နာမည်က ခွေးဘီလူး။
ညောင်ခြေထောက်ရွာကတဲ့။
၁ဝ တန်းအောင်လား မအောင်လားတောင် ဘယ်သူမှ သိပ်မသိဘူး။ သူ့ ငယ်ဘဝအကြောင်း စုံစမ်းရတာ အတော်ခက်တယ်။
သူကိုယ်တိုင်ကိုက နှုတ်ပိတ်ထားတာ။
🌘
ခွေးဘီလူးက ကျောက်ဆည်က လယ်သမားရဲ့ သား။
ဆင်းဆင်းရဲရဲ အညတရ စာတိုက်စာရေးနဲ့ သူ့ ဘဝက စခဲ့တာပါ။အဲဒီတုန်းက မြန်မာနိုင်ငံလွတ်လပ်ရေးရပြီး ပြည်တွင်းစစ်တွေ ဆက်ဖြစ်နေချိန်ပေါ့။
စစ်သားတွေလိုနေတဲ့ အချိန်ဆိုတော့ စာပို့တဲ့ အလုပ် တစ်နှစ်လောက်ပဲလုပ်ပြီး ထွက်လိုက်တယ်။
၁၉၅၃ မှာ စစ်ထဲဝင်တယ်။
တပ်မတော် အရာရှိ လေ့ကျင့်ရေးကျောင်း O.T.S အပတ်စဉ် (၉)ပေါ့။ ခွေးဘီလူး ဒုဗိုလ်ဖြစ်တယ်။
🌘
ကံကောင်းတာလား ကံဆိုးတာလား မသိဘူး။ ခွေးဘီလူး နဲ့ ရှုမောင် ၁၉၈၅ ခုနှစ်မှာတွေ့ကြပါလေရော။
ရှုမောင် ဆိုတာ မြန်မာပြည်ကို ၁၉၆၂ မှာ စစ်အာဏာသိမ်းလိုက်တဲ့ စစ်အာအာဏာရှင် တဏှာရူး ဗိုလ်ချုပ် နေဝင်းပေါ့။
အဲဒီတုန်းက ရှုမောင်က သူ့ စစ်တပ်အတွက် ကာကွယ်ရေးဦးစီးချုပ်နဲ့ ဒုတိယ ကာကွယ်ရေးဦးစီးချုပ် အသစ် ရွေးဖို့ရှာနေတာတဲ့။
ရှုမောင်က အရည်အချင်းပြည့်ဝတဲ့ စစ်ဘက်အရာရှိကြီးတွေကို အလိုမရှိဘူး။ အလုပ်ဖြုတ်ပစ်လိုက်ပြီ။
ပြီးတော့ ၁၀ တန်း မအောင်၊ သူ့စကားနားထောင်မယ့် လူပိန်း တွေကို လိုက်ရှာနေတဲ့ အချိန်ပေါ့..။ ငပိန်း ခွေးဘီလူးနဲ့တွေ့တာ..။
ရှုမောင် ရှာတဲ့လူတွေက မထက်မြက်တဲ့ ခပ်ညံ့ညံ့လူဖြစ်ရမယ်။လူကောင်း မဖြစ်ရဘူး။ သူ့အပေါ် ခွေးတစ်ကောင်လို သစ္စာရှိရမယ်။ စစ်တပ်ထဲက အခြားဂိုဏ်းဂဏတွေနဲ့ကင်းရှင်းရမယ်..။
ဒီအရည်အချင်းတွေ ခွေးဘီလူးမှာ အကုန်ရှိတော့ သူတို့ငြိပြီ..။
🌘
အဲ့ဒီနေ့က ဒီလို..။
တိုင်းမှူးတွေ ဆွေးနွေးနေကြတဲ့ အခန်းထဲကို ရှုမောင်က ဝင်လာတာ…။
“ဟေ့..မင်းတို့တွေထဲမှာ ဘယ်သူ အသက် အငယ်ဆုံးလဲ” တဲ့။
အားလုံးက “ခွေးဘီလူး” လို့ ဖြေတယ်။
(ခွေးဘီလူးဆိုတာ နောင်ဖြစ်လာမယ့် ဗိုလ်မှူးချုပ် သန်းရွှေကို သူငယ်ချင်းတွေ ခေါ်ကြတဲ့ နာမည်ပြောင်ဖြစ်ပါတယ်။)
🌘
ရှုမောင်ဟာ ၁၀ တန်းအထိပဲ အရည်အချင်းရှိတဲ့ ခွေးဘီလူးကို သဘောကျတယ်။ ရှုမောင်နောက်ထပ် သဘောကျတဲ့သူက ခပ်အေးအေးသမား စောမောင်..။
🌘
စောမောင်နဲ့ ခွေးဘီလူးက တက္ကသိုလ်လည်း မတက်ခဲ့ဖူးဘူးတဲ့သူတွေမို့ ရှုမောင် နည်းနည်းတော့ စိတ်ပူတယ်။
သူ့လက်အောက်က လူတွေကို
“မင်းတို့ သူ့ကို ခက်ရင်း ဘယ်လိုကိုင်ရမယ်၊ ဓားကို ဘယ်လိုကိုင် ရတယ်ဆိုတာ သင်ပေးရင်ကောင်းမယ်။ မျက်စိပွင့် နားပွင့် ဖြစ်လာအောင် သံတမန် ဧည့်ခံပွဲတွေလည်း ခေါ်သွားပြီး သင်ခန်းစာ တစ်ခုမဟုတ်တစ်ခု ရအောင်လုပ်ပေးကြ” လို့ သင်ခိုင်းတယ်။
စောမောင်နဲ့ ခွေးဘီလူးလည်း အဲ့ကျမှ ဇွန်းတွေ ခက်ရင်းတွေ ဒါးတွေ ကိုင်ပြီးစားသောက်ဖူးတာ။
ရှုမောင်က သူတို့နှစ်ယောက်ကို အဲဒီလို လက်သပ်မွေးခဲ့တာပါ။
🌘
ဒါဟာ လောင်းကစားသမား ရှုမောင် မြင်းမှားပြီး လောင်းကြေးထပ်မိတာပဲ။
ခွေးဘီလူးက နောင်တစ်ချိန်မှာ သူ့ကို နေအိမ်အကျယ်ချုပ်ထဲပြန်ချထားပြီး သွေးအန်ပြီးသေအောင် လုပ်မယ့်သူဖြစ်လာခဲ့တယ်..။
ခွေးဘီးလူးက ငယ်ငယ်ကတည်းက သိပ်ပြီးလူတောမတိုးဘူး။ ဟိုချောင်ကပ် ဒီချောင်ကပ်ပဲ။ လူအမြင်မှာ မှုန်ကုတ်ကုတ်နဲ့ ရှေ့တန်းလည်းထွက်လေ့မရှိဘူး။ ရှုမောင်နဲ့ စတွေ့တော့လည်း ရှုမောင်နားမှာ ဟိုကုတ်ကုတ် ဒီကုတ်ကုတ်ပေါ့..။
🌘
၁၉၈၈ မှာ ရှုမောင်တို့ မတရားခိုးတာ လက်လွန်ကုန်တော့ မြန်မာပြည်သူတွေက မခံနိုင်တော့ဘူး။ အရေးတော်ပုံကြီးဖြစ်ပါလေရော။
ရှုမောင်က ခွေးဘီလူးတို့ကို ပြည်သူတွေ သတ်ခိုင်းတယ်။
ဒါပေမဲ့ ၈၈ ပြဿနာက စစ်အာဏာရှင်တွေထင်ခဲ့သလို မသေးကွေးခဲ့ဘူး။
