မြေဂရံအကြောင်း သိကောင်းစရာ

ဒီနေ့ဧည့်သည်တစ်ယောက်က နယ်ကမြေလေး ဝယ်ချင်လို့ ကျနော့ဆီ ဖုန်းဆက်မေးတယ်၊ဝယ်လို့ရမရပေါ့။ ရွာမြေလို့ပြောတာပဲ၊ပေ ၆၀×၇၀ လောက်ကျယ်တယ်၊အကြံပေးပါအုံးတဲ့။

ဒါနဲ့ကျနော်လည်း ခင်များဝယ်မဲ့မြေအတွက်
ရှိတဲ့စာရွက်လေးပို့ပေးပါပေါ့ ။
သူကလည်း viber ကနေ မြေပုံလေးတစ်ပုံပို့ပေးတယ်။
ကျနော်ကကြည့်ပီး ခင်များဟာ လယ်မြေအမျိုးအစားပဲ
သစ်ပင်စိုက်ဖို့ဝယ်တာလားလို့မေးတော့

 မဟုတ်ဘူး နေဖို့ပဲ
၊ဘေးပတ်ဝန်းကျင်မှာ အိမ်တွေ၊ဝိုင်းကွက်တွေနဲ့ပဲတဲ့။
ဆရာကဒီနေရာကိုရောက်ဘူးလားတဲ့။
ကျနော်ကလည်း မရောက်ဘူးပါဘူး။
မြေပုံမှာ ပါတဲ့ သင်္ကေတနဲ့ မြေပုံဆွဲထားတဲ့
အရောင်ကိုကြည့်ပီးပြောတာပါလို့ပြောလိုက်တော့ ။
အဲလိုကြည့်လို့ရလားတဲ့။

ရပါတယ်
 ဂရန်မြေဆိုရင်  သင်္ကေတ L နဲ့ပြပီး မြေပုံကို အနီရောင်နဲ့ဆွဲတယ်ဗျာ၊

ဘိုးဘပိုင်မြေဆိုရင်  သင်္ကေတ  B  နဲ့ ပြပီး မြေပုံကို အပြာရောင်နဲ့ဆွဲတယ်ဗျာ၊

အစိုးရ မြေဆိုရင် သင်္ကေတ  A  နဲ့ပြပီး မြေပုံကို ခရမ်းရောင်နဲ့ ဆွဲတယ်ဗျာ၊
ဒီလိုပဲ ရွာမြေဆိုရင် လိမ္မော်ရောင်နဲ့ မြေပုံဆွဲပီး၊သာသနာ့မြေဆိုရင် အစိမ်းရောင်နဲ့ ဆွဲကြတယ်လို့ ။

အက္ခရာ သင်္ကေတတွေကိုကြည့်ပီးလည်း
ဘာမြေအမျိုးအစားဖြစ်နိူင်တယ်
၊မြေပြန့်လား၊ကုန်းကျလား၊မြောင်းဘေးလား၊ဆည်ရေသောက်လား
၊မြစ်ရေဝင်လား၊သုသာန်နဲ့နီးလား.....စသည်ဖြင့်
ခွဲခြားလို့ရတယ်လို့ အများလည်းသိအောင်၊
ကျနော်လည်း စုပီးသားဖြစ်သွားအောင်
သိထားသလောက်လေး ပြောရရင်..

မြေအမျိုးအစားများနဲ့ သင်္ကေတ အက္ခရာများကတော့....

၁။  မိုးကောင်းလယ်မြေ၊သာမန်လယ်မြေဆိုရင်   R/P/M တို့နဲ့ပြသတက်ပီး၊
ပထမတန်းစားဆိုရင်  R1
ဒုတိယတန်းစားဆိုရင် R2
တစ် ဧကအထွက်နှုန်း တင်း၃၀ အောက် ဆိုရင် တတိယတန်းစား R3
တစ် ဧကအထွက်နှူန်း တင်း ၂၀ အောက်ဆိုရင် စတုတ္ထတန်းစား R4 နဲ့ ပြကြပါတယ်။

၂။  အစိုးရ ဆည်ရေသောက်လယ်မြေဆိုရင်  RG

၃။  ပုဂ္ဂလိက ဆည်ရေသောက်လယ်မြေဆိုရင် RP

၎။  ကန်ရေသောက်မူရင်းလယ်ဆိုရင်  TM

၅။  မူရင်းလယ်မြေဆိုရင်   M/MY

၆။  ချောင်းရေဝင် မြေဆိုရင်  C

၇။  ယာမြေ  ဆိုရင်   Y

၈။  ရာဘာကြက်ပေါင်စေးစိုက်မြေဆိုရင်  RR

၉။  တောင်ယာ မြေဆိုရင်  TY/YY

၁၀။ ကိုင်းမြေ ဆိုရင်  K/KA/KY

၁၁။ ကိုင်းမြေရင့်ဆိုရင်  KY

၁၂။ ဥယျာဉ်ခြံမြေဆိုရင်  G/U

၁၃။ ဓနိမြေဆိုရင်   D

၁၄။ အပိုင်ရမြေ  O

၁၅။ အပိုင် ဂရန်မြေ  G

၁၆။ အငှားဂရန်မြေ  L .....   စသည်ဖြင့် အမျိုးမျိုးရှိကြပါတယ်။မိမိဝယ်မဲ့မြေရဲ့မြေပုံမှာပါတဲ့ သင်္ကေတလေးကိုကြည့်ပီး
မိမိဘာသာ အကြမ်းဖျင်းခွဲခြားနိူင်ပါတယ်။

Data  Credit to Ko Tin Aung Moe



https://m.facebook.com/story.php?story_fbid=892472897580617&id=100004537442603