ရခိုင်ပြည်နယ် အကြံပြုရေးကော်မရှင်နှင့်ကွဲလွဲသောအမြင်များ (ဦးကျော်မင်း)

သြဂုတ်လ၂၄ရက်နေ့ နိုင်ငံတော်အကြံပေးပုဂ္ဂိုလ်ရုံးဝန်ကြီးဌာနမှ ရခိုင်ပြည်နယ် တည်ငြိမ်း အေးချမ်း ရေး နှင့် တိုးတက်ဖွံ့ဖြိုးရေးအတွက် နိုင်ငံတော်အားအကြံပြုနိုင်ရန် အကြံပြုကော်မရှင်တစ်ရပ် ဖွဲ့စည်းတာဝန်ပေး ကြောင်းကြေညာပါသည်။ ရည်ရွယ်ချက်ကတော့ ရခိုင်ပြည်နယ်တွင်းဖြစ်ပေါ်နေသော လူမျိုးရေးပဋိပက္ခ၊ လူမျိုးရေးတင်းမာမှု၊ အချင်းချင်း အယုံအကြည် ကင်းမဲ့မှုများအတွက် မှန်ကန်မျှတသောဖြေရှင်းချက် ရရှိရေးကြိုးပမ်းမှုတစ်ခုဖြစ်သည်ဟု ယူဆ ပါသည်။ ရခိုင်ပြည်နယ် လူမျိုးရေးပဋိပက္ခ ဖြေရှင်းရေးအတွက် နိုင်ငံတော် အတိုင်ပင်ခံ ပုဂ္ဂိုလ်ဒေါအောင်ဆန်းစုကြည်၏ မှန်ကန်သော ရွေးချယ် ချဥ်းကပ်နည်းဟု  သုံးသပ်မိပါသည်။
                အထက်ကော်မရှင်ကအလုပ်တာဝန်မစသေးခင် ဝေဖန်မှုနှင့်ကန့်ကွက်မှုများ ထွက်ပေါ်နေပါသည်။ရခိုင် အမျိုးသားပါတီက မြန်မာနိုင်ငံတွင်းတိုင်းရင်းသားအားလုံး၏ မူလအခြေခံအခွင့်အရေးများ ထိခိုက်ဆုံးရှုံးစေမည်၊ နိုင်ငံတော် နှင့်နိုင်ငံသားများ၏ အကျိုးစီးပွားထိခိုက်စေနိုင်သည်ဟုဆိုရုံမက ယခုကော်မရှင်ကိုဖျက်သိမ်းရန် တောင်းဆိုနေသည်။ မြန်မာ နိုင်ငံမှာ လူမျိုးစုပေါင်းရာကျော် ရှိနေရာ လူမျိးနွယ်စုတစ်စုက အခြေခံလူ့အခွင့်အရေးများရရှိခြင်းဖြင့် တစ်ခြားလူမျိုးစု ကြီးကိုထိခိုက်နစ်နာစေသည့် အနေအထား မတွေ့ရှိရပါ။ ရိုဟင်ဂျာသည် ယနေ့ နိုင်ငံရေးအခွင့်အရေးမဲ့ ဖြစ်နေသ်ာလည်း တချိ်န်က တိုင်းရင်းသား လူမျိုးစာရင်းဝင် ဖြစ်ခဲ့သဖြင့် အထက် ပါကော်မရှင်၏ အကြံပေးထောက်ခံမှုကြောင့် အခြေခံအခွင့်အရေးများ ပြန်လည်ရလာမည်ကို သ၀န်တိုမလိုလားသောအားဖြင့် ကန့်ကွက်နေခြင်းဖြစ်သည်။၎င်းသည် ဒီမိုကရေစီအခင်းအကျင်းမဟုတ်ပါ။ အထက်ကော်မရှင်သည် မြန်မာနိုင်ငံကို အုပ်ချုပ်စီမံ သွားမည်မဟုတ်၊ ရခိုင်ပြည်နယ် လူမျိုးရေးပဋိပက္ခပြေငြိမ်းသွားရေးအတွက် အကြံပေးရုံသာဖြစ်ပါသည်။ အကြံပြုချက်များကို လက်တွေ့ အကောင်အထည် ဖော်မည်မှာနိုင်ငံတော်အစိုးရသာဖြစ်သည်။ ထို့ကြောင့်ရခိုင်အမျိုးသားပါတီနှင့်အမြင်တူ အခြားနိုင်ငံရေးပါတီတစ်ချို့က အမျိုးသား လုံခြုံရေးကို ထိပါးအောင်လုပ်နေမည်၊ အမျိုးသားအကျိုးစီးပွါးထိခိုက်စေနိုင်သည်ဟု စောဒက တက်နေခြင်း မေးခွန်းထုတ်ခြင်း များသည် လက်တွေ့မကျပါ။ ရိုဟင်ဂျာကို တိုင်းရင်းသားအဖြစ် အသိအမှတ် ပြုခဲ့သော ဖဆပလ ပထဆ အိမ်စောင့်အစိုးရခေတ်များနှင့် နောင်တော်လှန်ရေး ကောင်စိအစိုးရ ကာလတွင် နိုင်ငံတော်လုံခြုံရေး ပြသနာ တစုံတရာ မဖော်ခဲ့ချေ။ လုံခြုံရေးကို ထိပါးနိုင်သည့် မူဂျာဟစ် လက်နက်ကိုင်အဖွဲ့များပင် လက်နက်အပ်ပြီး