သမ္မတစန်းယုနဲ့ ရှုမောင်တို့ ရာထူးက နှုတ်ထွက်ရတယ်။
သူတို့ စိန်လွင်ကို သမ္မတတင်တယ်။ဒါလည်းမရ ပြည်သူက စိန်လွင်ကို ထပ်ဖြုတ်ချတယ်။
ဒေါက်တာမောင်မောင်ကို သမ္မတထပ်တင်တယ်။ ဒါလည်းမရ။ ပြည်သူတွေက ဒေါက်တာ မောင်မောင်ကို ထပ်ဖြုတ်ချတယ်။
ပြည်သူတွေက သူတို့သဘောကျတဲ့ ဒေါ်အောင်ဆန်းစုကြည်ကို လူထုခေါင်းဆောင် မြှောက်တယ်။
သူတို့သဘောကျတဲ့ ကိုမင်းကိုနိုင်ကို ကျောင်းသားဥက္ကဋ္ဌ မြှောက်တယ်။
ဦးနုကလည်း သူက တရားဝင်ယှဉ်ပြိုင်အစိုးရပါလို့ ကမ္ဘာကိုကြေညာတယ်။
ရှုမောင်တို့ အခက်တွေ့ပြီ။
🌘
အဲဒီမှာ ရှုမောင်က သူ့တပည့်ကျော်ကြီး စောမောင်ကို စစ်အာဏာသိမ်းခိုင်းလိုက်တယ်။
ပြီးတော့ နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ (န-ဝ-တ) ဖွဲ့တယ်။ စောမောင်ကို ဥက္ကဋ္ဌပေးပြီး ခွေးဘီလူးကို ဒုတိယဥက္ကဋ္ဌ နေရာပေးလိုက်တယ်။
ခွေးဘီလူး နေရာရသွားတယ်။
🌘
ရှုမောင်က သူ့ တပည့်ရင်း မြေခွေးခင်ညွန့်ကိုတော့ န-ဝ-တ အဖွဲ့ရဲ့ အတွင်းရေးမှူး(၁)ပေးလိုက်တယ်။
မိုက်ရူးရဲ မောင်အေးဆိုတဲ့သူကို နိုင်ငံတော် ငြိပ်ဝပ်ပိပြားမှုတည်ဆောက်ရေးအဖွဲ့ဝင် (အရှေ့ပိုင်းတိုင်းစစ်ဌာနချုပ်တိုင်းမှူး)ပေးလိုက်တယ်။
ရှုမောင်၊ စောမောင်၊ ခွေးဘီလူး၊ မြေခွေး၊ မောင်အေး နဲ့ အပေါင်းအပါတို့ အာဏာရှင်ကစားပွဲတွေ ဆက်တယ်။
🌘
ကာကွယ်ရေးဘက်မှာဆို စောမောင်က ကာကွယ်ရေးဦးစီးချုပ်။
ခွေးဘီလူးက စစ်ဘုရင်တွေဖြစ်တဲ့ ဗိုလ်ချုပ် ထွန်းကြည်၊ ဗိုလ်ချုပ် ကျော်ဘ၊ ဗိုလ်ချုပ် စိန်အောင်၊ ဗိုလ်ချုပ် မြင့်အောင်တို့လို စစ်သားကြမ်းကြီးတွေကို ဖြတ်တက်ပြီး ဒု ကာကွယ်ရေး ဦးစီးချုပ်ရာထူးရလာတယ်။
ခွေးဘီလူး နေရာရသွားတယ်။
🌘
စောမောင်က ရှုမောင်သင်ပေးတဲ့အတိုင်း ရွေးကောက်ပွဲကျင်းပပြီးရင် အနိုင်ရပါတီကို အာဏာလွှဲမယ်၊ သူ စစ်တန်းလျှားပြန်မယ် ဘာညာနဲ့ ပြည်သူတွေကို ကတိပေး နှစ်သိမ့်တယ်။
မကြာပါဘူး။ ဒေါ်အောင်ဆန်းစုကြည်ရဲ့ အမျိုးသားဒီမိုကရေစီအဖွဲ့ချုပ်က အနိုင်ရတယ်။
ဒါပေမဲ့ အာဏာလွှဲပြောင်းပေးဖို့ အခြားဗိုလ်ချုပ်တွေက သဘောမတူခဲ့ပါ။ စောမောင် ကြားထဲက ဗျာများလာတယ်။
ဒီကြားထဲ စောမောင်ကို ခွေးဘီလူးနဲ့ အပေါင်းအပါက လုပ်ကြံတယ်။ စောမောင်ရဲ့ စိတ်ကျန်းမာရေးကမကောင်းတော့ဘူး။ သူတို့ စောမောင်ကို ရူးအောင်လုပ်တယ်။
🌘
စောမောင် ရူးနေပြီဆိုပြီး စောမောင် လက်ထဲကနေ ခွေးဘီလူးက စောမောင်ရဲ့ရာထူးကို လွှဲယူလိုက်တယ်။
စောမောင်တကယ်ပဲရူးတာလား၊ ခွေးဘီလူးပဲ အရူးဆေးထိုးပေးလိုက်သလား ခွေးဘီလူးပဲ အသိဆုံးဖြစ်မှာပါ။
🌘
၁၉၉၂-ခုနှစ်၊ ဧပြီလ ၂၃ ရက်။
ခွေးဘီလူးက စောမောင် နေရာကိုယူလိုက်ပြီဖြစ်တဲ့အကြောင်း အသံလွှင့်ဌာနက ကြေညာခဲ့တယ်။ ဒါကို စောမောင်တို့ မိသားစုက နားထောင်လိုက်ရပုံ မရဘူး။
ဒါကြောင့် စောမောင် နောက်တနေ့နံနက်မှာ ဘာမှမသိဘဲ ရုံးသွားဖို့ ပြင်နေတာပေါ့။
စောမောင် အပြင်ကိုထွက်လိုက်တော့သူ့ အိမ်ပတ်ပတ်လည်မှာ စစ်သားတွေ ပတ်လည်ဝိုင်းထားပြီ။
အဲ့ကျမှ စောမောင် သဘောပေါက်တယ်။ သူ့ကို နေအိမ် အကျယ်ချုပ် ဖမ်းထားပြီဆိုတာ..။
စောမောင် ဒေါသအကြီးအကျယ် ထွက်သွားတယ်။
သူ့ရဲ့ ကိုယ်ရေးအရာရှိတွေနဲ့ အိမ်သားတွေကို အော်ဟစ်ခေါ်ပြီး မိန်းမကို အလံပြဘုရားလမ်းမှာရှိတဲ့ စစ်ရုံးချုပ်ကို အမြန်ဆုံးသွားပြောကြဖို့ လွှတ်လိုက်တယ်။
စောမောင်ရဲ့ မိန်းမ ဒေါ်အေးရီကလည်း အတော့်ကို ဆွေ့ဆွေ့ခုန်သွားတယ်။
ဒေါ်အေးရီ စစ်ရုံးပေါ်သို့ တက်လာပြီး “ ကျမ လုံးဝမကျေနပ်ဘူး၊ ရှင်တို့ မတရား လုပ်တာ၊ ဗိုလ်ချုပ်ကြီးနေဝင်းကို သွားတိုင်မယ်” လို့အော်ဟစ်တယ်။
