ရွှေတောင်ဖွံ့ဖြိုးမှု ကုမ္ပဏီဥက္ကဋ္ဌ ဦးအိုက်ထွန်းနှင့် တွေ့ဆုံခြင်း
ကျွန်တော့်အနေနဲ့တော့ အခု လောလောဆယ်မှာ ချမ်းသာမှု ဘယ်လောက်ရှိလဲ မသိဘူး။ တွက်ချက်မှုလည်းမရှိဘူး။ ကျွန်တော်တို့ ကုမ္ပဏီက သေးသေးပဲထင်သေးတယ်။ သူများတွေမှန်းတာတော့ မှန်းတာပေါ့။ ကျွန်တော့်အနေနဲ့တော့ အများကြီးလိုသေးတယ်။ အဓိကကတော့ ကျွန်တော့် လုပ်ငန်းတွေ ဘယ်လောက်အောင်မြင်မလဲ။ တိုင်းပြည်ကို ဘယ်လိုဖွံ့ဖြိုးအောင်လုပ်ရမလဲ စဉ်းစားတယ်။
၂၀၀၃ ခုနှစ် Bank Crisis ဖြစ်ပြီးနောက်မှာ အခုလို အန်ကယ့်စီးပွားရေးတွေပြန်ပြီး ဦးမော့လာအောင်ဘယ်လုပ်ခဲ့ရပါလဲ။ ပြောပြပါဦး။
၂၀၀၃ ခုနှစ်မှာ ဘဏ်တွေပိတ်သွားပြီး နောက်ပိုင်းမှာတော့ ကျွန်တော်ကတော့ လုပ်ငန်းတွေပြန်စတာပေါ့။ ၂၀၀၃ ခုနှစ်မှာ လုပ်ငန်းတွေလုံးလုံးရပ်သွားတဲ့ သဘောပေါ့။ ၂ နှစ်လောက် လုံးလုံးရပ်သွားတာပေါ့။ ဒါပေမဲ့ ၂၀၀၅ ခုနှစ်မှာ လုပ်ငန်းတွေ ပြန်စတယ်။ လမ်းလုပ်ငန်းတွေပြန်စတယ်။ အဆောက်အအုံတွေ ပြန်ပြီးတော့ဆောက်တယ်။ လုပ်ငန်းတွေ ယုံကြည်မှုပြန်ဆောက်တယ်။ နဂိုကလည်း ယုံကြည်မှုရှိပါတယ် ။ ကျွန်တော်တို့ ဘဏ်ပိတ်သွားတဲ့ အချိန်တုန်းကလည်း တစ်နှစ်အတွင်းမှာပဲ အပ်ငွေတွေအားလုံး ပြန်ပေးနိုင်တဲ့အတွက် အဓိကကတော့ ကိုယ့်ယုံကြည်မှုကိုမပျက်အောင် ထိန်းသိမ်းထားတာပေါ့။ ယုံကြည်မှုလည်းရှိတယ်။ ဘဏ်လုပ်တုန်းကလည်း ကျွန်တော်ကူညီခဲ့တဲ့ ကျွန်တော့်မိတ်ဆွေအပေါင်းအသင်းတွေကလည်းပြန်ကူညီတာပေါ့။ အဲဒီလူတွေကိုလည်း ကျွန်တော်တို့ ကျေးဇူးတင်ရမယ်။ ပြန်ကူညီတဲ့အတွက် လုပ်ငန်းတွေ တစ်စတစ်စ အခြေခံကနေပြန်စလုပ်လို့ ဒီနေ့ အခုလိုတိုးတက်လာတာပါ။
Bank Crisis ဖြစ်သွားတဲ့အတွက် ဘယ်လောက်ဆုံးရှုံးသွားခဲ့ပါသလဲ။
