တပ်ကြပ်ကြီးမိုးဇော်ဦးပါ

သို့
စာတည်းအဖွဲ့
ဒီမိုကရေစီသစ်ဂျာနယ်

ကျွန်တော်က တပ်ကြပ်ကြီး မိုးဇော်ဦးပါ။ ကိုယ်ပိုင်နံပါတ်နဲ့ တပ်လိပ်စာကို အတိအကျ ထည့်ပေးလိုက်ပါတယ်။ လိုအပ်ရင် သုံးနိုင်ပါတယ်။ ဒီစာရေးလို့ တပ်က ထုတ်မယ် ထောင်ချမယ်ဆိုလည်း ကျေးဇူးတောင် တင်ပါသေးတယ်။ ကျွန်တော့်အဖို့ကတော့ တပ်ကထွက်ရေးသည် ပထမ တပ်ကထွက်ရေးသည် ဒုတိယဖြစ်နေပါပြီ။

ကျွန်တော် တပ်ထဲကိုရောက်နေတာ စစ်မှုထမ်းသက် (၂၃) နှစ်ရှိပါပြီ။ မိသားစု (၄)ယောက်ရှိပါတယ်။ အမျိုးသမီးကတော့ အိမ်သူသက်သက်ပါ။ ကျွန်တော့်လစာက ၂သိန်းကျော်ပါ။ ကလေးနှစ်ယောက်ရှိပြီး အကြီးသမီးက ဒီနှစ် ဆယ်တန်းအောင်ထားပါတယ်။ သားငယ်ကတော့ ခြောက်တန်းပါ။

ကွန်တော်က စစ်သားဖြစ်ချင်လွန်းလို့ မိဘတွေကို လွန်ဆန်ပြီး တပ်ထဲ ဝင်ခဲ့တာပါ။ တကယ့်တပ်သားဘဝကနေ စပြီး ဖြတ်သန်းခဲ့ချိန်မှာတော့ ကျနော်တွေးထင်ထားသလို မဟုတ်ဘဲ ဘဝတစ်လျှောက်လုံးဟာ တပ်ရင်းမှူး၊ ဗျူဟာမှူး၊ တိုင်းမှူးနဲ့ ဗိုလ်ချုပ်ကြီးတွေရဲ့ အစေအပါးဘဝနဲ့ ကျွန်ဖြစ်ခဲ့ရတာပါလားလို့ သဘောပေါက်ခဲ့ရပါတယ်။ သူတို့ ကိုယ်ကျိုးရှာ စီးပွားဖြစ်ရေးမှာ ကျွန်တော်တို့အခြားအဆင့်တွေဟာ အသုံးချခံနေရမှန်း သိလာရပါတယ်။

စစ်တပ်မှာ ဥပဒေ နည်းဥပဒေတွေနဲ့အညီ တရားဝင်နှုတ်ထွက်ခွင့် ရှိပါတယ်။ ဒါပေမဲ့ လက်တွေ့မှာ ဒီဥပဒေတွေက အသက်မဝင်ပါ။ စစ်တပ်ရဲ့ နှုတ်ထွက်ခွင့်ဆိုတာ တပည့်လက်သားအပေါ် အရေးမယူချင်တဲ့အခါ အမှုမှကင်းလွတ်ခွင့်ပြုလိုက်သည်ဆိုတဲ့ အဓိပ္ပါယ်နဲ့သုံးတဲ့ ဥပဒေပါ။ ဒါက ဗိုလ်ချုပ်တွေအတွက်ပါ။ ရဲဘော်တွေအတွက် မဟုတ်ဘူး။

တပ်ကနှုတ်ထွက်ခွင့် လျှောက်လွှာ တစောင်ဟာ တပ်ရေးအရာခံဗိုလ်/ရုံးအုပ်၊ တပ်ရေးဗိုလ်ကြီးတို့ကနေ ဒုတပ်ရင်းမှူး ၊ တပ်ရင်းမှူး၊ ဗျူဟာမှူး အဆင့်ဆင့်ကို ဖြတ်ပြီး ဌာနချုပ်တပ်ခွဲမှူး၊ ဌာနချုပ်စခန်းမှူးတွေကိုဖြတ်ရတယ်။ ဒီကတဆင့် ရဲဘော်တယောက်ကို နှုတ်ထွက်ခွင့်ပေးနိုင်တဲ့ အာဏာရှိတဲ့ တိုင်းမှူး ညွှန်မှူးအဆင့်အထိ တင်ရတာပါ။ ရဲဘော်တယောက်ဟာ ဒီအဆင့်တွေက မက်လောက်တဲ့ လာဘ်လာဘ ချောဆီထိုးဖို့ဆိုတာ ဘယ်လိုမှ မဖြစ်နိုင်ပါဘူး။ သူတို့က သိန်းထောင်ဂဏန်းအောက် ပိုက်ဆံကို ငွေလို့ မထင်ဘူး။ ဒီတော့ ကျွန်တော်တို့ရဲ့ နှုတ်ထွက်ခွင့် လျှောက်လွှာဟာ တပ်ရင်းရုံးအပြင်ဘက် ရောက်ဖို့တောင် မလွယ်ပါဘူး။