ဒေါ်အေးရီ ရုံးပေါ်က ဆင်းသွား တော့ စစ်ရုံးကလူတွေ တယောက်တပေါက်နဲ့ ပြေးရမလိုလို..ကြောက်ကုန်ကြပါလေရော..။
“ ဗိုလ်ချုပ်မှူးကြီး စောမောင် သေနတ်ကိုင်ပြီးတက်လာရင် ဘယ်လို လုပ်ကြမလဲ”
အဲဒီအချိန်မှာ ရှုမောင်ရဲ့ အားအကိုးရဆုံး မြေခွေး ခင်ညွန့်က “ ဘာမှမပူပါနဲ့၊ ဗိုလ်ချုပ်မှူး ကြီးစောမောင်ရဲ့ သေနတ်ထဲမှာ ကျုပ် ယမ်းနှုတ်ထားတယ်။ ယမ်းမပါတဲ့ ကျည်ဆံတွေပဲထည့်ထားတာ ။ စိတ်အေးအေးထားကြ” တဲ့။
🌘
ဒေါ်အေးအေးရီသွားတိုင်လည်း အလကားပဲ။ ခွေးဘီလူး၊ရှုမောင်၊ မြေခွေးတို့က တိုင်ပင်ပြီးသား။
စောမောင်ကို ဝိုင်းကျဉ်လိုက်ကြပြီ။
ရှုမောင်၊ ခွေးဘီလူး၊ မြေခွေး၊ မောင်အေး နဲ့ အပေါင်းအပါတို့ အာဏာရှင်ကစားပွဲတွေ ဆက်လုပ်ကြတယ်။
🌘
ဒီလိုနဲ့ ၁၉၉၂ မှာ ခွေးဘီလူးဟာ စောမောင်ကိုဖြုတ်ချပြီး န.ဝ.တ ဥက္ကဋ္ဌရာထူးယူ ၊ရှိပြီးသား ကာကွယ်ရေးဦးစီးချုပ်ရာထူးကိုလည်း ဆက်ယူတယ်။
ခွေးဘီလူးက အကွက်စေ့တယ်။
နောက်ပိုင်း ‘ဗိုလ်ချုပ်မှုးကြီး’ ဆိုလား.. ကမ္ဘာမှာရော မြန်မာပြည်မှာရော တစ်ခါမှ မရှိဘူးတဲ့ ရာထူးကိုထပ်ယူသေးတယ်။
ရာထူး၊ အာဏာ၊ ငွေတွေနဲ့ ခွေးဘီလူး. ရူးပြီ။
ဒါနဲ့သူ မင်းတရားကြီး ခွေးဘီလူး ဖြစ်သွားတယ်။
🌘
မင်းတရားကြီး ခွေးဘီလူး က သူအာဏာစရပြီးနောက်ပိုင်း ၁၉၉၂ ကတည်းက တပ်မတော်အင်းအားရှိမှ တိုင်းပြည်အင်းအားရှိမယ်ဆိုပြီးတော့ ကြွေးကြော်ပြီး တပ်မတော်အင်အားကို တိုးချဲ့တော့တယ်။
စစ်တပ်ဆိုတာက ထောင်လိုပဲ..၊ တယောက်အရည်အသွေး တယောက် အကဲခတ် ဆုံးဖြတ်ရင် ဘယ်လောက်မိုက်ခဲ့သလဲ၊ လူဘယ်လောက် သတ်ခဲ့သလဲဆိုတဲ့ မိုက်ဂုဏ်နဲ့သာ တိုင်းတာကြတာမဟုတ်လား။
မင်းတရားကြီး ခွေးဘီလူးက တိုက်ရေးခိုက်ရေးသမိုင်းမရှိတော့ တချို့တိုင်းမှူး၊ တပ်မမှူးတွေက အထင်မကြီးဘူးပေါ့။
ခွေးဘီလူးက သိတာပေါ့။ မောင်အေးကို ခေါ်ထားတယ်လေ။ မောင်အေးက အရက်သာ အမြဲသောက်ပြီးမူးနေတတ်တာ၊ ဒါပေမယ့် မိုက်ဂုဏ်ရှိတယ်။ နောက်ပြီး မြေခွေးကိုခေါ်ထားတယ်။ မြေခွေးက ရက်စက်တယ်။
မင်းတရားကြီး ခွေးဘီလူးဟာ မာစတာဘရိမ်းသမားပါ..။
🌘
လက်ရုံးအားကိုးနဲ့ တိုင်းရင်းသားတွေအပေါ်ဆို အလွန်တရာ ရက်စက် အနိုင်ကျင့်တဲ့ ဒုချုပ် မောင်အေးကလည်း ခွေးဘီလူးနဲ့ တွေ့ရင်တော့ သူ့နာမည်နဲ့လိုက်အောင် အေးဆေး ငြိမ်သက်..။
အမိုက်ခံရမယ့် ကိစ္စတွေကို ခွေးဘီးလူးက မောင်အေးကို ခိုင်းတယ်။
အရေးကြီးတဲ့ ကိစ္စတွေမှာတော့ ဒုချုပ် မောင်အေးကို လူစာရင်းတောင် မသွင်းဘူး။
ခွေးဘီလူးအတွက်တော့ မောင်အေးဟာ အဆိပ်မရှိတဲ့ ရေမြွေလို့ သူတွက်ထားခဲ့...။
🌘
မင်းတရားကြီး ခွေးဘီလူးဟာ တပ်မတော်ကို စည်းမျဉ်း နည်းဥပဒေတွေနဲ့ မသွားတော့ဘဲ သူကြိုက်တဲ့သူတွေ ရာထူးတိုးပေးတယ်၊ သူမကြိုက်ရင် နယ်ပြောင်းပစ်တာတို့ ထုတ်တာတို့ စိတ်ကြိုက်လုပ်တာပဲ။
မင်းတရားကြီး ခွေးဘီလူးဟာ တပ်ကို ကိုယ်ပိုင်ပစ္စည်းတစ်ခုလို သူ လုပ်ချင်သလို လုပ်ခဲ့တာပါ။
🌘
ခွေးဘီလူးဟာ လစ်ဗျားခေါင်းဆောင် ကဒါဖီကို ခေတ်နဲ့ အမှီလိုက်တယ်။ အပြိုင်အဆိုင် ရက်စက် ယုတ်မာတာပေါ့။
၈၈ ပြီးသွားတော့လည်း သူ ရက်ရက်စက်စက်သတ်ခဲ့တဲ့ ပြည်သူတွေ နည်းတာမဟုတ်ဘူး။ တိုက်ရိုက်၊ သွယ်ဝိုက် အမိန့်ပေးခဲ့တာတွေရော..။
🌘
မင်းတရားကြီး ခွေးဘီလူး တိုက်ရိုက် အမိန့်ပေးခဲ့တာ သက်သေ လက်ဆုပ်လက်ကိုင်ပြနိုင်တာတွေရှိတယ်။
၁၉၉၃ ခုနှစ် ဧပြီလမှာ ရခိုင်ပြည်နယ် ဘူးသီးတောင် မောင်းတော နယ်မြေမှာပေါ့။
အဲဒီတုန်းက မှာ ရိုဟင်ဂျာသူပုန်ဆိုပြီးအရပ်သား စုစုပေါင်း လူ ၄၀၀ ကျော်ကို အရှင်ဖမ်းမိတယ်။
ခွေးဘီလူးကို သတင်းပို့တော့ သူက “ကုလားတွေ၊ လူမှမဟုတ်တာ၊ ရှင်းပစ်” တဲ့။