ငြိမ်းချမ်းရေးယူခဲ့သည့် သာဓက သာရှိသည်။ ၁၉၆၁ ခုနစ်တွင် မွန်၊ ပအိုဝ်း၊ လားဟ၊ူ နှင့် ရိုဟင်ဂျာ ဘာသာစကား တို့ကို ၀န်ကြီးအဖွဲ့ ဆုံးဖြတ်ချက်ဖြင့် မြန်မာ့အသံ တိုင်းရင်းသား ဘာသာစကား အစိအစဉ်မှ တပတ် သုံးရက်  (၁၀) မိနစ်စီ အသံလွှင့်ခွင့် ပြုခဲ့သည်။၁၉၆၅ခုနစ် အထိ ထိုအသံလွှင့်အစီအစဉ်ရှိခဲ့ပြီး ရခိုင်မြောက်ပိုင်းကို မေယုနယ်ခြား အုပ်ချူပ်ရေးခရိုင်ဟု သတ်မှတ်ပေးခဲ့သည်။ ထိုစဉ် မေယုဒေသသည် အလွန်အေးချမ်း သာယာခဲ့သည်။ မည်သည့်ကန့်ကွက်မှု ဆန္ဒပြမှု အကြမ်းဘက်တိုက်ခိုက်မှု တို့ကို ရိုဟင်ဂျာမျာ မရင်ဆိုင်ခဲ့ရပေ။တခြားတိုင်းရင်းသားများနှင့် ရိုဟင်ဂျာများ ၏ ချစ်ခင်ရင်နှီးမှု ပို၍ တိုးတက်ခိုင်မြဲမှုရှိခဲ့သည်။ယခု ရခိုင်ပြည်နယ် အကြံပြုကော်မရှင်တွင် နိုင်ငံခြားသားသုံးဦး၊ အထူးသဖြင့် ၄င်းထဲမှာ ကုလသမဂ္ဂ အထွေထွေအတွင်းရေးမှုချူပ်ဟောင်းတစ်ဦး ပါဝင်နေသဖြင့် ၄င်းတို့၏ ပံ့ပို့ကူညီမှုနှင့် ရိုဟင်ဂျာများ မူလတိုင်းရင်းသား ဖြစ်ခဲ့သော အဆင့်ကို ပြန်လည်ရရှိမည်ဟု ထင်မြင်နေသူများက  ထိုကော်မရှင်ကို မနှစ်သက်ခြင်း ဖြင့်ကန့်ကွက်နေခြင်း ဖြစ်သည်။ အထက်ကော်မရှင်မှာ ဥက္ကဌအဖြစ်တာဝန်ယူမည့်သူမှာ ကုလသမဂ္ဂအတွင်းရေးမှုးချုပ် ဟောင်း မစ္စတာကိုဖီအာနန် ဖြစ်သည်။ ကမ္ဘာတစ်ခုလုံးဆိုင်ရာနိုင်ငံရေး၊စစ်ရေး၊စီးပွားရေး၊လူမှုရေး နိုင်ငံအချင်းချင်းပြဿနာ နှင့်နိုင်ငံတစ်ခုတည်းတွင် လူမျိုးရေး ပဋိပက၊္ခ စသည်ဖြင့်အမှုကိစ္စအရပ်ရပ်၊ပြဿနာအထွေထွေ ကိုင်တွယ်ဖြေရှင်းခဲ့သော သံတမန်တစ်ဦးဖြစ်သည့်အပြင် ကမ္ဘာ့ငြိမ်းချမ်းရေး နိုဘယ်ဆုရှင်လည်းဖြစ်ပါသည်။ယခုတာဝန်ယူထားသောရခိုင်ပြည်ဆိုင်ရာ ကော်မရှင်ကိစ္စတွင်ဘက်လိုက်မည်၊ မြန်မာနိုင်ငံအကျိုးစီးပွား ထိပါးအောင်လုပ်မည်ဟု ကြိုတင်ယူဆနေခြင်းသည် ထိုနိုင်ငံရေးပါတီများကအခွင့်အရေးမပေးဘဲ ဖိနှိပ်ထားသော လူမျိုးစုကအခွင့်အရေး ရသွားမည်ကို မလိုလားပဲ စိုးရိမ်ခြင်းသာဖြစ်မည်။ ၄င်းသည် နိုင်ငံရေး အမျိုးသားရေး မဟုတ်ပါ။ မှားယွင်းသော ယုံကြည်ယူဆမူ (Illusion) တခုသာဖြစ်သည်။
              အထက်ကော်မရှင်တွင်နိုင်ငံခြားသား၃ဦးပါဝင်နေရာယင်းတို့က ရခိုင်ပြည်နယ် သမိုင်းကြောင်း၊ အစဉ်အလာ နိုင်ငံရေး၊ ဥပဒေရေးများကို နားလည်မည်မဟုတ်။ ထို့ကြောင့် ၂၀၁၂ခုနှစ်က သမ္မတဦးသိန်းစိန်ဖွဲ့စည်းပေးခဲ့သော ကော်မရှင်ဟောင်းပင်လျှင် ပို၍ကောင်းမွန်မည်ဟုတင်ပြလာသူများလည်းရှိပါသည်။ ကော်မရှင်ဟောင်းကို တောင့်တခြင်း သည် ထိုကော်မရှင်ကမိမိတို့၏ပညာ၊ ရာထူး၊ သိက္ခာများကိုပင်မငဲ့မညှာပဲ မမှန်မကန်ဘက်လိုက်သော သုံးသပ်ချက်များ တစ်ဖက်စောင်းနင်းဖြစ်သောအကြံပြုချက်များပါ အစီရင်ခံစာတွင် တင်ပြခဲ့ခြင်းကြောင့်ဖြစ်နိုင်သည်။
