဆက်လက်ညွှန်ကြားခဲ့ပြီး ဗိုလ်မှူးကြီးဇော်မင်း'မှ ၄င်းစက်လှေနှင့် လှေသားများကို လက်စဖျောက်ပစ်ရန် စစ်ရေယာဉ်မှူးအား အမိန့်ပေးခဲ့ပါသည်။

စစ်ရေယာဉ်မှူးသည် ရေတပ်စစ်သည်များကို လှေသားများအား သေနတ်နှင့်ပစ်သတ်ခိုင်းပြီး လှေကိုမီးရှို့ကာ ပင်လယ်တွင်း မြုပ်ပစ်ရန် အမိန့်ပေးခဲ့ပါသည်။ စက်လှေသည်မီးလောင်ပြီး တစ်ပတ်ခန့်ကြာမှ ပင်လယ်တွင်မြုပ်သွားခဲ့ပါသည်။

စာရေးသူအနေဖြင့် ထိုစဉ်ကဖြစ်ပျက်ခဲ့သော ဖြစ်စဉ်များကို မတားဆီးနိုင်ခဲ့၍လည်း ကိုယ့်ကိုကိုယ် အပြစ်တင်နေမိခဲ့သည်။

သတ်ချင်ဖြတ်ချင်သရဲစီးနေသော  ဗိ်ုလ်မှုးချုပ်(ယာယီ) မြင့်အောင်' (ကြည်း)၊ ဗိုလ်မှူးကြီးဇော်မင်း'တို့လို လက်မရွံ့လူသတ်သမားများကို မလှန်နိုင်၍ ရေ၊ လေ ဗိုလ်ချုပ်များပင် ငြိမ်နေကြ၍ စာရေးသူလို အရေးမပါသူတစ်ဦးအနေဖြင့် မလှန်နိုင်ခဲ့ပါ။

သို့သော်…! စာရေးသူအနေဖြင့်လည်း ဒီအဖွဲ့ထဲပါနေ၍ အပြစ်မကင်းပါ။ ဘာမျှမတတ်နိုင်ခဲ့ပါ။ စစ်ရုံးချုပ်ပြန်ရောက်တော့ ထောက်လှမ်းရေးတပ်မှူး ဗိုလ်မှူးမြင့်ဦး' လျှို့ဝှက်ရိုက်ထားသော အရပ်သားတွေကိုသတ်သည့် ဓါတ်ပုံတွေကိုင်ပြီး နေ့စဉ် ထောက်လှမ်းရေးညှိနှိုင်း အစည်းအဝေးမှာ ခရစ္စတီးကျွန်း လူသတ်ပွဲကို ဗိုလ်ချုပ်ကြီးခင်ညွန့်'ထံသို့ တင်ပြခဲ့သည်။

ဗိုလ်ချုပ်ကြီးခင်ညွန့်'က ဘာမှတ်ချက်မှမပေးဘူး။ ဘေးနားမှ ဌာနမှူးကြီးက လက်ကုတ်လို့ ပြောချင်တာတွေကုန်အောင် မတင်ပြလိုက်ရပါ။

စာရေးသူ၏စိတ်ထဲတွင် ငါတစ်နေ့နေ့လုပ်ပေးနိုင်ရင် ခရစ္စတီးကျွန်းတွင် အပြစ်မဲ့သေသွားကြရသော ကလေးလူကြီးများအတွက် အရိုးကပြန်တွန်အောင် တာဝန်ရှိသူတွေကို ပြန်အရေးယူနိုင်အောင် လုပ်ရမည်ဟု ဆုံးဖြတ်ချက်ချထားပါသည်။

စာရေးသူအနေဖြင့် စစ်ရုံးချုပ်တွင် တာဝန်ထမ်းဆောင်စဉ် အလားတူဖြစ်စဉ်များကို  ရှမ်းပြည်နယ်၊ ကရင်ပြည်နယ်၊ ကယားပြည်နယ်၊ မွန်ပြည်နယ်၊ ကချင်ပြည်နယ်၊ ပဲခူးတိုင်း၊ တင်္နသာရီတိုင်းတို့တွင် ထောက်လှမ်းရေးသတင်းများ ရရှိခဲ့သော်လည်း တပ်မတော်သည် ဒီလောက်မဆိုးလောက်ဖူးပါဘူး… ချဲ့ကားပြောနေသည်ဟု ထင်မြင်မိခဲ့ပါသည်။ ကိုယ်တွေ့ကြုံရသော အခါမှပင် ဒီထက်တောင် ပိုဆိုးနေသေးသည်ဟု မှတ်ချက်ပြုမိပါသည်။

