အာဆီယံမှာမြန်မာ ဘိတ်ဆုံးဖြစ်တော့မလား-သရ၀ဏ်(ပြည်)

အပြေးပြိုင်ပွဲတခုကြည့်ဖူးသည်။ ဘောလုံးကွင်းလို အားကစားကွင်းကြီးကိုပတ်၍အပြေးသမားများက ပြေးကြရခြင်းဖြစ်သည် ။ တာလွှတ်သည်နှင့် အပြေးသမား တစု အားနှင့်အင်နှင့်ရှေ့ သို့ ပြေးထွက်သွားကြသည် ။ ထိုအထဲတွင် ခြေအနှုတ်အသိမ်းနှေးသော အပြေးသမားတယောက်ပါသည် ။ထိုအပြေးသမားသည် တဖြည်းဖြည်းနှင့်နောက်မှာကျန်ခဲ့သည် ။ အပြေးသမားအားလုံးသူ့ ကိုကျော်တက်သွားကြသည် ။ တဖြည်းဖြည်းနှင့်သူ့ ကိုကျော်တက်သွားသူများသည် ကွင်းပတ်ပြေးပွဲဖြစ်သောကြောင့် သူနှင့်တဖြေးဖြေးဝေးကာ သူ့ နောက်ဘက်သို့ ပင် ပြန်ရောက်လာသည် ။ အမှတ်တမဲ့ကြည့်လျှင် ထိုအပြေးသမားသည်ရှေ့ မှဦးဆောင်နေပြီး ကျန်အပြေးသမားတစုသည်နောက်မှာပြတ်ကျန်ခဲ့သလိုလို ဖြစ်နေသည် ။ ထိုအချိန်တွင်မှ အပြေးပြိုင်ပွဲကွင်းထဲသို့ ဝင်လာသောဘကြီးတယောက်က ရှေ့ မှပြေးနေသူ ကိုချီးမွမ်းသည် ။
“ တို့ ရွာကကောင်ကတော့ ရှေ့ ကနေအပြတ်အသတ်ပဲဟေ့ တော်တော်ကိုဖြတ်ထားနိုင်တာပဲ “
ထိုစကားကိုကြားရသူအပေါင်းက ရယ်ကြသည် ။
“ရှေ့ ကဖြတ်တာမဟုတ်ဘူး အဘရေ နောက်ဆုံးပိတ်ဖြစ်နေတာ “ ဟုရယ်ရင်းပြောကြသည် ။
ယခုအခါမြန်မာပြည်သည် ထိုအပြေးသမားလိုဖြစ်နေပြီး အချို့သောသူများသည် ပြေးပွဲကို နောက်ကျမှလာကြည့်သော တောမှဘကြီးလိုဖြစ်နေသည် ။ကိုယ့်ငါးချဉ်ကိုယ်ချဉ်ရင်း နိုင်ငံသည်တဖြည်းဖြည်းပြိုင်ဘက်များ၏နောက်သို့ ရောက်မှန်းမသိရောက်လာသည် ။

       ဒုတိယသမ္မတဦးဟင်နရီဗန်ထီးယူက “ခရီးသွားလုပ်ငန်းကလွဲပြီး စီးပွားရေးကဏ္ဍတွင် တိုတက်မှုမပြနိုင်သေး “ဟု ပြောသည် ။ ၂၀၁၇ ဒီဇင်ဘာ ၅ ရက်နေ့ ကနေပြည်တော်တွင်ကျင်းပသောမြန်မာအထူးစီးပွားရေး ဇုန်ဆိုင်ရာဗဟိုအဖွဲ့ လုပ်ငန်းညှိနှိုင်းအစည်းအဝေးတွင်ပြောခဲ့ခြင်းဖြစ်သည် ။ ဦးဟင်နရီဗန်ထီးယူသည် အမှန်ကိုတ၀က်မြင်သည်ဟုပြောရမည် ။ မြန်မာနိုင်ငံစီးပွားရေးကဏ္ဍတိုးတက်မှုမပြနိုင်သေး ဆိုခြင်းမှာအမှန်ကိုမြင်ခြင်းဖြစ်သည် ။ ခရီးသွားလုပ်ငန်းကလွဲပြီး ဟုစကားခံထားခြင်းကြောင့် မြန်မာ့ခရီးသွားလုပ်ငန်းတိုးတက်နေသယောင်ထင်နေခြင်းမှာ မှားပေသည် ။ သူသည်ခရီးသွားလုပ်ငန်းမှလာသူတယောက်မဟုတ်သောကြောင့် အောက်ကတင်ပြသောကိန်းဂဏန်းများကိုကြည့်ကာအားအရကြီးရနေခြင်းလည်းဖြစ်နိုင်ပါသည် ။ တကယ်တမ်းတွင်မြန်မာ့ခရီးသွားလုပ်ငန်းသည် ကမ္ဘာတွင်မဆိုထားဘိ အာဆီယံဒေသတွင်ပါ ဘိတ်ဆုံးကပ်နေသောလုပ်ငန်းဖြစ်သလို တိုးတက်မှုရပ်တန့် နေရုံမက နောက်ပြန်ဆုတ်နေသောလုပ်ငန်းဖြစ်သည် ။အကယ်စင်စစ် အာဆီယံဆယ်နိုင်ငံတွင် နိုင်ငံခြားသားကမ္ဘာလှည့်ခရီးသည် အ၀င် အများဆုံးနိုင်ငံမှ အနည်းဆုံးသိုနိုင်ငံသို့ စဉ်လိုက်လျှင် ၂၀၁၅ စာရင်းအရ

