ကမ္ဘာ့ဘဏ္ဍာရေး အကြပ်အတည်း ပြီးဆုံးချိန်မှ စ၍ အမေရိကန် လေ့လာသုံးသပ် တွက်ချက်သူများကနှစ်စဉ် နှစ်တိုင်း အလားအလာကောင်းတွေကို တွက်ဆကာ နှစ်တစ်နှစ်ကို စလေ့ ရှိကြသည်။ ယခုနှစ်တွင်လည်းထို့အတူပင် ဖြစ်သည်။ စတော့ ရှယ်ယာ ဈေးကွက်၏ အခြေအနေတွေက ခိုင်မာပီပြင်နေသည်။ စားသုံးသူများ၏ယုံကြည် စိတ်ချမှုကလည်း ကောင်းမွန်လာနေပြီး ၂၀၁၄ ခုနစ်တွင် ပိုမို မြင့်မားသော စီးပွားရေးတိုးတက်မှုနှုန်းတွေ ရရှိနိုင်သည်ဟု တွက်ဆနေသည်။ အမေရိကန် စတန်းဒတ် အင် ပူးဝါး(S&P) စာရင်းဝင် ထိပ်တန်း ကုမ္ပဏီ၅၀၀ တို့၏ ရှယ်ယာ အညွှန်းကိန်းသည် ၂၀၁၃ ခုနစ်တွင် ၃၀% တက်ကာ အနှစ်နှစ်ဆယ်အတွင်း နှစ်စဉ်တိုးတက်မှု အမြင့်ဆုံး ရရှိပြီးနောက် စံချိန်သစ် တင်လျှက် ရှိသည်။ အမေရိကန် နိုင်ငံ၏စီးပွားရေး တိုးတက်မှုကြောင့် ကမ္ဘာ့စီးပွားရေးသည်ဝယ်နိုင်စွမ်းအား (PPP) ကို အခြေခံပြီး တွက်လျှင် ၄% ခန့် တိုးတက်မည့် အလားအလာ ရှိသည်။ထို တိုးတက်မှုနှုန်းသည် ၂၀၁၃ ထက် ၁% ပိုမို မြင့်မားပြီး နှစ်ပေါင်းများစွာ အတွင်း အကောင်းဆုံးဖြစ်သည်။
နှစ်သစ်ကူးချိန်တွင်ဝိုင်းဝန်းသြဘာပေးကြသော်လည်း ဘဏ္ဍာရေး အကြပ်အတည်း ဖြစ်ချိန်မှ စ၍ နှစ်စဉ်နှစ်တိုင်း အားရ၀မ်းသာ မျှော်လင့်ချက်တွေ စိတ်ပျက်စရာ ဖြစ်သွားခဲ့ကြသည်ကိုလည်း မေ့ထားရန်မသင့်ပေ။ ယခုနှစ်တွင် အကြီးမားဆုံး အန္တရာယ်မှာ ထိုအကောင်းမြင်မှုကိုယ်တိုင်ပင် ဖြစ်နေသည်။
ကြွယ်ဝချမ်းသာသော နိုင်ငံများ၌ အခြေအနေတွေ ကောင်းမွန်စ ပြုလာသည်။ဗြိတိန်နိုင်ငံတွင် စီးပွားရေး ဦးမော့မှု အရှိန်ရလာနေသည်။ ဂျပန်နိုင်ငံတွင် စားသုံးမှုအခွန်တိုးကောက်ခဲ့သော်လည်း စီးပွားရေး အဆောက်အအုံကို ထိခိုက်ပုံ မရပေ။ ဥရောပ၏ အလားအလာသည်လည်းယခင်ကလောက် စိတ်ပျက် အားလျော့ဖွယ် မဟုတ်ပေ။ သို့သော် စီးပွားရေး အားမော့လာစေရန် အဓိကမောင်းနှင်သူမှာ အမေရိကန်နိုင်ငံ ဖြစ်သည်။
အမေရိကန်နိုင်ငံသည် အခြေခံ ခိုင်ခိုင်မာမာ ရှိကာ စီးပွားရေးတိုးတက်မှု ရနေခြင်း ဖြစ်သည်။ ပထမ အချက် အနေဖြင့် အိမ်ထောင်စုများနှင့် စီးပွားရေး လုပ်ငန်းများ၏လက်ကျန် ရှင်းတမ်း အခြေအနေ ကောင်းမွန်လျှက် ရှိသည်။ ဥရောပတွင် ပုဂ္ဂလိကကြွေးမြီတွေ လျှော့ချခြင်း မပြုနိုင်သေးသော်လည်း အမေရိကန်နိုင်ငံတွင် ဘဏ္ဍာရေး အကြပ်အတည်းကို အတိတ်မှာ ချန်ထားခဲ့ပြီး ဖြစ်သည်။ သာဓကမှာ အိမ်ယာဈေးနှုန်းများပြန်တက်လာခြင်း ဖြစ်သည်။