စစ်ရုံးတွင် ထိုအချိန်က တချို့တိုင်းမှူးများပါးစပ်မှထွက်လာသော အရပ်သားတွေ ပြောတာ ခိုင်းတာမလုပ်ရင် `အစိတ်သားတောင်မချန်နဲ့´ ဆိုသည့်စကားကို တကယ်ပဲ တပ်မတော်သည်ထိုစဉ်က အမှန်တကယ်ကျင့်သုံးနေမှန်း သိရတော့သည်။

ပွင့်ပွင့်လင်းလင်း ပြောရရင်…! ခရစ္စတီးကျွန်းစစ်ဆင်ရေးကပြန်လာပြီး နောက်တစ်ကြိမ် စစ်တပ်ထဲတွင် နေချင်စိတ်မရှိတော့ပေ။

လက်ရှိ မြန်မာ့တပ်မတော်အနေဖြင့် အတိတ်မှအမွေဆိုးများကို ပစ္စုပ္ပန်သို့ယူလာဖို့ လိုပါသည်။ တိုင်းရင်းသား ပြည်သူတွေရဲ့ အားကိုးယုံကြည်ရသော စစ်တပ်ဖြစ်ဖို့ လိုပါသည်။

''တပ်မတော်သာ အမိ, တပ်မတော်သာအဖ'' မဟုတ်ပါ… ''ပြည်သူသာအမိ, ပြည်သူသာ အဖ'' ဆိုတာ မမေ့ဖို့လိုပါသည်။ ။

___________________________

၎င်းဖြစ်စဉ်အတွင်း တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးသန်းရွှေ'မှ အောက်ပါ စစ်ဆင်ရေးအဖွဲ့များကို ဖွဲ့စည်းတာဝန်ပေးခဲ့ပါသည်။

စစ်ဆင်ရေးဗဟိုကွပ်ကဲရေးအဖွဲ့

စစ်ဆင်ရေးဗဟိုကွပ်ကဲမှုအဖွဲ့သည် ဇာဒတ်ကြီးကျွန်း ရေတပ်စခန်းတွင် အခြေပြုပြီး စစ်ဆင်ရေးကို ကွပ်ကဲခဲ့ပါသည်။

၁။ ဗိ်ုလ်မှုးချုပ်(ယာယီ) ကြည်မင်း (ရေ)
    (အဖွဲ့ခေါင်းဆောင်)  စစ်ဦးစီးအရာရှိချုပ် (ရေ)

(နောင် ဒုတိယဗိုလ်ချုပ်ကြီး ကာကွယ်ရေးဦးစီးချုပ်(ရေ) ၊ လက်ရှိ ထားဝယ်ပြည်သူ့လွှတ်တော်ကိုယ်စားလှယ်)

၂။ ဗိ်ုလ်မှုးချုပ်(ယာယီ) မြင့်ဆွေ (လေ)
    (အဖွဲ့ဝင်) စစ်ဦးစီးအရာရှိချုပ်(လေ)

(နောင် ဗိုလ်ချုပ်ကာကွယ်ရေးဦးစီးချုပ်(လေ)၊ ဦးနေ၀င်း၏မြေးများ အာဏာသိမ်းအမှုနှင့်ပတ်သက်၍ အဖြုတ်ခံရ)

၃။ ဗိ်ုလ်မှုးချုပ်(ယာယီ) မြင့်အောင် (ကြည်း)
    (အဖွဲ့ဝင်) အမှတ်(၁၃)စစ်ဆင်ရေးကွပ်ကဲမှုအဖွဲ့မှူး (ဘုတ်ပြင်း)

(နောင် တပ်မ(၂၂)တပ်မမှူး၊ အရှေ့တောင်တိုင်း တိုင်းမှူး၊ အနောက်တောင်တိုင်း တိုင်းမှူး၊ ဒုတိယဗိုလ်ချုပ်ကြီး စစ်ရေးချုပ်၊ ကာကွယ်ရေးဦးစီးချုပ်ရာထူးကို ဗိုလ်ချုပ်မှူးကြီးသန်းရွှေ'မှ နုတ်ဖြင့်လျာထားခံရပြီးမှ ကာကွယ်ရေးဝန်ကြီးတာဝန်ပေးသည်ကို မကျေနပ်ပြီး အာခံခဲ့သောကြောင့် အဖြုတ်ခံရသူ)

____________

ရှေ့တန်းစစ်ဆင်ရေးကွပ်ကဲရေးအဖွဲ့

ရှေ့တန်းစစ်ဆင်ရေးတာဝန်အဖြစ် ခရစ္စတီးကျွန်းတွင်
အောက်ပါ အရာရှိများတာဝန်ထမ်းဆောင်ခဲ့ပါသည်။