              ယခုကဲ့သို့ပဋိပက္ခဖြေရှင်းရေးကော်မရှင်များ ကမ္ဘာ့နိုင်ငံတော်တော်များများတွင်ပေါ်ပေါက်ခဲ့သည်။ အာဂျင်တီးနား၊ ပီရူး၊ မော်ရိုကို၊ အန်ဂိုလာ၊တောင်အာဖရိက၊ကမ္ဘောဒီးယားစသည့်နိုင်ငံများတွင် ဖွဲ့စည်းတာဝန်ပေးခဲ့ခြင်း ဖြစ်သည်။တချို့ကို ငြိမ်းချမ်းရေး ကော်မရှင်၊တချို့ကိုအမှန်တရားဖော်ထုတ်ဖြေရှင်းရေးကော်မရှင်(Truth Commission) ဟု အမည်များတပ်ခဲ့ သည်။ ၄င်းတို့က ပြဿနာအစအဆုံးဖြေရှင်းသွားအောင် ဆောင်ရွက်ခဲ့သည်။ တရားခံများဖော်ထုတ်ပေး နိုင်ခဲ့သည်။ နစ်နာသူများကို နစ်နာကြေးများ ရရှိအောင်ဆောင်ရွက်ပေးနိုင်ခဲ့သည်။ အသတ်ခံအလောင်းများ ပြန်လည်တူးဖော် ရယူနိုင်ခဲ့သည်။ ပဋိပက္ခ၏ဗီဒီယိုမှတ်တမ်းများကို ပြုနိုင်ခဲ့သည်။ နောင်လာမည့်မျိုးဆက်များသင်္ခန်းစာရရှိနိုင်အောင် ပြတိုက်များတည်ဆောက်ပေးနိုင်ခဲ့သည်။ ဟိုရှေးခေတ်ကလည်း  အမေရီကန်နှင့်ဂျာမနီ နိုင်ငံတွင် Holocoust Museum (ဟိုလိုကောစ့်ပြတိုက်)ဟူ၍တည်ဆောက်ပေးနိုင်ခဲ့သည်။ ငြိမ်းချမ်းရေး တည်ဆောက်ရေး အတွက် အရေးပါခဲ့သော ကော်မရှင်များဟုဆိုရပေမည်။
                  ယခုရခိုင်ပြည်နယ်လူမျိုးရေးပဋိပက္ခချုပ်ငြိမ်းစေရေးအတွက် ဖွဲ့စည်းထားသောကော်မရှင်၏လုပ်ပိုင်ခွင့် အသေးစိတ်ကို မသိရသေးပါ။ ယေဘုယအားဖြင့်အကြံပေးအဖွဲ့ဟုသာသိရသည်။ ကော်မရှင်၏ လုပ်ပိုင်ခွင့်နှင့် အာဏာာ မည်မျှရှိသည်ကို သိရှိရန်လည်းလိုပေသည်။ အစီရင်ခံစာတင်မည့်သက်တမ်း တစ်နှစ်ဟု သိရသည်။ အစီရင်ခံစာနှင့် အကြံပြုချက်များသည် ပြဿနာ၏အခြေခံအရင်းအမြစ်များကိုဖော်ထုတ်နိုင်ရမည်။ ဘက်လိုက်မှု မရှိဘဲတရားမျှတမှု ရှိရန်လိုအပ်ပေသည်။  ကော်မရှင်သည် အဖြစ်မှန် အကြောင်းမှန်များ သိရှိနိုင်ရန် သက်ဆိုင်သူ အလွှာ အသီးသီးနှင့် တွေ့ဆုံမေးမြန်းခွင့်များရှိရမည်။သွားရေးလာရေး လုံခြုံမူလည်းရှိရမည်။ကော်မရှင်၏ အစီရင်ခံစာကို အများပြည်သူသိအောင် ထုတ်ပြန်ရမည်။အခင်းဖြစ်နေသော ပြည်သူများအား စည်းရုံး ပညာပေးခြင်းများပြုလုပ်သင့်ပေသည်။ ကော်မရှင်က အကြံပြုတင်ပြထားသည့်အတိုင်း နိုင်ငံတော်အစိုးရမှအရေးယူ အကောင်အထည် ဖော်ပေးရန်လည်းလိုအပ်ပေမည်။ အကြံပြုချက်များကို အကောင်အတည်မဖော်နိုင်ပါက ကော်မရှင်ဖွဲ့စည်းခြင်း အဓိပ္ပယ်မဲ့ဖြစ်သွားမည်။  ကော်မရှင် သက်တမ်း တစ်နှစ်ကုန်ပြီးမှပြဿနာများကိုအကြံပြုတင်ပြချက်များကို တစ်ခုချင်းဖြေရှင်းမည်ဟု ဆိုလျှင် အချိန် ကာလကြာညောင်း သွားနိုင်သည်။ တစ်နှစ်ကာလဆိုသည် အိုးမဲ့အိမ်မဲ့ဖြစ်နေသူများ၊ ခြံခတ်သွားလာခွင့်ပိတ်ထားခံရ သူများအတွက် လွန်စွာရှည်လျားသောကာလဖြစ်သည်။ ပိတ်ဆို့ကန့်သတ်ထားမှုကြောင့် လူမှုရေး၊ကျန်းမာရေး၊ပညာရေး၊ ဆုံးရှုံးမှုများ အလွန်အမင်း