၂၀၁၅ ရွေးကောက်ပွဲအပြီး NLDပါတီအပြတ်အသတ်အနိုင်ရပြီးနောက်
အစိုးရမဖွဲ့မီ တနေ့ညနေ သုံးနာရီခန့်
ညီတော်မောင်(ကျွန်တော့ထက်ငါးနှစ်ငယ်သော)
ဦးကိုနီထံမှဖုံးဝင်လာသည်။
"ဆရာရေ ကျွန်တော် Hand phoneကို
ခေါ်တာမရလို့ ကြိုးဖုံးကိုခေါ်လိုက်တာ
ပိုကောင်းသွားတယ် ဆရာအိမ်မှာရှိနေတာသိရတာ
ဆရာအားတယ်မဟုတ်လား"
"အားပါတယ်"
ဦးကိုနီကဆက်လက်၍ ...
" ကျွန်တော်ဆရာ့ဆီလာခဲ့မယ် ဆရာစာအုပ်စိမ်းကြီး( ၂၀၀၈ ဖွဲ့စည်းပုံကိုရည်ညွှန်း) ရဲ့ စာမျက်နှာ ၈၀ အပေါ်ဆုံးက ပုဒ်မ ၂၁၇ ကို
ကြည့်ထား၊ ကျွန်တော်အခုထွက်လာပြီ။ ဆရာလည်းကြိုကြည့်ထား။ "
ကျွန်တော်ကသူပြောသည့်အတိုင်း
စားပွဲပေါ်ရှိစာအုပ်ပုံမှဆွဲထုတ်၍ စာမျက်နှာ ၈၀ သို့
လှန်ကာထိပ်ဖက်ရှိ ပုဒ်မ ၂၁၇ ကိုဖတ်ကြည့်၏။
217. Subject to the provisions of the Constitution, the executive power of the Union shall be vested in the President. Nothing in this Section shall prevent the Pyidaungsu Hluttaw from conferring functions and powers upon any authoritative body or person, or be deemed to transfer to the President functions and powers vested in any administrative body or person concerned under the existing laws.
ပုဒ်မ - ၂၁၇ ဖွဲ့စည်းပုံအခြေခံဥပဒေပါ
ပြဌာန်းချက်များနှင့်မဆန့်ကျင်စေဘဲ
ပြည်ထောင်စု၏ အုပ်ချုပ်မှုအာဏာသည်
နိုင်ငံတော်သမ္မတ၌တည်ရှိသည်။ ဤစကားရပ်ကြောင့် ပြည်ထောင်စုလွှတ်တော်သည်
အာဏာပိုင်အဖွဲ့အစည်းတရပ်ရပ်အားလည်းကောင်း
အာဏာပိုင်ပုဂ္ဂိုလ်တဦးဦးအားလည်းကောင်း
တာဝန်နှင့်လုပ်ပိုင်ခွင့်များပေးအပ်ခြင်းမပြုနိုင်ဟု
မမှတ်ယူရ။ ထို့ပြင်ယင်းစကားရပ်ကြောင့်
တည်ဆဲဥပဒေများအရ
သက်ဆိုင်ရာအာဏာပိုင်အဖွဲ့အစည်းတရပ်ရပ်အား