(၂)ထိုင်း(၂၉ သန်း)

(၁)မလေးရှား (၂၅ သန်း)

 (၃)စင်္ကာပူ(၁၅သန်း)

(၄)အင်ဒိုနီးရှား( ၁၀သန်း)

(၅)ဗီယက်နမ် (၇.၉ သန်း)

(၆)ဖိလစ်ပိုင်(၅ သန်း)

(၇) ကမ္ဘောဒီးယား ( ၄.၇ သန်း)

(၈)လာအို(၄.၆သန်း)

(၉)မြန်မာ( ၄.၆ သန်း)

(၁၀)ဘရူးနိုင်း( ၂ သိန်း ၁ သောင်း ) တို့ ဖြစ်သည် ။

မြန်မာသည်အဆင့် (၉) ဖြစ်သည် ။ သူ့ အောက်တွင် ဘရူနိုင်းနိုင်ငံပဲရှိတော့သည် ။ဒါတောင်မြန်မာနိုင်ငံကတင်ပြထားသော ကိန်းဂဏန်းများသည် အမြဲတမ်းတိကျမှန်ကန်သည်ဟုမပြောနိုင်။ လူကြီးကြေနပ်အောင်ပိုပိုသာသာစာရင်းပြခြင်း ၊နယ်စပ်မှ နေ့ချင်းပြန်ဝင်ထွက်သွားလာသောဈေးသယ်များ၊ ကူလီများ၊ ကားသမားများမကျန် တိုးရစ်စာရင်းသွင်းထားခြင်းတို့ ပါဝင်နိုင်သည် ။ တကယ့်တိုးရစ်စာရင်းအမှန်မှာ ရွှေတိဂုံဘုရားသို့ လာရောက်လည်ပါတ်သောနိုင်ငံခြားသားစာရင်းမှာအနီးစပ်ဆုံးမှန်ကန်နိုင်သည် ။ ၂၀၁၅ ခုနှစ်အတွက် ရွှေတိဂုံသို့လာရောက်လည်ပါတ်သောနိုင်ငံခြားသားမှာ ၅၁၇၀၀၀ ယောက်ဖြစ်သည် ။
ရွှေတိဂုံသို့ ရောက်မလာသော တိုးရစ်များမှာ သုံးဆအထိရှိနိုင်သည်ဟု ပိုပိုသာသာခန့်မှန်းလိုက်ဦးမြန်မာနိုင်ငံသို့ ၂၀၁၅ တွင်ဝင်လာသောကမ္ဘာလှည့်ခရီးသည်အရေအတွက်အစစ်အမှန်မှာ ၂ သန်းထက်မပိုပေ ။ တစ်နှစ်လျှင်ငါးသိန်းတိုးလာဖို့ဆိုသည်မှာလွယ်သည်မဟုတ် သို့ သော်ထိုနှုန်းနှင့်တိုးလာသည်ပဲထားဦး မြန်မာနိုင်ငံသို့ယခုနှစ်ရောက်လာသော နိုင်ငံခြားသားကမ္ဘာလှည့်ခရီးသွားအရေအတွက်မှာ ၃ သန်းထက်မပိုနိုင်ပေ ။ဟိုတယ်ခရီးဝန်ကြီးဌာန၏ထုတ်ပြန်ချက်အရ ၂၀၁၅ တွင်မြန်မာနိုင်ငံသို့ လာသောတိုးရစ်စုစုပေါင်းမှာ ၄.၆သန်း(၄၆၈၁၀၂၀ ဦး) ရှိသည်ဆို၏ ။ထိုအထဲတွင်နယ်စပ်ဝင်ပေါက်များမှဝင်လာသူပေါင်းမှာ ၃.၃ သန်းကျော်(၃၃၇၃၄၃၇ဦး) ရှိသည်ဆိုသဖြင့် အမှန်တကယ် ရန်ကုန်၊မန္တလေး၊မြိတ်၊နေပြည်တော်တို့မှ့ဝင်လာသောတိုးရစ်မှာ ၁သန်း၃သိန်းကျော်(၁၃၀၇၅၈၃)ပဲရှိလေသည်။  ၀န်ကြီးဌာနက ၆ သန်းလာရမည်ဟုမျှော်မှန်းထားရာ များစွာလျှော့နည်းနေပေသည် ။  ထို့ ကြောင့် မြန်မာ့ခရီးသွားလုပ်ငန်းသည် သဘာဝတောတောင်ရေမြေနှင့်ယဉ်ကျေးမှုအခြေခံဆွဲဆောင်မှုတွေရှိသော်လည်း စီမံခန့်ခွဲမှုညံ့ဖျင်းခြင်း၊ဈေးနှုန်းများအဆမတန်ကြီးမြင့်ခြင်းတို့ ကြောင့် ၁၀ နိုင်ငံတွင် အဆင့် ၉ ဖြစ်နေရခြင်းဖြစ်သည် ။