ဆုံးရှုံးတာတော့ အများကြီးဆုံးရှုံးသွားတာပေါ့။ လုပ်ငန်းတွေရပ်သွားတယ်။ ပစ္စည်းဆုံးရှုံးတာထက် လုပ်ငန်းတွေရပ်သွားတဲ့အတွက် စိတ်ဓာတ်ရေးရာပေါ့။ တပည့်တွေ အများကြီးဆုံးရှုံးသွားတယ်ပေါ့။ ဒါပေမဲ့လည်း ဆုံးရှုံးတာကို ဆုံးရှုံးတယ်မမှတ်ပါဘူး။ ကိုယ့်ရဲ့နောက်လုပ်ငန်းပြန်တိုးတက်အောင် သင်ခန်းစာတစ်ခုပေါ့။ ဒီလိုပဲမှတ်ယူထားပါတယ်။
အစိုးရလက်ထက် ပုဂ္ဂလိကပိုင်ပေးတဲ့အထဲမှာ အန်ကယ်တို့ ကုမ္ပဏီက ဘယ်လောက်များများ ရထားပြီးပြီလဲ။
အခုအထူးသဖြင့် ဒီအစိုးရလက်ထက်မှာ ကျွန်တော်တို့ ဘာတွေခံစားမိလဲဆိုတော့ လုပ်ငန်းတော်တော်များများ အစိုးရက တင်ဒါခေါ်တယ်။ ပြိုင်ဆိုင်မှုနဲ့ လုပ်တယ်။ Fair Competition ဆိုတာ ဖြစ်လာတယ်။ တော်တော်များများ ဥပမာ လေဟာပြင်ဈေး
ဆိုပါတော့။ ကုမ္ပဏီ ၂၇ ခု ပြိုင်တယ်။ အဲဒီအထဲမှာ အချို့ကုမ္ပဏီကသေးတယ်။ အချို့ကုမ္ပဏီကလည်းဘယ်လောက်ကြီးလဲ ကျွန်တော်မသိဘူး။ ဒါပေမဲ့လည်းကျွန်တော်ကတော့ ကိုယ့်ရဲ့ အရည်အချင်းနဲ့ ကောင်းအောင် လုပ်ချင်တဲ့ ဆန္ဒနဲ့ နိုင်ငံတကာကို မီအောင်လုပ်ချင်တဲ့ ဆန္ဒနဲ့ ဒါကြောင့်ရခဲ့တယ်။ ဒါ့အပြင် လုပ်ငန်းတွေတော်တော်များများ အစိုးရရဲ့လုပ်ငန်းတော်တော်များများOpen တင်ဒါခေါ်ယူတယ်။ တကယ့်အိုးပန်းမင်းဘယ်လောက် ပေးမယ်။ ငါဘယ်လောက်ပေးမယ်။ ဒါမျိုးတွေ အများကြီးဖြစ်လာတယ်။
အချို့တင်ဒါတွေ ကျွန်တော်တို့မပြိုင်နိုင်တော့ရင် နောက်ဆုတ်လိုက်တယ်။ ဒါတွေကို ကြိုဆိုပါတယ်။ ဒီလိုလုပ်လို့လည်း ကျွန်တော်တို့တိုင်းပြည်အခု တအားတိုးတက်လာပြီ။
ရွှေတောင်ကုမ္ပဏီက ရန်ကုန်ရဲ့ အထင်ကရနေရာ ဘယ်နှစ်ခုလောက်ကို ရထားပြီးပြီလဲ။
ကျွန်တော်တို့က အစိုးရပရောဂျက်အပြင် ပုဂ္ဂလိက ပရောဂျက်လည်း တော်တော်များများ ကျွန်တော်တို့နဲ့ပဲ ပေါင်းလုပ်ချင်တယ်ဆိုတာ အများကြီးပေါ်လာတယ်။ အဲဒီအထဲမှာ ကျွန်တော်တို့က ရွေးချယ်ပြီးတော့ ကိုယ်နဲ့ ပေါင်းသင်းလို့ရမယ့်သူကိုဆွေးနွေးပြီးတော့ သူများမြေပေါ်မှာလည်း ဆောက်တယ်။ ကိုယ့်မြေပေါ်မှာလည်း ဆောက်တယ်။ ဒါမျိုးတွေတော်တော်များများမှာ ဆယ်ခု၊ ဆယ့်ငါးခုလောက် ပရောဂျက်တွေရှိပါတယ်။