၁။  ဗိုလ်မှူးကြီးဇော်မင်း (ကြည်း) (တာဝန်ခံ)
     စစ်ဗျူဟာမှူး၊ ကော့သောင်အခြေချစစ်ဗျူဟာအဖွဲ့

(နောင် မကွေးတိုင်း နအဖ ဥက္ကဌ ၊ သမ၀ါယမ ၀န်ကြီးနှင့် ပြည်ခိုင်ဖြိုးအသင်းတွဲဘက်အတွင်းရေးမှူး ၊ လျှပ်စစ်(၁) ၀န်ကြီး)

၂။ ဒုတိယဗိုလ်မှူးကြီးစိုးတင် တပ်ရင်းမှူး
    အမှတ်(၂၆၂) ခြေလျင်တပ်ရင်း ကော့သောင်းမြို့။

(နောင် စက်မှု (၁) ညွှန်ကြားရေးမှူး)

၃။ ဒုတိယဗိုလ်မှူးကြီးဝင်းဆွေ တပ်ရင်းမှူး
    အမှတ်(၄၀၃ သို့မဟုတ် ၄၀၄ ) ခြေလျင်တပ်ရင်း။

(နောင် ဗိုလ်မှူးကြီး နည်းဗျူဟာမှူး)

၎။ တပ်မတော် (ရေ) စစ်ရေယာဉ်မှူးများ

၅။ ဗိုလ်မှူးမြင့်ဦး တပ်မှူး
    အမှတ် (၁၉) ထောက်လှမ်းရေးတပ် မြိတ်မြို့။

(နောင် ထောက်လှမ်းရေး(၁)တပ်မှူး မန္တလေး နှင့် လက်ရှိ အကျဉ်းကျခံနေရဆဲ ဟုယူဆရ)

____________

ဦးစီးအရာရှိအဖွဲ့များ

ဗဟိုအဖွဲ့နှင့်အတူ ဇာဒတ်ကြီးကျွန်းတွင် အခြေပြုခဲ့ပါသည်။ အောက်ပါအရာရှိများ အနီးကပ်တာဝန်ထမ်းဆောင်ခဲ့ပါသည်။

၁။ ဗိုလ်မှူးတင့်ဆန်း ၊ စစ်ဦးစီးမှူး(ဒုတိယတန်း)
    ကာကွယ်ရေးဦးစီးချုပ်ရုံး(ကြည်း) စစ်ဆင်ရေးဌာနခွဲ

(နောင် ဗိုလ်မှူးကြီးနှင့် လက်ရှိ ပြည်သူ့လွှတ်တော် တပ်မတော်ကိုယ်စားလှယ်)

၂။ ဗိုလ်မှူးမောင်မောင်လတ်(ရေ) ၊ စစ်ဦးစီးမှူး(ဒုတိယတန်း)
    ကာကွယ်ရေးဦးစီးချုပ်ရုံး(ရေ) စစ်ဆင်ရေးဌာနခွဲ

၃။ ဗိုလ်မှူးမောင်မောင်သန်း(လေ) ၊ စစ်ဦးစီးမှူး(ဒုတိယတန်း)
    ကာကွယ်ရေးဦးစီးချုပ်ရုံး(လေ) စစ်ဆင်ရေးဌာနခွဲ

(လက်ရှိ ဦးတေဇ'၏ ရဟတ်ယာဉ်ကိုမောင်းစဉ် ပျက်ကျပြီး ခြေထောက်ပြတ်သွားခဲ့)

၎။ ဗိုလ်မှူးဝင်းမော် သို့မဟုတ် ထွန်းဦး ၊ စစ်ဦးစီးမှူး(ဒုတိယတန်း)
    အမှတ်(၁၃) စစ်ဆင်ရေးကွပ်ကဲမှုအဖွဲ့ ၊ ဘုတ်ပြင်းမြို့

၅။ ဗိုလ်မှူးအောင်လင်းထွဋ် ၊ စစ်ဦးစီးမှူး(ဒုတိယတန်း)
    တပ်မတော်ထောက်လှမ်းရေးမှူးချုပ်ရုံး (စာရေးသူ)

၆။ ဒုဗိုလ်မှူးကြီးမောင်မောင်သစ် (ရေ)
    ဇာဒတ်ကြီးရေတပ်စခန်းမှူး

၇။ တပ်မတော်(လေ) ရဟတ်ယာဉ်မှူးများ

_________________________________

စာရေးသူ _ ဗိုလ်မှူးအောင်လင်းထွဋ်
၂၀၁၃ စက်တင်ဘာလ (၁၃) ရက်
ဝါရှင်တန်ဒီစီ မြို့
Edit Text & Shared _ အေအန်န်အမ်မ်တီ
__________________________________
Crd

ခရီးသည်