သူ အဲ့ဒီလို အမိန့်ပေး သတ်ခိုင်းတဲ့သူက အနောက်ပိုင်းတိုင်း စစ်ဌာနချုပ်တိုင်းမှူး ဗိုလ်ချုပ် ဝင်းမြင့် (နောင် အတွင်းရေးမှူး ၃၊ စစ်ရေးချုပ် ဒု ဗိုလ်ချုပ်ကြီး ဝင်းမြင့်) ဖြစ်ပါတယ်။
🌘
နောက်တစ်ကြိမ်က ၁၉၉၆ ခုနှစ်။
တိုင်းရင်းသားလက်နက်ကိုင်တော်လှန်ရေး နယ်မြေတွေဖြစ်တဲ့ ရှမ်းပြည်နယ်၊ ကယားပြည်နယ်၊ ပဲခူးတိုင်း၊ ကရင်ပြည်နယ်၊ မွန်ပြည်နယ်၊ တနင်္သာရီတိုင်းတွေမှာပေါ့။
ခွေးဘီလူးက စစ်တပ်အင်အားတွေကိုသုံးပြီး ရွာတွေရွှေ့ခိုင်းတယ်။
ရွာသားတွေ စကားနားမထောင်ရင် အစိတ်သား (၂၅ ကျပ်သား) ဝမ်းဗိုက်ထဲက ကလေးတောင်မချန်နဲ့လို့ အပြတ်ရှင်းဖို့ အမိန့်ပေးခဲ့တယ်။
🌘
၁၉၉၈ ခုနှစ် မေလ။
ခရစ္စတီးကျွန်းမှာ အပြစ်မဲ့အရပ်သား အမျိုးသား၊ အမျိုးသမီး၊ ကလေး ၈၁ ယောက်တို့ကို သတ်ပစ်ဖို့ ခွေးဘီလူးက အမိန့်ပေးခဲ့တယ်။
သူ အမိန့်ပေးခဲ့သူက ဗိုလ်ချုပ် ကြည်မင်း (ရေတပ် ဦးစီးချုပ်ဟောင်း)၊ ဗိုလ်ချုပ် မြင့်ဆွေ (လေတပ် ဦးစီးချုပ်ဟောင်း)၊ ဗိုလ်ချုပ် သူရမြင့်အောင် (စစ်ရေးချုပ်ဟောင်း)၊ ဗိုလ်မှူးကြီး ဇော်မင်း (အမှတ် ၁ လျှပ်စစ် ဝန်ကြီး) တို့ဖြစ်ပါတယ်။
အဲဒီခရစ္စတီးကျွန်းလူသတ်ပွဲမှာ ဒီအကြောင်းရေးသူ ဗိုလ်မှူးဟောင်း အောင်လင်းထွဋ်ကိုယ်တိုင် ရှိနေတာကြောင့် သူက သက်သေထွက်ဆိုနိုင်ပါတယ်။
🌘
ဘယ်သူ ဘယ်ဝါ မသေချာပေမဲ့ အတွင်းရေးမှူး (၂) ဒုဗိုလ်ချုပ်ကြီး တင်ဦးဟာလည်း ၂၀ဝ၁ ခုနှစ်ထဲမှာ ရဟတ်ယာဉ် ပျက်ကျအောင်လုပ်ပြီး လုပ်ကြံခံလိုက်ရတယ်။
🌘
ခွေးဘီလူးကတော့ သူ့ကို လုပ်ကြံပြီး အာဏာပြန်ယူ ဖို့ကြိုးစားတဲ့ ရှုမောင်တို့မိသားစုကို ကြိုးတိုက်ထဲထည့်ပြီး ရှုမောင်ကို အကျယ်ချုပ်ထားလိုက်တယ်။ ၂၀၀၂ မှာ ရှုမောင်သေတယ်။
ခွေးဘီလူး၊ မြေခွေး၊ မောင်အေး နဲ့ အပေါင်းအပါတို့ အာဏာရှင်ကစားပွဲတွေ ဆက်လုပ်ကြတယ်။
🌘
၂၀၀၃ ခုနှစ် ဒီပဲရင်းကိစ္စမှာ ခွေးဘီလူး ကိုယ်တိုင် ဒေါ်အောင်ဆန်းစုကြည်ကို လုပ်ကြံဖို့ ဗိုလ်ချုပ် စိုးဝင်း (ဝန်ကြီးချုပ်ဟောင်း)၊ ဦးအောင်သောင်း (စက်မှု ၁ ဝန်ကြီး) တို့ကို ခိုင်းခဲ့တယ်။
ဒီကိစ္စနဲ့ ပတ်သက်လို့ ထောက်လှမ်းရေးဟောင်းတွေ၊ တပ်မတော်အရာရှိတွေ၊ ရဲအရာရှိတွေက သက်သေ ထွက်ဆိုနိုင်ပါတယ်လို့ ဗိုလ်မှူးဟောင်း အောင်လင်းထွဋ်ကပြောပြတယ်။
🌘
မောင်အေးကလည်း ခွေးဘီလူး သူ့ကို ရှင်းပစ်ခံရမှာကို အမြဲကြောက်နေခဲ့တယ်။ ဒါပေမဲ့ ခွေးဘီလူးဟာ သူနဲ့ ပြိုင်ဘက်လို နာမည်ကြီးလာတဲ့ မြေခွေးခင်ညွန့် ကိုပဲ ရှင်းပစ်ဖို့ စဉ်းစားတာပါ။
လူသတ်လုပ်ကြံတဲ့နေရာမှာ အရမ်းတော်လာတဲ့ မြေခွေးဟာ သူ့ဘက်လှည့်လာနိုင်တယ်ဆိုတာ သူသိတယ်။
🌘
ခွေးဘီလူးဟာ သူ့ဆရာရှုမောင်လိုပဲ ဗေဒင်တွေ ယတြာတွေကိုလည်း အရမ်းယုံကြည်တဲ့သူတစ်ယောက်ပေါ..။
တစ်ခါကဆို ယတြာချေဖို့အတွက်ကို သူကိုယ်တိုင်ချိတ်ထမီကြီးဝတ်လို့ တခြားဗိုလ်ချုပ်တွေအားလုံးကိုပါ ချိတ်ထမီဝတ်ခိုင်းပြီး အခမ်းအနားတက်ခိုင်းခဲ့တာလည်း တိုင်းသိပြည်သိကြီးပါ။
သူသမ္မတရာထူးပေးခဲ့တဲ့ သိန်းစိန်အပါအဝင် ဗိုလ်ချုပ်အတော်များများ ချိတ်ထမီကြီးဝတ်လို့ အဲ့ဒီအခမ်းအနားမှာ ပါဝင်ခဲ့ကြရပါတယ်။
🌘
စစ်အာဏာရှင် မိန်းမတွေရဲ့ ကဏ္ဍလည်းရှိပါသေးတယ်။
၁၉၅၆ တုန်းက ခွေးဘီလူးက မကြိုင်ဆိုတဲ့ မုဆိုးမနဲ့ တရားဝင် အိမ်ထောင်ကျတယ်။
သူ့မိန်းမနာမည် ဒေါ်မကြိုင်ဆိုတာ တုံးတယ်ဆိုပြီး ဒေါ်ကြိုင်ကြိုင်လုပ်ပစ်လိုက်တာ။
ဒေါ်မကြိုင်ဖက်က အရင်အိမ်ထောင်နဲ့ပါလာတဲ့သားက ဘိုးတော်လို့နာမည်ကျော်နေတဲ့ ကိုမောင်မောင်ဆိုတဲ့သူပေါ့။
🌘