တပ်ထဲမှာ အခြေအနေတွေက အရမ်းဆိုးနေတာပါ။ ကျွန်တော်တို့ ရှေ့တန်းထွက်တဲ့အခါမျိုးမှာ ကျနော်တို့ရတဲ့ ရတဲ့ ရိက္ခာ၊ အသုံးအဆောင်တွေဟာ နောက်မှာကျန်ခဲ့တဲ့ မိသားစုလိုအပ်တာ သုံးဖို့အတွက် ရောင်းချခဲ့ရပါတယ်။ အဲဒီလိုမှ မရောင်းချခဲ့ဖူးဆိုရင် နောက်မှာ ကျန်ခဲ့တဲ့ ကျနော်တို့မိသားစုတွေဟာ ငတ်ပြီးကျန်ခဲ့ရမှာပါ။ ရှေ့တန်းမှာလည်း တသွေးတသံတမိန့်ဆိုတဲ့ မတရားတဲ့အမိန့်တွေနဲ့ ကျနော်တို့ရဲ့ အသက်တွေဟာ လူမသိ၊ သူမသိ သေဆုံးနေရပါတယ်။

စစ်တိုက်ထွက်တဲ့အခါမှာ ဖြစ်သလိုကျော်ဖြတ်ကြရတယ်။ ရုပ်ရှင်ဇာတ်ကားတွေထဲကလို သန့်ပြန့်ပြီး စစ်တိုက်ထွက်ရတာမဟုတ်ပါဘူး။ ငှက်ပျောအူစား၊ ငှက်ပျောပင်စည်ရေသောက် လူတယောက်ရယ်လို့ တခါမှ မတွေးဖူးထားတဲ့ အဖြစ်မျိုးနဲ့ နေထိုင်ခဲ့ရတယ်။ ပထမဆုံးအတွေ့အကြုံတုန်းကဆိုရင် တော်တော်လေး ခံလိုက်ရတာ။ နောက်တော့လဲ အသားကျသွားခဲ့ပါတယ်။ အဲ့လိုမှ အသားမကျရင်လည်း သေဖို့ပဲ ရှိတာမဟုတ်လား။

ခင်ဗျားတို့တော့ ကြားဖူးမလားမသိဘူး။ ဟန်ဆောင်စစ်တိုက်ရတယ်ဆိုတာလည်း ရှိသေးတယ်။ ကျွန်တော်ကတော့ လက်တွေ့ကြုံခဲ့ရဖူးပါတယ်။ တခါက ကရင်ပြည်နယ်ဘက် စစ်ဆင်ရေးတခုမှာ ရန်သူနဲ့ ကျွန်တော်တို့ တိုက်ပွဲကြီးတခုဖြစ်ခဲ့တယ်။ မကြာပါဘူး တိုက်ပွဲက ရပ်သွားတယ်။ ဘာလိုရပ်လဲဆိုတော့ ရန်သူဘက်က ကျည်မရှိတော့လို့တဲ့။ အဲဒါ ကျွန်တော်တို့ဆီကို ရန်သူဘက်က လာပြီး ကျည်ဝယ်ပါတယ်။ ကျွန်တော်တို့ တပ်မမှူးကလဲ ရောင်းလိုက်တယ်။ ပြီးတော့ တိုက်ပွဲဆက်ဖြစ်တယ်။ ထူးဆန်းတယ်မဟုတ်လား။ ဘာကြောင့် အဲ့လိုတွေဖြစ်နေရတာလဲ ။