ဖြစ်စေ သက်ဆိုင်ရာအာဏာပိုင်ပုဂ္ဂိုလ်တဦးဦးအားဖြစ်စေ အပ်နှင်းထားသည့်တာဝန်နှင့်လုပ်ပိုင်ခွင့်များကို နိုင်ငံတော်သမ္မတအားလွှဲပြောင်းပေးအပ်သည်ဟုလည်း မမှတ်ယူရ။
မကြာမီဦးကိုနီရောက်လာ၏။ အိမ်ရှေ့ခန်းဆိုဖာခုံပေါ်တွင်သူနှင့်ကျွန်တော်
နှစ်ယောက်သာရှိ၏။
"ကိုနီရေ-ခဏအပန်းဖြေပါအုံး ဘာသောက်မလဲ"
" ရတယ်ဆရာကျွန်တော်ရေဘဲသောက်မယ် -"
"အဲဒီပုဒ်မအရ -(သမ္မတမဖြစ်အောင်မတရားရေးဆွဲပြီး ပုဒ်မ ၅၉(စ)နဲ့တားဆီးထားတဲ့) ကျွန်တော်တို့အစ်မ( ဒေါ်အောင်ဆန်းစုကြည်ကို
ရည်ညွှန်းခေါ်ဆို) ကို ကျွန်တော် ဥပဒေဘောင်ထည်းက တရားဝင် အာဏာပိုင်တဦးအဖြစ် စီစဉ်ပေးလို့ရပြီ။
ဆရာကမဖြစ်နိုင်တဲ့ဘက်ကစဉ်းစားပြီးထောင့်စုံကဆွေးနွေးပေးပါ"
နောက်ဆုံးတွင်ကျွန်တော်တို့ရှုထောင့်ပေါင်းစုံမှ
ဆွေးနွေးကြ၏။ စဉ်းစားကြ၏။
ဤပုဒ်မကို ရေးဆွဲသူတို့က ရည်ရွယ်ချက်ရှိရှိဆွဲခဲ့ပုံရ၏။
သို့သော် ဖွဲစည်းပုံစာအုပ်ကိုအလွတ်နီးနီး မွှေနှောက်နေသော ညီတော်မောင်ကိုနီကား သတိပြုမိသွား၏။
""" အာဂ-ကိုနီပါတကား။ """
ဦးကိုနီသည်အမ(ဒေါ်အောင်ဆန်းစုကြည်ကိုသူခေါ်နေကျအတိုင်း) အားနိုင်ငံတော်ကို ဦးဆောင်သူအကြီးအကဲ အလွန်ဖြစ်စေချင်၏။
သူ၏ ဟောပြောပွဲများကိုကြည့်ပါ-
လူသောင်းချီတက်ရောက်သောဗိုလ်စိန်မှန်ကွင်း ဟောပြောပွဲတွင် ဦးကိုနီကလူထုကိုပြောခဲ့သည့်စကား -
"ဒီလောက် ပြည်သူလူထုအပေါ်မှာ စေတနာမေတ္တာထားတဲ့သူ၊ ဒါလောက်နိုင်ငံတကာက လေးစားတဲ့သူ၊ ဒီလောက်ဥာဏ်ပညာ အမြော်အမြင်ကြီးမားတဲ့သူ -
ဒီလိုလူမျိုးသာ ဦးဆောင်အုပ်ချုပ်ရင် ကျွန်တော်တို့တိုင်းပြည် တရှိန်ထိုး တိုးတက်သွားမှာပေါ့။
သူ့ကိုဦးဆောင်မှုမပေးရင် - ဒေါ်အောင်ဆန်းစုကြည်က ဘာဒုက္ခမှမဖြစ်ဘူး တကယ်ဒုက္ခဖြစ်မှာက ခင်ဗျားတို့ကျွန်တော်တို့ပြည်သူတွေ"