ခွေးဘီလူးရဲ့ မိန်းမ ဒေါ်မကြိုင်နဲ့ မောင်အေးရဲ့ မိန်းမ ဒေါ်မြမြစန်းတို့က မြေခွေးရဲ့မိန်းမ ဒေါ်ခင်ဝင်းရွှေကို သိပ်မုန်းတာ။
မြေခွေး ရဲ့ မိန်းမကဆရာဝန်လေ။ လူမှုရေးအဖွဲ့အစည်း တော်တော်များများရဲ့ ဥက္ကဋ္ဌ..။ ပွဲဝင်နိုင်တဲ့မိန်းမ…။
မြေခွေးတို့ လင်မယားက ခွေးဘီလူးတို့ လင်မယားကို အနှစ်မရှိသူတွေ၊ ငြီးငွေ့ဖွယ်ကောင်းပြီး ပညာမတတ်တဲ့ သူတွေလို့ အထင်သေးတယ်။
မောင်အေးရဲ့ မိန်းမ ဒေါ်မြမြစန်းက မြေခွေးတို့ လင်မယားနဲ့ ပတ်သက်တဲ့ အတင်းအဖျင်းတွေကို ခွေးဘီလူးတို့လင်မယားကို သွားပြော ရန်တိုက်ပေး အလုပ်တွေရှုပ်တော့တာပေါ့။
သူတို့ မြေခွေးရဲ့ မိန်းမကို တိုက်ခိုက်ဖို့အတွက် လောကီပညာ အောက်လမ်းနည်းတွေကိုတောင် သုံးသတဲ့။
ယောက်ျား ယောက်ျားချင်း၊ မိန်းမ မိန်းမချင်း ရန်စောင်နေကြတဲ့ပွဲ..။
🌘
အမှန်တော့ ခွေးဘီလူးနဲ့ မောင်အေးက ၂ ယောက်ပေါင်းရင်တောင် နိုင်ငံတကာ ရေးရာတွေမှာ မြေခွေးလောက် ပညာသင်ကြားခွင့် မရခဲ့သလို နိုင်ငံခြား ခရီးစဉ်တွေလည်း အများကြီး မသွားခဲ့ဖူးဘူး။
ဒါပေမဲ့ ခွေးဘီလူးနဲ့မောင်အေးက တိုက်ခိုက်ရေး တပ်မှူးတွေနဲ့ တိုင်းမှူးတွေ အားလုံးကို စည်းရုံးထားနိုင်တဲ့ အချက်ကသာတယ်။
နောက်ဆုံးတော့ ခွေးဘီလူးရဲ့ စစ်တပ်နဲ့ မြေခွေးရဲ့ ထောက်လှမ်းရေးအဖွဲ့ရဲ့ကြားက တင်းမာမှုကလည်း ညှိနှိုင်းစေ့စပ်လို့ မရနိုင်တဲ့ အခြေအနေအထိ ရောက်လာတယ်။
🌘
စစ်တပ်ထဲမှာရှိသူ အားလုံးဟာ မြေခွေးတို့ ထောက်လှမ်းရေးအဖွဲ့ ဖယ်ရှားခံလိုက်ရတာနဲ့ ရှန်ပိန်ပုလင်းဖောက်ပြီး အောင်ပွဲခံရမယ့် အချိန်ကို စောင့်မျှော်နေကြပါတယ်။
🌘
ဒါကို မြေခွေးရဲ့ လူယုံ နိုင်ငံခြားရေးဝန်ကြီး ဦးဝင်းအောင်ကလည်း ရိပ်မိတယ်။ သူတို့ဟာ အန္တရာယ်ကြားထဲ ရောက်နေပြီဆိုတာ..။
တိုင်းပြည်ကနေ ထွက်ပြေးဖို့ လိုနေပြီလို့ အာဆီယံ နိုင်ငံခြားရေး ဝန်ကြီးတွေကို အကူအညီတောင်းခဲ့တယ်။
ဒါပေမယ့် မြန်မာနိုင်ငံရဲ့ အိမ်နီးချင်းနိုင်ငံတွေက ဓားခုတ်ရာ လက်ဝင်မလျှိုဘူး..။
သံတမန်ဆက်ဆံရေး ထိခိုက်ပျက်ပြားမှာစိုးလို့တဲ့။
မြေခွေးတို့အဖွဲ့ဟာ သေနေ့ကို ထိုင်စောင့်နေရသလိုဖြစ်နေခဲ့..။
🌘
၂၀ဝ၄ ခုနှစ် အောက်တိုဘာလ ၁၉ ရက်နေ့။
ခွေးဘီလူးက မောင်အေးကိုလွှတ်ပြီး မြေခွေးကို ဖမ်းဆီးထောင်ချခိုင်းလိုက်တယ်။
ခွေးဘီလူး နဲ့ မောင်အေးဟာ နောက်နာရီ အနည်းငယ်အတွင်းမှာပဲ မြေခွေးရဲ့ ထောက်လှမ်းရေး တပ်ဖွဲ့တွေ အားလုံးကို ဝင်ရောက်စီးနင်းခဲ့ပြီး ဖျက်သိမ်းပစ်လိုက်တယ်။ စစ်ဘက်ရေးရာ လုံခြုံရေးအဖွဲ့လို့ အမည်ပြောင်းတယ်။
ရှုမောင်လည်း မရှိတော့ အားကိုးရာမဲ့ မြေခွေးတို့ဟာ ပြန်လည်ခုခံနိုင်မှု လုံးဝ မရှိခဲ့ပါ။
အဲ့ဒီနည်းနဲ့ ခွေးဘီလူးရဲ့ လက်အောက်ကို စစ်တပ်ရော၊ ထောက်လှမ်းရေးရော ၂ ခုလုံး အပြည့်အဝရောက်သွားတာပေါ့။
🌘
မြေခွေးကို အမိန့်မနာခံမှု၊ အကျင့်ပျက် ခြစားမှုတွေနဲ့ ဘာညာတွေနဲ့ အရေးယူပြီး အင်းစိန်ထောင်ကို ပို့လိုက်တယ်။ ဥပဒေရဲ့အထက်မှာ ဘယ်သူမှ မရှိဘူးပေါ့။
မြေခွေးဟာ လူတွေအများကြီးကို သူကိုယ်တိုင်ထိုးထည့်ခဲ့တဲ့ အင်းစိန်ထောင် ရောက်တဲ့အခါ ဒေါ်အောင်ဆန်းစုကြည်ကို ထိန်းသိမ်းဖို့အတွက် သူ့ရဲ့အမိန့်နဲ့ ဆောက်လုပ်ခဲ့တဲ့ ဘန်ဂလိုလေးမှာ သူပြန်နေခဲ့ရတယ်။ ဝဋ်တွေလည်ကြတာ..။
🌘
နောက်တော့ မြေခွေးကို ဆိုင်းငံ့ထောင်ဒဏ် ၄၄ နှစ် ချမှတ်လိုက်ပြီး နေအိမ်မှာ အကျယ်ချုပ်နဲ့ ထားခဲ့တယ်။
ခွေးဘီလူး၊ မောင်အေး နဲ့ အပေါင်းအပါတို့ အာဏာရှင်ကစားပွဲတွေ ဆက်လုပ်ကြတယ်။
🌘
၂၀၀၇ ခုနှစ် စက်တင်ဘာလမှာ ဘုရားသားတော်တွေကို အရှင်လတ်လတ် မီးရှို့ သတ်ဖြတ်ညှင်းဆဲတဲ့ ကိစ္စကလည်း ကမ္ဘာကျော်ပဲ။
