NLD ဗဟိုသုတေသနအတွင်းရေးမှူးတာဝန်မှ ရပ်ဆိုင်းခံခဲ့ရသည့် ဦးမျိုးရန်နောင်သိန်းနှင့် တွေ့ဆုံမေးမြန်းခြင်း

“  ဒေါ်အောင်ဆန်းစုကြည် ဂိုဏ်းကဗျလို့ ပြောလိုက်တဲ့ဟာက ကျွန်တော် ရွဲ့ပြောတာ။ ရွဲ့ပြောတာဆိုတာက ကျွန်တော်က ဒေါ်အောင်ဆန်းစု ကြည်ဂိုဏ်းဆိုပြီးပြီဗျ။ ဒေါ်အောင်ဆန်းစုကြည်က အချုပ်ပဲဟာကို။ ကျွန်တော်သည် ဘယ်သူ့ဘက်တော်သားမှ မဟုတ်ဘူး။ ပါတီဘက်တော်သား။ ဒေါ်အောင်ဆန်းစုကြည်သည် ပါတီခေါင်းဆောင်ဖြစ်တယ်။ အဲတော့ ဒေါ်အောင်ဆန်းစုကြည်က ဘယ်သူမဆိုသိတယ်ဗျာ။ NLD ပါတီမှာ ဒေါ်အောင်ဆန်းစုကြည် မရှိလို့ မဖြစ်ဘူး။ ဒေါ်အောင်ဆန်းစုကြည်ကြောင့် NLD ပါတီဖြစ်လာတာ။ ဒါဟာ အားလုံးသိနေတဲ့ ကိစ္စပဲ။ ဒေါ်အောင် ဆန်းစုကြည်ဂိုဏ်းကလို့ပြောလိုက်တာ NLD ဂိုဏ်းကလို့ပြောတာ အတူတူပဲ။ NLD ဆိုတဲ့ အဖွဲ့ပေါ့ဗျာ။ ဂိုဏ်းဆို တဲ့ အဖွဲ့ပေါ့။ ဆိုချင်တာက စကားလုံးထဲမှာ လိုက်ကောက်မယ်ဆိုရင် မပြီးတော့ဘူး။ ကျွန်တော်မြင်တာက ကျတော့ ပြဿနာရအောင် လိုက်ရှာတယ်လို့ခံစားရတယ်  ။ “

ဦးမျီုးရန်နောင်သိန်း (  အတွင်းရေးမှုး ၊ ဗဟိုသုတေသနအဖွဲ့ )

--///////----///

မင်္ဂလာပါ ကျွန်တော်လေ ပထမဆုံးသိချင်တာက လက်ရှိ အစ်ကိုကိုယ်တိုင်ရင်ဆိုင်ကြုံုံတွေ့နေရတဲ့ စိတ်မချမ်းမြေ့စရာ ကိစ္စလေးပေါ့ အဲဒါရဲ့ ဒီလက်ရှိ Update အခြေအနေလေးကို နည်းနည်းရှင်းပြပေးပါလား။
---------------------------------------------------------------------------------------
လောလောဆယ်ကတော့ ကျွန်တော့်ကို စ မစစ်သေးဘူး။ ဒါဟာ တိုင်တဲ့သူ တစ်ယောက်ယောက်ရှိ လို့ေ နာ်။ ဒါကတော့ စုံစမ်းစစ်ဆေးဖို့အတွက် အဖွဲ့ဖွဲ့တယ်ပေါ့။ ဦးဉာဏ်ဝင်းက အဖွဲ့ခေါင်းဆောင်၊ ဦးသိန်းဦးနဲ့ ဒေါက်တာမျိုးညွန့်တို့က အဖွဲ့ခေါင်းဆောင်။ ဆိုတော့ တိုင်တိုင်းလည်း စစ်တာမဟုတ်ပါဘူး။ ဒါဟာ စစ်စရာ၊ စုံစမ်းစစ်ဆေး စရာ အကြောင်းရှိလို့နေမှာပါ။  ကျွန်တော့်အတွက်ကတော့ အရေးမကြီးပါဘူး ။ အရေးမကြီးပါဘူး ဆိုတာက ဒါ အရေးမကြီးတာတွေ အရေးကြီးသွားရင်၊ အရေးကြီးတာတွေ အရေးမကြီးဖြစ်သွားမှာစိုးလို့ ဒါ အမြဲပြောနေကျပဲ။ နောက်တစ်ခုက ကျွန်တော်လိုချင်တာ လုပ်ချင်တာ အလုပ်ဗျနော်. ဒီရာထူးရှိသည်ဖြစ်စေ၊ မရှိသည်ဖြစ်စေ ကျွန်တော်က လုပ်လို့ရနေတာပဲ။ ဆိုတော့ ကျွန်တော့်အတွက်ကတော့ ဘယ်လိုနည်းနဲ့မဆို ၂၀၂၀ အထိကို ဆက်ဝန်းရံသွား၊ ဆက်လုပ်သွားမှာပဲ ဘယ်လိုမျိုးအဖြေပဲ ဖြစ်ဖြစ်ပေါ့နော်။ နောက်တစ်ခုက အခုလည်း အလုပ် ဆက်လုပ်နေတာပဲ။ အခုဆိုရင် အလုပ်ဆက်လုပ်နေတယ်ဆိုတာတော့ ပါတီတာဝန်အရ မဟုတ်ဘူးပေါ့။ ဘာပဲ ဖြစ်ဖြစ် နိုင်ငံသားတစ်ယောက်ဖြစ်တယ်ဆိုကတည်းက ဒါ တာဝန်ရှိပြီးသားပဲ။ အဲတော့ ကျွန်တော် တွေ့ရှိချက်တွေကိုလည်း ဆက်လက်တင်ပြသွားဦးမှာပဲ။ ပါတီတာဝန်ရှိသည်ဖြစ်စေ၊ မရှိသည်ဖြစ်စေ သိပ်အရေးမကြီး ပါဘူးဗျနော်. အလုပ်က အရေးကြီးတာပါ။ ဟုတ်ကဲ့။
---------------------------------------------------------------------------------------