ပြည်သူလူထုကြီးမှလက်ခုပ်သြဘာသံ တဖြောင်းဖြောင်းလျှံထွက်လာ၏။
-တာမွေဗိုလ်စိန်မှန်ကွင်းအပြည့်၊ အဲဒီနေ့က နာယကကြီးဦးတင်ဦးကသဘာပတိ၊ ဦးဝင်းတင်မသေသေး ရှေ့ဆုံးတန်းမှာ ပြုံး၍
ကွင်းပြည့်လျှံနေသောလူထုကြီးက-
အနောက်ဖက်လမ်းတွင်- ရုပ်သံပိတ်ကားကြီးရှေ့၌တလမ်းလုံးအပြည့်။
ညကမှောင်လာသည်( လူထုကြီးက သဘောကျ -နားထောင်ကောင်း၍ ဦးကိုနီဆက်ဟောပါ၊ ဆက်ဟောပါနဲ့တောင်းဆိုကြ- တက်ရောက်နားထောင်ဖူးသူများ- အခွေကြည့်ဖူးသူများမှတ်မိကြပါလိမ့်မည်။)
ထို့နောက်ဤကိစ္စကိုအမဒေါ်အောင်ဆန်းစုကြည်၊ဦးဝင်းမြင့် ( ယခုနိုင်ငံတော်သမ္မတကြီး)၊ဒေါက်တာဇော်မြင့်မောင်( ယခုမန္တလေးတိုင်းဝန်ကြီးချုပ်) နှင့် ဦးကိုနီတို့လေးဦး- (သိပ်သည်းစွာ)တိုင်ပင်ကြ၍
(ကိုနီ့စကားအရသစ္စာဆိုရဲပါသည်-အပြင်လူဆရာယောက်ထဲသာသိသေးတယ်ဆရာ ။ စိတ်ချပါကိုနီ ။)
-ကျွန်တော်တို့နှစ်ယောက်ကား ဆိုးတိုင်ပင်ကောင်းတိုင်ပင်-
ထို့နောက်ရက်အနည်းငယ်ကြာသောအခါ၊ အမရဲ့ရာထူးနံမည်ကို ဘယ်လိုပေးရင်ကောင်းမလဲဟု ဆွေးနွေးကြပြန်၏။ အမျိုးစုံစဉ်းစားကြ၏။
ဂျာမနီမှနမူနာယူ၍-
" နိုင်ငံတော်အဓိပတိ" ဆိုလျင်ကော မကောင်းဘူးလားကိုနီ
"အမကသိပ်ခမ်းနားတဲ့နာမည်လည်း ကြိုက်မှာမဟုတ်ဘူးဆရာ။"
နောက်ပိုင်းတွင် ကိုနီပြန်ပြောချက်အရ တဦးကAdvisor ဟုအကြံပြု၏။
ကျွန်တော်က-
" ကိုနီ-အမအနေနဲ့ အဲဒီစကားလုံးထက်မြင့်တာမှ ကောင်းမယ်ထင်တယ်။"
ကိုနီနှင့်စဉ်းစားကြ၏။ နောက်ဆုံး"Consultant"
ဆိုသောစကားလုံးကိုသဘောကျကြ၏။
ကိုနီနေပြည်တော်သွား၍အမကိုပြောပြသောအခါ-
ဒေါ်အောင်ဆန်းစုကြည်က " Consultant" အစား " Counsellor" ဟူသော စကားလုံးကိုကြိုက်၍
( ဦးကိုနီ ပြန်ပြောပြချက်အရ- အမက သူ့ရုံးခန်းထဲကစာအုပ်မှာတခါကြည့်တယ်-
နောက်တခါ ကပ်ရက်သူ့အိမ်ကိုသွားပြီးတော့ -စာအုပ်ယူလာပြီး၊ သေခြာပြီဆိုမှ...