၂၀၁၅ တိုးရစ်ဝင်ရောက်မှုတွင်လာအိုနိုင်ငံနှင့် မတိမ်းမယိမ်းရှိသော်လည်း လာအိုနိုင်ငံက လူသုံးထောင်ကျော်ပို၍၀င်သည်။ ပို၍အရေးကြီးသည်မှာလာအိုနိုင်ငံသည်မြန်မာနိုင်ငံထက် ၃ ဆခန့်ပို၍သေးငယ်သော ကုန်းတွင်းပိတ်နိုင်ငံတခုဖြစ်သည် (လာအိုနိုင်ငံ၏ကုန်မြေဧရိယာမှာ ၂၃၇၉၅၅ စတုရန်းကီလိုမီတာဖြစ်ပြီး မြန်မာနိုင်ငံ၏အကျယ်အ၀န်းမှာ ၆၇၆၅၇၈ စတုရန်းကီလိုမီတာဖြစ်သည်)။ ပင်လယ်ကမ်းခြေတောတောင်ရှုခင်း၊သဘာဝယဉ်ကျေးမှုအမွေအနှစ်များစွာရှိသော မြန်မာနိုင်ငံသည် ခရီးသွားလုပ်ငန်းတွင်လာအိုနိုင်ငံနောက်ရောက်နေသည်မှာ အောင်မြင်မှုမဟုတ် ။ကျဆုံးမှုသာဖြစ်သည် ။ မြန်မာ့ခရီးသွားလုပ်ငန်းသည် ဒေါ်အောင်ဆန်းစုကြည်နောက်ဆုံးအကြိမ်နေအိမ်အကျယ်ချုပ်ဘ၀မှလွတ်မြောက်လာသော ၂၀၁၀ နိုဝင်ဘာ ၁၃ ကာလများဖြစ်သော ၂၀၁၀-၂၀၁၁ ကာလများတွင် အကြီးမားဆုံးအောင်မြင်မှုအဖြစ် နိုင်ငံတကာခရီးသွားများကြိတ်ကြိတ်တိုးအောင်လာရောက်လည်ပတ်ခဲ့ကြဖူးသည် ။သို့ သော် မြန်မာတို့သည်အောင်မြင်မှုကိုထိမ်းမထားနိုင်ခဲ့ ။အစိုးရဘက်ကရော ၊ ပုဂ္ဂလိကဘက်ကရော ထိထိရောက်ရောက်ဘာမှဝန်ဆောင်မှုကောင်းကောင်းမပေးနိုင်ပဲ “လာတဲ့ဧည့်သယ်တွယ်သာတွယ်”ဆိုသောဆောင်ပုဒ်အရ နိုင်ငံခြားသားများအပေါ်ရသလောက်လက်တဆုံးငွေညှစ်ကြတော့သည် ။ တညဒေါ်လာ ၂၀ သာတန်သောဟိုတယ်ကလည်း တညဒေါ်လာ ၁၀၀ တွေဘာတွေဖြစ်ကုန်သည် ။ ဒါတောင်တည်းခိုလိုလျှင် ၁၀ ရက် တန်သည်တလတန်သည်ကြိုတင်၍ ငွေလာသွင်းခိုင်းသေးသည် ။ လေကြောင်းလိုင်းများကလည်း လေသံမာသလားမမေးနှင့် ဘယ်ခရီးစဉ်ပဲမေးလိုက်မေးလိုက် ကုန်ပြီ ၊ booking တင်လို့ မရတော့ဘူးဟုခပ်မာမာပြောသည် ။ တိုးရစ်များနှင့်ခရီးသွားကုမ္မဏီများမှာ လေကြောင်းလိုင်းနှင့်ဟိုတယ်တွေကိုရှိခိုးဦးတင်လုပ်နေကြရသည် ။လေယာဉ်ခတွေကလည်းဈေးကြီးသည် ။ ပြည်တွင်းလေယာဉ်ခက နိုင်ငံခြား(ရန်ကုန်ဘန်ကောက်သွားတာထက်)ပို၍ဈေးကြီးနေသည် ။  နောက်တော့ မြန်မာတွေအရိတ်ကြမ်းသောသတင်းက ကမ္ဘာကိုပျံ့ သွားသည် ။မြန်မာပြည်လာမည့်ပိုက်ဆံသည် အခြားအာဆီယံနိုင်ငံတွေကိုသွားလည်လျှင် ၂ဆလည်၍ရသည် ။ မြန်မာမှာတရက်လည်၍ကုန်သောပိုက်ဆံသည် ထိုင်းတို့ ဗီယက်နမ်တို့မှာ ၂ ရက်လည်၍ရသည် ။အစိုးရဘက်ကလည်း အခွန်နှင့်ဝင်ကြေးများတိုးတိုးကောက်သည်ကလွဲ၍ ဘာဝန်ဆောင်မှုမှကောင်းမလာ ။အင်းဝသည်တိုးရစ်များအလာများသော မြင်းလှည်းစီးကြသောမြို့ကလေးဖြစ်သော်လည်း လမ်းများမှာ စုတ်ပြတ်နေသဖြင့် မြင်းလှည်းများမှောက်ကြသည် ။ ခရီးသည်တွေဒဏ်ရာရသည် ။ အိမ်သာတက်စရာ နေရာကောင်းကောင်းကမ်းကမ်းအလွန်ရှားသည် ။ ဖိနပ်ချွတ်ခိုင်းသော်လည်း ဘုရားအ၀င်လမ်းတွေမှာညစ်ပတ်နေသည် ။နေရာတကာအမှိုက်တွေပျံ့ကျဲနေသည်။ ဟိုတယ်တွေဈေးကြီးသော်လည်းဝန်ဆောင်မှုမှာစုတ်ပြတ်နေသည် ။ လေယာဉ်တွေက cancel ဖြစ်လျှင် Delay ဖြစ်လျှင်ဘာဝန်ဆောင်မှုမှမရှိ၊ဘာတာဝန်ခံမှုမှမရှိ ။ ကြော်ငြာကဏ္ဍအတွက် Promotion အတွက် ၊ခရီးသွားလုပ်ငန်းအတွက်နိုင်ငံတော်ကငွေပြန်သုံးတာ မရှိသလောက်ဖြစ်ပြန်သည် ။ပုဂ္ဂလိကကဏ္ဍကိုနိုင်ငံတော်ကကူညီတာမရှိသလောက်ဖြစ်သည် ။    တဖြည်းဖြည်းဖြင့် Tourism မျိုးကန်းသည် ။နိုင်ငံကလှလွန်းသဖြင့်ဤမျှလာနေသေးတာဖြစ်သည် ။။ဤအခြေအနေတွင်ခရီးသွားလုပ်ငန်းကဏ္ဍကြီးတိုးတက်နေသည်ဟုထင်လျှင် အပြေးပြိုင်ပွဲကိုလာကြည့်သော တောကဘကြီးလိုသာဖြစ်ပေလိမ့်မည် ။
                 အမှန်ကိုမြင်သောသူလည်းရှိသေး၏။ထိုသူမှာယခင်အစိုးရလက်ထက်စီးပွားရေးအကြံပေးအဖွဲ့ ခေါင်းဆောင်နှင့် လက်ရှိကုန်သည်စက်မှုအသင်းချုပ်၏အကြံပေးစီးပွားရေးပညာရှင် ဒေါက်တာဦးမြင့်ဖြစ်သည် ။ ဒေါက်တာဦးမြင့်သည် ဦးသိန်းစိန်အစိုးရလက်ထက်တွင် စီးပွားရေးအကြံပေးအဖြစ်လုပ်ခဲ့သည်ဆိုသော်ငြား အာဏာ၇ှင်အလိုမလိုက်ပဲ ပညာ၇ှင်ပီသစွာထောက်ပြဝေဖန်မှုကြောင့် အများကလေးစားရသည့်ပညာရှင်တယောက်ဖြစ်သည် ။ ဦးမြင့်က မြန်မာနိုင်ငံအနေဖြင့် အာဆီယံတွင် လာအိုနိုင်ငံကိုအမီလိုက်ရန်ပင်အလားအလာနည်းနေကြောင်း ဝေဖန်ထောက်ပြခဲ့သည် ။ ၉.၁၂.၂၀၁၇ နေ့ က ရန်ကုန်မြို့ ကုန်သည်စက်မှုအသင်းချုပ်၌ ပြုလုပ်သော UMFCCI Convention 2017 တွင်ပြောခဲ့ခြင်းဖြစ်သည် ။အပြည်ပြည်ဆိုင်ရာငွေကြေးရန်ပုံငွေအဖွဲ့က ၂၀၂၀-၂၀၂၁ ခုနှစ်တွင် မြန်မာနိုင်ငံ၏လူတဦးချင်း ဂျီဒီပီအပေါ် ၁၈၂၃ ဒေါ်လာရရှိမည်ဟုခန့်မှန်းထားသည်။ သို့သော်ထိုပမာဏမှာ လာအိုနိုင်ငံ၏ ၂၀၁၅ ခုနှစ် တွင်ရရှိခဲ့သည့်တဦးချင်း GDP သည်ပင်လျှင် ၂၁၄၉ ဒေါ်လာဖြစ်နေသည့်အတွက် မြန်မာနိုင်ငံအနေဖြင့် ၂၀၂၀-၂၀၂၁ ခုနှစ်တွင် အပြည်ပြည်ဆိုင်ရာငွေကြေးရန်ပုံငွေအဖွဲ့၏ ခန့်မှန်းချက်ဖြစ်သည့် လူတစ်ဦးပျမ်းမျှတနှစ်ဝင်ငွေ ၁၈၂၃ ဒေါ်လာဖြစ်လာလျှင်ပင် လာအိုနိုင်ငံ၏ ၂၀၁၅ ခုနှစ် ဂျီဒီပီထက်လျှော့နည်းနေသဖြင့် လာအိုနိုင်ငံကိုအမီလိုက်ရန်ပင်ခဲယဉ်းသည့်အနေအထားဖြစ်နေသည့်အပြင်လာအိုနိုင်ငံ၏တဦးချင်း ဂျီဒီပီမှာလည်း ၂၀၂၀-၂၀၂၁ ကာလတွင် ထပ်မံမြင့်တက်နေဦးမည်သာဖြစ်သဖြင့် လာအိုကို အမီလိုက်ရန်ပင်အလားအလာနည်းပါးနေရကြောင်းဒေါက်တာဦးမြင့်ကပြောခဲ့သည် ။ ဒေါက်တာဦးမြင့်စကားမှာ ကြားရတာခါးသီးသော်လည်းအမှန်တရားပင်ဖြစ်သည် ။လောလောဆယ်၌မြန်မာနိုင်ငံသည်အာဆီယံဆယ်နိုင်ငံတွင် လူတဦးချင်းစီ၏ဂျီဒီပီ ( Gross Domestic Product ) တွင် အဆင့် (၉) ချိတ်လျက်ရှိပါ၏။ မြန်မာအောက်တွင် ကမ္ဘောဒီးယားသာကျန်ပါတော့၏ ။