အဲဒီမှာပေါ့ အစ်ကို့ကို ဒီလို ပါတီတာဝန်ခဏနားတယ်တို့ ပါတီသုတေသနတာဝန်က ခဏနားတယ်တို့ နောက် အခြား သတင်းတွေထွက်လာတဲ့ အချိန်မှာ မြောက်များစွာသော အကြောင်းအရာတွေနဲ့ ဘက်ပေါင်းစုံကနေပြီးတော့ ဘာမှမဟုတ်တဲ့ ကိစ္စလေးမှာတောင် လက်ရှိ အစ်ကို့ကို ၀ိုင်းထိုးနှက်ရေးသားထားတာတွေ တခြမ်းလည်းတွေ့ရ တယ်။ အစ်ကို့ကို ထောက်ခံအားပေးတဲ့ အခြမ်းလည်းတွေ့ရတယ်။ ထိုးနှက်ရေးသားတဲ့ အခြမ်းနဲ့ ပတ်သက်ပြီးတော့ အစ်ကို ဘာများပြောချင်လဲ။
---------------------------------------------------------------------------------------
ကျွန်တော့်ကို ရေးသားတဲ့အချက် ကျွန်တော့်ကို မေးတဲ့ မေးခွန်းက The Speaker ကပေါ့။  Interviewer ကတော့ ကိုအွန်လိုင်းဝဏ္ဏပေါ့။ သူကမေးတယ်။ ကျွန်တော်အခု  NLD က ဦးဝင်းထိန် ဂိုဏ်းကလား၊ ဒါမှမဟုတ်ဘဲ ဦးဥာဏ်ဝင်း ဂိုဏ်းကလားဆိုတော့ ကျွန်တော်က ရုတ်တရက် ဒေါ်အောင်ဆန်းစုကြည် ဂိုဏ်းကဗျ လို့ ဖြေလိုက်တယ်။ ဖြေမိတော့ ကျွန်တော် ဆက်ရှင်းပြတယ်။ မဟုတ်ဘူး ဂိုဏ်းဆိုတာ မရှိဘူး။ ကျွန်တော်တို့မှာ  ကနီးစပ်တာတော့ရှိတယ်။ နီးစပ်တယ်ဆိုတာကတော့ လူ့သဘာဝပဲနော်။ စကားပြောလို့ အဆင်ပြေရင်ဖြစ်ဖြစ်  နီးစပ်သွားတာဆိုတော့ အဲဒါကို ဂိုဏ်းလုပ်လိုက်ရင် တော့မှားလိမ့်မယ်။ ကျန်တာက ကျွန်တော်တို့ နှစ်ယောက် တွေ့ဖြစ်တယ်၊ ဆုံဖြစ်တယ် လက်ဖက်ရည်သောက်ဖြစ်တယ်ဗျာ။ စကားပြောဖြစ်တယ်၊ ဆွေးနွေးဖြစ် တယ်။ အခု ကျွန်တော်ထင်တယ်။ အကုန်သိ ရုံးမှာလည်းပဲ သူ့အစုအဖွဲ့နဲ့ သူတော့ လက်ဖက်ရည်သောက်တာ တို့ ထမင်းစားတာတို့ရှိကြမှာပဲလေ။ ဒါကို ကျွန်တော်က အကုန်သိမှာ ဘယ်နှဂိုဏ်းကွဲနေပြီလို့ ပြောလို့မရဘူး။ ဒါ က ဒီလိုမျိုး နီးစပ်မှုပေါ့နော်၊ စကားပြောကောင်းလို့ ခင်မင်လို့၊ ဆိုလိုချင်တာက အိမ်ချင်းနီးလို့ ဘတ်စ်ကားအတူတူစီးလာလို့ နီးစပ်သွားတာကို ဂိုဏ်းလို့ သတ်မှတ်တာကတော့ မှားတာပဲ။ ဒီလိုအခြေအနေသည် အလုပ်ကို မထိခိုက်သ၍က ဘာမှပြဿနာမရှိဘူး။ ကျွန်တော်တို့ အဖွဲ့ချုပ်မှာ ဂိုဏ်းဆိုတာမရှိဘူး။ ဒါပေမယ့် ဒေါ်အောင်ဆန်းစုကြည် ဂိုဏ်းကဗျလို့ ပြောလိုက်တဲ့ဟာက ကျွန်တော် ရွဲ့ပြောတာ။ ရွဲ့ပြောတာဆိုတာက ကျွန်တော်က ဒေါ်အောင်ဆန်းစု ကြည်ဂိုဏ်းဆိုပြီးပြီဗျ။ ဒေါ်အောင်ဆန်းစုကြည်က အချုပ်ပဲဟာကို။ ကျွန်တော်သည် ဘယ်သူ့ဘက်တော်သားမှ မဟုတ်ဘူး။ ပါတီဘက်တော်သား။ ဒေါ်အောင်ဆန်းစုကြည်သည် ပါတီခေါင်းဆောင်ဖြစ်တယ်။ အဲတော့ ဒေါ်အောင်ဆန်းစုကြည်က ဘယ်သူမဆိုသိတယ်ဗျာ။ NLD ပါတီမှာ ဒေါ်အောင်ဆန်းစုကြည် မရှိလို့ မဖြစ်ဘူး။ ဒေါ်အောင်ဆန်းစုကြည်ကြောင့် NLD ပါတီဖြစ်လာတာ။ ဒါဟာ အားလုံးသိနေတဲ့ ကိစ္စပဲ။ ဒေါ်အောင် ဆန်းစုကြည်ဂိုဏ်းကလို့ပြောလိုက်တာ NLD ဂိုဏ်းကလို့ပြောတာ အတူတူပဲ။ NLD ဆိုတဲ့ အဖွဲ့ပေါ့ဗျာ။ ဂိုဏ်းဆို တဲ့ အဖွဲ့ပေါ့။ ဆိုချင်တာက စကားလုံးထဲမှာ လိုက်ကောက်မယ်ဆိုရင် မပြီးတော့ဘူး။ ကျွန်တော်မြင်တာက ကျတော့ ပြဿနာရအောင် လိုက်ရှာတယ်လို့ခံစားရတယ်။ နောက်တစ်ခုပေါ့ ကားဟွန်းတီးတာကအစ လိုက် တင်ကြတာတွေ့ရတာပေါ့နော်။ ထင်ယောင်ထင်မှားဖြစ်အောင်ပေါ့။ အဲဒီအပေါ်တွေမှာတော့ ကျွန်တော် လိုက် မရှင်းတော့ဘူးဗျ။ ဘာကြောင့်လဲဆိုတော့ ကျွန်တော်အလုပ်ပျက်တယ်။ ဒါပေမယ့် ကျွန်တော်ကြည့်တော့ ကြည့် ဖြစ်တာပေါ့။ ဘာကြောင့်လဲဆိုတော့ ကျွန်တော်က နိုင်ငံရေးသမားဆိုတာက လူထုနဲ့ အမြဲတမ်းထိတွေ့ ဆက်ဆံနေတာ။ လူထုအထင်လွဲမယ့် ကိစ္စမျိုးဆိုရင်တော့ ကျွန်တော် ပြန်ဖြေရှင်းမယ်။ အဲဒီအတွက် လူထုအ ထင်လွဲစရာမရှိဘူးဆိုရင်တော့ ပြည်သူတွေပေါ့နော် အထင်လွဲစရာမရှိဘူးဆိုရင်တော့ ကျွန်တော်ပါတီ ကိုယ်စား ပြုထားတော့ ပြည်သူကိုလည်း ကျွန်တော်လေးစားရမယ်။ အဲဒီအတွက် ကျွန်တော် ပြည်သူအထင်လွဲ စရာရှိမယ်ဆိုရင် ပြန်ဖြေရှင်းမယ်။ လိုအပ်လို့ရှိရင် အကယ်၍ ကျွန်တော့်ကို သိက္ခာချတာအရမ်းများသွားရင်တော့ လိုအပ်ရင် တရားစွဲမယ်။ မလိုအပ်ရင်တော့ တရားမစွဲပါဘူး။ ဒီတရားစွဲတယ်ဆိုတဲ့ ကိစ္စကြီးကလည်း အလုပ်ရှုပ်ပါတယ်။ ဟုတ်ကဲ့။
---------------------------------------------------------------------------------------
အဲတော့ကျွန်တော်တို့ ပြည်သူတွေကြားမှာရော ဟိုဘက် ဒီဘက်နှစ်ဖက်စလုံး ရုတ်တရက် အစ်ကို အဲဒီလိုဖြစ်တယ်ဆိုတော့ တချို့ကလည်း အရမ်းအားရပါးရ အားရ၀မ်းသားလုပ်ကြတာတွေရှိတယ်။ ဒီအခြေ အနေမှန်ကို ဘာမှမသိရသေးခင်မှာ အစ်ကိုက အရင်ဆုံး ၀ိုင်းပြီးအပြစ်တင်ခံရသလိုဖြစ်နေတယ်။ အစ်ကိုအနေနဲ့ ကလည်း အဲဒီအပေါ် နည်းနည်းတော့ စိတ်မကောင်းဖြစ်ရမယ်ထင်။ အခြေအနေမှန်ကို ဘာမှမသိရသေးခင် ၀ိုင်း ပြီး ထိုးနှက်ကြတော့ ဘယ်လိုနေလဲ။
---------------------------------------------------------------------------------------
ကျွန်တော်ကတော့ ရိုးနေပြီဗျ။ ကျွန်တော် ဘာကြောင့်လဲဆိုတော့ ဟုတ်တာရော မဟုတ်တာရော ၀ိုင်း စွပ်စွဲကြတာ ရိုးနေပြီ။ ကျွန်တော် အသက် ၁၇ နှစ် သမီးကို မုဒိန်းကျင့်ပါတယ်လို့ ဖွတဲ့သူအများကြီးပဲ။ ကျွန်တော် လည်းပဲ မဖြေရှင်းတော့ဘူး။ ဘာလို့ဆို နိုင်ငံရေးသမားတစ်ယောက်အနေနဲ့က  ဖြေရှင်းလည်းပဲ အမှား၊ မဖြေရှင်း လည်းအမှားဆိုတော့ ကျွန်တော် လွှတ်ထားလိုက်တယ်။ ဒါပေမယ့် ထပ်ခါထပ်ခါများလာရင်တော့ အဲလိုကိစ္စ မျုိုးပေါ့နော်။ ဒါ ကိုယ်ကျင့်သိက္ခာထိခိုက်တဲ့ ကိစ္စဖြစ်လာပြီလေ ဒါကို တရားစွဲမယ်ဆို ဆုံးဖြတ်ထားတယ်။ ဒီကိစ္စ  ကို ထပ်ဖွလာမယ်ဆိုရင်။ တော်ရုံတန်ရုံကိစ္စကတော့ ကျွန်တော်အလုပ်ပျက်တယ်ဗျ မဖြေရှင်းဘူး။ နောက် တခုက ဘယ်လိုပြောမလဲ ကျွန်တော် နိုင်ငံရေးလုပ်သက် ၂၅ နှစ်ရှိပြီ။ ကျွန်တော် အသက် ၂၀ကျော်အရွယ်က ထောင်စကျတာ အခု ၄၅ နှစ်ဆိုတော့ ကျွန်တော့်အတွက်က ရိုးနေပြီဗျ။ နိုင်ငံရေးသမားတစ်ယောက်က အဲလောက်မှ အရေခွံမထူရင် နိုင်ငံရေးလုပ်လို့မရဘူး။ နောက်တစ်ခုက ဘေးကထိုင်ပြီးတော့ ဘုပြောတာ လွယ်တယ်ဗျ။   တကယ်လုပ်ရတာ အဲလောက်မလွယ်ဘူး။  နောက်တစ်ခုက ကျွန်တော်နေ့စဉ်အချက်တွေ သုံးသပ်နေရတာ။ ကျွန်တော် အလုပ်ထိုင်လုပ်နေရတာ။ ကျွန်တော်တို့အဖွဲ့ ကျွန်တော်တို့မှာ ရုံးရှိတယ်။ ကျွန်တော်တို့မှာ တကယ် ပရော်ဖက်ရှင်နယ်တွေ အများကြီးနဲ့ထိုင်လုပ်နေရတာဆိုတော့ အဲဒီလိုအခြေအနေမှာ ကျွန်တော်တို့က အလုပ် လုပ်နေတဲ့ အချိန်မှာ အလုပ်မဟုတ်တာတွေကို လုပ်ဖို့အတွက် အချိန်မရှိဘူးဗျ။ အဲတော့ ခေါင်းထဲမှာလည်း မထည့်ပါဘူး။ မထည့်တာထက်ကို ရောက်ကိုရောက်မလာတာပါ။ ဤကဲ့သို့ တွေ့ရသည်ပေါ့၊ ဧ၀ံမေသုတံ ဤကဲ့သို့ ကြားရသည်ပေါ့။ ဒီလောက်ပါပဲ ဟုတ်ကဲ့။