" State Counsellor- နိုင်ငံတော်အတိုင်ပင်ခံပုဂ္ဂိုလ် " ဆိုပြီး အတည်ပြုပေးလိုက်တယ်ဆရာ။)
ထို့နောက်ဦးကိုနီနေပြည်တော်သို့အကြိမ်ကြိမ်သွား၏။တခါတရံအမအခန်း၏ရှေ့စားပွဲရှိ ဒေါက်တာတင်မာအောင် ( ကိုနီ့အခေါ်ငယ်ငယ်)အား- အမရှိလားဟုမေးသံကြားလျင် ဒေါ်အောင်ဆန်းစုကြည်က-အထဲမှလှမ်းခေါ်၏။
တခါတရံဦးကိုနီ ရန်ကုန်ရောက်ခါနီးမှ အမကအရေးတကြီးပြန်ခေါ်လျှင် ကားကိုပြန်လှည့်ရ၏။
ထို့နောက်နိုင်ငံတော် အတိုင်ပင်ခံနှင့်ပတ်သက်သည့် ဥပဒေကြမ်းကို ဦးကိုနီအားဦးစွာရေးဆွဲစေ၍ အချက်အလက်များရှာကြပြီးနောက် -
(၂၀၁၆ခုနှစ်ဧပြီလသင်္ကြန်ရက်တွင်း )ဦးကိုနီ၏
၄၂ လမ်းထိပ် အိမ်ရှိရုံးခန်းထဲတွင်၊ မည်သူ့အားမျှဝင်ခွင့်မပြုဘဲ၊ ကျွန်တော်တို့ကော်ဖီပင်မသောက်ဖြစ်ဘဲ
ညနေပိုင်း ၃:၃၀ ခန့်အထိ အချောသပ်ကြရာ-
ပထမဆုံး-"နိုင်ငံတော်အတိုင်ပင်ခံပုဂ္ဂိုလ်အတွက်"
အခြေခံပုဒ်မ ခုနစ်ခု (အစပထမပုဒ်မခုနစ်ခုပါသောဥပဒေကြမ်းကို)
ရေးဆွဲပြီးစီး၍ - ဆက်လက်ဆောင်ရွက်ရန် ဥပဒေကြမ်းကော်မတီသို့ပေးပို့ကာ ဆက်လက်ရေးဆွဲပြီး လုပ်ထုံးလုပ်နည်းအတိုင်း လွှတ်တော်တွင်အတည်ပြု၍
"နိုင်ငံတော်အတိုင်ပင်ခံပုဂ္ဂိုလ် State Counsellor" ဖြစ်လာလေတော့သည်။
#ဘယ်သူ့လက်ချက်မှန်း ရိပ်မိသိရှိသော -တဖက်အဖွဲ့အစည်းကတော့ အလွန်မုန်း၊
**ဦးကိုနီကား ၄င်းဥပဒေတင်၍ အတည်ပြုသောနေ့တွင် ပျော်ရွှင်မဆုံး၊
**ကျွန်တော့မှာလည်း ညီတော်မောင်အတွက် ဂုဏ်ယူမဆုံး၊
**ပြည်သူလူထုကြီးမှာလည်း သူတို့ခေါင်းဆောင်အတွက် ကျေနပ်မဆုံး ဝမ်းသာမဆုံး တပြုံးပြုံး။
တိုင်းပြည်အတွက်အသက်ပေး၍
-စာအုပ်စိမ်းကြီးကိုပညာဥာဏ်ဖြင့်ဖေါက်ထွက်ပြ
သွားသော ညီတော်မောင်ဦးကိုနီအားအမှတ်ရ၍-
တရားမျှတမှုမရှိသော၂၀၀၈ ခြေ/ဥကိုပြင်နိုင်ရန်-
လူထုရှေ့ဆောင်ပါတီ NLD အား
အင်တိုက်အားတိုက်မဲပေးကြပါ။
ဤမှတ်တမ်းကို -ကျွန်တော်လည်းအသက်ကြီးလာပြီဖြစ်၍-
နောက်ပိုင်း- NLDပါတီဝင်များ- အထူးသဖြင့် NLDသမိုင်း၊ နိုင်ငံ့သမိုင်းတွင်- ဘာသာမတူဒို့ရန်သူဆိုသော စိတ်ထားများကင်းစင်၍-
မြန်မာနိုင်ငံကောင်းကျိုးအတွက် နိုင်ငံသူ/ နိုင်ငံသားကောင်းများအဖြစ် ကြိုးစားကြစေလိုသော ဆန္ဒမှန်ဖြင့်ရေးသားအပ်ပါသည်။)
ညီတော်မောင် ဦးကိုနီအား အမှတ်ရဂုဏ်ပြုလျှက်
လေးစားစွာဖြင့်-
Bio: ဦးတင်အေး (၃၀-၁၀-၂၀၂၀)
( Advocate- စဉ် ၂၈၄၅)
(ဦးကိုနီနှင့်အတူ Laurel Law Firm တည်ထောင်သူ)
( အဖျက်မခံရခင် copy ယူကြပါရန် )
