အာဏာရှင် ဖျက်ဆီးသွားခဲ့သော အရာ

ကျွန်တော်တို့ မြန်မာနိုင်ငံဟာ အာဏာရှင် လက်အောက်မှာနှစ်ပေါင်း ၅ဝကျော်နေခဲ့ရတယ်။ ဒီကနေ့အထိ အာဏာရှင် လက်အောက်က လွတ်မြောက်ပြီလို့ မကြွေးကြော်နိုင်သေးဘူး။ အကြွင်းမဲ့အာဏာရဲ့ အရသာကို ခံတွင်းတွေ့နေဆဲ လူတစ်စု က မြန်မာပြည်ရဲ့ အနာဂတ်နိုင်ငံရေးကို လွှမ်းမိုးခြယ်လှယ်ဖို့ ဖွဲ့စည်းပုံ အခြေခံဥပဒေဆိုတာကြီးကို ဘယ်သူ သဘောတူတူ၊ မတူ တူ ရေးဆွဲထားတယ်။ ပြည်သူတွေ နာဂစ်မုန်တိုင်းကြောင့် မျက်ကလူးဆန်ပြာဖြစ်နေချိန်မှာ မရိုးသားတဲ့နည်းနဲ့ အတည်ပြုခဲ့တယ်။

ခေတ်တိုင်းမှာ အာဏာရှင်စနစ်ရဲ့ ဆိုးရွားမှုကို သိတဲ့လူတွေက အာဏာရှင်တော်လှန်ရေးတွေ လုပ်ခဲ့တယ်။ လူမသိ သူမသိ သမိုင်း မှတ်တမ်း မတင်ခဲ့ရတဲ့ သူရဲကောင်းတွေ အများကြီး ရှိခဲ့တယ်။ ကျဆုံးခဲ့ရတယ်။ ဒီကနေ့ ဒီမိုကရေစီ အရေးတော်ပုံနဲ့ ဆက်စပ်နေ တာကတော့ ၈၈ လူထုအုံကြွ တော်လှန်ရေးပေါ့။ ၈၈ လူထုအုံကြွတော်လှန်ရေးရဲ့ အကျိုးဆက်အဖြစ် ၉ဝ ရွေးကောက်ပွဲ ဖြစ်ခဲ့ပေ မယ့် အာဏာရှင်တွေက လူထုဆန္ဒကို လုံးဝမျက်ကွယ်ပြုပြီး အရပ်သားအစိုးရလက်ထဲကို အာဏာလွှဲမပေးခဲ့ဘူး။ မပေးတဲ့အပြင် ၉ဝ ရွေးကောက်ပွဲမှာ လူထုထောက်ခံမဲ အများဆုံး ရရှိခဲ့တဲ့ အမျိုးသား ဒီမိုကရေစီ အဖွဲ့ချုပ်ကိုတောင် တရားမဝင် ပါတီတစ်ခုအဖြစ် မရောက်ရောက်အောင် အမျိုးမျိုး ကလိမ်ခြုံဇာတ်လမ်းတွေနဲ့ ဖြိုခွဲခဲ့တယ်။

ထင်ရှားတဲ့ ကမ္ဘာသိ ခေါင်းဆောင် ဒေါ်အောင်ဆန်းစုကြည်နဲ့ ၈၈ မျိုးဆက်ကျောင်းသားခေါင်းဆောင်တွေကို မတရား ထိန်းသိမ်း ချုပ်နှောင်ထားမှုကနေ အပြည်ပြည်ဆိုင်ရာရဲ့ စိတ်ဝင်စားမှု ခံခဲ့ရပြီး စီးပွားရေး၊ နိုင်ငံရေး ပိတ်ဆို့မှုတွေ လုပ်ခဲ့လို့ ဆက်လက် ရပ်တည်ဖို့ ခက်လာတဲ့ အာဏာရှင်တွေဟာ ဒေါ်စုနဲ့ ကျောင်း သားခေါင်းဆောင်တွေကို လွှတ်ပေးခဲ့ရတယ်။

ဒေါ်စုကိုလည်း အစိုးရအဖွဲ့မှာ ဟန်ပြထည့်သွင်းပြလိုက်ပြီး ဒီမိုကရေစီစနစ်ဘက်ကို ကူးပြောင်းနေသလို ဟန်ဆောင်ပြလိုက်တဲ့ အတွက် နိုင်ငံတကာရဲ့ စီးပွားရေး၊ နိုင်ငံရေးဆိုင်ရာ ဖိအား တွေ လျော့ပါးလာခဲ့တယ်။

