မြန်မာကိုင်ဒို ကုမ္ပဏီလီမိတက်မှ ရခိုင်ပြည်နယ်အစိုးရအဖွဲ့သို့ မြေတူးစက်ပေးအပ်လှူဒါန်း

မြန်မာကိုင်ဒို ကုမ္ပဏီလီမိတက်နှင့် KOBELCO INTERNATIONAL (S) CO., PTE. LTD. တို့မှငွေကျပ် ၁,၁၆၈ သိန်း တန်ဖိုးရှိ ( ၁၃ )တန်အရွယ် KOBELCO Hydraulic Excavator မြေတူးစက်တစ်စီးအား ရခိုင်ပြည်နယ်အစိုးရအဖွဲ့သို့ ပေးအပ်လှူဒါန်းပွဲ အခမ်းအနားအား ယနေ့(၂၃-၂-၂၀၁၇) ရက်နေ့တွင် ပြည်နယ်အစိုးရအဖွဲ့ရုံး အစည်းအဝေးခန်းမ (၁) တွင် ကျင်းပခဲ့ပါသည်။

အခမ်းအနားတွင် ရခိုင်ပြည်နယ်ဝန်ကြီးချုပ် ဦးညီပုမှ ဝမ်းမြောက်ဂုဏ်ယူကြောင်း အမှာစကားပြောကြားခဲ့ပါသည်။

မြန်မာကိုင်ဒို ကုမ္ပဏီလီမိတက်မှလည်း စက်ပစ္စည်းလှူဒါန်းခြင်းနှင့် ပတ်သက်၍ အုပ်ချုပ်မှုဒါရိုက်တာ ဦးဇော်ညွှန့်ဦး၊ KOBELCO INTERNATIONAL (S) CO., PTE.LTD. မှManaging Director Mr. MOTOSHI NISHIOKA တို့မှ အသီးသီး ရှင်းလင်းပြောကြား ခဲ့ပြီး စက်လွှဲပြောင်း ပေးအပ်ခြင်းအား ဘဏ္ဍာအခွန်စီမံကိန်းနှင့် စီးပွားရေးဝန်ကြီး ဦးကျော်အေးသိန်းမှ လက်ခံရယူခဲ့ပါသည်။

မြန်မာကိုင်ဒို အတွက် ဂုဏ်ပြုမှတ်တမ်းလွှာအား စည်ပင်သာယာရေးဝန်ကြီး ဦးမင်းအောင်မှ ပြန်လည်ပေးအပ်ခဲ့ပါသည်။ လျှပ်စစ် စက်မှုနှင့်လမ်းပန်းဆက်သွယ်ရေးဝန်ကြီး ဦးအောင်ကျော်ဇံမှ ကျေးဇူးတင် နိဂုံးချုပ် စကားပြောကြားခဲ့ပြီး KOBELCO Excavator အား လှည့်လည်ကြည့်ရူ့ခဲ့ကာ အခမ်းအနားအား အောင်မြင်စွာရုတ်သိမ်း ခဲ့ပါကြောင်း မြန်မာကိုင်ဒိုမှ ဝမ်းသာပီတိဖြစ်စွာဖြင့် သတင်းကောင်းပါးလိုက်ရပါသည်။

https://m.facebook.com/story.php?story_fbid=1430226520384198&id=596469853759873