အားကစားတွင်လည်းဘျတ်ဆုံးနီးပါးရောက်နေ၏။ မြန်မာ U23 သည် ဗီယက်နမ်U23 ကို  4:0 ဖြင့် ဂိုးပြတ်ရှုံး၏။   လက်ရှိစီးပွားရေးနာမကျန်းမှုကို ကုစားရန်နှင့် ရပ်တန့်နေသည့်စီးပွားရေးပြန်လည်လည်ပတ်နိုင်ရန် ဒေါ်အောင်ဆန်းစုကြည်ကိုအားကိုးရမည်ဖြစ်ပြီး စီးပွားရေးတိုးတက်အားကောင်းမှုပြန်လည်တည်ဆောက်ပေးနိုင်ရန်နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်အနေဖြင့် အချက်လေးချက်ကိုလုပ်ဆောင်ပေးဖို့ စဉ်းစားရန်တင်ပြပါကြောင်းလည်းဒေါက်တာဦးမြင့်ကပြောကြားခဲ့သည် ။ ပထမအချက်မှာပြည်တွင်း ငြိမ်းချမ်းရေးနှင့်ထပ်တူ ပြည်တွင်းစီးပွားရေးကိုထိပ်ဆုံးဦးစားပေးကိုင်တွယ်ရန်၊ ဒုတိယအချက်မှာစီးပွားရေးမဟာဗျူဟာတရပ်ရေးဆွဲပြီးလွှတ်တော်သို့ တင်ပြအတည်ပြုရန်၊တတိယအချက်မှာ အဆင့်တိုင်းတွင် လုပ်ပိုင်ခွင့်ပိုမိုပေးရန် ၊ စတုတ္ထအချက်မှာ ပညာရှင်များနှင့် တိုင်ပင်ဆွေးနွေးအကြံဥာဏ်ရယူရန်ဖြစ်သည် ။ ထိုအချက်လေးချက်လုံးမှာ မလုပ်နိုင်စရာကိစ္စများတော့မဟုတ် ။ အရေးတကြီးစတင်လုပ်ဆောင်လိုစိတ်ရှိရန်သာအရေးကြီးပေသည် ။