မင်းတရားကြီး ခွေးဘီလူးဟာ အာဏာနဲ့ပတ်သက်ရင် သံဃာလည်းမရှောင်ဘူး။
🌘
၂၀၀၈ ခုနှစ် မေလ၊ဧရာဝတီတိုင်းနဲ့ ရန်ကုန်တိုင်းမှာ လူပေါင်း ၁၃၈၀၀၀ ကျော် သေဆုံးစေတဲ့ နာဂစ်ဆိုင်ကလုံးမုန်တိုင်းကြီးဖြစ်ခဲ့တယ်။
အဲဒီတုန်းက မုန်တိုင်းသင့်ဒေသ တစ်ဝိုက်ဟာ `စစ်မြေပြင်´ တစ်ခုလို..။ မိလ္လာပိုက်လိုင်းတွေ ပေါက်ထွက်လာတာမို့ မြေပြင်တစ်ခုလုံးမှာ အညစ်အကြေးမစင်တွေ၊ အလောင်းတွေ..။
ခွေးဘီလူးဟာ နိုင်ငံတကာ အကူအညီများ ဝင်ရောက်ခွင့်ကို ငြင်းပယ်ခဲ့တယ်။
သဘာဝဘေးအန္တရာယ်ကြောင့် ပြည်သူတွေ သေကြေ ငတ်ပြတ်နေတုန်း(၂၀၀၈ ခုနှစ် မေလ ၁၀ ရက်) မှာ ဖွဲ့စည်းအုပ်ချုပ်ပုံ အခြေခံဥပဒေ ပြည်လုံးကျွတ် ဆန္ဒခံယူပွဲ အတင်းလုပ်ခဲ့တဲ့ မိစ္ဆာကြီး..။
မင်းတရားကြီး ခွေးဘီလူးဟာ ပြည်သူ့ အလောင်းတွေပေါ်မှာ ငုတ်တုတ်ထိုင်ပြီး ၂၀၀၈ ခြေ/ဥ ကိုအတည်ပြုခဲ့..။
🌘
ခွေးဘီလူးက သူ မတရားပြစ်မှုတွေ အများကြီး ကျူးလွန်ထားတဲ့အတွက်ကြောင့် နိုင်ငံတကာတရားရုံးကို အရမ်းကြောက်တယ်။
ဒါကြောင့် ခွေးဘီလူးဟာ ခိုးကြောင်ခိုးဝှက်နဲ့ ကိုယ့်ကိုယ်ကိုယ် လွတ်ငြိမ်းချမ်းသာခွင့် ပေးထားတဲ့ ဥပဒေကို ၂၀၀၈ အခြေခံဥပဒေမှာ ထည့်ခဲ့တယ်။
🌘
ခွေးဘီလူးတို့ အာဏာရှင်တစ်သိုက်ရဲ့ အရှုပ်တော်ပုံကို မြန်မာနိုင်ငံသားတွေက တိုင်းပြည်အုပ်ချုပ် နေသူတွေဟာ လူသတ်သမားတွေ တောင်မကဘူး သူခိုးတွေ၊ ဓားပြတွေအထိ ဖြစ်နေပြီဟာသလုပ်ကြတယ် ။
ခွေးဘီလူးဟာ သူ့ရဲ့ ပုဂ္ဂိုလ်ရေး ပြိုင်ဘက်တွေအားလုံး သေတဲ့သူသေ၊ ဘေးရောက်တဲ့သူရောက် ဖြစ်သွားလို့ စိတ်အေးသွားတယ်။
ကျန်တာတာ သူ့ ရာထူးတည်မြဲရေးအတွက် နိုင်ငံရေးဘက် နဲ့ တိုင်းပြည်ကငွေတွေ အိတ်ထဲကြုံးထည့်ဖို့ကို အားစိုက်တော့တယ်။
🌘
ခွေးဘီလူးဟာ သူအာဏာယူထားတဲ့ အချိန်မှာ သူ့ကိုယ်သူ အမွှမ်းတင်ဖို့ ဝါဒဖြန့်ခိုင်းတယ်။ အဲဒီဝါဒထဲက တစ်ခုက သူကိုယ်တိုင် သာလွန်မင်းတရားကြီးဝင်စားတာတဲ့ ..။
အဲဒီမှာ ခွေးဘီလူးရဲ့ ဘုရင်ရူးတဲ့ ရောဂါကို ပြည်သူတွေသိလာတာပဲ။
🌘
စစ်အာဏာရှင်အသိုင်းအဝိုင်းက
'အာဏာတည်စေ'၊ 'ပလ္လင်မြဲစေ' စေတီတွေကို နေပြည်တော်ပျဉ်းမနားအနီး မင်းဝင်တောင်က စိန္တာမုနိကျောင်းတိုက်ထဲမှာရှိနေတယ်။
ရန်ကုန်မြို့ ရွှေတိဂုံစေတီတော် တောင်ဘက်မျက်နှာစာမှာတော့ ခွေးဘီလူးဟာ သူ့ မျက်နှာနဲ့ ဆင်တူသော ကျောက်စိမ်းဘုရားဆင်းတုတော်ကို ယတြာသဘောနဲ့ ထုထားတယ်။
အဲဒီရုပ်တုကို ကုလအထူးကိုယ်စားလှယ် အီဘရာဟင် ဂမ်ဘာရီလည်း ရှိခိုးမိသွားပြီ။ တရုတ်သမ္မတ ရှီကျင့်ဖျင် လည်း ကန်တော့ပြီးသွားပြီ။
မင်းတရားကြီး ခွေးဘီလူးပါဆိုမှ..ဘုရင်ရူးလေ..။ လူကန်တော့အောင် ယတြာချေတာပေါ့။
🌘
ခွေးဘီလူးဟာ မြောက်ကိုရီးယားခေါင်းဆောင်တွေလို သူ့ဓာတ်ပုံကို အစိုးရရုံးတွေမှာ ချိတ်ခိုင်းတယ်။
မြန်မာပြည် မြို့တော်ကို ကြပ်ပြေးဘက်ရွှေ့ပြီး နေပြည်တော်လို့ သမုတ်ခဲ့တယ်။
ဆိုလိုချင်တာ မင်းနေပြည်တော်ပေါ့လေ..။ သူကတော့ ပြည့်ရှင်မင်းတရားကြီးပေါ့။
🌘
မင်းတရားကြီး ခွေးဘီလူး ကတော် ဒေါ်မကြိုင်ကလည်း မယ်တော်ကြီးကြိုင် ဖြစ်ပါလေရော..။
၂၀၀၂ ခုက စပြီးအဓိပတိခေတ်က ဘုရင်မကြီးလိုနေပစ်လိုက်။
ကလေးတွေကို သမီးတော် မြေးတော် စတဲ့ ဘာဘာညာညာ အသုံးအနှုန်းတွေ လျှောက်သုံးပြီး စိတ်တိုင်းကျ ရူးတော့တာပဲ။
🌘
ခွေးဘီလူးမှာ သားသမီး ၈ ယောက်ရှိတယ်။ ကိုနိုင်စံရွှေ၊ ကိုထွန်းနိုင်ရွှေ၊ မဒေဝါရွှေ၊ မခင်ပြုံးရွှေ၊ မကြည်ကြည်ရွှေ၊ ကိုသန့်ဇော်ရွှေ၊ မအေးအေးသစ်ရွှေ၊ မသန္တာရွှေ..ရွှေ ရွှေ ရွှေ ရွှေ။
အဲဒီသားသမီးတွေက ခွေးဘီလူးရာထူးငယ်စဉ်ဘဝမှာ စစ်ကားနဲ့ ကျောင်းတက်တယ်၊ မာန်မာနထောင်လွှားခြင်းလည်းမရှိခဲ့ကြပါ။ခွေးဘီလူးငယ်ငယ်ကလိုပဲ။