အခုဆိုရင် နိုင်ငံတကာ ရဲ့ ရင်းနှီးမြှုပ်နှံမှုတချို့တောင် ရ နေပြီ။

အခုလို ဒီမိုကရေစီဖြစ်စဉ်ထဲကို အာဏာရှင်တွေ တရွတ်တိုက် ပါလာတာဟာ IT နည်းပညာနဲ့ မီဒီယာလောကသားတွေ ရဲ့ ကျေးဇူးကြောင့်ပါ။ နိုင်ငံရေး အကျဉ်းသားတွေ လွှတ်ပေးတာတို့၊ ၂ဝ၁ဝ ရွေးကောက်ပွဲ လုပ်တာတို့၊ (မအောင်မြင်တဲ့) စားပွဲ ဝိုင်း ဆွေး နွေးမှုတို့ လုပ်တာနဲ့ ပတ်သက်ပြီး ကျွန်တော့်သူငယ်ချင်းတစ်ယောက် က ဝေဖန်ချက်ပေးတယ်။

''စစ်အစိုးရကလည်း တ ဖြည်းဖြည်း သဘောထား ပျော့ ပျောင်းလာပြီဗျ။ ဒီမိုကရေစီဆိုတာကိုလည်း ပြောလာပြီ''

ကျွန်တော်က သူ့ဝေဖန်ချက်ကို ကောက်ချက်တစ်ခုနဲ့ နိဂုံး ချုပ်ပေးခဲ့ပါတယ်။

''ခင်ဗျား လွန်ဆွဲပွဲကြည့်ဖူးတယ် မဟုတ်လား။ နှစ်ဖက်စလုံးက ဘယ်သူမှ အလျှော့ပေးတာ မဟုတ်ကြဘူး။ ကိုယ့်ဘက်ကိုအပါ ဆွဲရင်း ကိုယ့်ထက်အားကြီးလို့ တစ်ဖက်ကို ပါသွားတာ။ ဒီစစ်အစိုးရလည်း ဒရွတ်တိုက် ပါသွားတာပါဗျာ။ လျှော့ပေးတာ မဟုတ် ပါဘူး''

အာဏာရှင်ဆိုတာ ဘယ်တော့မှ သဘောထား မပျော့ ပျောင်းပါဘူး။ အာဏာကို လက် လွှတ်ဖို့ဆိုတာလည်း စိတ်ကူး မရှိ ပါဘူး။ အာဏာရဲ့ အဆိပ်သင့် ခံ ထားရပြီး။ အာဏာအဆိပ်သီးရဲ့ အရသာကိုလည်း စွဲနေကြပါပြီ။ အာဏာလက်မလွှတ်ရရေးနဲ့ ထာ ဝရ တည်တံ့ခိုင်မြဲရေးကိုသာ စိတ် ကူးယဉ်ကြ၊ အိပ်မက်ကြ၊ ရေတို ရေရှည်စီမံကိန်းတွေ ချမှတ်ကြမှာ ပါ။ ဒါကြောင့်လည်း မီဒီယာလော က ထိုးနှက်ချက်ကြောင့် သူတို့ရဲ့ ရပ်တည်မှုဟန်ချက် ပျက်လာတဲ့ အခါ မီဒီယာကို မီဒီယာနဲ့ တိုက် မည်ဆိုတာ မျိုး သွေးရူး သွေး တန်း ထအော်ကြတာပေါ့။

အာဏာရှင်တွေဟာ သူတို့အာဏာ တည်မြဲရေးအတွက် ဘာမဆိုလုပ်ဝံ့ကြပါတယ်။ အာဏာရှင်ဘဝ ရောက်နေတဲ့ လူတစ်ယောက် ဟာ လူလို့ ခေါ်နေရပေမယ့် လူ့ကိုယ်ကျင့်တရားမရှိတဲ့ လူ့နှလုံးသားမရှိတဲ့ သတ္တဝါတစ်မျိုးပါပဲ။ လူသာမန်တွေ မလုပ်ရဲတဲ့ ရက်စက် မှုတွေကိုလည်း ကျူးလွန်ရဲတယ်။ သံသရာခရီးမှာ လူ့အဖြစ် လူ့ဘဝကို ပြန်မရနိုင်တဲ့ ကောက်ကျစ်မှုတွေ၊ ယုတ်မာမှုတွေ မုသာ ဝါဒတွေကိုလည်း ကျူးလွန်ရဲ ကြတယ်။ ဒါကြောင့် သူတို့ကို တစ်ဘဝစံလို့ အမည်ပေးကြတာပေါ့။