    ဒေါ်အောင်ဆန်းစုကြည်အနေဖြင့် တကွင်းလုံးလိုက်လံကစားနေရသော ဘောလုံးသမားတယောက်လိုဖြစ်နေပြီး လိုသည်ထက်ပင်ပန်းနွမ်းနယ်မှုကိုခံစားရရုံသာမက နေရာတိုင်းတွင်ထောင့်စေ့အောင် ကစားနိုင်မည်မဟုတ်ချေ ။ တကယ်တမ်းဒေါ်အောင်ဆန်းစုကြည်ယူထားသောရာထူးမှာ နိုင်ငံတော်၏အတိုင်ပင်ခံသာဖြစ်သဖြင့်နိုင်ငံတော်က အကြံဥာဏ်လိုလာသောအခါမှအကြံပေးရန်ဖြစ်ပေသည် ။ နိုင်ငံတော်ကိုတကယ်ဦးဆောင်မောင်းနှင်ရမည်မှာ သမ္မတဖြစ်ပေသည် ။ သမ္မတဆိုသည်မှာ ရိုင်းရိုင်းပြောရလျှင်ကူလီခေါင်းနှင့်တူသည် ။ကူလီခေါင်းသည် သူကိုယ်တိုင် ဆန်အိတ်ကိုနှစ်အိတ်ဆင့်ကာ ထမ်းနေစရာမလို ၊ ဘယ်သူ ဘယ်နေရာကဆန်အိတ်ကိုထမ်းခဲ့ ၊ ဘယ်အဖွဲ့က ဘယ်ကားပေါ်ကကုန်ကိုချ ၊ ဘယ်အဖွဲ့က သဘောင်္ပေါ်ကို ဘိလပ်မြေအိတ်တွေတင်ကြဟုသာအမိန့်ပေးပြီး သူခိုင်းသလိုလုပ်မလုပ် လှည့်ပတ်ကြည့်ရှရမည်ဖြစ်သည် ။ကူလီခေါင်းတော်လျှင်တော်သလို အလုပ်ပြီးစီးသည် ။ ကုန်တင်ကုန်ချမြန်ဆန်သည် ။ အလေအလွင့်နည်းမည်ဖြစ်သည် ။ကူလီခေါင်းက လက်အောက်ငယ်သားများကိုကောင်းကောင်းမခိုင်းတတ်ဘူးဆိုလျှင် အလုပ်ချိန်တွင်ကျားထိုးသူကထိုးနေမည်၊ ဆေးလိပ်သောက်သူကသောက်နေမည် ၊ လမ်းတ၀က်တွင်ဆန်အိတ်ကိုချပြီးထိုင်သူကထိုင်နေမည် ၊အချင်းချင်းရန်ဖြစ်သတ်ပုတ်ကောင်းသတ်ပုတ်နေမည်။ သဘောင်္ပေါ်တင်သလိုလိုဖြင့် အိမ်သို့ သယ်သူကသယ်ကြမည် ၊ အချိန်မ်ီမပြီးစီးသဖြင့် အလုပ်ရှင်များကအခြား ဆိပ်ကမ်း၊အခြားအလုပ်သမားများဆီသို့ပြောင်းရွေ့ သွားကြမည် ၊ ဤကဲ့သို့ အဖြစ်မျိုးဖြစ်မည်ဖြစ်သည် ။နိုင်ငံတနိုင်ငံမှာလည်းဤနည်းနှင်နှင်ဖြစ်သည် ။ သမ္မတသည် သူ၏အလုပ်သမား (ကူလီ)များဖြစ်ကြသော ၀န်ကြီးအဖွဲ့ကိုကောင်းကောင်းခိုင်းနိုင်ရမည် ။ထိမ်းချုပ်ကိုင်တွယ်နိုင်ရမည် ။ ဘယ်ဝန်ကြီးသည် ဘယ်ကိစ္စကိုဘယ်အချိန်အတွင်းပြီအောင်လုပ်ခိုင်းရမည် ။ ပြီးမပြီးလုပ်မလုပ်လည်း အောက်ခြေအထိဆင်းကာကြည့်ရမည် ။ အသုံးမကျလျှင် မလုပ်တတ်လျှင် နောက်တယောက်နှင့်ရဲရဲဝံ့ဝံ့အစားထိုးရမည် ။ သမ္မတကခိုင်းတတ်လျှင်ခိုင်းတတ်သလို ၊ ဦးဆောင်နိုင်လျှင်ဦးဆောင်နိုင်သလို ၀န်ကြီးအဖွဲ့ ၏ လုပ်ဆောင်မှုများ အောင်မြင်မှုအသီးအပွင့်များဖြစ်ပေါ်လာမည် ။ သမ္မတက မခိုင်းတတ်လျှင် မသွက်လက်လျှင် စီမံခန့်ခွဲမှုညံ့လျှင် သို့ မဟုတ် စီမံခန့်ခွဲနိုင်မှုနည်းပါးလျှင် အကွပ်မရှိသောကြမ်းပရမ်းပတာဆိုသလို ၊ ကူလီခေါင်းမရှိသော ကမ်းနားအလုပ်သမားတွေလို ထင်ရာတွေလုပ်ကြ ထင်ရာတွေပြောကြလိမ့်မည် ။