ခွေးဘီလူးအာဏာရလာတော့ တိုင်းပြည်က ခိုးထားတဲ့ငွေတွေနဲ့ မိသားစုကို စိန်နဲ့စီပစ်လိုက်တာ..။
🌘
မင်းတရားကြီးခွေးဘီလူးရဲ့ မိသားစုဟာလည်းပြောင်းလဲသွားတော့တယ်။ လူတွေကိုဗိုလ်ကျတယ်၊ တနိုင်ငံလုံးက ပစ္စည်းကိုလည်း ကိုယ်ပိုင်ပစ္စည်းလို ထင်တိုင်းကျဲပြုမူတော့တယ်။
တချိန်က ရိုးရိုးကုတ်ကုတ်နေခဲ့တဲ့ သူ့ရဲ့သားသမီးတွေဟာ လောဘ အတောမသတ် ဖြစ်လာကြတယ်။
မင်းတရားကြီးခွေးဘီလူးနှင့် သူ၏ ခိုးသားမိသားစုပေါ့။
🌘
တစ်ခါတော့ ခွေးဘီလူးတို့ မိသားစု မေမြို့ (ပြင်ဦးလွင်) ကို သွားလည်ရင်း ကုန်တိုက်တခုကို ရောက်တော့ ကြိုက်ရာပစ္စည်းတွေ လက်ညှိုးထိုးယူခဲ့ကြတယ်။ ငွေတကျပ်မပြားမှ မပေးခဲ့ပါဘူး။
မယ်တော်ကြီးကြိုင်ဟာ သူတို့အဝတ်တွေကို စက်နဲ့ မလျှော်ဘဲ အောက်ခြေတပ်မှူးကတော်တွေ ကို ဆန်းလိုက်ဆပ်ပြာသုံးပြီ လက်နဲ့လျှော်ခိုင်းပြီး အနိုင်ကျင့်တယ်။
🌘
ခွေးဘီလူးရဲ့ အချစ်ဆုံးမြေးက ဖိုးလပြည့် ဆိုတဲ့ နေရွှေသွေးအောင်တဲ့။
၂၀၀၇ ခုနှစ်၊ ဧပြီလ မေမြို့ကို သွားကြတဲ့ ခရီးစဉ်တခုမှာ သူ့မြေး နေရွှေသွေးအောင်အတွက် တပ်မတော်ရဟတ်ယာဉ်ကို ရန်ကုန်လွှတ်ပြီး ဘဲကင် အဝယ်ခိုင်းခဲ့တာမျိုး..။ စင်ကာပူကို ဂျက်လေယာဉ်နဲ့ နေ့ချင်းပြန်ကျောင်းထားခဲ့တာမျိုး…။
နေရွှေသွေးအောင်ရဲ့ ၁၆-နှစ်မြောက် မွေးနေ့ကလည်း ဆီဒိုးနား ဟိုတယ်မှာ တကယ့်ကို အကြီးအကျယ် ကျင်းပခဲ့သေး။
ဒီလို တိုင်းပြည်ရဲ့ငွေတွေကို ပလွှားသုံးဖြုန်းရင်း သူကလည်း အဆိုတော်တွေ၊ ရုပ်ရှင် မင်းသားတွေလို မြန်မာပြည်မှာ နာမည်ကိုကြီးလို့..။
ပြည်သူတွေကတော့ သူခိုးမင်းတရားကြီးရဲ့ မြေးကို စိန်မျောက်မျောက်လို့ခေါ်ကြတယ်။
🌘
ခွေးဘီလူးရဲ့ သမီး စိန်တွေညွှတ်နေအောင် ဆင်ထားတဲ့ သန္တာရွှေရဲ့ ၂ဝဝ၆ က မင်္ဂလာဆောင် ဗီဒီယိုခွေ က ပြည်သူတွေဆီ ပေါက်ကြားတဲ့ အခါ ပြည်သူတွေ သိသွားတယ်။
ဘာတဲ့…စိန်စီသောည ဆိုလား။
ဒေသတွင်း နိုင်ငံတစ်ခုရဲ့ခေါင်းဆောင်ကဆိုရင် ဗိုလ်ချုပ်မှူးကြီးရဲ့သမီးကိုကြည့်ရတာ ခရစ်စမတ်သစ်ပင်ကျနေတာပဲလို့ အရွှန်းဖောက်ပြီးပြောရလောက်တဲ့အထိပါ။
နေပူပူအောက်မှာ ထမင်းတစ်လုတ်မငတ်အောင် မနည်းကြိုးစားနေတဲ့ ပြည်သူတွေ၊ ငတ်ပြတ်လို့ လမ်းပေါ်ရောက်နေတဲ့ ကလေးတွေ ဗိုက်ဆာနေချိန်မှာ ဝတ်ကောင်းစားလှ ဝတ်ဆင်ထားကြတဲ့ စစ်အစိုးရနဲ့ နီးစပ်သူ လူကုန်ထံတွေ၊ စီးပွါးရေးသမားတွေဟာ စိန်ရောင်၊ရွှေရောင်၊ ပတ္တမြားရောင် တလက်လက်..။
သူတို့က မင်းတရားကြီးခွေးဘီလူးနဲ့ မယ်တော်ကြီးကြိုင်ကို မျက်နှာလို မျက်နှာရ လက်ဖွဲ့ပစ္စည်း အမြောက်အများနဲ့ ဖားကြတယ်။
ဇိမ်ခံကားတွေ၊ အိမ်တွေ အပါအဝင် အမေရိကန်ဒေါ်လာ သန်း ၅၀ ဖိုးလောက်ရှိတယ်။
လူတွေက စားရ သောက်ရမဲ့ ဖြစ်နေချိန်မှာ ဒေါ်လာတသန်း လောက် အကုန်အကျခံပြီး အခုလိုကျင်းပနိုင်တာကို မြန်မာပြည်သားတွေဟာ မခံမရပ်နိုင် ဒေါသထွက်ကြတယ်။
ဒါပေမဲ့ မြန်မာတွေ ပါးစပ်ပိတ်နေခဲ့ကြရတယ်။
🌘
ဒေါ်အောင်ဆန်းစုကြည်က မြန်မာပြည်က မခွါ ဆက်တိုက်ရှိနေတော့ ခွေးဘီလူးအကြံတစ်မျိုးထပ်ထုတ်တယ်။
ဗိုလ်ချုပ်ကြီး ဦးသိန်းစိန်ဆိုတဲ့သူကို စစ်တပ်က အငြိမ်းစားယူခိုင်းထားလိုက်တယ်။
၂၀၁၁ ခုနှစ် မတ်လ ၃၀ ရက်မှာ ခွေးဘီလူးက သူ့ရဲ့ နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီ ဥက္ကဋ္ဌရာထူးကို နှုတ်ထွက်ပြီး သူ စီစဉ်ထားတဲ့အတိုင်း သိန်းစိန်ကို သမ္မတတင်တယ်။
အသက် ၆၀ ပြည့်လည်း အငြိမ်းစားမယူခဲ့ဘဲ တပ်မတော်ကာကွယ်ရေးဦးစီးချုပ်ဆိုတဲ့ရာထူးနဲ့ ၁၉ နှစ်တောင် နေသွားတာ။