---------------------------------------------------------------------------------------
အခု အစ်ကို့ကိုလေ ဒီ တိုင်ကြားထားပါတယ်ဆိုတဲ့ အဂတိပေါ့၊ အဂတိဆိုတဲ့ခေါင်းစဉ်နဲ့ တိုင်တာပေါ့နော်။ အဲ့ဒါကရော အစ်ကိုကိုယ်တိုင် သေသေချာချာသိရပြီလား။ ဘာကိုတိုင်တယ်ဆိုတာကို။
---------------------------------------------------------------------------------------
ဘာကိုတိုင်လဲဆိုတာ မသိရတာ။ အဂတိကတော့ ကျွန်တော် အဂတိလို့ ဖြစ်စရာအကြောင်းမရှိဘူး။ ကျွန်တော့်မှာ အဂတိလိုက်စရာ အာဏာမှမရှိဘဲနဲ့။ အာဏာမရှိဘူး။ ကျွန်တော်က လုပ်ရတဲ့အလုပ်ကိုက သတင်းအချက်အလက် သုတေသန။ ဆိုတော့ ကျွန်တော်က တစ်ခုတော့ရှိတာပေါ့ဗျာ။ အခု ၀န်ကြီးချုပ်တွေ၊ ဘာတွေ ပြုတ်တယ်ပြုတယ်ဆိုတော့လည်းပဲ ကျွန်တော့်ဆီက သတင်းအချက်အလက်ရတယ်လို့ ထင်တဲ့သူ ရှိကောင်းရှိမှာပေါ့ နော်။ ဆိုတော့ နောက်တစ်ခုကကျတော့ လုပ်ပိုင်ခွင့်ဘောင်ကျော်တယ်ဆိုတာမျိုးလည်း ဖြစ်နိုင်ခြေရှိတယ်။ မျိုးစုံပေါ့။ ကျွန်တော်ကတော့ အန်ကယ်ဦးဉာဏ်ဝင်းတို့၊ ဦးဟံသာတို့၊ အန်ကယ်ဦးသိန်းဦးတို့ ဒေါက်တာမျိုးညွန့်တို့နဲ့ ရင်းနှီးသော်လည်းပဲ စည်းမျဉ်းစည်းကမ်းအရ စစ်တော့မှ သိရမှာ။ အခု ကျွန်တော် မေးလည်းမမေးဘူး။ စိတ်လည်းမ၀င်စားဘူး။ ကျွန်တော် လုံးဝစိတ်မ၀င်စားတာ။ ကျွန်တော် စိတ်ဝင်စားတာသည် စစ်တဲ့အခါမှာ အမှန်အတိုင်းဖြေမယ်။ အမှန်အတိုင်းဖြေမယ်ဆိုတာက အကယ်၍ မှားရင် မှားတဲ့အကြောင်း ၀န်ခံမယ်။ အကယ်၍ ကျွန်တော့်းကို အနားပေးလည်း နုတ်ထွက်မယ် နော်။ အဲ့လိုဆိုရင် ကျွန်တော် မီဒီယာကလည်းပြောမယ်။ မှားရင် မှားသွားတယ်ဆိုတဲ့အကြောင်း။ အခုလောလောဆယ်မှာ ကျွန်တော် ဘာမှမသိရသေးတော့ ကိုယ့်ကိုယ်ကိုယ် အမှားကင်းတယ်လို့ပဲ မြင်တယ်ဗျာ။ ကျွန်တော် ဒီအလုပ်ဆိုတာ ပိုက်ဆံလည်းစိုက်ရတယ်။ လူအင်အားလည်းစိုက်ရတယ်။ လခလည်းရတာမဟုတ်ဘူး။ ဒီအလုပ်ကို ကျွန်တော် ၉၆ ကတည်းက ထောင်အကျခံပြီးလုပ်ခဲ့တာ။ ဆိုတော့ ကျွန်တော့်အတွက်က စိတ်ရှင်းတယ်ဗျာ။ အတွေးရှင်းတယ်၊ အပြောရှင်းတယ်၊ အလုပ်ရှင်းတယ်။ ဒါရှင်းရှင်းလေးပဲ။ ကျွန်တော့်အတွေးက ရှင်းရှင်းလင်းလင်းရှိတယ်၊ ဖြူဖြူစင်စင်ရှိတယ်။ အဲ့တော့ အပြောကလည်းပဲ ရှင်းရှင်းလင်းလင်းရှိတယ်၊ ဖြူဖြူစင်စင်ရှိတယ်။ အလုပ်ကလည်းပဲ ရှင်းရှင်းလင်းလင်းရှိတယ်၊ ဖြူဖြူစင်စင်ရှိတယ်။ ထို့အတူပဲ အတွေးတိကျတယ်၊ အပြောတိကျတယ်၊ အလုပ်တိကျတယ်။ ကျွန်တော်က အဲ့ဒီလိုပဲတွေးတယ်။
---------------------------------------------------------------------------------------
အဲ့ဒီတော့ အန်ကယ်ဦးဉာဏ်ဝင်းတို့ ဦးဆောင်တဲ့အဖွဲ့က အစ်ကို့ကို ခေါ်မတွေ့သေးဘူး။ အခုဆို ရက်သတ္တပတ်ရှိလာပြီ။ ခေါ်လည်းမတွေ့သေးဘူးဆိုတော့ သူတို့ဘာသာသူတို့ review ပြန်လုပ်နေတယ်လို့ ယူဆလား၊ ဒါမှမဟုတ် ဘာလုပ်နေတယ်လို့ အစ်ကိုသိရလဲ။
---------------------------------------------------------------------------------------