အာဏာရှင်တွေ ရက်စက်ယုတ်မာခဲ့တဲ့ လုပ်ရပ်တွေထဲမှာ အဆိုးရွားဆုံးကတော့ တိုင်းသူပြည်သားတွေရဲ့ တွေးခေါ်မြော်မြင် မှုကို ရေသောက်မြစ်ကနေ ဖြတ်တောက်ပစ်ခဲ့တာပါပဲ။ အာဏာရှင်စနစ် တည်မြဲဖို့အတွက် အဓိကလိုအပ်ချက်က တိုင်းသူပြည် သားတွေ အတွေးအခေါ်မဲ့နေဖို့ပဲ။ လူတွေရဲ့ အတွေးအခေါ် မြင့်မားလာတာနဲ့အမျှ အာဏာရှင်စနစ် ယိုင်လဲပြိုကျရမယ်ဆိုတာ သိတယ်။ ဒါကြောင့် စာပေစိစစ်ရေးဆိုတဲ့ စာပေကင်ပေတိုင်အဖွဲ့ကိုဖွဲ့ပြီး အတွေးအခေါ်စာပေတွေကို သတ်ပစ်ခဲ့တယ်။ အတွေး အခေါ် စာပေတွေ ပျောက်ဆုံးသွားတဲ့အခါ ပြည်သူတွေမှာ ကြောင်းကျိုးဆက်စပ် စဉ်းစားနိုင်တဲ့ ဦးနှောက်မရှိတော့ဘူး။ စားမယ်၊ အိပ်မယ်၊ မေထုန် မှီဝဲမယ်၊ ငါ့သား င့ါသမီး ငါ့ဆွေမျိုး သာ အရေးအကြီးဆုံးလို့ သိတဲ့ သတ္တဝါတစ်မျိုးအဖြစ်ကို ရောက်သွားတယ်။

နိုင်ငံရေးစိတ်ဓာတ်ဆိုတာ မသိတော့ဘူး။ အမျိုးသားရေး စိတ်ဓာတ်ဆိုတာ မသိတော့ဘူး။ မသိတော့ စိတ်ဓာတ်လည်း ဖြစ် ပေါ် မလာတော့ဘူး။ အာဏာရှင်တွေ အသံကောင်းဟစ်ခဲ့တဲ့ မျိုးချစ်စိတ်ဓာတ် ရှင်သန်ထက်မြက်ရေး ဆိုတာ ဘူးလုံးနားထွင်းပဲ။ ပြည် သူတွေနဲ့ ဝေးနေတဲ့ ဒဏ္ဍာရီလိုလို၊ ပုံပြင်လိုလို ဖြစ်နေတဲ့ ဘုရင့်နောင်၊ အလောင်းဘုရား၊ ကျန်စစ်သား၊ ဗန္ဓုလဆိုတာတွေနဲ့ ဟန်ပြ လုပ်ကြတယ်။ တကယ်တမ်း ခေတ်သစ်သမိုင်းမှာရှိတဲ့ ပြည်သူ နဲ့လည်း အဆက်အစပ်မဝေးတဲ့ ဗိုလ်အောင်ကျော်တို့လို၊ ဗိုလ်ချုပ်အောင်ဆန်းတို့လို၊ ဦးသန့်တို့လို လက်ရုံးရည်၊ နှလုံးရည် ပြည့်ဝတဲ့ သမိုင်းဝင်ပုဂ္ဂိုလ်တွေကျတော့ သမိုင်းစာမျက်နှာ ကနေ ဖျောက်ထားတယ်။ တကယ်တမ်း မျိုးချစ် စိတ်ဓာတ်ရှိတဲ့ လူတွေ ထွက်ပေါ်လာမှာကို အာဏာရှင်တွေက ကြောက်တယ်။