များပြားနိုင်ပေသည်။ကန့်သတ်ထားမှုဒဏ်မခံနိုင်ဘဲ ပြီးခဲ့သောလေးနှစ်အတွင်း နေရပ်စွန့်ခွာ သွားသူ သိန်းချီ၍ရှိနေပေသည်။ ဆက်လက်စွန့်ခွာမှုများမဖြစ်အောင် ရခိုင်ပြည်နယ်တည်ငြိမ်အေးချမ်းရေးနှင့်တိုးတက်ရေး ဗဟိုကော်မတီအနေဖြင့် ကော်မရှင်သက်တမ်း တစ်နှစ်အတွင်းဖြေရှင်းနိုင်သည်များကို ဖြေရှင်းသွားသင့်သည်။ အချိန်ဆွဲခြင်း မပြုလုပ်သင့်ပါ။ ရခိုင်ပြည်နယ်ငြီမ်းချမ်းမူနှင့် တိုးတက်ဖွံးဖြိုးရေးကောမတီအောက်ရှိ    နိုင်ငံသားစီစစ်ရေးကော်မတီခွဲက ၁၅.၇.၂၀၁၆ နေ့တွင်ကြေညာထားသလို အမျိုးသား မှတ်ပုံတင်ကတ်ရရှိ ထားသူများအား နိုင်ငံသားစီစစ်ရေးကတ်များ စီစစ်ထုတ်ပေးခြင်း၊ လွတ်လပ်စွာသွားလာခွင့်များကို စတင် အသက်သွင်းခြင်း၊ ပညာရေးအခွင့်အလမ်းနှင့် ကျန်းမာရေး စောင့်ရှောက်မှုများ ရရှိရေးကို စီမံဆောင်ရွက်ခြင်းများပြုလုပ်ပေးသင့်သည်။ ဒုက္ခသည်စခန်းရောက်ရှိနေသည့် လူဦးရေတစ်သိန်းခွဲနီးပါးကို လ၀ကမှတ်တမ်းနှင့်သက်ဆိုင်ရာအုပ်ချုပ်ရေးရုံးမှတ်တမ်းများဖြင့်စီစစ်ပြီး အထောက်အထား ခိုင်လုံသူများကို နေရာရင်းသို့ပြန်လည်ပို့ဆောင်နေရာချထားသင့်ပေသည်။ ဤသို့ပြုလုပ်ရာတွင်တိုင်းပြည်မတည် မငြိမ်ဖြစ်စေလိုသူများနှင့် နေရပ်စွန့်ခွာပြီးသူများ၏နေရာ၊ပိုင်ဆိုင်မှုများကို လောဘတက်အပိုင်သိမ်းယူလိုသူများမှ အဟန့်အတား အနှောက်အယှက်ပြုလုပ်လာမည်မှာဧကန်ဖြစ်ပါသည်။ အစိုးရသည်ထိုအခက်အခဲများကို ကျော်လွှား ဖြေရှင်းနိုင်ရမည်။ တစ်ချို့ကဒုက္ခသည်များအား ဒုတိယ၊ တတိယနိုင်ငံများသို့ပို့ရမည်ဟု တင်ပြလာပါမည်။ ၄င်းသည် လက်တွေ့မကျသော လူမျိုး ရေးအမြင်သာဖြစ်သည်။ တစ်ချို့ကအတူတကွမနေနိုင်ခွဲခြား၍  သီးသန့်ထားရမည်ဟု တောင်းဆိုနေရာ ၄င်းသည်တောင်အ ဖရိကက လူမျိုးခွဲခြားသော Apartheid စနစ်ဖြစ်နေသည်။ ၂၁ရာစုတွင် ကမ္ဘာကထိုစနစ်ကိုလက်မခံချေ။
              မြန်မာနိုင်ငံတွင်နိုင်ငံခြားမှခိုးဝင်လာသူများကို အရေးယူရန် ဥပဒေများလွတ်လပ်ရေးမရခင်နှင့်ရပြီးနောက်ပိုင်း ပြဌာန်း ထားခဲ့သည်။အကယ်၍ရခိုင်ပြည်နယ်ပဋိပက္ခတွင်ပါဝင်နေသူ လူမျိုးစုတစ်စုသည်စွပ်စွဲခံရသလိုတရားမ၀င် ၀င်ရောက် နေထိုင်သူများ ဖြစ်နေလျှင် ယခင်ဖဆပလ၊ပထစ၊တော်လှန်ရေးကောင်စီနှင့် မဆလ အစိုးရတို့က အဘယ့်ကြောင့် ဥပဒေအရ အရေးမယူဘဲ မြို့ရွာတည်ဆောက်နေထိုင်ခွင့်ပေးထားခဲ့သနည်း။ လွတ်လပ်ရေးရရှိပြီးနောက် နှစ်ပေါင်း၆၀လွန်လာပြီးမှ ခိုးဝင်ဘင်္ဂါလီဟု အဘယ်ကြောင့်တံဆိပ်ခတ်လိုပါသနည်း၊မေးစရာမေးခွန်းဖြစ်နေသည်။ ရခိုင်တို့ကအဘရခိုင်နိုင်ငံမှာ ကုလားအလိုမရှိဟု ဆိုပြန်သည်။ ဖြစ်ရပ်မှန်မှာ ရခိုင်မြောက်ဦးနိုင်ငံကို အထက်ပါ ခိုးဝင်ဘင်္ဂါလီဟု စွပ်စွဲခံရသူများ၏ ဘိုးဘေး များကတည်ထောင်ပေးခဲ့သည့် ကာကွယ်စောင့်ရှောက်ပေးခဲ့သည့်၊ သမိုင်းသာဓကများကို ဖျောက်ဖျက်လို့မရနိုင်ပေ။ ယနေ့ထင်ပေါ်ကြော်ကြားသောသမိုင်းပညာရှင် ဒေါက်တာသန်းမြင့်ဦး၊ ဒေါက်တာဂျက်လိုက်ဒါတို့၏ နောက်ဆုံးသုတေသနမှာ မြောက်ဦးနိုင်ငံတော်သည် Cosmopolitan, multicultural နိုင်ငံဟုဖော်ပြထားသည်။ Cosmopolitanism ရခိုင်ပြည်နယ် တွင်ပျောက်ပျက်နေ၍ ယခုကဲ့သို့ဆင်းရဲနွမ်းပါးနေခြင်း ဖြစ်သည်ဟု ဒေါက်တာသန်းမြင့်ဦးကမှတ်ချက်ပြုထားသည်။ ထို့အပြင် ရခိုင်ပြည်နယ်သည် ရခိုင်တို့၏လက်ထဲသို့မရောက်ခင် ယခင်ရာစုနှစ်များတွင် ကုလားတို့အုပ်ချုပ်ခဲ့သောနိုင်ငံဖြစ်သည်။ ဝေသာလီခေတ်ကျောက်စာပါဘာသာစကားဆရာတဂုံက သုတေသနပြုထားရာ ယနေ့ ခိုးဝင်ဘင်္ဂါလီဆိုသူ (ရိုဟင်ဂျာ)များ၏ ဘာသာစကားနှင့်တူနေသည်။ ဒေါက်တာ ပါမေလာဂတ်မန်း၏ ကျောက်စာဘာသာပြန်မှုများကို လေ့လာပါ ကလည်းကျောက်စာစကားသည် ယနေ့ရိုဟင်ဂျာစကားနှင့် တူနေသည်ကိုတွေ့ရမည်။ရခိုင်ပြည်နယ် ပထမဦးဆုံး အင်္ဂလိပ်အုပ် ချုပ်ရေးမှုးချာလ်းစ်ပါတန်၏ ၁၈၂၆ခုနှစ် ရခိုင်ပြည်နယ်ဆိုင်ရာအစီရင်ခံစာတွင်ရခိုင်လူဦးရေခြောက်သောင်း မွတ်စ်လာမ် (ရိုဟင်ဂျာ)လူဦးရေသုံးသောင်း ရှိခဲ့သည်ဟု ဖော်ပြထားသည်။ သို့ဖြစ်ပါ၍ရခိုင်ဒေသသည်ရခိုင်တို့၏အဘနိုင်ငံ မဟုတ်တော့ဘဲ ယနေ့ရှိနေသောလူမျိုးအားလုံး၏ ဘုံနိုင်ငံသာဖြစ်သည်။ထိုအဖြစ်မှန်ကိုသာ ယနေ့ရခိုင်ပြဿနာ ဖြေရှင်းရေး၏ အခြေခံမူ အဖြစ်စဉ်းစားရပေမည်။
ထို့အပြင် သမ္မတဥိးသိန်းစိန်၏ရခိုင်ကော်မရှင်က၂၀၁၃ခုနှစ်ဧပြီလအဆုံးသတ်အစီရင်ခံစာတင်ရာတွင်
“ဘင်္ဂါလီများကမြို့တွင်းနေရာများ မြစ်ကြောင်းကမ်းခြေနေရာများတွင် နေရာများကိုလွှမ်းမိုး(ပိုင်ဆိုင်)နေသဖြင့် မွတ်စ်လာမ်များ၏ကြီးစိုး ရန်လုပ်ဆောင်မှုကိုကာကွယ်ရန် တတ်နိုင်သမျှကြိုးစားသည့်အနေဖြင့် ဘင်္ဂါလီများကို အင်အားဖြင့်ပြန်လည် တွန်းကန်ခဲ့ခြင်း ဖြစ်သည်ဟု ရခိုင်များကထွက်ဆိုခဲ့ကြောင်းပါရှိပါသည်။(အစီရင်ခံစာ စာမျက်နှာ၂၂” ဤအချက်ကိုပင်) သမ္မတဟောင်း ဦးသိန်းစိန်၏၂၀၁၃ခုနှစ်လွှတ်တော်သို့ တင်ပြသော သ၀ဏ်လွှာတွင်တွေ့ရှိရပါသည်။ထို့ကြောင့်ရခိုင် ပဋိပက္ခ၏ အခြေခံအကြောင်းခံတရားသည် ရခိုင်များ၏ အထက်ပါ လောဘ၊မောဟသာဖြစ်သည်။ စဉ်းစားရန်အချက်မှာ စွပ်စွဲခံခိုးဝင်ဘင်္ဂါလီများကရခိုင်ပြည်နယ်တွင် စိုက်ပျိုးရေး၊ ရောင်းဝယ်ဖောက်ကားရေးနေရာ ကောင်းများ အဘယ်ကဲ့သို့ ပိုင်ဆိုင်ခွင့် ရသွားခဲ့သနည်း။ခိုးဝင်သူများသည် နယ်စွန်နယ်ဖျားတွင်နေရမည်။
တိုင်းရင်းသားဆိုသူများ နေရာကောင်းများရရှိပိုင်ဆိုင်နေရမည်။ ဤသို့ မဖြစ်ပဲပြောင်းပြန်ဖြစ်နေခြင်းသည် ဘင်္ဂါလီဆိုသူများ ခိုးဝင်လာသူမဟုတ်ကြောင်း တရားဝင်မြို့ရွာထောင်ပေါင်းများစွာ တည်ထောင်၍အဓိက နေရာများတွင်နေထိုင်နိုင် ခြင်းဖြစ်ပါသည်။ ဘင်္ဂါလီဆိုသူများ၏ ကောင်းသော၊ တန်ဖိုးရှိသော နေရာများကို လိုချင်၍ ပဋိပက္ခပြုလုပ်ခြင်းဖြစ်သည်။