ကျွန်တော် စာရပြီးနောက်နေ့ ကျွန်တော့်ကို suspension ပေါ့နော်၊ တာဝန်ခဏရပ်ဆိုင်းတယ်သိပြီး နောက်နေ့ ကျွန်တော် အန်ကယ်ဦးဉာဏ်ဝင်းဆီသွားတယ်။ အန်ကယ်လို့ ကျွန်တော်အလုပ်ပျက်တယ်လို့ နော်။ အလုပ်ကတော့ ဆက်လုပ်နေရမယ်လို့။ အကယ်၍ ရုံးမှာမလုပ်ရရင် အိမ်မှာလုပ်ရမှာပေါ့နော်။ ဆိုတော့ မြန်မြန်စစ်ပေးပါ။ အဲ့ဒီတော့မှ ကျွန်တော်လည်း သိမှာပေါ့နော်။ ဆက်ပြီးတော့ ဘယ်လိုလုပ်ရမလဲ။ ကိုယ့်ဘာသာကိုယ် independent ပဲ research လုပ်ရမလား။ ဒါမှမဟုတ် ပါတီတာဝန်အရ ဆက်လုပ်ရမလားဆိုတာ သိရမှာ။ အခုတော့ ကျွန်တော် အလုပ်ကတော့ ဆက်လုပ်နေတာပဲ။ သုတေသနဆိုတာ ရပ်လိုက်လို့မရဘူး။ နေ့စဉ်က သတင်းဌာနတွေလိုပဲလေ၊ တစ်ရက်ရပ်လိုက်ရင်တစ်ရက် သတင်းအချက်အလက်တွေက လွတ်သွားမှာလေ။ ဆိုတော့ ကျွန်တော် အမြန်ဆုံးစစ်စေချင်တယ်။ ဒါ ကျွန်တော့်ရဲ့ မျှော်လင့်ချက်ပဲ။ အမြန်ဆုံးဖြတ်စေချင်တယ်။ ကျွန်တော်နဲ့ကတော့ ရှင်းရှင်းပဲ မြန်မှာဗျ။ မှားတယ်ဆိုလည်း ကျွန်တော် လိမ်နေမှာမဟုတ်ဘူး။ ကျွန်တော်ပြောမှာ။ ဟုတ်တယ် ကျွန်တော် လုပ်ခဲ့တယ်။ မှားတယ်။ ဘယ်လိုအရေးယူမလဲ။ အကယ်၍ မှန်တယ်ဆိုလည်းပဲ ကျွန်တော် ဘာလုပ်ခဲ့တယ်၊ အဖြစ်အပျက်ကို ကျွန်တော် အမှန်အတိုင်းပြောမှာဆိုတော့ တစ်ရက်နှစ်ရက်နဲ့ ပြီးမယ်လို့ထင်တယ်။ ဘာကိစ္စလဲ ကျွန်တော်မသိဘူးဗျာ။ တိုင်တဲ့ဘက်ကိုလည်းစစ်မှာ။ အဲ့ဒီဘက်ကတော့ ဘယ်လိုဖြစ်မလဲ ကျွန်တော်မသိဘူး။ ကျွန်တော့်ဘက်ကတော့ ဘာမှသက်သေထူစရာလည်း မရှိဘူး။ ဟုတ်ရင်ဟုတ်တယ် မဟုတ်ရင်မဟုတ်ဘူး ဒါပဲ ကျွန်တော်ပြောမှာပဲ။ အမှန်အတိုင်း ကျွန်တော်ပြောမှာပဲ။
---------------------------------------------------------------------------------------
အဲ့ဒီတော့ တိုင်ကြားတဲ့သူသည် အစ်ကို့ကို ဘာရည်ရွယ်ချက်ကြောင့်တိုင်တာလဲ ဆိုတာမျိုး ပြန်သိတာမျိုးရှိလား။
---------------------------------------------------------------------------------------
အဲ့ဒါ ကျွန်တော်စိတ်ဝင်စားတယ်ဗျ။ ကျွန်တော့်နေရာက ဘာမက်စရာရှိလဲ။ ငွေလည်းစိုက်ရတယ်၊ လူလည်းစိုက်ရတယ်နော်။ ဆိုတော့ ကျွန်တော့်ကို ဘာကြောင့်ဖြုတ်ချင်တာလဲ။ ကျွန်တော် ပါတီမှာ လွှတ်တော်ကိုယ်စားလှယ်တို့၊ ၀န်ကြီးတို့ ဒါမျိုး ကျွန်တော် စိတ်ဝင်စားနေတာမဟုတ်ဘူး။ ကျွန်တော် စိတ်ဝင်စားနေတာက ပါတီကို အချက်အလက်တွေ ထောက်ပံ့ပေးဖို့။ သုံးသပ်ချက်တွေပေးဖို့။ ဒါကို ကျွန်တော် စိတ်ဝင်စားတာ။ ဒါကိုလုပ်ပေးနေတာဗျာ။ လွှတ်တော်ကိုယ်စားလှယ်ဖြစ်ရင်၊ ၀န်ကြီးဖြစ်ရင် ကျွန်တော့်ပါတီထဲက ဖြစ်ကြမှာ။ ၂၀၂၀ အောင်နိုင်ရေးအတွက်ပဲ ကျွန်တော် အရမ်းစိတ်ပူတယ်။ စိတ်ပူတယ် ဆိုတာ ၂၀၁၅ က တကယ်တမ်းကျတော့ ရွေးကောက်ပွဲမဟုတ်ဘူးဗျ။ လှုပ်ရှားမှုတစ်ခု။ ပြည်သူ့လှုပ်ရှားမှု တစ်ခု။ လူတွေက မနက် ၅ နာရီကတည်းက ထစောင့်ပြီး မဲပေးခဲ့ကြတာ။ အခု ၂၀၁၇၊ ၂၀၁၈ ကြားဖြတ် ရွေးကောက်ပွဲတွေ ကျွန်တော် အားမရဘူး။ မဲပေးသူရာခိုင်နှုန်းသည် ၃၀ ရာခိုင်နှုန်းအထက်ပဲ ရှိတယ်။ ဆိုတော့ မဲပေးသူရာခိုင်နှုန်းကျတယ်ဆိုတာ ကျွန်တော်တို့ပဲတီအတွက် ရှုံးနိမ့်ခြင်းအစပဲ။ ပြောရရင်တော့။ နောက်တစ်ခုက တိုင်းရင်းသားပါတီတွေ မိတ်ဖွဲ့သွားကြပြီ။ ပြည်ခိုင်ဖြိုးပါတီ ပိုနိုင်လာတယ်။ ဒီအခြေအနေတွေအရ ကျွန်တော်တို့ပါတီ ပိုပြင်ဆင်ဖို့လိုလာတာ ကျွန်တော် တွေ့ရတယ်။ ကျွန်တော့်ဘက်ကတော့ ဒါတွေဖြစ်နေပြီဆိုတာကို message တွေပေးထားတယ်။ တိုင်းရင်းသားပါတီတွေနဲ့ မဟာမိတ်ဖွဲ့မှရမယ်။ ပြည်သူတွေ မဲလာမပေးတဲ့ရာခိုင်နှုန်း များလာနေပြီ။ နောက်တစ်ခုက ရွေးကောက်ပွဲကော်မရှင်ရဲ့ ဥပဒေတွေ ပြင်စရာတွေရှိမယ်။ မဲဆန္ဒရှင်စာရင်း မှန်အောင်လုပ်ရမယ်။ ဒါတွေလည်း ကျွန်တော်တို့ ကြည့်နေတာ၊ လုပ်နေတာတွေရှိတယ်။ ဒီလိုမျိုး အလုပ်တွေ များတဲ့အချိန်မှာ ငြိမ်းချမ်းရေးဖြစ်စဉ်ရယ်၊ ဖွဲ့စည်းပုံအခြေခံဥပဒေပြင်ဆင်ရေးပေါ့၊ ဒါလည်းပဲ ၃၆၀၀ ဆိုတာ မှားပါတယ်။ အားလုံး ၇ ချက်ပဲရှိတယ်၊ ကျွန်တော်တို့ကြည့်ထားတာ။ နိုင်ငံရေးအတွက် အရေးပါတာ။ ၃၆၀၀ ဆိုတာ နိုင်ငံရေးနားမလည်လို့ပြောတယ်လို့ ပြောလို့ရတာပေါ့နော်။ နောက်တစ်ခုက ရွေးကောက်ပွဲဖြစ်စဉ်။ ဒီလို အလုပ်အရမ်းများနေတဲ့အချိန်မှာ ဘာလုပ်ချင်တာလဲ။ ကျွန်တော် အဲ့ဒါအရမ်းသိချင်တယ်။ ကျွန်တော် စိတ်ဝင်စားတယ်။ ဘာလုပ်ချင်တာလဲ။ ကျွန်တော့်ကို ဘာမကျေနပ်တာလဲ။ နောက်တစ်ခုက ကျွန်တော့်ကို ဒီနေရာက ဖယ်ရှားမယ်ဆိုရင် နစ်နာမှာ ပါတီ၊ နိုင်ငံတော်။ ကျွန်တော်မဟုတ်ဘူး။ ကျွန်တော့်အတွက်က ကျွန်တော် စီးပွားရေးလုပ်လို့ရတယ်။ အခုလည်း ကျွန်တော့်လုပ်ငန်းနဲ့ကျွန်တော် အေးအေးဆေးဆေး နေလို့ရတယ်။ ဆိုတော့ ကျွန်တော် ငွေလည်းစိုက်တယ်၊ လူလည်းစိုက်တယ်၊ အသိဉာဏ်လည်းစိုက်တယ်။ အားလုံးကိုပေးထားတာဗျာ။ ပြန်ရနေတာ ဘာမှမရှိဘူး။ ဆိုတော့ ဒီအလကားရနေတာကို ပါတီအတွက်၊ နိုင်ငံအတွက် သုံးလိုက်ပေါ့။ အဲ့ဒီလိုပဲ ကျွန်တော်မြင်တယ်။ ကျွန်တော့်အတွက်ကတော့ ဘာမှမစိုးရိမ်ဘူး။ ဘာမှလည်း စိုးရိမ်စရာမရှိဘူး။ သိလည်းမသိချင်ဘူး။ ကျွန်တော် အလုပ်ကဆက်လုပ်သွားမှာပဲ။ ဟုတ်ကဲ့။
---------------------------------------------------------------------------------------
နောက်တစ်ခုက အစ်ကိုက ပါတီမှာ သုတေသနဌာနမှူးလိုနေရတာ၊ ပြီးတော့ လူငယ်၊ ထက်ထက်မြက်မြက်နဲ့ မှန်မှန်ကန်ကန် ရဲရဲဝံ့ဝံ့ပြောတာတွေများတယ်။ များသောအားဖြင့် အစ်ကို့ရဲ့ နာမည်သတင်းတွေ ကြားမိသလောက် ယုံကြည်ရာကို ပြောရဲတဲ့သတ္တိရှိတယ်ပေါ့နော်။ အဲ့ဒီတော့ ကျွန်တော် ပြန်ပြီးသတိထားမိလာတာပေါ့၊ ဒီ အစ်ကို့ကိုတိုင်တဲ့သူတွေဟာ တကယ် NLD ပါတီဝင်၊ NLD အစစ်အမှန်တွေဆိုရင် အစ်ကို့ကို တိုင်ပါ့မလား။
---------------------------------------------------------------------------------------