ဒီဇင်ဘာ ၈ ရက်ကကျင်းပသွားသော ပညာရေးဖွ့ဖြိုးတိုးတက်မှု အကောင်အထည်ဖော်ရေးနှီးနှောဖလှယ်ပွဲတွင် ပညာရေးဝန်ကြီးဒေါက်တာမျိုးသိမ်းကြီးက အခြေခံပညာကျောင်းများတွင် ကျောင်းသား ၅ ဦးလျှင်သိပ္ဖံလက်တွေ့ စမ်းသပ်သည့်ပစ္စည်းတစုံစီ ရအောင် လုပ်ပေးရမည်ဖြစ်ကြောင်းပြောသွားသည်။ သူပြောသည်မှာ မ.ဆ.လ ခေတ်၊ စစ်အစိုးရခေတ်ကလိုအပေါ်ယံဟန်ပြပြောသလိုဖြစ်နေသည် ။ တကယ်တော့ပြောရမည်မဟုတ် ၊လုပ်ရမည်ဖြစ်သည်။ ထိုသို့ဖြစ်စေချင်လျှင် ပညာရေးဌာနမှနိုင်ငံတော်ကိုတရားဝင်ဘတ်ဂျက်တောင်းရမည် ။ ရလာသောဘတ်ဂျက်အတိုင်း သိပ္ဖံလက်တွေ့ ပစ္စည်းများဝယ်ကာ လက်တွေ့ ဖြန့် ဖြူးပေးရမည် ။ ထို့အတူ လက်တွေ့ ဘ၀၌ကျောင်းများတွင် စာကြည့်တိုက်တွေသည် ဆရာဆရာမတွေအတွက်ဝန်ထုပ်ဝန်ပိုးကြီးတွေဖြစ်နေသည် ။မိမိမကျွမ်းကျင်ပါပဲ စာကြည့်တိုက်မှူးတာဝန်ကို စာသင်ချိန်ထဲမှဖဲ့၍ ဆရာဆရာမတွေဝင်ရောက်ထမ်းဆောင်နေရသည်။စာကြည့်တိုက်အတွက်စာအုပ်ဝယ်ဖို့လည်းမဖြစ်စလောက်ပိုက်ဆံပဲရှိသည် ။ထိုအခက်အခဲမျိုးဆိုလျှင် ပညာရေးဝန်ကြီးသည် လေဖြင့်မိန့်ခွန်းပြောနေစရာမလို ၊ လက်တွေ့ အလုပ်လုပ်ဖို့လိုသည် ။ ကျောင်းတိုင်းတွင် စာကြည့်တိုက်ထားဖို့  ထိုစာကြည့်တိုက်တွေတွင် စာကြည့်တိုက်မှူးသင်တန်းဆင်းပြီးသူများကို အလုပ်ခန့်ကာ သီးသန့်တာဝန်ပေးဖို့ ညွှန်ကြားချက်ထုတ်ရမည် ။ စာအုပ်ဝယ်ဖို့ သီးသန့်ရန်ပုံငွေနှင့်ကျောင်းစာကြည့်တိုက်ဝန်ထမ်းများခန့်အပ်ဖို့ငွေကို တွက်ချက်၍လွှတ်တော်သို့ တင်ပြတောင်းခံရမည် ။ ကျောင်းတကျောင်းလျှင်ဘယ်လောက်နှုန်း (ကျောင်းသားအရေအတွက်ကိုမူတည်၍) ၀န်ကြီးဌာနကချပေးရမည် ။ သို့ မဟုတ် ပညာရေးဌာနက၀ယ်ယူပြီး ကျောင်းတွေသို့ ပို့ ပေးရမည် ။ ဒါတွေသည်တကယ်လက်တွေ့ ဆောင်ရွက်ရမည့် အလုပ်တွေဖြစ်သည်။အခုတော့မြန်မာနိုင်ငံဝယ်အပြောတွေများနေသည် ။ အပြောကတော့တက္ကသိုလ်တွေကိုဘယ်လိုလုပ်လိုက်မည် ။ တကယ့်လက်တွေ့ ကျွန်တော့်သားတော်မောင်ပညာဆည်းပူးနေသောဒဂုန်တက္ကသိုလ်မှာ ဖုန်းလိုင်းပင် မမိချေ ။ Free Wifi ဆိုတာဝေလာဝေး ။ကိုယ့်ဖုန်းကိုပင်အင်တာနက်လိုင်းမတက်ချေ။ တက္ကသိုလ်သာဆိုသည် အပန်းဖြေရိပ်သာ ( RC) မရှိ။တက္ကသိုလ်အနုပညာအသင်းဘာမှန်းမသိ ၊ စာကြည့်တိုက် ဘယ်လိုနေသလဲမသိ ၊အားကစားခန်းမဘယ်နေရာမှာရှာရမှန်းမသိ ၊ မြက်တွေနှင့်တောထနေသော မြို့စွန်က ခြံဝင်းကြီးတခုကို တက္ကသိုလ်ဟုခေါ်နေရသည် ။ ဒါတွေသည် မျက်စေ့ရှိလျှင် တကယ်လည်းသွားကြည့်လျှင်မြင်ရပါမည် ။ မိန့်ခွန်းတွေပြောမနေပါနှင့် ။ လက်တွေ့ တွေအလုပ်လုပ်ကြပါဟုပြောလိုသည် ။