            ဗဟိုအစိုးရကရခိုင်ပြည်နယ်မှအဓိကလူမျိုးစုနှစ်စုကိုတန်းတူညီမျှသော အမြင်ဖြင့် ရူမြင်ပြီး  နိုင်ငံရေး၊ စီးပွားရေး၊ လူမှုရေး၊ အခွင့်အရေးများ မျှတစွာပေးပြီး တန်းတူရည်တူ ဆက်ဆံပေးသောကာလတွင် မည်သည့် ပဋိပက္ခမျှ မပေါ်ပေါက်ခဲ့ချေ။ စစ်အစိုးရလက် ထက်မှစ၍တစ်ဖက်စောင်းနင်းဆက်ဆံမှုများ ဒေသခံတိုင်းရင်းသားများနှင့် ဘင်္ဂါလီများနောက်ပိုင်းတွင်ခိုးဝင်ဘင်္ဂါလီများဟု အဆင့်အတန်းခွဲခြားဆက်ဆံလာပါသဖြင့် လူမျိုးရေးမုန်းတီးမှုများ ပေါ်ပေါက်လာခဲ့ပေသည်။    လူမျိူရေးပဋိပက္ခ စတင်ဖြစ်ပေါလာသည်။ မတရားပြုခြင်းများကိုအစိုးရမှ အရေးယူပေးခြင်းမျိုး မရှိတော့ချေ။
  ခိုးဝင်လာသူဟုစွပ်စွဲခံရသူများသည် လွတ်လပ်ရေးမရခင် ကာလကစ၍ မြန်မာနိုင်ငံသားများ ဖြစ်ခဲ့သည်။ ဗိုလ်ချုပ် အောင်ဆန်းအပါအ၀င် လွတ်လပ်ရေးတိုက်ပွဲဝင်ခဲ့သောခေါင်းဆောင်များအားလုံးက သူတို့ကိုနိုင်ငံသားအဖြစ် အသိအမှတ်ပြုခဲ့သည်။ ဗိုလ်ချုပ်အောင်ဆန်း၏ ၁၉၄၇ခုနှစ်တိုင်းပြုပြည်ပြုလွှတ်တော်မှ စ၍၂၀၁၀ ခုနှစ် လွှတ်တော် ရွေးကောက်ပွဲနှင့် မဆလခေတ် ပြည်သူ့ကောင်စီရွေးကောက်ပွဲများအားလုံးတွင် မဲထည့်ခွင့်ရွေးချယ်ခံပိုင်ခွင့် များရရှိပေသည်။ လွတ်လပ်ရေးရပြီးနောက် တိုင်းရင်းသား နိုင်ငံသားများကိုထုတ်ပေးသောအမျိုးသားမှတ်ပုံတင်ကတ် ယာယီသက်သေခံကတ်ပြား(White Cards)များထုတ်ပေးခဲ့သည်။ တခြားနိုင်ငံသားအခွင့်အရေးများအားလုံးရရှိခဲ့သည်။ ပညာသင်ခွင့်၊အစိုးရ၀န်ထမ်းလုပ်ခွင့် များရရှိခဲ့သည်။ ပိုင်ဆိုင်မှုများ ရရှိထားခွင့်ရှိခဲ့သည်။ လွတ်လပ်စွာ သွားလာလှုပ်ရှား စီးပွားရှာခွင့်ရှိခဲ့၍ လူဦးရေတစ် သန်းခွဲခန့် မြို့ရွာတည်ပြီးတခြား လူမျိုးစုများနှင့်ငြိမ်းချမ်းစွာအတူယှဉ်တွဲ နေထိုင် နိုင်ခဲ့ခြင်းဖြစ်သည်။ ၁၉၆၀ ခုနှစ်က ဘင်္ဂါလီ၊ ရခိုင်မူဆလင်၊ စသည်ဖြင့် မခေါ်ပဲ ရိုဟင်ဂျာဟုခေါ်ရန် ထိုစဉ် ၀န်ကြီးအဖွဲ့က ဆုံးဖြတ်ပေးခဲ့သည်။ ယခု ထိုလူများကိုကျောက်ဖြူမြို့မြေပုံမြို့နှင့်ဘူးသီးတောင်မြို့များတွင် နိုင်ငံသားလက်မှတ် မဟုတ်၊ နိုင်ငံသားပြုခွင့်လက်မှတ်ထုတ်ပေးနေသည်ကိုပင် ကန့်ကွက်ဆန္ဒပြမှုများ ပြုလုပ်နေကြသည်။ နိုင်ငံသားပြုခွင့် အဆင့်ပင် မပေးလိုလျှင်ဤမျှလူဦးရေများသောရိုဟင်ဂျာများကို မည်သို့ပြုလုပ်ရမည်နည်း လက်တွေ့ကျကျ တွေးခေါ်ရန် လိုအပ်နေပေသည်။ ထိုခိုးဝင်ဘင်္ဂါလီဆိုသူများထဲတွင် ၀န်ကြီး၊ လွှတ်တော်အမတ်များ၊ အစိုးရ၀န်ထမ်းများ၊ ကောင်စီဝင်များရှိခဲ့သည်။ ထိုသူတို့အားလုံးကိုဤတိုင်းပြည်မှနှင်ထုတ်လိုပုံရသည်။ ၄င်းသည် အစွန်းရောက်အယူအဆဖြစ်ပြီး တိုင်းပြည်ဖွံ့ဖြိုးတိုးတက်မှုကို အဟန့်အတားဖြစ်စေသည်။ ယခင်နှစ်များက ဖိနှိပ် ချူပ်ချယ်မှုကြောင်း  နိုင်ငံမှ ထွက်ပြေးသူများ၏ အရေးကိုပါ အထက်ကော်မရှင်က စဉ်းစားဆွေးနွေးပါမည်ဟုသိရသည်။ မလေးရှား၊စင်ကာပူနိုင်ငံ များကဲ့သို့တိုးတက်လိုလျှင် လူမျိုးစုအချင်းချင်း တန်းတူထားပြီး သင့်မြတ်အောင်နေနိုင်ရမည်။