ပါတီမှာ အများဆုံးက တိုင်စာတွေဗျ။ ကျွန်တော်တော့ တစ်ခါမှ မတိုင်ဖူးဘူး။ တစ်ခါမှလည်း အတိုင်မခံဖူးဘူး။ ဘာကြောင့်တိုင်ကြလဲဆိုတော့ လူကြီးတွေလည်း အလုပ်ရှုပ်တယ်ဗျာ။ အဂတိတို့၊ အာဏာအလွဲသုံးစားတို့ ဒါတွေကတော့ မဖြစ်မနေအရေးယူရမယ်။ ပြည်သူကို မချေမငံဆက်ဆံတာတို့။ ဒါမျိုးပေါ့နော်။ ဆိုလိုချင်တာက အဓိကက ပြည်သူကိုစော်ကားလို့ရှိရင်၊ ပြည်သူကိုစော်ကားတယ်ဆိုတာက ကိုယ်အမူအရာ၊ နှုတ်အမူအရာနဲ့စော်ကားတာရှိမယ်။ နောက်တစ်ခုက အလွဲသုံးစားလုပ်ပြီးစော်ကားတာ၊ ပြည်သူပေးလာတဲ့မဲကိုပေါ့။ အဲ့ဒါဆိုရင်တော့ အရေးယူသင့်တယ်ဗျနော်။ တိုင်လည်းတိုင်သင့်တယ်။ ဒါပေမဲ့ တိုင်စာတွေ ဟိုကိစ္စလည်းတိုင်၊ ဒီကိစ္စလည်းတိုင်ပေါ့နော်။ ဆိုလိုချင်တာက အဲ့ဒါမျိုးကတော့ မဖြစ်သင့်ဘူးထင်တယ်။ ဘာကြောင့်လဲဆိုတော့ ပါတီက အလုပ်လုပ်ရမှာလေ။ ပါတီဝင်တယ် ဆိုတာက ဒီပါတီမှာ အလုပ်လုပ်ချင်လို့ဝင်တာ မဟုတ်ဘူးလား။ အနည်းဆုံးတော့ ကိုယ့်အိမ်ဘေးကို စည်းရုံးပြီးသွားပြီလား။ ရွေးကောက်ပွဲအကြောင်း သွားရှင်းပြပြီးသွားပြီလား။ ဒါမျိုးပေါ့နော်။ အဲ့ဒီတော့ လူတိုင်းလူတိုင်းမှာ လုပ်ချင်လို့ရှိရင် အမြဲတမ်းကြည့်နေတယ်။ ဘာလုပ်ရမလဲ ကြည့်နေတယ်။ အလုပ်တွေ အများကြီးပဲ။ ကြည့်နေရင် မြင်တယ်။ မြင်တဲ့အပေါ်မှာ ဘယ်လိုမျိုးလုပ်မလဲ စဉ်စားမယ်။ အဓိကက လုပ်ချင်တဲ့ ဆန္ဒပဲလိုတာ။ တိုင်တယ်တောတယ်ဆိုတာ အလုပ်မဟုတ်ဘူးဗျ။ တကယ်တမ်းကျတော့။ ဖြေရှင်းရတာလည်း အချိန်ကုန်တယ်၊ အလုပ်ပျက်တယ်ဗျာနော်။ အဲ့ဒီတော့ ပါတီဝင်အစစ်တွေရော၊ အစစ်မဟုတ်တာတွေရော ပြောနေဆိုနေကြတာပဲ တိုင်နေကြတာပဲ။ ဒါကို အလုပ်တစ်ခုအဖြစ် လုပ်နေကြတယ်လို့ ကျွန်တော်မြင်တယ်။ အဲ့ဒါကိုက မှားတာလို့ ကျွန်တော်မြင်တယ်။ အနှစ်သာရကို မမြင်တာပေါ့ဗျာ။ အနှစ်သာရက ပါတီ ၂၀၂၀ မှာ နိုင်ရမယ်။ အဲ့ဒီအတွက် အလုပ်ကို နှစ်ဆသုံးဆလေးဆ ဆယ်ဆ လုပ်ရမယ်။ ဒါ အနှစ်သာရဗျ။ ဟုတ်ကဲ့။
---------------------------------------------------------------------------------------
နောက် ကျွန်တော် စာလေးတစ်ခုမှာ ရုတ်တရက် ဖတ်လိုက်ရတာပေါ့နော်။ အဲ့ဒီမှာ ပါတီရဲ့ အသက်ကြီးပိုင်းတွေပေါ့နော် တချို့တွေက အတွေးအခေါ်ဟောင်းတွေနဲ့ပေါ့နော် လူငယ်တွေ၊ ထက်ထက်မြက်မြက်နဲ့ လုပ်နေကိုင်နေတဲ့အခါမှာ လူကြီးတွေက မကြိုက်တဲ့အခါကျတော့ တဖြည်းဖြည်းချင်း ပါတီကနေ ဖယ်ထုတ်ပစ်လိုက်တယ်ပေါ့နော်။ ပြောစကားဆိုစကားနားမထောင်လို့၊ သူတို့အမိန့် မနာခံလို့။ ငါပြောတာလုပ်၊ ငါခိုင်းတာလုပ်ဆိုတာဟာမျိုးတွေ မဟုတ်တဲ့အခါ ဖယ်တာမျိုးတွေမြင်ရတယ်ဆိုတဲ့ ပုံစံမျိုး စာတစ်ခုမှာ ကျွန်တော် ဖတ်လိုက်ရတယ်။ အစ်ကို့ဒီဖြစ်စဉ်နဲ့ပတ်သက်ပြီးတောု့။ အဲ့ဒီဖြစ်စဉ်တွေက တကယ်ပဲလား၊ ဒါမှမဟုတ် အွန်လိုင်းပေါ်မှာ ဖွရေးတယ်လို့ ယူဆရမလား။
---------------------------------------------------------------------------------------
ဒါကတော့ဗျာ အခွင့်ကြုံလို့ ထိုးခွဲတဲ့သဘောပါ။ တကယ်တော့ ကျွန်တော်လူငယ်မဟုတ်ဘူး၊ လူလတ်ဗျ။ ကျွန်တော် ၄၅ နှစ်ရှိပြီ။ ဆိုလိုချင်တာက ကျွန်တော့်အသက်က အလုပ်လုပ်လို့ကောင်းတဲ့အရွယ်။ တကယ်တမ်းကျတော့ ကျွန်တော့်ကို တာဝန်ပေးမယ်ဆိုရင်။ အထိုက်အလျောက်လည်း အတွေ့အကြုံရှိတယ်ဗျာ။ နိုင်ငံရေးအတွေ့အကြုံ ၂၅ နှစ်ဆိုတာ နည်းတဲ့အတွေ့အကြုံမဟုတ်ဘူး။ ထို့အတူပဲ ကျွန်တော် အထိုက်အလျောက် political maturity ပေါ့၊ အထိုက်အလျောက် နိုင်ငံရေးရင့်ကျက်မှုရှိတယ်။ ဆိုတော့ အလုပ်လုပ်လို့ကောင်းတဲ့အရွယ်ဆိုတော့ ကြီးကြီးမားမား တာဝန်ပေးစေချင်တယ်။ တာဝန်မပေးလည်း ကျွန်တော် ယူပါတယ်နော်။ ကိုယ့်ဘာကိုယ်ပဲ တာဝန်ပြန်ပေးထားတာပဲ။ ဆိုတော့ ပါတီမှာလေ အန်ကယ်ဦးဟန်သာဆိုရင် အသက် ၇၀ လောက်ရှိတယ်ပေါ့နော်။ အန်ကယ့်အသက် အတိအကျမသိဘူး။ အရမ်းတော်တယ်ဗျ။ သမ္မတကြီးဦးဝင်းမြင့် သူပြောတာကြည့်ကြည့်လိုက်။ ဆိုလိုချင်တာက အသက်ကြီးသွားတိုင်း မတော်ဘူးတော့မဟုတ်ဘူးဗျ။ သမ္မတကြီးဦးဝင်းမြင့်ဆို ရှင်းရှင်းလင်းလင်းပြောသွားတာ။ သူ့မိန့်ခွန်းတွေလေ။ ဆိုတော့ အဲဒီဟာတော့ ကျွန်တော် လက်မခံဘူး။ ကျွန်တော်တို့အရွယ်က အလုပ်လုပ်လို့ ကောင်းတဲ့အရွယ်။ နောက်တစ်ခုက လက်ရှိပါတီခေါင်းဆောင်တွေက ကျွန်တော်တို့ထက် one generation လောက် ပိုကြီးတာပေါ့နော်။ အသက် ၂၀ လောက် ပိုကြီးကြတယ်။ ဗမာပြည်အနေနဲ့ဆိုရင် သူတို့ဖြတ်သန်းမှုတွေ ဆက်ပြီးအသုံးချရဦးမှာပဲ။ အခုလည်းပဲ CEC မှာ တိုးချဲ့မှုတွေလုပ်တဲ့အခါမှာ ဦးဖြိုးမင်းသိန်းတို့ ပါလာတာပဲ။ ဦးအောင်စိုးကတော့ သူ့ရဲ့ဆန္ဒအလျောက် နုတ်ထွက်သွားတာပေါ့လေနော်။ ထပ်ပါလာဦးမှာပါ။ ဆိုတော့ ကျွန်တော်ကတော့ အဲ့ဒီပြဿနာရှိတယ်လို့ မမြင်ဘူး။ တွေ့လည်းမတွေ့ရဘူး။ ဒီလိုပါပဲ တိုင်သူရှိရင်တော့ စုံစမ်းရတာပေါ့။ စစ်ဆေးဖို့လိုအပ်မယ်ထင်ရင်တော့ စစ်ဆေးရတာပေါ့။ ဒါကတော့ သဘာဝပါပဲ။ ဟုတ်ကဲ့။
---------------------------------------------------------------------------------------
လက်ရှိဖြစ်စဉ်နဲ့ပတ်သက်ပြီး ဒါ နောက်ဆုံးမေးခွန်းတစ်ခုပါ။ တိုင်ကြားတဲ့သူတွေလည်းရှိလာပြီ၊ အစ်ကိုကလည်း လက်ရှိမှာ ပါတီရဲ့ရာထူး suspend လုပ်တာ ခံထားရပြီ၊ ပါတီကလည်း ခေါ်မစစ်သေးဘူး ဆိုတော့ ဒီသုံးခုကြားမှာ အချိန်ကလည်း နည်းနည်း၊ အစ်ကိုပြောသလို အချိန်ရှိတာမဟုတ်ဘူး။ အလုပ်တွေ လုပ်စရာအများကြီးရှိတယ်။ အစ်ကိုဖြစ်စေချင်တာကလည်း မြန်မြန်ဖြတ်စေချင်ပြီလို့ပြောတယ်။ ဒါပေမဲ့ ဘာလိုနေတယ်လို့ထင်လဲ။
---------------------------------------------------------------------------------------
အခု ဦးသိန်းဦးက နိုင်ငံခြားမှာလို့ သိရတယ်။ လူစုံမှ စစ်ရမှာပေါ့နော်။ နောက်တစ်ခုကကျတော့ တိုင်တဲ့ဘက်ကို အရင်စစ်မှာလို့ ကျွန်တော်သိရတယ်။ လောလောဆယ်မှာတော့ ကျွန်တော် ရုံးကို လှမ်းဖုန်းဆက်လိုက်၊ မေးလိုက်နဲ့ပေါ့။ ပြီးတော့ ကျွန်တော် သာမန်လူတစ်ယောက်အနေနဲ့ ရုံးသွားလည်လို့ရတယ်လေနော်။ ကျွန်တော်ကတော့ လည်ပတ်မှုရှိတာပေါ့။ ဘာကြောင့်လဲဆိုတော့ ပြတ်သွားလို့မဖြစ်ဘူး။ ကျွန်တော် ဒီရုံးမှာအလုပ်လုပ်တယ်။ အိမ်မှာလည်း အလုပ်လုပ်တယ်ပေါ့နော်။ အဲ့ဒီတော့ အဆင်ပြေပါတယ်။ ကျွန်တော်က အမြန်ဆုံးတော့ ဖြတ်စေချင်တယ်။ ဒီကိစ္စတွေကိုလေနော်။ အချိန်တော့ ဆွဲမထားစေချင်ဘူးပေါ့။ အချိန်ဆွဲတာမဟုတ်ဘူး။ အချိန်ဆွဲမထားစေချင်ဘူးဆိုတဲ့စကားက မှားတယ်။ အချိန်အများကြီးမယူစေချင်ဘူး။ ချက်ချင်းစစ်၊ ချက်ချင်းပြော၊ ချက်ချင်းဖြေ။ အရေးယူချင်လည်းယူ၊ အရေးမယူချင်လည်း တာဝန်ပြန်ပေးပေါ့။ ဒါဆိုရင်တော့ ရှင်းရှင်းလင်းလင်းပေါ့။ ဟုတ်ကဲ့။

https://m.facebook.com/story.php?story_fbid=1392264890951696&id=100005045940238