ကချင်တနိုင်းမှော်အားအစိုးရကကိုင်တွယ်ကြတ်မတ်ရန်အဆိုအား တပ်မတော်ကိုယ်စားလှယ်များပြင်းပြင်းထန်ထန်ကန့်ကွက်

ဇယျာမော်
Mon, 08/14/2017 - 18:46
(Photo-Global Witness)

ရန်ကုန်၊ သြဂုတ် ၁၄ ။                  ။ ကချင်ပြည်နယ် အတွင်းရှိ တနိုင်းနှင့် ဖားကန့်ဒေသ၌ တရားမဝင် ရွှေနှင့် ပယင်းမှော်များ တူးဖော်ဆောင်ရွက်နေသည့် လုပ်ငန်း များကို ပြည်ထောင်စု အစိုးရက ထိထိရောက်ရောက် ကြပ်မတ်ပေးရန် တိုက်တွန်းကြောင်း အဆိုကို တပ်မတော်သား ကိုယ်စားလှယ်များက ပြင်းပြင်းထန်ထန် ကန့်ကွက် ဆွေးနွေးခဲ့သည်။

ယနေ့ကျင်းပသည့် ပြည်သူ့လွှတ်တော် အစည်းအဝေး၌ တနိုင်း မဲဆန္ဒနယ်မှ ဦးလင်းလင်းဦး တင်သွင်းသည့် အဆိုကို လွှတ်တော် ကိုယ်စားလှယ်များက ဝိုင်းဝန်း ဆွေးနွေးရာ၌ တပ်မတော်သား ကိုယ်စားလှယ် သုံးဦး အပါအဝင် လွှတ်တော် ကိုယ်စားလှယ် လေးဦးက ပြင်းပြင်းထန်ထန် ကန့်ကွက် ဆွေးနွေးခဲ့ကာ ကိုယ်စားလှယ် လေးဦးက ထောက်ခံဆွေးနွေးခဲ့သည်။

တပ်မတော်မှ အဆိုပါ ဒေသများတွင် တရားဥပဒေ စိုးမိုးရေး အတွက် နယ်မြေ ရှင်းလင်းရေး လုပ်ငန်းများ ဆောင်ရွက်နေခြင်း ဖြစ်ပြီး တရားဥပဒေ စိုးမိုးမှုရှိမှသာ ပြည်ထောင်စုက ကိုင်တွယ် ဆောင်ရွက်သင့်ကြောင်း ဆွေးနွေးခဲ့ခြင်း ဖြစ်သည်။

အဆိုကို ဆွေးနွေးရာတွင် မင်းကင်းမြို့နယ် ပြည်သူ့ လွှတ်တော် ကိုယ်စားလှယ် ဦးမောင်မြင့်က "တပ်က KIA ကို မုန်းလို့ လုပ်တာ မဟုတ်ဘူး။ ပျော်လို့ လုပ်နေတာလည်း မဟုတ်ပါဘူး။ အမျိုးသား အကျိုး စီးပွားနဲ့ အချုပ်အခြာ အာဏာကို ကာကွယ်ဖို့ အတွက် အသက်တွေ သွေးတွေ ချွေးတွေနဲ့ ရင်းပြီးတော့မှ လုပ်ဆောင်ရတယ် ဆိုတာကို သိရှိရန်လိုပါတယ်" ဟု အဆိုကို ပြင်းပြင်းထန်ထန် ကန့်ကွက်ကြောင်း ဝင်ရောက် ဆွေးနွေးစဉ် ပြောဆိုခဲ့သည်။

သို့သော်လည်း ရွှေကျင်မြို့နယ် ပြည်သူ့လွှတ်တော် ကိုယ်စားလှယ် ဦးစောသလေးစောက အဆိုရှင် တနိုင်း မဲဆန္ဒနယ်မှ ဦးလင်းလင်းဦး၏ အဆိုမှာ ပါဝင်သည့် "ပြည်ထောင်စု အစိုးရ၏ ဆုံးဖြတ်ချက်ဖြင့်သာ လုံခြုံရေး ကိစ္စရပ်များကို ဆောင်ရွက်သင့်ပါတယ်" ဟု ထောက်ခံ ဆွေးနွေးခဲ့သည်။

အဆိုအား ဝိုင်းဝန်း ဆွေးနွေးသည့် အမျိုးသား ဒီမိုကရေစီ အဖွဲ့ချုပ် ပါတီမှ လွှတ်တော် ကိုယ်စားလှယ်များက ထောက်ခံ ဆွေးနွေးခြင်းများ ပြုလုပ်ခဲ့သလို တပ်မတော် ကိုယ်စားလှယ်များက ကန့်ကွက်ကြောင်း ဝင်ရောက် ဆွေးနွေးခဲ့သည်။

ဆွေးနွေးစဉ် ကာလအတွင်း ပြည်သူ့လွှတ်တော် ဥက္ကဌ ဦးဝင်းမြင့်မှ "အဆိုကို ဆွေးနွေးစဉ် အဖွဲ့အစည်း တစ်ခုခုကို ထိပါး ပြောဆိုခြင်း မပြုရန်၊ မသင့်လျော်တဲ့ အသုံးအနှုန်း ပြောကြားခြင်း မပြုရန်၊ တိုင်းရင်းသား စည်းလုံး ညီညွတ်ရေးကို ထိခိုက်စေနိုင်တဲ့ စကား မပြောရန်" သတိပေး ပြောဆိုခြင်း ပြုလုပ်ခဲ့သည်။

တပ်မတော်သား ကိုယ်စားလှယ် ဒုတိယ ဗိုလ်မှူးကြီး စိုးမြင့်အောင် က "တပ်မတော် အနေနဲ့ နိုင်ငံရဲ့ သယံဇာတများ ဆုံးရှုံးမှု မရှိစေရေးနဲ့ သဘာဝ ပတ်ဝန်းကျင် ပျက်စီးမှု မရှိစေဖို့ အတွက် ဖွဲ့စည်းပုံပါ ပြဌန်းချက် အတိုင်း ကာကွယ် စောင့်ရှောက်ခြင်း လုပ်ငန်းများကို အမိန့်စောင့်စရာ မလိုပဲ ဥပဒေနဲ့အညီ လုပ်ဆောင်နေခြင်း ဖြစ်ပြီး လုပ်ကိုင်စရာရှိသည် များကို ဆက်လက် ဆောင်ရွက်သွားပါမယ်" ဟု   ဆွေးနွေးခဲ့သည်။

ယင်းနောက် သယံဇာတနှင့် သဘာဝ ပတ်ဝန်းကျင် ထိန်းသိမ်းရေး ၀န်ကြီးဌာန ပြည်ထောင်စု ၀န်ကြီး ဦးအုန်းဝင်းမှ အဆိုအား အတည်ပြုသင့်ကြောင်း သဘောထား မှတ်ချက် ပေးခဲ့ပြီးနောက် အဆိုအား အတည်ပြုကြောင်း ပြည်သူ့လွှတ်တော်က ဆုံးဖြတ်ခဲ့သည်။

#Mizzima