စစ်တပ်ဟာ ကာကွယ်ရေးအတွက် ဘတ်ဂျက်တွေ ရဖို့ဆိုရင် စစ်ဖြစ်နေမှ ရမှာမဟုတ်ဘူးလား ။ အဲ့ဒီတော့ စစ်မဖြစ်ဖြစ်အောင် ဖန်တီးရတယ်။ ကျနော်တို့ အောက်ခြေစစ်သားတွေရဲ့ ဘဝကတော့ ပေဖြစ်နေတော့ ခံနေရတဲ့ သဘောပါပဲ။ သူတို့အကျိုးစီးပွားအတွက် အမြဲတမ်းခံနေရပြီး သေဆိုလဲ သေရမယ့် ဘဝတွေပါ။ တိုက်ပွဲမှာကျဆုံးသွားရင်လဲ ထောက်ပံ့ကြေး ငါးသိန်းလောက်ရပြီး မိသားစုကတော့ ခိုကိုးရာမဲ့ ဘဝ ဖြစ်သွားမှာပါ။

ရှေ့တန်းထွက်ချိန်မှာ ကြုံတွေ့ခဲ့တာ ပြောပြီးပြီဆိုတော့ တပ်ရင်းကို ပြန်ရောက်ချိန်မှာလဲ ကျွန်တော်တို့ ဘာလုပ်ရသလဲဆိုတာ သိချင်မှာပဲလို့ ယူဆလို့ ထပ်ပြောပါ့မယ်။
တပ်ထဲကို ဝင်မိပြီဆိုတာနဲ့ တပ်စည်းကမ်းတွေကို မဖြစ်မနေ နာခံရပါတယ်။ ၂၄နာရီအချိန်ပြည့် တာဝန်ထမ်းဆောင်ရတယ်။ ရုံးဆင်းချိန် ရုံးပိတ်ချိန် အိပ်ချိန်ဆိုတာ မရှိဘူး။ တကယ်တော့ အလုပ်က နောက်တန်းမှာ ဘာမှ လုပ်စရာမရှိဘူး။ဒါပေမဲ့ အလုပ်မရှိလို့ နားနေဖို့ မစဉ်စားနဲ့။ လူကို အအား မထားပါဘူး။ တပ်ရန်ပုံငွေအတွက်ဆိုပြီး တပ်ရင်း ဝက်ခြံ ၊ ကြက်ခြံ ၊ စိုက်ပျိုးခင်းတွေမှာ လုပ်အားပေးရတယ်။ ဘယ်မလဲ Standard Army ဆိုတာ။ ရဲဘော်တွေကို အားလပ်ရက်ပေးရင် မြို့ထဲရွာထဲ ထွက်ပြီး ပြဿနာ ရှာတတ်တယ်လို့ သူတို့က ယူဆတယ်။ ဒါကြောင့် အနားမပေးဘဲ လူကို နွားလို ခိုင်းနေတာ။။ တကယ့်လက်တွေ့မှာတော့ ကြက်ဥကောက်၊ ကြက်ချေးကျုံး ၊ နွားကျောင်း ၊ နွားချေးကျုံး ၊ လယ်ထဲဆင်းနဲ့ ဘယ်လောက်ရင်နာဖို့ကောင်းလိုက်သလဲ။ တကယ့်တော့ ရင်တောင် ကောင်းကောင်းမနာဝံ့ပါဘူး။ အမိန့်ဆိုတော့လဲ လွန်ဆန်လို့မှ မရတာ။ မိသားစုသက်သာချောင်ချိရေးဆိုတဲ့ ခေါင်းစဉ်အောက်မှာ အမြတ်မပေါ်တဲ့အလုပ်တွေထဲကို ရဲဘော်တွေရဲ့ ဘဝတွေပါ မြှပ်နှံထားလိုက်ရတယ်။

စစ်တပ်ပိုင် မြန်မာစီးပွားရေး ဦးပိုင်လီမီတက်တို့ ကော်ပိုရေးရှင်းတို့ အောက်က စက်ရုံတွေ၊ စီမံကိန်းတွေ ၊ အဆောက်အဦတွေဆိုတာလည်း ကျွန်တော်တို့နဲ့ မဆိုင်တဲ့အရာတွေပါ။ တခါတခါ သူတို့တွေက ငါတို့တပ်မတော်ကြီးက ချမ်းသာနေတာဆိုပြီး ဝါးလုံးချီးသုတ်ရမ်းပြီး စွပ်ပြောကြတယ်။ တကယ်တော့ တပ်ကြီးချမ်းသာတဲ့အထဲမှာ ကျွန်တော်တို့ အခြားအဆင့်တွေ မပါဘူး။ ကျွန်တော်တို့ အခြားအဆင့်ရဲဘော်တွေက စုတ်ပြတ်သတ်နေအောင် ဆင်းရဲကြပါတယ်။ မိန်းမအတွက် ရွှေမရှိ၊ ငွေပိုငွေလျှံမရှိ။ သားသမီးတွေကို တပ်ကကျောင်းကားနဲ့ ကျောင်းပို့ နေရတာပါ။ တပ်က သက်ပြည့်ပင်စင်နဲ့ ထွက်ရရင်တောင် စားဝတ်နေရေးအတွက် ဘာမှ အခြေတကျမဖြစ်ပါဘူး။ ရတဲ့ သက်ပြည့်ပင်စင်လေးနဲ့ ဆိုင်ကယ်လေး တစီးဝယ်ပြီး ကယ်ရီဆွဲဖို့လောက်ပဲ အနိုင်နိုင်စဉ်းစားနေရတာပါ။ ဒါတောင် အကြွေးမကင်းသူဆိုရင် တပ်ကထွက်ရင် လက်ဗလာပါ။