ဝန်ကြီးတွေဘာလုပ်ရမည် ၊ တကယ်လုပ်နေသည်မလုပ်နေသည်ကိုလည်းသမ္မတက မျက်ခြေမပြတ်ကြည့်ရှု၍ နောက်မှတွန်းနေဖို့လည်းလိုသည် ။တက္ကသိုလ်တွင်ဖုန်းလိုင်းမမိလျှင် သမ္မတသည်ဆက်သွယ်ရေးဝန်ကြီးကိုအမိန့်ပေးလိုက်ရုံပင်ဖြစ်သည်။ တလအတွင်းပြီးရမည်ငါလာကြည့်မည်ပြောလိုက်ရုံပဲဖြစ်သည် ။ဝိုင်ဖိုင်တွေတပ်ပေးဖို့  ၊ လိုအပ်တာတွေလုပ်ပေးဖို့လည်း ဒီအတိုင်းပင်ဖြစ်သည်။ ယခုတော့ ရန်ကုန်တက္ကသိုလ်(ပင်မ)သည်ပင်လျှင် ပြည့်စုံသော website မရှိ။ တော်အိလျော်အိ လုပ်ထားသော သတင်းအချက်အလက်မပြည့်စုံသော website တခုသာရှိသည်မှာ နိုင်ငံတကာသို့ ချပြရမှာရှက်ဖို့ကောင်းလှသည် ။ ဒါကဥပမာပြောခြင်းဖြစ်၍ ၀န်ကြီးအဖွဲ့ကိုသမ္မတက အပြင်းထန်ဆုံးဖိအားပေးမောင်းနှင်နိုင်ပါမှ အဘက်ဘက်ကနောက်ကျနေသောနိုင်ငံမှာအလောတော်လောက်ကျပါမည် ။ သမ္မတသည် အဘိဓမ္မာအသင်းဥက္ကဌမဟုတ်သဖြင့်ရေခဲတုံးဖြစ်စရာမလို ၊ တွန်းတွန်းတိုက်တိုက်ဦးဆောင်သူဖြစ်သင့်ပါ၏ ။
  ယခုအခါမြင်ရသည်မှာ ကျွန်တော်တို့သမ္မတကြီးသည်လည်းအေးလွန်းသည် ။ ၀န်ကြီးအဖွဲ့ ကို အားကောင်းမောင်းသန်ထိမ်းကျောင်းမောင်းနှင်နေမှုအားနည်းသည် ။ လက်တွေ့ ထက်သဘော တရားတွေများနေသည် ။ ပြီးတော့သမ္မတကြီးဦးထင်ကျော်သည် ဒေါ်အောင်ဆန်းစုကြည်၏အရိပ်မိုးနေသည် ။ဒေါ်အောင်ဆန်းစုကြည်သည်အကြံပေးနေရာတွင်သာနေပြီး သမ္မတကြီးကိုပို၍ရှေ့တန်းတင်သင့်သည် ။