ကိုဖီအာနန်ဦးဆောင်သောရခိုင်ကော်မရှင်နှင့် ၂၁ရာစုပင်လုံငြိမ်းချမ်းရေးညီလာခံတို့သည် တစ်ချိန်တည်း တစ်ပြိုင်တည်း အသက်ဝင်လာသည်။နမိတ်ကောင်းဖြစ်ပါသည်။ ဤဖြစ်ရပ်နှစ်ခုစလုံးသည် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ အနီးကပ်စောင့်ကြပ်မှုအောက်တွင်ရှိနေပေမည်။ ၂၁ရာစုပင်လုံညီလာခံမှာ ပြည်တွင်း လက်နက်ကိုင်အဖွဲ့အစည်းများ နှင့် ဆွေးနွေးညှိနှိုင်း၍ ငြိမ်းချမ်းရေးရရှိနိုင်ရန် ကျင်းပခြင်း ဖြစ်ပါသည်။ မြန်မာနိုင်ငံတွင်လက်နက်မကိုင်ဘဲ ခွဲခြားဆက်ဆံခြင်း ခံရသူတခြားလူမျိုးစုများစွာရှိပါသည်။ သူတို့ကိုလည်း တန်းတူ ညီမျှသော ဒီမိုကရေစီအခွင့်အရေးရရှိရေးကို စဉ်းစားပေးရမည်။ ပြည်သူအားလုံး၏လုံခြုံရေး၊ ဥပဒေအရာ၌ တန်းတူ ညီမျှရေးမျးကို ရရှိနိုင်သောစနစ်ဖြစ်ပေါ်လာရန်လိုအပ်ပေသည်။ဥပဒေသည် ပြည်သူအားလုံးအတွက် အတူတူ ဖြစ်သင့်သည်။ဥပဒေလေးစားမှုနှင့် တရားဥပဒေစိုးမိုးမှုရှိရေးသည် အဓိကဖြစ်ပါသည်။ ရခိုင်ပြည်နယ်တွင် ထိုအနေအထားမျိုးပျောက်ကွယ်သွား၍နောက်ဆုံးလူမျိုးရေးမုန်းတီးမှုများ ပဋိပက္ခများအကြမ်းဖက်မှုများ ဖြစ်ပေါ်လာခြင်း ဖြစ်သည်။ ကော်မရှင်ဖြစ်ဖြစ် အစိုးရဖြစ်ဖြစ် အထက်ပါ ဥပဒေရေးရာ တန်ဖိုးများကို ဖြေရှင်းနိုင်မှသာ ရခိုင်ပြည်နယ် အေးချမ်း သာယာမည်ဟု သုံးသတ်ရပါသည်။ အိမ်ရှင် ဧည့်သည်ပုံစံ လက်ရှိခွဲခြားဆက်ဆံမူများကို အဆုံးသတ်ပေးရန် လိုပေမည်။                  
အထူးသဖြင့်၁၉၈၂ခုနှစ်နိုင်ငံသားဥပဒေဖြင့်တိုင်းရင်းသားနှင့်တိုင်းရင်းသားမဟုတ်သူများဟူ၍ခွဲခြားထားသည်။တိုင်းရင်းသားမဟုတ်သူများနိုင်ငံသားမဖြစ်နိုင်။နိုင်ငံသားမဖြစ်လျှင်တခြားသောအခွင့်အရေးများတဖြည်းဖြည်းဆုံးရှုံးသွာနေသည်။ နိုင်ငံသားဖြစ်သူများက နိုင်ငံသားမဟုတ်သူများကို မုန်းတီးလာသည်။ဆက်ဆံခြင်းမပြုလုပ်လိုပဲ နိုင်ငံတွင်းက နှင်ထုတ် ချင်လာသည်။ ထိုမှစ၍ လူမျိုးရေးပဋိက္ခများ စတင်ပေါ်ပေါက်လာခြင်းဖြစ်သည်။ ၁၉၈၂ ခုနစ်နိုင်ငံသား ဥပဒေသည် တစ်ဖက် စောင်းနှင်း (Arbitrary)ဥပဒေ၊ ပြင်းထန်းသော(Draconian)ဥပဒေ ဖြစ်နေသည်ဟု ကမ္ဘာတစ်ခုလုံးက ဝေဖန်နေပါသည်။ ဤဥပဒေကြောင့် ဒုက္ခရောက်နေသူများ ရခိုင်ပြည်နယ်တွင်သာမဟုတ်ပဲ တပြည်လုံးမှာ မြောက်များစွာရှိနိုင်ပါသည်၊ နိုင်ငံသားတစ်ဦးချင်း၏အခြေခံအခွင့်အရေးမဆုံးရူံးရအောင် ဒီမိုကရစီအစိုးရမှာ တာဝန်ရှိသည်။ ၁၉၈၂ ခုနှစ် နိုင်ငံသား ဥပဒေကို လူများစုက လက်ခံသည်၊ ကျေနပ်သည်ဆိုလျှင် လုံလောက်ပါသည်ဟု မဆိုနိုင်။၎င်းသည် (tyranny of Majority) လူများစု၏ ဗိုလ်ကျစိုးမိုးမှု ဖြစ်သွားမည်။လူနည်းစုအခွင့်အရေးများ ဆုံးရူံးနေရသည်ကို စဉ်းစားပေးရမည်။