ဒီကနေ့ အာဏာရှင်တွေရဲ့ လက်မရွံ့ အာဏာသား စာပေကင်ပေတိုင်တွေ ချုပ်ငြိမ်းသွားပြီး စာပေလွတ်လပ်ခွင့်၊ မီဒီယာ လွတ်လပ် ခွင့် ရစပြုလာတဲ့ အချိန်မှာ ကျွန်တော်တို့(မျိုးချစ်စိတ် ဓာတ် ရှိသူတွေ၊ နိုင်ငံ့အရေးကို စိတ်ပါဝင်စားသူတွေ) က အာဏာရှင်တွေ ဖျက်ဆီးခဲ့တဲ့ တိုင်းသူပြည် သားတွေရဲ့စိတ်ဓာတ်ကို ပြန်လည် ပြုပြင်ရမှာပါ။ တိုင်းသူပြည်သား တွေရဲ့ ကြောင်းကျိုးတွေးခေါ်နိုင် စွမ်းမဲ့နေတဲ့ ဦးနှောက်တွေထဲကို  အသိဥာဏ်အလင်းထည့်ပေးရမှာပါ။ ပြည်သူတွေရဲ့ အသိဥာဏ် မမြင့်မားသမျှ ကြောင်းကျိုးဆက် စပ်တွေးခေါ်နိုင်စွမ်း နိမ့်နေသမျှ ဒီမိုကရေစီဖြစ်ထွန်းမှုဟာ နှေးကွေးလေးလံနေဦးမှာပါ။ ပြည်သူပြည် သားတွေဟာ ဒီမိုကရေစီအရေး ကို ရှေ့ဆောင်ရှေ့ရွက် ပြုနေသူတွေ ရဲ့ ကျောထောက်နောက်ခံ (အမာ ခံတပ်သားတွေ) ဖြစ်ပါတယ်။

အာဏာရှင် ဖျက်ဆီးခဲ့တဲ့ အရာကို ဒီကနေ့ ဒီမိုကရေစီ အရေး ဆောင်ရွက်သူတိုင်းက ပြန်လည် တည်ဆောက်ယူရမှာပါ။

အာဏာရှင်စနစ် အကြွင်းမဲ့ချုပ်ငြိမ်းသွားဖို့ဆိုတာက ပြည်သူပြည်သားတွေမှာ တိုင်းပြည် ချစ်စိတ်၊ အမျိုးသားရေး စိတ်ဓာတ်၊ နိုင် ငံရေး စိတ်ဓာတ်တွေ ပြည့်ဝခိုင်မာနေဖို့ လိုပါတယ်။

ဒီကိစ္စဟာ တစ်ဦးတစ်ယောက်၊ တစ်ပါတီ၊ အဖွဲ့အစည်းတစ်ခုတည်းနဲ့ ဆောင်ရွက်လို့ ပြီးမြောက်နိုင်တဲ့ ကိစ္စမဟုတ်သလို တစ်လ နှစ် လ တစ်နှစ် နှစ်နှစ် ဆိုတာမျိုးနဲ့လည်း မပြီးနိုင်ပါဘူး။

တိုင်းပြည်နဲ့ လူမျိုးကို ချစ်ကြတဲ့သူတိုင်းက ညီညီညာညာနဲ့ လက်တွဲပြီး မျိုးဆက်တစ်ဆက်ပြီး တစ်ဆက် ဆောင်ရွက်သွားရမယ့် ကိစ္စ ဖြစ်ပါတယ်။ ကျွန်တော်တို့ မျိုးဆက်တွေကို နိုင်ငံရေးစိတ်ဓာတ်၊ လူမျိုးရေးစိတ်ဓာတ် ရှိလာအောင် ရေးသားကြ၊ ဆွေးနွေး ကြ၊ ဟောပြောကြ၊ လက်တွေ့ကျင့်သုံး ပြကြမယ်ဆိုရင်နောက်အနှစ်နှစ်ဆယ်အကြာမှာ အာဏာရှင်စိတ်ဓာတ် ကင်းစင်တဲ့ မျိုးဆက် တစ်ခုတော့ ပေါ်ပေါက်လာနိုင်ကောင်းရဲ့လို့ မျှော်လင့်မိပါတယ်။        

ဘကံ(http://www.zaygwet.com/vision.php?id=771 )