မြန်မာနိုင်ငံမှာ နိုင်ငံရေးအပြောင်းအလဲတွေက သွက်သွက်လက်လက်ပြောင်းလဲနေတာကို တွေ့ရတယ်။ စီးပွားရေးအပြောင်းအလဲကတော့ ထင်သလောက်မမြန်သေးဘူးပေါ့။ အဲဒီအပေါ်မှာ အန်ကယ်ဘယ်လိုမြင်လဲ။
စီးပွားရေးအပြောင်းအလဲက ချက်ချင်းတော့ မရဘူးလေ။ ဥပမာ ဖက်စပ်ကုမ္ပဏီဆို တချို့ထောင်နေပြီ။ နှစ်ဦးနှစ်ဖက် MOU ထိုးပြီးပြီ။ ကျွန်တော်တို့လည်း ဥရောပကုမ္ပဏီတော်တော်များများနဲ့ ဖက်စပ်လုပ်ဖို့ လက်မှတ်တွေ ထိုးပြီးပြီ။ ဒါပေမဲ့လက်မှတ်ထိုးပြီးရင် ပြင်ဆင်တဲ့ ဆွေးနွေးတာတွေရှိတယ်။ ဖက်စပ်လုပ်ငန်းက အနည်းဆုံးတော့ တစ်နှစ်၊ နှစ်နှစ်တော့ အချိန်ယူရမယ်။ ကျွန်တော်ထင်တာကတော့ ၂၀၁၄ ခုနှစ်မှာ လုပ်ငန်းတော်တော်များများပေါ်လာလိမ့်မယ်။ အခုလောလောဆယ်မှာတော့ သာမန်လူက မမြင်နိုင်ဘူး။ ဘာမှ မစသေးဘူးထင်တယ်။ တကယ်ကတော့စနေပြီ။ အာဆီယံစီးပွားအသိုက်အ၀န်း (ASEAN COMMUNITY 2015) အတွက် မြန်မာနိုင်ငံမှာရှိတဲ့ စီးပွားရေးလုပ်ငန်းရှင်တွေ ဘာတွေ ပြောင်းလဲဖို့လုပ်သင့်တယ်လို့ထင်လဲ။
အာဆီယံ 2015 Free Trade စပြီဆိုရင် ကျွန်တော်တို့အများကြီးပြောင်းလဲရတော့မယ်။ ဟိုတုန်းကဆို မကောင်းတဲ့ ကွာလတီ တစ်ခုတွေ့ရင် ဒါမြန်မာ Standard ကောင်းတဲ့ ကွာလတီတစ်ခုခုတွေ့ ပြီဆိုရင်ဟာ ဘယ်နိုင်ငံ။ အခုက ဒါတွေကိုလည်း ကျွန်တော်တို့က ပြုပြင်ရမယ်။ ကွာလတီကိုကောင်း အောင်လုပ်ရမယ်။ စီမံခန့်ခွဲမှုကို လည်းကောင်းအောင်လုပ်ရမယ်။ စီးပွားရေးလုပ်ငန်းတစ်ခုက စီမံ ခန်ခွဲမှု အရေးကြီးဆုံးပဲ။ အဲဒါမ နိုင်ရင် မတိုးတက်ဘူး။ စနစ် ကောင်းဖို့လိုတယ်။ ဥရောပကုမ္ပ ဏီတွေ ဘာလို့တိုးတက်လဲဆို တော့ ဥရောပနဲ့ ကျွန်တော်တို့ အာ ရှနဲ့ ယှဉ်ရင်တောင်မှ ဥရောပက စနစ်ပိုကျတယ်။ ဒါကြောင့် သူတို့ လုပ်ငန်းကပိုတိုးတက်တယ်။ အဲ ဒီလိုစနစ်တွေကို လိုက်မီအောင် ဘယ်လိုလုပ်မလဲ။ နည်းပညာက သိပ်မရှိသေးရင် ဖိတ်ခေါ်မယ်၊ သင်မယ်။ မြန်မာစီးပွားရေးလုပ် ငန်းတွေက ပညာရှင်တွေက သိပ်မညံ့ပါဘူး။ နည်းနည်းသင်လိုက်ရင် တတ်ပါပြီ။ ဒါကြောင့် ၂၀၁၅ ခုနှစ် လောက်ဆို ကျွန်တော်တို့ ပြိုင်ဆိုင်နိုင်ပါပြီ။