ပြီးမှ စီနီယာ ဗိုလ်ချုပ်တွေကိုကျော်ပြီး ချစ်သော မင်းအောင်လှိုင်ကို အဲ့ဒီ ရာထူးပေးခဲ့။
🌘
အဘိုးကြီး ခွေးဘီလူးက အာဏာကိုစွန့်တာမဟုတ်ဘူး။
အနောက်နားမှာ ခဏဆုတ်နေလိုက်ပြီး မောင်အေး အားကိုးနဲ့ အပေါင်းအပါတို့ အာဏာရှင်ကစားပွဲတွေ ဆက်ဖို့ကြိုးစားတယ်။
အတိုင်ပင်ခံကောင်စီဆိုပြီး နေပြည်တော်မှာ ထပ်ဖွဲ့ပြီး သူဥက္ကဋ္ဌဆက်လုပ်မယ်ပေါ့။
ဒီတစ်ခါတော့ မောင်အေး ခွေးဘီလူး စကားနားမထောင်တော့ဘူး။
ဗိုလ်ချုပ် အောင်ဆန်းကိုပဲ အားကျသလိုလို .. ၊ ဒါမှမဟုတ် ကိုယ်မြို့ ကိုယ်ရွာမှာပဲ အေးဆေးတည်ငြိမ်စွာနဲ့ ဘ၀ နေဝင်ချိန်ကို ဖြတ်သန်းကြတဲ့ အမေရိကန် သမ္မတဟောင်းတွေကိုပဲ အားကျသလိုလို.. ၂၀၁၁ ခုနှစ် မတ်လ ၃၁ ရက်နေ့မှာ အလုပ်ကနားပြီး ဘုန်းကြီးဝတ်လိုက်တယ်။
သူက ဘိန်းဘုရင်တွေနဲ့ အလုပ်ဖြစ်ခဲ့သူဆိုတော့ ငွေကြေးကလည်း ပြည့်စုံနေပြီလေ။
🌘
အဲ့မှာ ခွေးဘီလူး တစ်ယောက်ဆည်းကျန်ခဲ့တာ။
ခွေးဘီလူး လက်မလျှော့သေးဘူး။ သိန်းစိန်၊မင်းအောင်လှိုင်နဲ့ ဇာတ်လမ်းဆက်တယ်။
🌘
သိန်းစိန်က ၂၀၁၁ ခုနှစ်ကနေ ၂၀၁၆ ခုနှစ်အထိ သမ္မတတက်လုပ်တယ်။ ပြီးတော့မှ တကယ့် အရပ်သား သမ္မတတွေ တက်လာတာပါ။
ခွေးဘီလူးမှာ မင်းအောင်လှိုင်ပဲကျန်ရစ်တယ်။
🌘
မင်းတရားကြီးခွေးဘီလူးဟာ မြန်မာပြည်ရဲ့ အမြင့်ဆုံးတစ်နေရာက ဖယ်ပေးလိုက်ရပြီး ၁၀ နှစ်အကြာ—
10 years later—
၂၀၂၁ ဖေဖေါ်ဝါရီမှာ မင်းအောင်လှိုင်ကို အများပြည်သူ မြင်ကွင်းကို ထွက်ပြီး အာဏာသိမ်းလိုက်တယ်။
🌘
အခုတော့ ခွေးဘီလူးနဲ့ သိန်းစိန် အဘိုးကြီး နှစ်ယောက်က မင်းအောင်လှိုင် အဘကြီးရဲ့ အနောက်နားမှာ ပြုံးပြုံး ပြုံးပြုံးနဲ့။
မြေခွေးခင်ညွန့်ကတော့ သူငယ်ပြန်သလိုလို.. အတိတ်မေ့သလိုလို ရူးချင်ယောင် ဟိုပြော ဒီပြောပေါ့..။
🌘
ဘာပဲဖြစ်ဖြစ် မင်းတရားကြီးခွေးဘီလူး ပျော်ပါတယ်။
၁၉၆၂ က ရှုမောင်ရဲ့ အီးနံ့ကိုရှုပြီး သူပါတဲ့ ချီးကို လတ်လတ်ဆပ်ဆပ် စားလိုက်တဲ့ မင်းအောင်လှိုင်ရဲ့ အစုလိုက်အပြုံလိုက် လူသတ်မှုတွေအတွက် သူ အမြဲ ဂုဏ်ယူနေမှာဖြစ်ပါတယ်။
🌘
ဒါပေမဲ့ သူ ရှုမောင်လို ဝဋ်တွေလည်မှာတော့ အမြဲစိုးရိမ်ပြီး အသက်ရှင်နေတယ်။
နှစ်ဟောင်းက မြန်မာ စစ်အာဏာရှင်တွေရဲ့ အရှုပ်တွေပါ..။
၂၀၂၂ အထိ မလိုက်ခဲ့နဲ့။ နေရစ်ခဲ့ကြတော့..။
🌘 🌘 🌘
မရွှေမိုး-ကိုရီးယား
December 30th,2021.
ကိုးကား-
▪️ဦးသန်းရွှေ ( သို့မဟုတ်) နေပြည်တော်မင်းသားကြီး—သန်းဝင်းလှိုင်
▪️အောင်ဇော်- အာဏာရှင်များနှင့် မြန်မာ့တပ်မတော် အပိုင်း ၅ - ဗိုလ်သန်းရွှေကို ဗိုလ်နေဝင်း ရာထူးတိုးပေးခြင်း
▪️ မြန်မာပြည်က ပထမလေဒီ၊ ဦးသျှောင်တို့ရဲ့ မဟေသီများ
ဘိုဘို
ဘီဘီစီမြန်မာပိုင်း
၂၂ နိုဝင်ဘာ ၂၀၂၀
▪️ ကဒါဖီ သင်ခန်းစာနှင့် ဗိုလ်ချုပ်မှူးကြီး သန်းရွှေ- အောင်လင်းထွဋ် ( ဆောင်းပါး )
သတင်းရင်းမြစ် _ ဧရာဝတီ
▪️ ယောဟန်အောင်-ဗိုလ်ချုပ်သန်းရွှေအကြောင်း (ယခု ဆောင်းပါးကို လွတ်လပ်သောအာရှအသံ မြန်မာပိုင်းအစီအစဉ် RFA မှ ထုတ်လွှင့်သွားခဲ့ပြီး ဖြစ်ပါသည်။ RFA ၏ မူပိုင်သာဖြစ်ပြီး ပြန်လည်ဖော်ပြခြင်း ဖြစ်သည်။)
▪️ အာဏာရှင်များနှင့် မြန်မာ့တပ်မတော် အပိုင်း ၁၀ - ဗိုလ်သန်းရွှေ အာဏာရှင်ဖြစ်လာခြင်း-
အောင်ဇော်
ဧရာဝတီ
11 March 2014
▪️ မင်းတြားကြီးသန်းရွှေနှင့် နေပြည်တော် ခိုးသားများ အပိုင်း (၅)
gen-maung-aye-march-10-11-2 ဧရာဝတီ
▪️ တကိုယ်တော် အာဏာသိမ်းမှု မဟုတ်ပါ—နိုင်ခေတ်
16 August 2021
တပ်မတော်ကာကွယ်ကွယ်ရေး ဦးစီးချုပ်တစ်ဦး
https://m.facebook.com/story.php?story_fbid=679855066731348&id=100041205813134