ဒုတိယအချက် အနေဖြင့် ဈေးသက်သာစွာ လောင်စာ ရယူနိုင်ခြင်း၊ နှစ်ပေါင်းများစွာလုပ်ခနှုန်းများကို ထိန်းချုပ်ထားနိုင်ခြင်းနှင့် အတန်အသင့် တန်ဖိုးကျနေသော ဒေါ်လာတို့ကြောင့်အမေရိကန် နိုင်ငံသည် ပြိုင်ဆိုင်နိုင်စွမ်း ကောင်းမွန်နေသည်။ ထိုအကြောင်းအရာ နှစ်ရပ်ကြောင့်အလုပ်အကိုင် ရရှိမှုနှုန်းထားကို မြန်ဆန်လာစေပြီး ရှယ်ယာဈေးနှုန်းတွေလည်း တက်လာခြင်းကြောင့်စားသုံးသူများ၏ သုံးစွဲမှုနှင့် ရင်းနှီးမြှုပ်နှံမှုတို့ အနာဂတ်တွင် တိုးတက်လာမည့် အလားအလာများကိုတွေ့ကြုံနေရသည်။ နောက်ဆုံးတွင် ဘဏ္ဍာရေး အခက်အခဲ တွေ့နေရသည့် ပြဿနာသည်လည်း လျော့ပါးစ ပြုလာသည်။ ၂၀၁၃ ခုနစ်တွင် ဗဟိုအစိုးရသည် ဂျီဒီပီ၏၁.၇၅%ကို သုံးစွဲခဲ့သည်။ အခွန်တွေတက် အသုံးစရိတ်တွေကို လျှော့ချခဲ့သည်။ မကြာသေးမီကရရှိသော သဘောတူညီချက် အရ ယခုနှစ်တွင် ဂျီဒီပီ၏ ၀.၅% ထိ လျှော့ချနိုင်မည်။ အထက်ပါ အကြောင်းတရားများအားလုံးက ၂၀၁၄ ခုနစ်တွင် အမေရိကန်နိုင်ငံ၏ စီးပွားရေး တိုးတက်မှုကို ယခင် ခန့်မှန်းထားသည်ထက်မြင့်မားကာ ၃% ၀န်းကျင် အထိ တက်သွားစေမည်။
အမေရိကန် အိမ်ထောင်စုများနှင့် စီးပွားရေး လုပ်ငန်းများ၏ အသုံးစရိတ်တိုးမြင့်လာမှုကြောင့် တရုတ်နိုင်ငံမှ အစ ဂျာမနီ အဆုံး ကမ္ဘာအနှံ့တွင်ထုတ်လုပ်သော ကုန်စည်နှင့် ၀န်ဆောင်မှုများ၏ ၀ယ်လိုအား မြင့်မားလာလိမ့်မည်။ ယခင်ကလိုအမေရိကန်တွေက နိုင်ငံခြားဖြစ် ပစ္စည်းတွေကို မက်မက်စက်စက် မရှိတော့။၁၅ နှစ်အတွင်း ပြည်ပငွေပေးငွေယူရှင်းတမ်း သာမန်စာရင်းလိုငွေသည် ဂျီဒီပီ၏ ၂.၂% အထိ ကျဆင်းခဲ့ရာ၁၅ နှစ် အတွင်း အနိမ့်ဆုံး ဖြစ်သည်။ သို့သော်လည်း အမေရိကန်နိုင်ငံ၏ စီးပွားရေး အဆောက်အအုံသည်ကြီးမားလှသည် ဖြစ်ရာ အသုံးစရိတ် မြင့်မားလာခြင်းကြောင့် ကမ္ဘာတစ်ဝှမ်းတွင်ပို့ကုန်များ မြင့်တက်လာစေမည် ဖြစ်သည်။ ထို့ကြောင့် ဥရောပမှ ဂျပန်အထိ ပြည်တွင်းတွင်ယုံကြည်စိတ်ချမှု မြင့်မားလာစေမည်။
ပြဿနာတစ်ခုမှာ အမေရိကန်၏ စီးပွားရေး အဆောက်အအုံကကျန်ကမ္ဘာတစ်ဝှမ်းသို့ ဂယက်ရိုက်ခတ်ရာတွင် ကုန်သွယ်ရေး လမ်းကြောင်းတစ်ခုတည်းမဟုတ်သလို အဓိက လမ်းကြောင်းလည်း မဟုတ်နေခြင်း ဖြစ်သည်။ ယခုအချိန်တွင် ရှယ်ယာဈေးနှုန်းတွေထိုးတက်နေခြင်းကို ကြည့်လျှင် ဘဏ္ဍာရေး ဈေးကွက်များသည် သြဇာကြီးမားကြောင်းတွေ့ရသည်။ အမေရိကန်နိုင်ငံ၏ စီးပွားရေး အင်အား တောင့်တင်းခိုင်မာလာသည်နှင့် အမျှ ရင်းနှီးမြှုပ်နှံသူများကဗဟိုဘဏ်သည် မူလက လျာထားသော ၂၀၁၅ ခုနစ် နှစ်လယ်ထက် စော၍ အတိုးနှုန်းများမြှင့်တင်မည်ဟု တွက်ဆလာဖွယ် ရှိသည်။ ထိုအခါ ငွေချေးစာချုပ်များမှ ရရှိသော အကျိုးအမြတ်လည်းသိသိသာသာ မြင့်မားလာနိုင်သည်။