အရင်ခေတ်က မြန်မာနိုင်ငံမှာရှိတဲ့ သူဌေးကြီးတွေက ပြင်းထန်တဲ့ ပြိုင်ဆိုင်မှုတွေမရှိဘဲ နီးစပ်မှုတွေနဲ့ စီးပွားရေးလုပ်ငန်းတွေ အဆင်ပြေနေကြတယ်ပေါ့။ အခုရော အဲဒါမျိုးတွေ ကျန်သေးတယ်လို့ ထင်ပါသလား။
၂၀၁၁ ခုနှစ်အစိုးရလက်ထက်မှာတော့ ပြိုင်ဆိုင်လို့မနိုင်တဲ့ ကုမ္ပဏီကတော့ ကျန်ခဲ့မှာပဲ။ ကျွန်တော်ထင်ပါတယ်။ မြန်မာနိုင်ငံမှာရှိတဲ့ လုပ်ငန်းရှင်တွေ နောက်ဆိုရင် မှန်ကန်တဲ့ လမ်းကြောင်းပေါ်ကို ရောက်သွားလိမ့်မယ်။
အခုပြဋ္ဌာန်းလိုက်တဲ့ ပြည်ပရင်းနှီးမြုပ်နှံမှုဥပဒေကို လုပ်ငန်းရှင်တစ်ဦးအနေနဲ့ ကျေနပ်မှုရှိလား။ ပြင်ဆင်ဖြည့်စွက်သင့်တာမျိုးရော အန်ကယ်တွေ့ထားလား။
ဒီအခုလောလောဆယ်အနေနဲ့ကတော့ အစပဲရှိသေးတယ်လေ။ ဘာတွေ အခက်အခဲကြုံ လာမလဲဆိုတာမသိသေးဘူး။ လုပ်ရင်းကိုင်းရင်းဘာတွေအခက်အခဲဖြစ်သွားလဲ။ ဖြစ်သွားတာကို ပြန်ပြင်ရမှာပေါ့။
ပြည်ပရင်းနှီးမြုပ်နှီးမှုတွေသာ အရှိန်အဟုန်နဲ့ ၀င်လာရင် ပြည်တွင်းစီးပွားရေးလုပ်ငန်းရှင်တွေရဲ့ အလားအလာက ဘယ်လိုဖြစ်နိုင်မယ်လို့ အန်ကယ်သုံးသပ်လဲ။
လုပ်ငန်းဘယ်လောက်ပဲ ကြီးကြီးလာလာ ကျွန်တော်တို့ တဖြည်းဖြည်းနဲ့ သူတို့ဆီက သင်ယူမယ်။ ကြိုးစားမှုရှိမယ်ဆိုရင်တော့ သိပ်ပြီးအခက်အခဲရှိမယ် မထင်ပါဘူး။
ခုလူတိုင်းပါးစပ်ဖျားမှာ ရေပန်းစားနေတဲ့ခရိုနီဆိုတဲ့ စကားပေါ်မှာ အန်ကယ်ဘယ်လို အဓိပ္ပါယ်ဖွင့်ဆိုချင်ပါလဲ။
ကျွန်တော်တို့ ကုမ္ပဏီကတော့ ခရိုနီကိစ္စနားမလည်ဘူး။ ကျွန်တော်တို့ကုမ္ပဏီက နဂိုကတည်းက ကိုယ့်ခြေထောက်ပေါ် ကိုယ်ရပ်တည်ပြီးတော့ သူများမလုပ်တဲ့လုပ်ငန်းတွေ လုပ်ပြီးတော့ပဲတိုးတက်လာတဲ့အတွက် လမ်းမှန်ကမ်းမှန်တက်လာတဲ့ ကုမ္ပဏီလို့ ယူဆပါတယ်။