သမ္မတကြီးကလည်း ယခင်ကမည်သို့ ပင် တည်ငြိမ်အေးဆေးသည့်ပင်ကိုယ်စရိုက်ရှိသည်ဖြစ်စေ မိမိသမ္မတဖြစ်နေပြီဖြစ်သဖြင့် နိုင်ငံတော်၏အထွတ်အထိပ်ဆိုသောရာထူးနှင့်လျော်ညီစွာ နွားတွေကိုကြိမ်မပြတ်တို့သလို အားကောင်းမောင်းသန် မိမိတပ်ဖွဲ့ကို ဦးဆောင်မောင်းနှင်နေဖို့လိုမည်ဖြစ်သည် ။ ဒိထက်ကောင်းမွန်သောအစွမ်းကိုပြဖို့လိုမည်ဖြစ်သည် ။ သဘောတရားတွေ၊ အမှာစကားတွေ ၊ဟန်ပြစာရင်းဇယားတွေနှင့်အချိန်ကုန်မနေပဲ တကယ်ရွေ့ အောင်တွန်းကြဖို့  ၊တကယ်အလုပ်ဖြစ်အောင်လုပ်ကြဖို့ လိုပါမည် ။ ထိုအခါစင်္ကာပူကိုမီခြင်းမမီခြင်းဟူသည် ဒုတိယရည်မှန်းချက်ဖြစ်ပြီး အာဆီယံဆယ်နိုင်ငံတွင်အဘက်ဘက်၌ နံပတ် (၉)ချိတ်နေရာမှာ ဘိတ်ဆုံးအဆင့် နံပါတ်(၁၀)သို့ မရောက်ရေးကို သေရေးရှင်ရေးအဖြစ် ဦးနှောက်ခါးတောင်းကျိုက်၍စတင်ကြိုးစားဖို့လိုပြီဖြစ်ပါကြောင်း။

သရ၀ဏ်(ပြည်)
စောင့်ကြည့်ဂျာနယ်
၁၅.၁၂.၂၀၁၇

https://m.facebook.com/story.php?story_fbid=368316710280503&id=100013065300199