ဗိုလ်ချုပ်ကြီးတွေရဲ့မိသားစုဝင်တွေကတော့ ကမ္ဘာကျော်အမှတ်တံဆိပ် အသုံးအဆောင် အမျိုးမျိုးတွေ ထည်လဲသုံးနေကြတာလည်း ကျွန်တော်တို့ တွေ့မြင်နေရပါတယ်။ ကျွန်တော်တို့မှာတော့ ဦးပိုင်ကြေးဆိုပြီး သွင်းရတဲ့ တလ ငါးထောင်ဆိုတာ ထည့်ဖို့တောင် အနိုင်နိုင်ရယ်ပါ။ တခါတလေကျရင် စဉ်းစားမိတယ်။ ဦးပိုင်လီမိတက်ရဲ့ စီးပွားရေးတွေဟာ အောင်မြင်နေတယ်လို့ ပြောကြတယ်။ တကယ်လည်း ဗိုလ်ချုပ်ကြီးတွေက ချမ်းသာနေကြတယ်။ ကျွန်တော်တို့ ပေးသွင်းလိုက်တဲ့ လစာထဲက ဦးပိုင်ကြေးတွေက ဘယ်ကိုရောက်လို့ ရောက်မှန်းမသိပါဘူး။ ကျွန်တော်တို့လည်း အကျိုးမခံစားရပါဘူး။ ဒါကြောင့် အောက်ခြေစစ်သားတွေက မချမ်းသာပါဘူး။ ရတဲ့ လခ မစို့မပို့လေးတွေနဲ့ မိသားစု မငတ်အောင် အနိုင်နိုင်ရပ်တည်နေရတာပါ။

ဒီတော့ ရဲဘော်တွေ တပ်ကထွက်ပြေးတာ ဆန်းသလား။ ဟိုတလောကပဲ မြစ်ကြီးနားဘက်မှာ စစ်မတိုက်ချင်လို့ ထောင်အကျခံကြမယ့် စစ်ဗိုလ် ၁၁ယောက် သတင်းလည်း ကြားမိကြမှာပါ။ ရခိုင်စစ်မျက်နှာကို ရှောင်ကြတဲ့ သရေစည်သူ သီဟသူရ သတိုးသီရိသုဓမ္မကလေးတွေပေါ့။ သူတို့လည်း ဗိုလ်ချုပ်ချမ်းသာတွေအတွက် အသက်ဘယ်ပေးချင်ပါ့မလဲ။

အယ်ဒီတာအဖွဲ့ဆီကို အပိုင်း(၂)ဆက်ရေးပါဦးမယ် ။ အဲ့အပိုင်းကျရင် အသက်အာမခံကြေးဆိုပြီး မဖြစ်မနေ ပေးသွင်းနေရတာတွေ၊ စစ်မှုထမ်းဟောင်းတွေရဲ့ဘဝအကြောင်းတွေ၊ တပ်သားသစ်တွေကို ဘယ်လိုစုဆောင်းနေရတယ်၊ တပ်မတော်က ထွက်ဖို့ ဘယ်လောက်ခက်ခဲသလဲဆိုတာ ထည့်ရေးပါမယ်။

စစ်သားဆိုပေမဲ့ ပြည်သူကို မသတ်ဝံ့ပါ။
ကံကြီးထိုက်မှာ ကြောက်ပါတယ်။

#မိုးဇော်ဦး

အပိုင်း(၂)အား ဖတ်ရှုရန်

https://www.facebook.com/1010432835827999/posts/1084726951731920/
sya