ပဋိပက္ခဖြေရှင်းရေးတွင် သက်ဆိုင်သူများ၏ ကိုယ်ပိုင်အယူအဆအတွေးအမြင် ပြောင်းလဲရန်လိုပေသည်။ ခေတ်ကာလ ပြောင်းလဲမူ နိုင်ငံတကာဥပဒေအယူအဆများ စံချိန်စံညွှန်များ သဘောတူညီချက်များ ပြောင်းလဲ လာနေသည်ကို သတိထား ရမည်။ နိုင်ငံတော်အဖွဲ့အစည်းများ (instituations) နှင့် ဌာနဆိုင်ရာ ဝန်ထမ်းခန့်ထားမူများ (structural balance) များသည် ခွဲခြားခြင်းကို အခြေမခံပဲ မျှတမူကိုအခြေခံရမည်။ ရခိုင်ပြည်နယ်တိုးတက်ရေးအတွက် ခြေလှမ်း (initiative) မှန်သမျှကို ဘင်္ဂါလီ အကျိူးအတွက် ဟု မြင်နေသရွေး ရခိုင်ပြည်နယ် တိုးတက်မည်မ ဟုတ်။ ရခိုင် - ရိုဟင်ဂျာ အပြန်အလှန် မှီခိုနေရသည်ကို အသိအမှတ်ပြုရမည်။
ငြိမ်းချမ်းရေးဆိုသည် ခေါင်းစဉ်တစ်ခုတည်းမဟုတ်ဘဲ မျက်နှာစာပေါင်းစုံမှ ခွဲခြားမှုများပပျောက်ပြီး ရေရှည် တည်တံသော ငြိမ်းချမ်းရေးဖြစ်ရန်လိုပေသည်။ ငြိမ်းချမ်းရေးရပြီးလျှင် စီးပွားရေး၊လူမူရေးလည်း တိုးတက်လာမည် ဖြစ်ပါသည်။ သို့ဖြစ်ပါ၍ ယခုရခိုင်ပြည်နယ် ငြိမ်းချမ်းရေး စိမံချက်တွင် အားလုံးဝိုင်းရံပေးရန် လိုအပ်ပေသည်။ သို့မှသာ ဒုတိယအဆင်းရဲ ဆုံးပြည်နယ်ဘဝမှ လွတ်မြောက်လာနိုင်မည်ဖြစ်သည်။
ကုလသမ္မဂ အတွင်းရေးမှုချူပ်ဟောင်းကဲ့သို့သော ပုဂ္ဂုလ်တစ်ဦးက ရခိုင်ပြည်နယ်ငြိမ်းချမ်းရေး အကြံပေး ကော်မရှင်ကို ဦးဆောင်ခြင်း သည် ကျွန်နုပ်တို့၏ ကုသိုလ်ကံကောင်းမှုပင်ဖြစ်သည်။ ကော်မရှင်က ရခိုင်ပြသာနာ၏ ရင်းမြစ်များကို ရှာဖွေဖော်ထုတ်နိုင်ပြီး မှန်ကန်မျှတသော အကြံကောင်းများ ပေးနိုင်မည်ဟု ယုံကြည် ပါသည်။ယခုမြန်မာနိုင်ငံအစိုးရက ဖွဲ့စည်းတာဝန်ပေးထားသော ကော်မိရှင်ကို ကန့်ကွက်နေလျှင်၊ အဆိုးသဘောမြင်နေလျှင် ကမ္ဘာအဖွဲ့အစည်းက တာဝန်ပေးသော ကော်မရှင်လာရန်သာ ရှိသည်။ ယနေ့ကမ္ဘာသည် ရွာတစ်ရွာ ကဲ့သို့ဖြစ်နေ၍ရခိုင်ပြည်နယ် ပြဿနာကိုကမ္ဘာတစ်ခုလုံးက စိတ်ဝင်စားနေသည်၊ စောင့် ကြည့်နေသည်၊ ဖြေရှင်း သွားရေးကိ်ုလိုလားသည်။ ရခိုင်ပြည်နယ် ပြဿနာ သည် မဖြေရှင်း၍ မရသော ပြဿနာဟု ရူမြင်နေသည်။ သို့ဖြင်ပါ၍ ကျွန်ုပ်တို့ ပြဿနာနှင့် ဆက်နွယ်နေသူအားလုံးကလည်း ပြည်စုံသော ဖြေရှင်းချက် တစ်ရပ် အမှန်ရရှိရေးအတွက် ၀ိုင်းဝန်း ကူညီဆောင်ရွက်ပေးသင့်ကြောင်း အကြံပြုရေးသားအပ်ပေးသည်။

 ကျော်မင်း

  Credit: Friday Journal

https://m.facebook.com/story.php?story_fbid=341940372820596&id=100010139081141