ဗဟိုဘဏ် အရာရှိများက ငွေချေးစာချုပ်တွေ လိုက်လံဝယ်ယူမှု အရှိန်လျော့သည်တိုင်အတိုးနှုန်းတွေကို အလောသုံးဆယ် မြှင့်တင်ခြင်း ပြုမည် မဟုတ်ဟု ရှင်းရှင်းလင်းလင်း ကျေညာခဲ့ပြီးဖြစ်သည်။ သို့သော်လည်း စီးပွားရေး အဆောက်အအုံ တိုးတက်မှု မြန်ဆန်လာလေ ရင်းနှီးမြှုပ်နှံသူတွေကအတိုးနှုန်းတွေ မြှင့်တော့မည်ဟု ယုံကြည်လေ ဖြစ်လာကြသည်။ ဗြိတိန်တွင် စီးပွားရေး တိုးတက်မှုကြောင့်ဗဟိုဘဏ်က အတိုးနှုန်းတွေ မြှင့်တော့မည်ဟု မျှော်လင့်စရာ ဖြစ်လာသည်။ အမှန်စင်စစ် ဗဟိုဘဏ်ကအတိုးနှုန်း မြှင့်မည် မဟုတ်ဟု ပြောထားပြီး ဖြစ်သည်။ အမေရိကန် နိုင်ငံတွင် စီးပွားရေးတိုးတက်မှုနှုန်း မြန်ဆန်လာခြင်းကြောင့် ငွေချေးစာချုပ်များမှ ရသော အကျိုးအမြတ်တွေ တက်လာလျှင်စီးပွားရေး တိုးတက်မှု အရှိန်အဟုန်ကို ထိပါးနိုင်သည်။ ဗဟိုဘဏ်က ကမ္ဘာ့ငွေရေးကြေးရေး အခြေအနေကို သြဇာလွှမ်းမိုးနိုင်ရာ ကမ္ဘာတစ်ဝှမ်းတွင်စီးပွားရေး တိုးတက်မှုတွေ နှေးကွေးသွားစေနိုင်သည်။
ပို၍ သိမ်မွေ့ပြီး ပို၍အန္တရာယ်ကြီးသော ကိစ္စတစ်ခုမှာ စိတ်အေးလက်အေးဖြစ်သွားမည့် အန္တရာယ် ဖြစ်သည်။ နိုင်ငံရေးသမားတွေက ခက်ခဲသော ပြုပြင်ပြောင်းလဲမှုတွေလုပ်ရန်ထက် စီးပွားရေး တိုးတက်မှု အတွက် အမှတ်ဝင်ယူရန် ပို၍ စိတ်အားထက်သန်တတ်ကြသည်။ မကြာမီက ဥရောပတွင် စီးပွားရေး အခြေအနေနှင့် ပတ်သက်သည့် သတင်းကောင်းတွေ ထွက်ပေါ်လာပြီးနောက်ဘဏ်လုပ်ငန်း သမဂ္ဂ တည်ထောင်ရေး အစီအစဉ်များ နောက်ဆုတ်သွားခဲ့သည်။ချမ်းသာကြွယ်ဝသော နိုင်ငံများတွင် လုပ်စရာတွေက များပြားလှရာ အချို့အလုပ်တွေကို နောက်ပို့ပစ်တတ်ကြသည်။ အမေရိကန်နိုင်ငံတွင် နှစ်ရှည်လများ လူပေါင်းများစွာ အလုပ်လက်မဲ့ ဖြစ်နေသည့် ပြဿနာနှင့် မသန်စွမ်း ထောက်ပံ့ကြေး တိုးပွားလာသည့် ပြဿနာများကိုလည်းဖြေရှင်းရန် ရှိနေသေးသည်။
ဗြိတိန်သည် အိမ်ယာစီမံကိန်း စည်းမျဉ်း စည်းကမ်းများကို လျှော့ချခြင်းမပြု၊ လေဆိပ်၊ လမ်းနှင့် အခြား အခြေခံ အဆောက်အအုံများတွင် ပို၍ ရင်းနှီးမြှုပ်နှံမှုမပြုလုပ်ကြလျှင် အိမ်ဈေးနှုန်းတွေ တက်နေခြင်းကို အားကိုးအားထား ပြုနေရမည် ဖြစ်သည်။
ယူရိုဇုန်သည် ပုဂ္ဂလိက ကြွေးမြီတွေကို လျော့ချခြင်းမပြုနိုင်၊ လူငယ်တွေကို အလုပ်ခွင်ထဲ ဆွဲမသွင်းနိုင်သေးလျှင် အမှန်တကယ် ကြွယ်ဝချမ်းသာမှုကိုမရရှိနိုင်။
အလွန်အမင်း အားရ၀မ်းသာ ဖြစ်နေလျှင် အထက်ပါ အချက်များကို ထည့်သွင်းစဉ်းစားရပါမည်။
ခင်မောင်ညို (ဘောဂဗေဒ)==>>( khitlunge )
